| Library / Tipiṭaka / तिपिटक • Tipiṭaka / महाविभङ्ग-अट्ठकथा • Mahāvibhaṅga-aṭṭhakathā |
८. कण्डुपटिच्छादिसिक्खापदवण्णना
8. Kaṇḍupaṭicchādisikkhāpadavaṇṇanā
५३७. अट्ठमे – कण्डुपटिच्छादि अनुञ्ञाता होतीति कत्थ अनुञ्ञाता? चीवरक्खन्धके बेलट्ठसीसवत्थुस्मिं। वुत्तञ्हि तत्थ – ‘‘अनुजानामि, भिक्खवे, यस्स कण्डु वा पिळका वा अस्सावो वा थुल्लकच्छु वा आबाधो तस्स कण्डुपटिच्छादि’’न्ति (महाव॰ ३५४)।
537. Aṭṭhame – kaṇḍupaṭicchādi anuññātā hotīti kattha anuññātā? Cīvarakkhandhake belaṭṭhasīsavatthusmiṃ. Vuttañhi tattha – ‘‘anujānāmi, bhikkhave, yassa kaṇḍu vā piḷakā vā assāvo vā thullakacchu vā ābādho tassa kaṇḍupaṭicchādi’’nti (mahāva. 354).
५३९. यस्स अधोनाभि उब्भजाणुमण्डलन्ति यस्स भिक्खुनो नाभिया हेट्ठा जाणुमण्डलानं उपरि। कण्डूति कच्छु। पिळकाति लोहिततुण्डिका सुखुमपिळका। अस्सावोति अरिसभगन्दरमधुमेहादीनं वसेन असुचिपग्घरणकं। थुल्लकच्छु वा आबाधोति महापिळकाबाधो वुच्चति। सेसमेत्थ उत्तानमेव। छसमुट्ठानं।
539.Yassa adhonābhi ubbhajāṇumaṇḍalanti yassa bhikkhuno nābhiyā heṭṭhā jāṇumaṇḍalānaṃ upari. Kaṇḍūti kacchu. Piḷakāti lohitatuṇḍikā sukhumapiḷakā. Assāvoti arisabhagandaramadhumehādīnaṃ vasena asucipaggharaṇakaṃ. Thullakacchu vā ābādhoti mahāpiḷakābādho vuccati. Sesamettha uttānameva. Chasamuṭṭhānaṃ.
कण्डुपटिच्छादिसिक्खापदं अट्ठमं।
Kaṇḍupaṭicchādisikkhāpadaṃ aṭṭhamaṃ.
Related texts:
तिपिटक (मूल) • Tipiṭaka (Mūla) / विनयपिटक • Vinayapiṭaka / महाविभङ्ग • Mahāvibhaṅga / ९. रतनवग्गो • 9. Ratanavaggo
टीका • Tīkā / विनयपिटक (टीका) • Vinayapiṭaka (ṭīkā) / सारत्थदीपनी-टीका • Sāratthadīpanī-ṭīkā / ७. निसीदनसिक्खापदवण्णना • 7. Nisīdanasikkhāpadavaṇṇanā
टीका • Tīkā / विनयपिटक (टीका) • Vinayapiṭaka (ṭīkā) / वजिरबुद्धि-टीका • Vajirabuddhi-ṭīkā / ८. कण्डुपटिच्छादिसिक्खापदवण्णना • 8. Kaṇḍupaṭicchādisikkhāpadavaṇṇanā
टीका • Tīkā / विनयपिटक (टीका) • Vinayapiṭaka (ṭīkā) / विमतिविनोदनी-टीका • Vimativinodanī-ṭīkā / ७. निसीदनसिक्खापदवण्णना • 7. Nisīdanasikkhāpadavaṇṇanā
टीका • Tīkā / विनयपिटक (टीका) • Vinayapiṭaka (ṭīkā) / पाचित्यादियोजनापाळि • Pācityādiyojanāpāḷi / ८. कण्डुपटिच्छादिसिक्खापदं • 8. Kaṇḍupaṭicchādisikkhāpadaṃ
