| Library / Tipiṭaka / ติปิฎก • Tipiṭaka / ชาตกปาฬิ • Jātakapāḷi |
๔๔๔. กณฺหทีปายนชาตกํ (๖)
444. Kaṇhadīpāyanajātakaṃ (6)
๖๒.
62.
สตฺตาหเมวาหํ ปสนฺนจิโตฺต, ปุญฺญตฺถิโก อาจริํ 1 พฺรหฺมจริยํ;
Sattāhamevāhaṃ pasannacitto, puññatthiko ācariṃ 2 brahmacariyaṃ;
อถาปรํ ยํ จริตํ มเมทํ 3, วสฺสานิ ปญฺญาส สมาธิกานิ;
Athāparaṃ yaṃ caritaṃ mamedaṃ 4, vassāni paññāsa samādhikāni;
อกามโก วาปิ 5 อหํ จรามิ, เอเตน สเจฺจน สุวตฺถิ โหตุ;
Akāmako vāpi 6 ahaṃ carāmi, etena saccena suvatthi hotu;
หตํ วิสํ ชีวตุ ยญฺญทโตฺตฯ
Hataṃ visaṃ jīvatu yaññadatto.
๖๓.
63.
ยสฺมา ทานํ นาภินนฺทิํ กทาจิ, ทิสฺวานหํ อติถิํ วาสกาเล;
Yasmā dānaṃ nābhinandiṃ kadāci, disvānahaṃ atithiṃ vāsakāle;
น จาปิ เม อปฺปิยตํ อเวทุํ, พหุสฺสุตา สมณพฺราหฺมณา จฯ
Na cāpi me appiyataṃ aveduṃ, bahussutā samaṇabrāhmaṇā ca.
อกามโก วาปิ อหํ ททามิ, เอเตน สเจฺจน สุวตฺถิ โหตุ;
Akāmako vāpi ahaṃ dadāmi, etena saccena suvatthi hotu;
หตํ วิสํ ชีวตุ ยญฺญทโตฺตฯ
Hataṃ visaṃ jīvatu yaññadatto.
๖๔.
64.
ตสฺมิญฺจ เม อปฺปิยตาย อชฺช, ปิตริ จ เต นตฺถิ โกจิ วิเสโส;
Tasmiñca me appiyatāya ajja, pitari ca te natthi koci viseso;
เอเตน สเจฺจน สุวตฺถิ โหตุ, หตํ วิสํ ชีวตุ ยญฺญทโตฺตฯ
Etena saccena suvatthi hotu, hataṃ visaṃ jīvatu yaññadatto.
๖๕.
65.
ทีปายน กิสฺส ชิคุจฺฉมาโน, อกามโก จรสิ พฺรหฺมจริยํฯ
Dīpāyana kissa jigucchamāno, akāmako carasi brahmacariyaṃ.
๖๖.
66.
สทฺธาย นิกฺขมฺม ปุนํ นิวโตฺต, โส เอฬมูโคว พาโล 15 วตายํ;
Saddhāya nikkhamma punaṃ nivatto, so eḷamūgova bālo 16 vatāyaṃ;
เอตสฺส วาทสฺส ชิคุจฺฉมาโน, อกามโก จรามิ พฺรหฺมจริยํ;
Etassa vādassa jigucchamāno, akāmako carāmi brahmacariyaṃ;
วิญฺญุปฺปสตฺถญฺจ สตญฺจ ฐานํ 17, เอวมฺปหํ ปุญฺญกโร ภวามิฯ
Viññuppasatthañca satañca ṭhānaṃ 18, evampahaṃ puññakaro bhavāmi.
๖๗.
67.
สมเณ ตุวํ พฺราหฺมเณ อทฺธิเก จ, สนฺตปฺปยาสิ อนฺนปาเนน ภิกฺขํ;
Samaṇe tuvaṃ brāhmaṇe addhike ca, santappayāsi annapānena bhikkhaṃ;
โอปานภูตํว ฆรํ ตว ยิทํ, อเนฺนน ปาเนน อุเปตรูปํ;
Opānabhūtaṃva gharaṃ tava yidaṃ, annena pānena upetarūpaṃ;
อถ กิสฺส วาทสฺส ชิคุจฺฉมาโน, อกามโก ทานมิมํ ททาสิฯ
Atha kissa vādassa jigucchamāno, akāmako dānamimaṃ dadāsi.
๖๘.
68.
ปิตโร จ เม อาสุํ ปิตามหา จ, สทฺธา อหุํ ทานปตี วทญฺญู;
Pitaro ca me āsuṃ pitāmahā ca, saddhā ahuṃ dānapatī vadaññū;
ตํ กุลฺลวตฺตํ อนุวตฺตมาโน, มาหํ กุเล อนฺติมคนฺธโน 19 อหุํ;
Taṃ kullavattaṃ anuvattamāno, māhaṃ kule antimagandhano 20 ahuṃ;
เอตสฺส วาทสฺส ชิคุจฺฉมาโน, อกามโก ทานมิมํ ททามิฯ
Etassa vādassa jigucchamāno, akāmako dānamimaṃ dadāmi.
๖๙.
69.
ทหริํ กุมาริํ อสมตฺถปญฺญํ, ยํ ตานยิํ ญาติกุลา สุคเตฺต;
Dahariṃ kumāriṃ asamatthapaññaṃ, yaṃ tānayiṃ ñātikulā sugatte;
น จาปิ เม อปฺปิยตํ อเวทิ, อญฺญตฺร กามา ปริจารยนฺตา 21;
Na cāpi me appiyataṃ avedi, aññatra kāmā paricārayantā 22;
อถ เกน วเณฺณน มยา เต โภติ, สํวาสธโมฺม อหุ เอวรูโปฯ
Atha kena vaṇṇena mayā te bhoti, saṃvāsadhammo ahu evarūpo.
๗๐.
70.
อารา ทูเร นยิธ กทาจิ อตฺถิ, ปรมฺปรา นาม กุเล อิมสฺมิํ;
Ārā dūre nayidha kadāci atthi, paramparā nāma kule imasmiṃ;
ตํ กุลฺลวตฺตํ อนุวตฺตมานา, มาหํ กุเล อนฺติมคนฺธินี อหุํ;
Taṃ kullavattaṃ anuvattamānā, māhaṃ kule antimagandhinī ahuṃ;
เอตสฺส วาทสฺส ชิคุจฺฉมานา, อกามิกา ปทฺธจรามฺหิ 23 ตุยฺหํฯ
Etassa vādassa jigucchamānā, akāmikā paddhacarāmhi 24 tuyhaṃ.
๗๑.
71.
มณฺฑพฺย ภาสิํ ยมภาสเนยฺยํ 25, ตํ ขมฺยตํ ปุตฺตกเหตุ มชฺช;
Maṇḍabya bhāsiṃ yamabhāsaneyyaṃ 26, taṃ khamyataṃ puttakahetu majja;
ปุตฺตเปมา น อิธ ปรตฺถิ กิญฺจิ, โส โน อยํ ชีวติ ยญฺญทโตฺตติฯ
Puttapemā na idha paratthi kiñci, so no ayaṃ jīvati yaññadattoti.
Footnotes:
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / ขุทฺทกนิกาย (อฎฺฐกถา) • Khuddakanikāya (aṭṭhakathā) / ชาตก-อฎฺฐกถา • Jātaka-aṭṭhakathā / [๔๔๔] ๖. กณฺหทีปายนชาตกวณฺณนา • [444] 6. Kaṇhadīpāyanajātakavaṇṇanā
