| Library / Tipiṭaka / д̇ибидага • Tipiṭaka / ж̇аад̇агабаал̣и • Jātakapāḷi |
444. ган̣хад̣̇ийбааяанаж̇аад̇агам̣ (6)
444. Kaṇhadīpāyanajātakaṃ (6)
62.
62.
сад̇д̇аахамзваахам̣ басаннажид̇д̇о, бун̃н̃ад̇т̇иго аажарим̣ 1 б̣рахмажарияам̣;
Sattāhamevāhaṃ pasannacitto, puññatthiko ācariṃ 2 brahmacariyaṃ;
ат̇аабарам̣ яам̣ жарид̇ам̣ мамзд̣̇ам̣ 3, вассаани бан̃н̃ааса самаад̇хигаани;
Athāparaṃ yaṃ caritaṃ mamedaṃ 4, vassāni paññāsa samādhikāni;
агаамаго вааби 5 ахам̣ жараами, зд̇зна сажжзна сувад̇т̇и ход̇у;
Akāmako vāpi 6 ahaṃ carāmi, etena saccena suvatthi hotu;
хад̇ам̣ висам̣ ж̇ийвад̇у яан̃н̃ад̣̇ад̇д̇о.
Hataṃ visaṃ jīvatu yaññadatto.
63.
63.
яасмаа д̣̇аанам̣ наабхинанд̣̇им̣ гад̣̇аажи, д̣̇исваанахам̣ ад̇ит̇им̣ ваасагаалз;
Yasmā dānaṃ nābhinandiṃ kadāci, disvānahaṃ atithiṃ vāsakāle;
на жааби мз аббияад̇ам̣ авзд̣̇ум̣, б̣ахуссуд̇аа саман̣аб̣раахман̣аа жа.
Na cāpi me appiyataṃ aveduṃ, bahussutā samaṇabrāhmaṇā ca.
агаамаго вааби ахам̣ д̣̇ад̣̇аами, зд̇зна сажжзна сувад̇т̇и ход̇у;
Akāmako vāpi ahaṃ dadāmi, etena saccena suvatthi hotu;
хад̇ам̣ висам̣ ж̇ийвад̇у яан̃н̃ад̣̇ад̇д̇о.
Hataṃ visaṃ jīvatu yaññadatto.
64.
64.
д̇асмин̃жа мз аббияад̇ааяа аж̇ж̇а, бид̇ари жа д̇з над̇т̇и гожи висзсо;
Tasmiñca me appiyatāya ajja, pitari ca te natthi koci viseso;
зд̇зна сажжзна сувад̇т̇и ход̇у, хад̇ам̣ висам̣ ж̇ийвад̇у яан̃н̃ад̣̇ад̇д̇о.
Etena saccena suvatthi hotu, hataṃ visaṃ jīvatu yaññadatto.
65.
65.
д̣̇ийбааяана гисса ж̇иг̇ужчамаано, агаамаго жараси б̣рахмажарияам̣.
Dīpāyana kissa jigucchamāno, akāmako carasi brahmacariyaṃ.
66.
66.
сад̣̇д̇хааяа нигкамма бунам̣ нивад̇д̇о, со зл̣амууг̇ова б̣аало 15 вад̇ааяам̣;
Saddhāya nikkhamma punaṃ nivatto, so eḷamūgova bālo 16 vatāyaṃ;
зд̇асса ваад̣̇асса ж̇иг̇ужчамаано, агаамаго жараами б̣рахмажарияам̣;
Etassa vādassa jigucchamāno, akāmako carāmi brahmacariyaṃ;
вин̃н̃уббасад̇т̇ан̃жа сад̇ан̃жа таанам̣ 17, звамбахам̣ бун̃н̃агаро бхаваами.
Viññuppasatthañca satañca ṭhānaṃ 18, evampahaṃ puññakaro bhavāmi.
67.
67.
саман̣з д̇увам̣ б̣раахман̣з ад̣̇д̇хигз жа, санд̇аббаяааси аннабаанзна бхигкам̣;
Samaṇe tuvaṃ brāhmaṇe addhike ca, santappayāsi annapānena bhikkhaṃ;
обаанабхууд̇ам̣ва гхарам̣ д̇ава яид̣̇ам̣, аннзна баанзна убзд̇аруубам̣;
Opānabhūtaṃva gharaṃ tava yidaṃ, annena pānena upetarūpaṃ;
ат̇а гисса ваад̣̇асса ж̇иг̇ужчамаано, агаамаго д̣̇аанамимам̣ д̣̇ад̣̇ааси.
Atha kissa vādassa jigucchamāno, akāmako dānamimaṃ dadāsi.
68.
68.
бид̇аро жа мз аасум̣ бид̇аамахаа жа, сад̣̇д̇хаа ахум̣ д̣̇аанабад̇ий вад̣̇ан̃н̃уу;
Pitaro ca me āsuṃ pitāmahā ca, saddhā ahuṃ dānapatī vadaññū;
д̇ам̣ гуллавад̇д̇ам̣ анувад̇д̇амаано, маахам̣ гулз анд̇имаг̇анд̇хано 19 ахум̣;
Taṃ kullavattaṃ anuvattamāno, māhaṃ kule antimagandhano 20 ahuṃ;
зд̇асса ваад̣̇асса ж̇иг̇ужчамаано, агаамаго д̣̇аанамимам̣ д̣̇ад̣̇аами.
Etassa vādassa jigucchamāno, akāmako dānamimaṃ dadāmi.
69.
69.
д̣̇ахарим̣ гумаарим̣ асамад̇т̇абан̃н̃ам̣, яам̣ д̇аанаяим̣ н̃аад̇игулаа суг̇ад̇д̇з;
Dahariṃ kumāriṃ asamatthapaññaṃ, yaṃ tānayiṃ ñātikulā sugatte;
на жааби мз аббияад̇ам̣ авзд̣̇и, ан̃н̃ад̇ра гаамаа барижаараяанд̇аа 21;
Na cāpi me appiyataṃ avedi, aññatra kāmā paricārayantā 22;
ат̇а гзна ван̣н̣зна маяаа д̇з бход̇и, сам̣ваасад̇хаммо аху зваруубо.
Atha kena vaṇṇena mayā te bhoti, saṃvāsadhammo ahu evarūpo.
70.
70.
аараа д̣̇уурз наяид̇ха гад̣̇аажи ад̇т̇и, барамбараа наама гулз имасмим̣;
Ārā dūre nayidha kadāci atthi, paramparā nāma kule imasmiṃ;
д̇ам̣ гуллавад̇д̇ам̣ анувад̇д̇амаанаа, маахам̣ гулз анд̇имаг̇анд̇хиний ахум̣;
Taṃ kullavattaṃ anuvattamānā, māhaṃ kule antimagandhinī ahuṃ;
зд̇асса ваад̣̇асса ж̇иг̇ужчамаанаа, агаамигаа бад̣̇д̇хажараамхи 23 д̇уяхам̣.
Etassa vādassa jigucchamānā, akāmikā paddhacarāmhi 24 tuyhaṃ.
71.
71.
ман̣д̣аб̣яа бхаасим̣ яамабхаасанзяяам̣ 25, д̇ам̣ камяад̇ам̣ буд̇д̇агахзд̇у маж̇ж̇а;
Maṇḍabya bhāsiṃ yamabhāsaneyyaṃ 26, taṃ khamyataṃ puttakahetu majja;
буд̇д̇абзмаа на ид̇ха барад̇т̇и гин̃жи, со но аяам̣ ж̇ийвад̇и яан̃н̃ад̣̇ад̇д̇од̇и.
Puttapemā na idha paratthi kiñci, so no ayaṃ jīvati yaññadattoti.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / ж̇аад̇ага-адтагат̇аа • Jātaka-aṭṭhakathā / [444] 6. ган̣хад̣̇ийбааяанаж̇аад̇агаван̣н̣анаа • [444] 6. Kaṇhadīpāyanajātakavaṇṇanā
