| Library / Tipiṭaka / തിപിടക • Tipiṭaka / മഹാവിഭങ്ഗ-അട്ഠകഥാ • Mahāvibhaṅga-aṭṭhakathā |
൮. കണ്ഡുപടിച്ഛാദിസിക്ഖാപദവണ്ണനാ
8. Kaṇḍupaṭicchādisikkhāpadavaṇṇanā
൫൩൭. അട്ഠമേ – കണ്ഡുപടിച്ഛാദി അനുഞ്ഞാതാ ഹോതീതി കത്ഥ അനുഞ്ഞാതാ? ചീവരക്ഖന്ധകേ ബേലട്ഠസീസവത്ഥുസ്മിം. വുത്തഞ്ഹി തത്ഥ – ‘‘അനുജാനാമി, ഭിക്ഖവേ, യസ്സ കണ്ഡു വാ പിളകാ വാ അസ്സാവോ വാ ഥുല്ലകച്ഛു വാ ആബാധോ തസ്സ കണ്ഡുപടിച്ഛാദി’’ന്തി (മഹാവ॰ ൩൫൪).
537. Aṭṭhame – kaṇḍupaṭicchādi anuññātā hotīti kattha anuññātā? Cīvarakkhandhake belaṭṭhasīsavatthusmiṃ. Vuttañhi tattha – ‘‘anujānāmi, bhikkhave, yassa kaṇḍu vā piḷakā vā assāvo vā thullakacchu vā ābādho tassa kaṇḍupaṭicchādi’’nti (mahāva. 354).
൫൩൯. യസ്സ അധോനാഭി ഉബ്ഭജാണുമണ്ഡലന്തി യസ്സ ഭിക്ഖുനോ നാഭിയാ ഹേട്ഠാ ജാണുമണ്ഡലാനം ഉപരി. കണ്ഡൂതി കച്ഛു. പിളകാതി ലോഹിതതുണ്ഡികാ സുഖുമപിളകാ. അസ്സാവോതി അരിസഭഗന്ദരമധുമേഹാദീനം വസേന അസുചിപഗ്ഘരണകം. ഥുല്ലകച്ഛു വാ ആബാധോതി മഹാപിളകാബാധോ വുച്ചതി. സേസമേത്ഥ ഉത്താനമേവ. ഛസമുട്ഠാനം.
539.Yassa adhonābhi ubbhajāṇumaṇḍalanti yassa bhikkhuno nābhiyā heṭṭhā jāṇumaṇḍalānaṃ upari. Kaṇḍūti kacchu. Piḷakāti lohitatuṇḍikā sukhumapiḷakā. Assāvoti arisabhagandaramadhumehādīnaṃ vasena asucipaggharaṇakaṃ. Thullakacchu vā ābādhoti mahāpiḷakābādho vuccati. Sesamettha uttānameva. Chasamuṭṭhānaṃ.
കണ്ഡുപടിച്ഛാദിസിക്ഖാപദം അട്ഠമം.
Kaṇḍupaṭicchādisikkhāpadaṃ aṭṭhamaṃ.
Related texts:
തിപിടക (മൂല) • Tipiṭaka (Mūla) / വിനയപിടക • Vinayapiṭaka / മഹാവിഭങ്ഗ • Mahāvibhaṅga / ൯. രതനവഗ്ഗോ • 9. Ratanavaggo
ടീകാ • Tīkā / വിനയപിടക (ടീകാ) • Vinayapiṭaka (ṭīkā) / സാരത്ഥദീപനീ-ടീകാ • Sāratthadīpanī-ṭīkā / ൭. നിസീദനസിക്ഖാപദവണ്ണനാ • 7. Nisīdanasikkhāpadavaṇṇanā
ടീകാ • Tīkā / വിനയപിടക (ടീകാ) • Vinayapiṭaka (ṭīkā) / വജിരബുദ്ധി-ടീകാ • Vajirabuddhi-ṭīkā / ൮. കണ്ഡുപടിച്ഛാദിസിക്ഖാപദവണ്ണനാ • 8. Kaṇḍupaṭicchādisikkhāpadavaṇṇanā
ടീകാ • Tīkā / വിനയപിടക (ടീകാ) • Vinayapiṭaka (ṭīkā) / വിമതിവിനോദനീ-ടീകാ • Vimativinodanī-ṭīkā / ൭. നിസീദനസിക്ഖാപദവണ്ണനാ • 7. Nisīdanasikkhāpadavaṇṇanā
ടീകാ • Tīkā / വിനയപിടക (ടീകാ) • Vinayapiṭaka (ṭīkā) / പാചിത്യാദിയോജനാപാളി • Pācityādiyojanāpāḷi / ൮. കണ്ഡുപടിച്ഛാദിസിക്ഖാപദം • 8. Kaṇḍupaṭicchādisikkhāpadaṃ
