| Library / Tipiṭaka / ਤਿਪਿਟਕ • Tipiṭaka / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi |
੮. ਕਣ੍ਡੁਪਟਿਚ੍ਛਾਦਿਸਿਕ੍ਖਾਪਦਂ
8. Kaṇḍupaṭicchādisikkhāpadaṃ
੫੩੭. ਅਟ੍ਠਮੇ ‘‘ਕਤ੍ਥਾ’’ਤਿਆਦੀਨਿ વੁਤ੍ਤਨਯਾਨੇવ।
537. Aṭṭhame ‘‘katthā’’tiādīni vuttanayāneva.
੫੩੯. ‘‘ਯਸ੍ਸਾ’’ਤਿ ਪਦਸ੍ਸ વਿਸਯਂ ਦਸ੍ਸੇਤੁਂ વੁਤ੍ਤਂ ‘‘ਭਿਕ੍ਖੁਨੋ’’ਤਿ। ‘‘ਨਾਭਿਯਾ ਹੇਟ੍ਠਾ’’ਤਿ ਇਮਿਨਾ ਨਾਭਿਯਾ ਅਧੋ ਅਧੋਨਾਭੀਤਿ વਚਨਤ੍ਥਂ ਦਸ੍ਸੇਤਿ, ‘‘ਜਾਣੁਮਣ੍ਡਲਾਨਂ ਉਪਰੀ’’ਤਿ ਇਮਿਨਾ ਜਾਣੁਮਣ੍ਡਲਾਨਂ ਉਬ੍ਭ ਉਬ੍ਭਜਾਣੁਮਣ੍ਡਲਨ੍ਤਿ। ਉਬ੍ਭਸਦ੍ਦੋ ਹਿ ਉਪਰਿਪਰਿਯਾਯੋ ਸਤ੍ਤਮ੍ਯਨ੍ਤਨਿਪਾਤੋ। ਕਣ੍ਡੁਖਜ੍ਜੁਸਦ੍ਦਾਨਂ વੇવਚਨਤ੍ਤਾ વੁਤ੍ਤਂ ‘‘ਕਣ੍ਡੂਤਿ ਖਜ੍ਜੂ’’ਤਿ। ਕਣ੍ਡਤਿ ਭੇਦਨਂ ਕਰੋਤੀਤਿ ਕਣ੍ਡੁ। ਖਜ੍ਜਤਿ ਬ੍ਯਧਨਂ ਕਰੋਤੀਤਿ ਖਜ੍ਜੁ। ਕੇਸੁਚਿ ਪੋਤ੍ਥਕੇਸੁ ‘‘ਕਚ੍ਛੂ’’ਤਿ ਪਾਠੋ ਅਤ੍ਥਿ, ਸੋ ਅਯੁਤ੍ਤੋ।
539. ‘‘Yassā’’ti padassa visayaṃ dassetuṃ vuttaṃ ‘‘bhikkhuno’’ti. ‘‘Nābhiyā heṭṭhā’’ti iminā nābhiyā adho adhonābhīti vacanatthaṃ dasseti, ‘‘jāṇumaṇḍalānaṃ uparī’’ti iminā jāṇumaṇḍalānaṃ ubbha ubbhajāṇumaṇḍalanti. Ubbhasaddo hi uparipariyāyo sattamyantanipāto. Kaṇḍukhajjusaddānaṃ vevacanattā vuttaṃ ‘‘kaṇḍūti khajjū’’ti. Kaṇḍati bhedanaṃ karotīti kaṇḍu. Khajjati byadhanaṃ karotīti khajju. Kesuci potthakesu ‘‘kacchū’’ti pāṭho atthi, so ayutto.
ਲੋਹਿਤਂ ਤੁਣ੍ਡਂ ਏਤਿਸ੍ਸਾਤਿ ਲੋਹਿਤਤੁਣ੍ਡਿਕਾ। ਪਿਲ਼ਯਤਿ વਿਬਾਧਯਤੀਤਿ ਪਿਲ਼ਕਾ। ਆ ਭੁਸੋ ਅਸੁਚਿਂ ਸવਤਿ ਪਗ੍ਘਰਾਪੇਤੀਤਿ ਅਸ੍ਸਾવੋਤਿ વਚਨਤ੍ਥਂ ਦਸ੍ਸੇਨ੍ਤੋ ਆਹ ‘‘ਅਸੁਚਿਪਗ੍ਘਰਣ’’ਨ੍ਤਿ। ਅਰਿਸਞ੍ਚ ਭਗਨ੍ਦਰਾ ਚ ਮਧੁਮੇਹੋ ਚ। ਆਦਿਸਦ੍ਦੇਨ ਦੁਨ੍ਨਾਮਕਾਦਯੋ ਸਙ੍ਗਣ੍ਹਾਤਿ। ਤਤ੍ਥ ਅਰਿ વਿਯ ਈਸਤਿ ਅਭਿਭવਤੀਤਿ ਅਰਿਸਂ। ਭਗਂ વੁਚ੍ਚਤਿ વਚ੍ਚਮਗ੍ਗਂ, ਤਂ ਦਰਤਿ ਫਾਲੇਤੀਤਿ ਭਗਨ੍ਦਰਾ, ਗੂਥਸਮੀਪੇ ਜਾਤੋ વਣવਿਸੇਸੋ। ਮਧੁ વਿਯ ਮੁਤ੍ਤਾਦਿਂ ਮਿਹਤਿ ਸੇਚਤੀਤਿ ਮਧੁਮੇਹੋ, ਸੋ ਆਬਾਧੋ ਮੁਤ੍ਤਮੇਹੋ ਸੁਕ੍ਕਮੇਹੋ ਰਤ੍ਤਮੇਹੋਤਿ ਅਨੇਕવਿਧੋ। ਥੁਲ੍ਲਸਦ੍ਦੋ ਮਹਨ੍ਤਪਰਿਯਾਯੋਤਿ ਆਹ ‘‘ਮਹਾ’’ਤਿ। ਅਟ੍ਠਮਂ।
Lohitaṃ tuṇḍaṃ etissāti lohitatuṇḍikā. Piḷayati vibādhayatīti piḷakā. Ā bhuso asuciṃ savati paggharāpetīti assāvoti vacanatthaṃ dassento āha ‘‘asucipaggharaṇa’’nti. Arisañca bhagandarā ca madhumeho ca. Ādisaddena dunnāmakādayo saṅgaṇhāti. Tattha ari viya īsati abhibhavatīti arisaṃ. Bhagaṃ vuccati vaccamaggaṃ, taṃ darati phāletīti bhagandarā, gūthasamīpe jāto vaṇaviseso. Madhu viya muttādiṃ mihati secatīti madhumeho, so ābādho muttameho sukkameho rattamehoti anekavidho. Thullasaddo mahantapariyāyoti āha ‘‘mahā’’ti. Aṭṭhamaṃ.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਮਹਾવਿਭਙ੍ਗ • Mahāvibhaṅga / ੯. ਰਤਨવਗ੍ਗੋ • 9. Ratanavaggo
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਮਹਾવਿਭਙ੍ਗ-ਅਟ੍ਠਕਥਾ • Mahāvibhaṅga-aṭṭhakathā / ੮. ਕਣ੍ਡੁਪਟਿਚ੍ਛਾਦਿਸਿਕ੍ਖਾਪਦવਣ੍ਣਨਾ • 8. Kaṇḍupaṭicchādisikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ੭. ਨਿਸੀਦਨਸਿਕ੍ਖਾਪਦવਣ੍ਣਨਾ • 7. Nisīdanasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ੮. ਕਣ੍ਡੁਪਟਿਚ੍ਛਾਦਿਸਿਕ੍ਖਾਪਦવਣ੍ਣਨਾ • 8. Kaṇḍupaṭicchādisikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ੭. ਨਿਸੀਦਨਸਿਕ੍ਖਾਪਦવਣ੍ਣਨਾ • 7. Nisīdanasikkhāpadavaṇṇanā
