| Library / Tipiṭaka / তিপিটক • Tipiṭaka / মহাৰিভঙ্গ-অট্ঠকথা • Mahāvibhaṅga-aṭṭhakathā |
৮. কণ্ডুপটিচ্ছাদিসিক্খাপদৰণ্ণনা
8. Kaṇḍupaṭicchādisikkhāpadavaṇṇanā
৫৩৭. অট্ঠমে – কণ্ডুপটিচ্ছাদি অনুঞ্ঞাতা হোতীতি কত্থ অনুঞ্ঞাতা? চীৰরক্খন্ধকে বেলট্ঠসীসৰত্থুস্মিং। ৰুত্তঞ্হি তত্থ – ‘‘অনুজানামি, ভিক্খৰে, যস্স কণ্ডু ৰা পিল়কা ৰা অস্সাৰো ৰা থুল্লকচ্ছু ৰা আবাধো তস্স কণ্ডুপটিচ্ছাদি’’ন্তি (মহাৰ॰ ৩৫৪)।
537. Aṭṭhame – kaṇḍupaṭicchādi anuññātā hotīti kattha anuññātā? Cīvarakkhandhake belaṭṭhasīsavatthusmiṃ. Vuttañhi tattha – ‘‘anujānāmi, bhikkhave, yassa kaṇḍu vā piḷakā vā assāvo vā thullakacchu vā ābādho tassa kaṇḍupaṭicchādi’’nti (mahāva. 354).
৫৩৯. যস্স অধোনাভি উব্ভজাণুমণ্ডলন্তি যস্স ভিক্খুনো নাভিযা হেট্ঠা জাণুমণ্ডলানং উপরি। কণ্ডূতি কচ্ছু। পিল়কাতি লোহিততুণ্ডিকা সুখুমপিল়কা। অস্সাৰোতি অরিসভগন্দরমধুমেহাদীনং ৰসেন অসুচিপগ্ঘরণকং। থুল্লকচ্ছু ৰা আবাধোতি মহাপিল়কাবাধো ৰুচ্চতি। সেসমেত্থ উত্তানমেৰ। ছসমুট্ঠানং।
539.Yassa adhonābhi ubbhajāṇumaṇḍalanti yassa bhikkhuno nābhiyā heṭṭhā jāṇumaṇḍalānaṃ upari. Kaṇḍūti kacchu. Piḷakāti lohitatuṇḍikā sukhumapiḷakā. Assāvoti arisabhagandaramadhumehādīnaṃ vasena asucipaggharaṇakaṃ. Thullakacchu vā ābādhoti mahāpiḷakābādho vuccati. Sesamettha uttānameva. Chasamuṭṭhānaṃ.
কণ্ডুপটিচ্ছাদিসিক্খাপদং অট্ঠমং।
Kaṇḍupaṭicchādisikkhāpadaṃ aṭṭhamaṃ.
Related texts:
তিপিটক (মূল) • Tipiṭaka (Mūla) / ৰিনযপিটক • Vinayapiṭaka / মহাৰিভঙ্গ • Mahāvibhaṅga / ৯. রতনৰগ্গো • 9. Ratanavaggo
টীকা • Tīkā / ৰিনযপিটক (টীকা) • Vinayapiṭaka (ṭīkā) / সারত্থদীপনী-টীকা • Sāratthadīpanī-ṭīkā / ৭. নিসীদনসিক্খাপদৰণ্ণনা • 7. Nisīdanasikkhāpadavaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰজিরবুদ্ধি-টীকা • Vajirabuddhi-ṭīkā / ৮. কণ্ডুপটিচ্ছাদিসিক্খাপদৰণ্ণনা • 8. Kaṇḍupaṭicchādisikkhāpadavaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰিমতিৰিনোদনী-টীকা • Vimativinodanī-ṭīkā / ৭. নিসীদনসিক্খাপদৰণ্ণনা • 7. Nisīdanasikkhāpadavaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / পাচিত্যাদিযোজনাপাল়ি • Pācityādiyojanāpāḷi / ৮. কণ্ডুপটিচ্ছাদিসিক্খাপদং • 8. Kaṇḍupaṭicchādisikkhāpadaṃ
