| Library / Tipiṭaka / तिपिटक • Tipiṭaka / जातकपाळि • Jātakapāḷi |
४४४. कण्हदीपायनजातकं (६)
444. Kaṇhadīpāyanajātakaṃ (6)
६२.
62.
सत्ताहमेवाहं पसन्नचित्तो, पुञ्ञत्थिको आचरिं 1 ब्रह्मचरियं।
Sattāhamevāhaṃ pasannacitto, puññatthiko ācariṃ 2 brahmacariyaṃ;
अथापरं यं चरितं ममेदं 3, वस्सानि पञ्ञास समाधिकानि।
Athāparaṃ yaṃ caritaṃ mamedaṃ 4, vassāni paññāsa samādhikāni;
अकामको वापि 5 अहं चरामि, एतेन सच्चेन सुवत्थि होतु।
Akāmako vāpi 6 ahaṃ carāmi, etena saccena suvatthi hotu;
हतं विसं जीवतु यञ्ञदत्तो॥
Hataṃ visaṃ jīvatu yaññadatto.
६३.
63.
यस्मा दानं नाभिनन्दिं कदाचि, दिस्वानहं अतिथिं वासकाले।
Yasmā dānaṃ nābhinandiṃ kadāci, disvānahaṃ atithiṃ vāsakāle;
न चापि मे अप्पियतं अवेदुं, बहुस्सुता समणब्राह्मणा च॥
Na cāpi me appiyataṃ aveduṃ, bahussutā samaṇabrāhmaṇā ca.
अकामको वापि अहं ददामि, एतेन सच्चेन सुवत्थि होतु।
Akāmako vāpi ahaṃ dadāmi, etena saccena suvatthi hotu;
हतं विसं जीवतु यञ्ञदत्तो॥
Hataṃ visaṃ jīvatu yaññadatto.
६४.
64.
तस्मिञ्च मे अप्पियताय अज्ज, पितरि च ते नत्थि कोचि विसेसो।
Tasmiñca me appiyatāya ajja, pitari ca te natthi koci viseso;
एतेन सच्चेन सुवत्थि होतु, हतं विसं जीवतु यञ्ञदत्तो॥
Etena saccena suvatthi hotu, hataṃ visaṃ jīvatu yaññadatto.
६५.
65.
दीपायन किस्स जिगुच्छमानो, अकामको चरसि ब्रह्मचरियं॥
Dīpāyana kissa jigucchamāno, akāmako carasi brahmacariyaṃ.
६६.
66.
सद्धाय निक्खम्म पुनं निवत्तो, सो एळमूगोव बालो 15 वतायं।
Saddhāya nikkhamma punaṃ nivatto, so eḷamūgova bālo 16 vatāyaṃ;
एतस्स वादस्स जिगुच्छमानो, अकामको चरामि ब्रह्मचरियं।
Etassa vādassa jigucchamāno, akāmako carāmi brahmacariyaṃ;
विञ्ञुप्पसत्थञ्च सतञ्च ठानं 17, एवम्पहं पुञ्ञकरो भवामि॥
Viññuppasatthañca satañca ṭhānaṃ 18, evampahaṃ puññakaro bhavāmi.
६७.
67.
समणे तुवं ब्राह्मणे अद्धिके च, सन्तप्पयासि अन्नपानेन भिक्खं।
Samaṇe tuvaṃ brāhmaṇe addhike ca, santappayāsi annapānena bhikkhaṃ;
ओपानभूतंव घरं तव यिदं, अन्नेन पानेन उपेतरूपं।
Opānabhūtaṃva gharaṃ tava yidaṃ, annena pānena upetarūpaṃ;
अथ किस्स वादस्स जिगुच्छमानो, अकामको दानमिमं ददासि॥
Atha kissa vādassa jigucchamāno, akāmako dānamimaṃ dadāsi.
६८.
68.
पितरो च मे आसुं पितामहा च, सद्धा अहुं दानपती वदञ्ञू।
Pitaro ca me āsuṃ pitāmahā ca, saddhā ahuṃ dānapatī vadaññū;
तं कुल्लवत्तं अनुवत्तमानो, माहं कुले अन्तिमगन्धनो 19 अहुं।
Taṃ kullavattaṃ anuvattamāno, māhaṃ kule antimagandhano 20 ahuṃ;
एतस्स वादस्स जिगुच्छमानो, अकामको दानमिमं ददामि॥
Etassa vādassa jigucchamāno, akāmako dānamimaṃ dadāmi.
६९.
69.
दहरिं कुमारिं असमत्थपञ्ञं, यं तानयिं ञातिकुला सुगत्ते।
Dahariṃ kumāriṃ asamatthapaññaṃ, yaṃ tānayiṃ ñātikulā sugatte;
न चापि मे अप्पियतं अवेदि, अञ्ञत्र कामा परिचारयन्ता 21।
Na cāpi me appiyataṃ avedi, aññatra kāmā paricārayantā 22;
अथ केन वण्णेन मया ते भोति, संवासधम्मो अहु एवरूपो॥
Atha kena vaṇṇena mayā te bhoti, saṃvāsadhammo ahu evarūpo.
७०.
70.
आरा दूरे नयिध कदाचि अत्थि, परम्परा नाम कुले इमस्मिं।
Ārā dūre nayidha kadāci atthi, paramparā nāma kule imasmiṃ;
तं कुल्लवत्तं अनुवत्तमाना, माहं कुले अन्तिमगन्धिनी अहुं।
Taṃ kullavattaṃ anuvattamānā, māhaṃ kule antimagandhinī ahuṃ;
एतस्स वादस्स जिगुच्छमाना, अकामिका पद्धचराम्हि 23 तुय्हं॥
Etassa vādassa jigucchamānā, akāmikā paddhacarāmhi 24 tuyhaṃ.
७१.
71.
मण्डब्य भासिं यमभासनेय्यं 25, तं खम्यतं पुत्तकहेतु मज्ज।
Maṇḍabya bhāsiṃ yamabhāsaneyyaṃ 26, taṃ khamyataṃ puttakahetu majja;
पुत्तपेमा न इध परत्थि किञ्चि, सो नो अयं जीवति यञ्ञदत्तोति॥
Puttapemā na idha paratthi kiñci, so no ayaṃ jīvati yaññadattoti.
Footnotes:
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / खुद्दकनिकाय (अट्ठकथा) • Khuddakanikāya (aṭṭhakathā) / जातक-अट्ठकथा • Jātaka-aṭṭhakathā / [४४४] ६. कण्हदीपायनजातकवण्णना • [444] 6. Kaṇhadīpāyanajātakavaṇṇanā
