| Library / Tipiṭaka / д̇ибидага • Tipiṭaka / бзд̇авад̇т̇у-адтагат̇аа • Petavatthu-aṭṭhakathā |
6. ган̣хабзд̇авад̇т̇уван̣н̣анаа
6. Kaṇhapetavatthuvaṇṇanā
удтзхи ган̣ха гим̣ сзсийд̇и ид̣̇ам̣ сад̇т̇аа ж̇зд̇аванз вихаранд̇о ан̃н̃ад̇арам̣ мад̇абуд̇д̇ам̣ убаасагам̣ аараб̣бха гат̇зси. саавад̇т̇ияам̣ гира ан̃н̃ад̇арасса убаасагасса буд̇д̇о гааламагааси. со д̇зна согасалласамаббид̇о на нхааяад̇и, на бхун̃ж̇ад̇и, на гамманд̇з вижаарзд̇и, на б̣уд̣̇д̇хубадтаанам̣ г̇ажчад̇и, гзвалам̣, ‘‘д̇аад̇а бияабуд̇д̇ага, мам̣ охааяа гахам̣ батамад̇арам̣ г̇ад̇осий’’д̇иаад̣̇ийни вад̣̇анд̇о виббалабад̇и. сад̇т̇аа бажжуусасамаяз логам̣ ологзнд̇о д̇асса сод̇аабад̇д̇ипалуубаниссаяам̣ д̣̇исваа бунад̣̇ивасз бхигкусан̇гхабаривуд̇о саавад̇т̇ияам̣ бин̣д̣ааяа жарид̇ваа гад̇абхад̇д̇агижжо бхигкуу уяяож̇зд̇ваа аананд̣̇ад̇т̇зрзна бажчаасаман̣зна д̇асса гхарад̣̇ваарам̣ аг̇амааси. сад̇т̇у ааг̇ад̇абхаавам̣ убаасагасса аарожзсум̣. ат̇асса г̇зхаж̇ано г̇зхад̣̇ваарз аасанам̣ бан̃н̃аабзд̇ваа сад̇т̇аарам̣ нисийд̣̇аабзд̇ваа убаасагам̣ бариг̇г̇ахзд̇ваа сад̇т̇у санд̇игам̣ убанзси. згаманд̇ам̣ нисиннам̣ д̇ам̣ д̣̇исваа ‘‘гим̣, убаасага, сожасий’’д̇и вад̇ваа ‘‘аама, бханд̇з’’д̇и вуд̇д̇з, ‘‘убаасага, бораан̣агабан̣д̣ид̇аа бан̣д̣ид̇аанам̣ гат̇ам̣ суд̇ваа мад̇абуд̇д̇ам̣ наанусожим̣суу’’д̇и вад̇ваа д̇зна яаажид̇о ад̇ийд̇ам̣ аахари.
Uṭṭhehikaṇha kiṃ sesīti idaṃ satthā jetavane viharanto aññataraṃ mataputtaṃ upāsakaṃ ārabbha kathesi. Sāvatthiyaṃ kira aññatarassa upāsakassa putto kālamakāsi. So tena sokasallasamappito na nhāyati, na bhuñjati, na kammante vicāreti, na buddhupaṭṭhānaṃ gacchati, kevalaṃ, ‘‘tāta piyaputtaka, maṃ ohāya kahaṃ paṭhamataraṃ gatosī’’tiādīni vadanto vippalapati. Satthā paccūsasamaye lokaṃ olokento tassa sotāpattiphalūpanissayaṃ disvā punadivase bhikkhusaṅghaparivuto sāvatthiyaṃ piṇḍāya caritvā katabhattakicco bhikkhū uyyojetvā ānandattherena pacchāsamaṇena tassa gharadvāraṃ agamāsi. Satthu āgatabhāvaṃ upāsakassa ārocesuṃ. Athassa gehajano gehadvāre āsanaṃ paññāpetvā satthāraṃ nisīdāpetvā upāsakaṃ pariggahetvā satthu santikaṃ upanesi. Ekamantaṃ nisinnaṃ taṃ disvā ‘‘kiṃ, upāsaka, socasī’’ti vatvā ‘‘āma, bhante’’ti vutte, ‘‘upāsaka, porāṇakapaṇḍitā paṇḍitānaṃ kathaṃ sutvā mataputtaṃ nānusociṃsū’’ti vatvā tena yācito atītaṃ āhari.
ад̇ийд̇з д̣̇вааравад̇ийнаг̇арз д̣̇аса бхаад̇игарааж̇аано ахзсум̣ – ваасуд̣̇зво б̣алад̣̇зво жанд̣̇ад̣̇зваа суурияад̣̇зво аг̇г̇ид̣̇зво варун̣ад̣̇зво аж̇ж̇уно баж̇ж̇уно гхадабан̣д̣ид̇о ан̇гуро жаад̇и. д̇зсу ваасуд̣̇звамахаарааж̇асса бияабуд̇д̇о гааламагааси. д̇зна рааж̇аа согабарзд̇о саб̣б̣агижжаани бахааяа ман̃жасса аданим̣ бариг̇г̇ахзд̇ваа виббалабанд̇о нибаж̇ж̇и. д̇асмим̣ гаалз гхадабан̣д̣ид̇о жинд̇зси – ‘‘табзд̇ваа мам̣ ан̃н̃о гожи мама бхаад̇у согам̣ барихарид̇ум̣ самад̇т̇о наама над̇т̇и, убааязнасса согам̣ хариссаамий’’д̇и. со уммад̇д̇агавзсам̣ г̇ахзд̇ваа ‘‘сасам̣ мз д̣̇зт̇а, сасам̣ мз д̣̇зт̇аа’’д̇и аагаасам̣ ологзнд̇о сагаланаг̇арам̣ вижари. ‘‘гхадабан̣д̣ид̇о уммад̇д̇аго ж̇аад̇о’’д̇и сагаланаг̇арам̣ сан̇кубхи.
Atīte dvāravatīnagare dasa bhātikarājāno ahesuṃ – vāsudevo baladevo candadevā sūriyadevo aggidevo varuṇadevo ajjuno pajjuno ghaṭapaṇḍito aṅkuro cāti. Tesu vāsudevamahārājassa piyaputto kālamakāsi. Tena rājā sokapareto sabbakiccāni pahāya mañcassa aṭaniṃ pariggahetvā vippalapanto nipajji. Tasmiṃ kāle ghaṭapaṇḍito cintesi – ‘‘ṭhapetvā maṃ añño koci mama bhātu sokaṃ pariharituṃ samattho nāma natthi, upāyenassa sokaṃ harissāmī’’ti. So ummattakavesaṃ gahetvā ‘‘sasaṃ me detha, sasaṃ me dethā’’ti ākāsaṃ olokento sakalanagaraṃ vicari. ‘‘Ghaṭapaṇḍito ummattako jāto’’ti sakalanagaraṃ saṅkhubhi.
д̇асмим̣ гаалз рохин̣зяяо наама амажжо ваасуд̣̇зваран̃н̃о санд̇игам̣ г̇анд̇ваа д̇зна сад̣̇д̇хим̣ гат̇ам̣ самудтаабзнд̇о –
Tasmiṃ kāle rohiṇeyyo nāma amacco vāsudevarañño santikaṃ gantvā tena saddhiṃ kathaṃ samuṭṭhāpento –
207.
207.
‘‘удтзхи ган̣ха гим̣ сзси, го ад̇т̇о субанзна д̇з;
‘‘Uṭṭhehi kaṇha kiṃ sesi, ko attho supanena te;
яо жа д̇уяхам̣ саго бхаад̇аа, хад̣̇аяам̣ жагку жа д̣̇агкин̣ам̣;
Yo ca tuyhaṃ sako bhātā, hadayaṃ cakkhu ca dakkhiṇaṃ;
д̇асса ваад̇аа б̣алийяанд̇и, сасам̣ ж̇аббад̇и гзсаваа’’д̇и. – имам̣ г̇аат̇амааха;
Tassa vātā balīyanti, sasaṃ jappati kesavā’’ti. – imaṃ gāthamāha;
207. д̇ад̇т̇а ган̣хаад̇и ваасуд̣̇звам̣ г̇од̇д̇знаалабад̇и. го ад̇т̇о субанзна д̇зд̇и субанзна д̇уяхам̣ гаа наама вад̣дхи. саго бхаад̇аад̇и сод̣̇арияо бхаад̇аа. хад̣̇аяам̣ жагку жа д̣̇агкин̣анд̇и хад̣̇аязна жзва д̣̇агкин̣ажагкунаа жа сад̣̇исод̇и ад̇т̇о. д̇асса ваад̇аа б̣алийяанд̇ийд̇и д̇асса абараабарам̣ уббаж̇ж̇амаанаа уммаад̣̇аваад̇аа б̣алаванд̇о хонд̇и вад̣дханд̇и абхибхаванд̇и. сасам̣ ж̇аббад̇ийд̇и ‘‘сасам̣ мз д̣̇зт̇аа’’д̇и виббалабад̇и. гзсаваад̇и со гира гзсаанам̣ собханаанам̣ ад̇т̇ид̇ааяа ‘‘гзсаво’’д̇и вохарийяад̇и. д̇зна нам̣ наамзна аалабад̇и.
207. Tattha kaṇhāti vāsudevaṃ gottenālapati. Ko attho supanena teti supanena tuyhaṃ kā nāma vaḍḍhi. Sako bhātāti sodariyo bhātā. Hadayaṃ cakkhu ca dakkhiṇanti hadayena ceva dakkhiṇacakkhunā ca sadisoti attho. Tassa vātā balīyantīti tassa aparāparaṃ uppajjamānā ummādavātā balavanto honti vaḍḍhanti abhibhavanti. Sasaṃ jappatīti ‘‘sasaṃ me dethā’’ti vippalapati. Kesavāti so kira kesānaṃ sobhanānaṃ atthitāya ‘‘kesavo’’ti voharīyati. Tena naṃ nāmena ālapati.
д̇асса важанам̣ суд̇ваа саяанад̇о удтид̇абхаавам̣ д̣̇ийбзнд̇о сад̇т̇аа абхисамб̣уд̣̇д̇хо худ̇ваа –
Tassa vacanaṃ sutvā sayanato uṭṭhitabhāvaṃ dīpento satthā abhisambuddho hutvā –
208.
208.
‘‘д̇асса д̇ам̣ важанам̣ суд̇ваа, рохин̣зяяасса гзсаво;
‘‘Tassa taṃ vacanaṃ sutvā, rohiṇeyyassa kesavo;
д̇арамаанаруубо вудтааси, бхаад̇у согзна аддид̇о’’д̇и. – имам̣ г̇аат̇амааха;
Taramānarūpo vuṭṭhāsi, bhātu sokena aṭṭito’’ti. – imaṃ gāthamāha;
рааж̇аа удтааяа сийгхам̣ баасаад̣̇аа од̇арид̇ваа гхадабан̣д̣ид̇асса санд̇игам̣ г̇анд̇ваа убхосу хад̇т̇зсу нам̣ д̣̇ал̣хам̣ г̇ахзд̇ваа д̇зна сад̣̇д̇хим̣ саллабанд̇о –
Rājā uṭṭhāya sīghaṃ pāsādā otaritvā ghaṭapaṇḍitassa santikaṃ gantvā ubhosu hatthesu naṃ daḷhaṃ gahetvā tena saddhiṃ sallapanto –
209.
209.
‘‘гим̣ ну уммад̇д̇аруубова, гзвалам̣ д̣̇ваарагам̣ имам̣;
‘‘Kiṃ nu ummattarūpova, kevalaṃ dvārakaṃ imaṃ;
сасо сасод̇и лабаси, гийд̣̇исам̣ сасамижчаси.
Saso sasoti lapasi, kīdisaṃ sasamicchasi.
210.
210.
‘‘сован̣н̣амаяам̣ ман̣имаяам̣, лохамаяам̣ ат̇а руубияамаяам̣;
‘‘Sovaṇṇamayaṃ maṇimayaṃ, lohamayaṃ atha rūpiyamayaṃ;
сан̇касилаабаваал̣амаяам̣, гаараяиссаами д̇з сасам̣.
Saṅkhasilāpavāḷamayaṃ, kārayissāmi te sasaṃ.
211.
211.
‘‘санд̇и ан̃н̃зби сасагаа, аран̃н̃аванаг̇ожараа;
‘‘Santi aññepi sasakā, araññavanagocarā;
д̇зби д̇з аанаяиссаами, гийд̣̇исам̣ сасамижчасий’’д̇и. –
Tepi te ānayissāmi, kīdisaṃ sasamicchasī’’ti. –
д̇иссо г̇аат̇ааяо абхааси.
Tisso gāthāyo abhāsi.
209-211. д̇ад̇т̇а уммад̇д̇аруубоваад̇и уммад̇д̇аго вияа. гзваланд̇и сагалам̣. д̣̇ваараганд̇и д̣̇вааравад̇ийнаг̇арам̣ вижаранд̇о. сасо сасод̇и лабасийд̇и сасо сасод̇и вилабаси. сован̣н̣амаяанд̇и суван̣н̣амаяам̣. лохамаяанд̇и д̇амб̣алохамаяам̣. руубияамаяанд̇и раж̇ад̇амаяам̣. яам̣ ижчаси д̇ам̣ вад̣̇зхи, ат̇а гзна сожаси. ан̃н̃зби аран̃н̃з ванаг̇ожараа сасагаа ад̇т̇и, д̇з д̇з аанаяиссаами, вад̣̇а, бхад̣̇рамука , гийд̣̇исам̣ сасамижчасийд̇и гхадабан̣д̣ид̇ам̣ ‘‘сасзна ад̇т̇иго’’д̇и ад̇хиббааязна сасзна ниманд̇зси. д̇ам̣ суд̇ваа гхадабан̣д̣ид̇о –
209-211.Tatthaummattarūpovāti ummattako viya. Kevalanti sakalaṃ. Dvārakanti dvāravatīnagaraṃ vicaranto. Saso sasoti lapasīti saso sasoti vilapasi. Sovaṇṇamayanti suvaṇṇamayaṃ. Lohamayanti tambalohamayaṃ. Rūpiyamayanti rajatamayaṃ. Yaṃ icchasi taṃ vadehi, atha kena socasi. Aññepi araññe vanagocarā sasakā atthi, te te ānayissāmi, vada, bhadramukha , kīdisaṃ sasamicchasīti ghaṭapaṇḍitaṃ ‘‘sasena atthiko’’ti adhippāyena sasena nimantesi. Taṃ sutvā ghaṭapaṇḍito –
212.
212.
‘‘наахамзд̇з сасз ижчз, яз сасаа бат̇ависсид̇аа;
‘‘Nāhamete sase icche, ye sasā pathavissitā;
жанд̣̇ад̇о сасамижчаами, д̇ам̣ мз охара гзсаваа’’д̇и. –
Candato sasamicchāmi, taṃ me ohara kesavā’’ti. –
г̇аат̇амааха. д̇ад̇т̇а охараад̇и охаарзхи. д̇ам̣ суд̇ваа рааж̇аа ‘‘ниссам̣саяам̣ мз бхаад̇аа уммад̇д̇аго ж̇аад̇о’’д̇и д̣̇оманассаббад̇д̇о –
Gāthamāha. Tattha oharāti ohārehi. Taṃ sutvā rājā ‘‘nissaṃsayaṃ me bhātā ummattako jāto’’ti domanassappatto –
213.
213.
‘‘со нууна мад̇хурам̣ н̃аад̇и, ж̇ийвид̇ам̣ виж̇ахиссаси;
‘‘So nūna madhuraṃ ñāti, jīvitaṃ vijahissasi;
абад̇т̇ияам̣ бад̇т̇аяаси, жанд̣̇ад̇о сасамижчасий’’д̇и. –
Apatthiyaṃ patthayasi, candato sasamicchasī’’ti. –
г̇аат̇амааха. д̇ад̇т̇а н̃аад̇ийд̇и ганидтам̣ аалабад̇и. аяамзд̇т̇а ад̇т̇о – маяхам̣ бияан̃аад̇и яам̣ ад̇имад̇хурам̣ ад̇д̇ано ж̇ийвид̇ам̣, д̇ам̣ виж̇ахиссаси ман̃н̃з, яо абад̇т̇аяид̇аб̣б̣ам̣ бад̇т̇зсийд̇и.
Gāthamāha. Tattha ñātīti kaniṭṭhaṃ ālapati. Ayamettha attho – mayhaṃ piyañāti yaṃ atimadhuraṃ attano jīvitaṃ, taṃ vijahissasi maññe, yo apatthayitabbaṃ patthesīti.
гхадабан̣д̣ид̇о ран̃н̃о важанам̣ суд̇ваа нижжалова тад̇ваа ‘‘бхаад̇ига, д̇вам̣ жанд̣̇ад̇о сасам̣ бад̇т̇знд̇асса д̇ам̣ алабхид̇ваа ж̇ийвид̇агкаяо бхависсад̇ийд̇и ж̇аананд̇о гасмаа мад̇ам̣ буд̇д̇ам̣ алабхид̇ваа анусожасий’’д̇и имамад̇т̇ам̣ д̣̇ийбзнд̇о –
Ghaṭapaṇḍito rañño vacanaṃ sutvā niccalova ṭhatvā ‘‘bhātika, tvaṃ candato sasaṃ patthentassa taṃ alabhitvā jīvitakkhayo bhavissatīti jānanto kasmā mataṃ puttaṃ alabhitvā anusocasī’’ti imamatthaṃ dīpento –
214.
214.
‘‘звам̣ жз ган̣ха ж̇аанааси, яат̇ан̃н̃аманусаасаси;
‘‘Evaṃ ce kaṇha jānāsi, yathaññamanusāsasi;
гасмаа бурз мад̇ам̣ буд̇д̇ам̣, аж̇ж̇ааби манусожасий’’д̇и. –
Kasmā pure mataṃ puttaṃ, ajjāpi manusocasī’’ti. –
г̇аат̇амааха. д̇ад̇т̇а звам̣ жз, ган̣ха, ж̇аанаасийд̇и, бхаад̇ига, ган̣ханаамага махаарааж̇а, ‘‘алаб̣бханзяяавад̇т̇у наама на бад̇т̇зд̇аб̣б̣а’’нд̇и яад̣̇и звам̣ ж̇аанааси. яат̇ан̃н̃анд̇и звам̣ ж̇аананд̇ова яат̇аа ан̃н̃ам̣ анусаасаси, д̇ат̇аа агад̇ваа. гасмаа бурз мад̇ам̣ буд̇д̇анд̇и ат̇а гасмаа ид̇о жад̇умаасамад̇т̇агз мад̇ам̣ буд̇д̇ам̣ аж̇ж̇ааби анусожасийд̇и.
Gāthamāha. Tattha evaṃ ce, kaṇha, jānāsīti, bhātika, kaṇhanāmaka mahārāja, ‘‘alabbhaneyyavatthu nāma na patthetabba’’nti yadi evaṃ jānāsi. Yathaññanti evaṃ jānantova yathā aññaṃ anusāsasi, tathā akatvā. Kasmā pure mataṃ puttanti atha kasmā ito catumāsamatthake mataṃ puttaṃ ajjāpi anusocasīti.
звам̣ со анд̇аравийт̇ияам̣ тид̇агова ‘‘ахам̣ д̇аава звам̣ бан̃н̃ааяамаанам̣ бад̇т̇зми, д̇вам̣ бана абан̃н̃ааяамаанассад̇т̇ааяа сожасий’’д̇и вад̇ваа д̇асса д̇хаммам̣ д̣̇зсзнд̇о –
Evaṃ so antaravīthiyaṃ ṭhitakova ‘‘ahaṃ tāva evaṃ paññāyamānaṃ patthemi, tvaṃ pana apaññāyamānassatthāya socasī’’ti vatvā tassa dhammaṃ desento –
215.
215.
‘‘на яам̣ лаб̣бхаа мануссзна, амануссзна ваа бана;
‘‘Na yaṃ labbhā manussena, amanussena vā pana;
ж̇аад̇о мз маа мари буд̇д̇о, гуд̇о лаб̣бхаа алаб̣бхияам̣.
Jāto me mā mari putto, kuto labbhā alabbhiyaṃ.
216.
216.
‘‘на манд̇аа муулабхзсаж̇ж̇аа, осад̇хзхи д̇ханзна ваа;
‘‘Na mantā mūlabhesajjā, osadhehi dhanena vā;
саггаа аанаяид̇ум̣ ган̣ха, яам̣ бзд̇аманусожасий’’д̇и. – г̇аат̇аад̣̇ваяамааха;
Sakkā ānayituṃ kaṇha, yaṃ petamanusocasī’’ti. – gāthādvayamāha;
215. д̇ад̇т̇а яанд̇и, бхаад̇ига, яам̣ ‘‘звам̣ ж̇аад̇о мз буд̇д̇о маа марий’’д̇и мануссзна ваа д̣̇звзна ваа бана на лаб̣бхаа на саггаа лад̣̇д̇хум̣, д̇ам̣ д̇вам̣ бад̇т̇зси, д̇ам̣ банзд̇ам̣ гуд̇о лаб̣бхаа, гзна гааран̣зна лад̣̇д̇хум̣ саггаа. яасмаа алаб̣бхияам̣ алаб̣бханзяяавад̇т̇у наамзд̇анд̇и ад̇т̇о.
215. Tattha yanti, bhātika, yaṃ ‘‘evaṃ jāto me putto mā marī’’ti manussena vā devena vā pana na labbhā na sakkā laddhuṃ, taṃ tvaṃ patthesi, taṃ panetaṃ kuto labbhā, kena kāraṇena laddhuṃ sakkā. Yasmā alabbhiyaṃ alabbhaneyyavatthu nāmetanti attho.
216. манд̇аад̇и манд̇аббаяог̇зна. муулабхзсаж̇ж̇аад̇и муулабхзсаж̇ж̇зна. осад̇хзхийд̇и наанаавид̇хзхи осад̇хзхи. д̇ханзна ваад̇и годисад̇асан̇кзна д̇ханзна вааби. ид̣̇ам̣ вуд̇д̇ам̣ ход̇и – яам̣ бзд̇аманусожаси, д̇ам̣ зд̇зхи манд̇аббаяог̇аад̣̇ийхиби аанзд̇ум̣ на саггаад̇и.
216.Mantāti mantappayogena. Mūlabhesajjāti mūlabhesajjena. Osadhehīti nānāvidhehi osadhehi. Dhanena vāti koṭisatasaṅkhena dhanena vāpi. Idaṃ vuttaṃ hoti – yaṃ petamanusocasi, taṃ etehi mantappayogādīhipi ānetuṃ na sakkāti.
буна гхадабан̣д̣ид̇о ‘‘бхаад̇ига, ид̣̇ам̣ маран̣ам̣ наама д̇ханзна ваа ж̇аад̇ияаа ваа виж̇ж̇ааяа ваа сийлзна ваа бхааванааяа ваа на саггаа бадиб̣аахид̇у’’нд̇и д̣̇ассзнд̇о –
Puna ghaṭapaṇḍito ‘‘bhātika, idaṃ maraṇaṃ nāma dhanena vā jātiyā vā vijjāya vā sīlena vā bhāvanāya vā na sakkā paṭibāhitu’’nti dassento –
217.
217.
‘‘махад̣̇д̇ханаа махаабхог̇аа, радтаванд̇оби кад̇д̇ияаа;
‘‘Mahaddhanā mahābhogā, raṭṭhavantopi khattiyā;
бахууд̇ад̇ханад̇хан̃н̃аасз, д̇зби но аж̇араамараа.
Pahūtadhanadhaññāse, tepi no ajarāmarā.
218.
218.
‘‘кад̇д̇ияаа б̣раахман̣аа взссаа, суд̣̇д̣̇аа жан̣д̣аалабуггуссаа;
‘‘Khattiyā brāhmaṇā vessā, suddā caṇḍālapukkussā;
зд̇з жан̃н̃з жа ж̇аад̇ияаа, д̇зби но аж̇араамараа.
Ete caññe ca jātiyā, tepi no ajarāmarā.
219.
219.
‘‘яз манд̇ам̣ баривад̇д̇знд̇и, чал̣ан̇г̇ам̣ б̣рахмажинд̇ид̇ам̣;
‘‘Ye mantaṃ parivattenti, chaḷaṅgaṃ brahmacintitaṃ;
зд̇з жан̃н̃з жа виж̇ж̇ааяа, д̇зби но аж̇араамараа.
Ete caññe ca vijjāya, tepi no ajarāmarā.
220.
220.
‘‘исаяо вааби яз санд̇аа, сан̃н̃ад̇ад̇д̇аа д̇абассино;
‘‘Isayo vāpi ye santā, saññatattā tapassino;
сарийрам̣ д̇зби гаалзна, виж̇аханд̇и д̇абассино.
Sarīraṃ tepi kālena, vijahanti tapassino.
221.
221.
‘‘бхаавид̇ад̇д̇аа араханд̇о, гад̇агижжаа анаасаваа;
‘‘Bhāvitattā arahanto, katakiccā anāsavā;
нигкибанд̇и имам̣ д̣̇зхам̣, бун̃н̃абаабабаригкаяаа’’д̇и. –
Nikkhipanti imaṃ dehaṃ, puññapāpaparikkhayā’’ti. –
бан̃жахи г̇аат̇аахи ран̃н̃о д̇хаммам̣ д̣̇зсзси.
Pañcahi gāthāhi rañño dhammaṃ desesi.
217. д̇ад̇т̇а махад̣̇д̇ханаад̇и нид̇хаанаг̇ад̇ассзва махад̇о д̇ханасса ад̇т̇ид̇ааяа б̣ахуд̇ханаа. махаабхог̇аад̇и д̣̇звабхог̇асад̣̇исааяа махад̇ияаа бхог̇асамбад̇д̇ияаа саманнааг̇ад̇аа. радтаванд̇од̇и сагаларадтаванд̇о. бахууд̇ад̇ханад̇хан̃н̃аасзд̇и д̇ин̣н̣ам̣ жад̇уннам̣ ваа сам̣важчараанам̣ ад̇т̇ааяа нид̣̇ахид̇ваа табзд̇аб̣б̣асса нижжабариб̣б̣аяабхууд̇асса д̇ханад̇хан̃н̃асса васзна абарияанд̇ад̇ханад̇хан̃н̃аа. д̇зби но аж̇араамараад̇и д̇зби звам̣ махаавибхаваа манд̇хаад̇умахаасуд̣̇ассанаад̣̇аяо кад̇д̇ияаа аж̇араамараа наахзсум̣, ан̃н̃ад̣̇ад̇т̇у маран̣амукамзва анубавидтаад̇и ад̇т̇о.
217. Tattha mahaddhanāti nidhānagatasseva mahato dhanassa atthitāya bahudhanā. Mahābhogāti devabhogasadisāya mahatiyā bhogasampattiyā samannāgatā. Raṭṭhavantoti sakalaraṭṭhavanto. Pahūtadhanadhaññāseti tiṇṇaṃ catunnaṃ vā saṃvaccharānaṃ atthāya nidahitvā ṭhapetabbassa niccaparibbayabhūtassa dhanadhaññassa vasena apariyantadhanadhaññā. Tepi no ajarāmarāti tepi evaṃ mahāvibhavā mandhātumahāsudassanādayo khattiyā ajarāmarā nāhesuṃ, aññadatthu maraṇamukhameva anupaviṭṭhāti attho.
218. зд̇зд̇и яат̇аавуд̇д̇акад̇д̇ияаад̣̇аяо. ан̃н̃зд̇и ан̃н̃ад̇араа звам̣бхууд̇аа амб̣адтаад̣̇аяо. ж̇аад̇ияаад̇и ад̇д̇ано ж̇аад̇инимид̇д̇ам̣ аж̇араамараа наахзсунд̇и ад̇т̇о.
218.Eteti yathāvuttakhattiyādayo. Aññeti aññatarā evaṃbhūtā ambaṭṭhādayo. Jātiyāti attano jātinimittaṃ ajarāmarā nāhesunti attho.
219. манд̇анд̇и взд̣̇ам̣. баривад̇д̇знд̇ийд̇и саж̇жхааяанд̇и ваажзнд̇и жа. ат̇а ваа баривад̇д̇знд̇ийд̇и взд̣̇ам̣ анубаривад̇д̇знд̇аа хомам̣ гаронд̇аа ж̇абанд̇и. чал̣ан̇г̇анд̇и сигкаагаббанируд̇д̇иб̣яаагаран̣аж̇од̇исад̇т̇ачанд̣̇овижид̇исан̇каад̇зхи чахи ан̇г̇зхи яуд̇д̇ам̣. б̣рахмажинд̇ид̇анд̇и б̣раахман̣аанамад̇т̇ааяа б̣рахманаа жинд̇ид̇ам̣ гат̇ид̇ам̣. виж̇ж̇ааяаад̇и б̣рахмасад̣̇исавиж̇ж̇ааяа саманнааг̇ад̇аа, д̇зби но аж̇араамараад̇и ад̇т̇о.
219.Mantanti vedaṃ. Parivattentīti sajjhāyanti vācenti ca. Atha vā parivattentīti vedaṃ anuparivattentā homaṃ karontā japanti. Chaḷaṅganti sikkhākappaniruttibyākaraṇajotisatthachandovicitisaṅkhātehi chahi aṅgehi yuttaṃ. Brahmacintitanti brāhmaṇānamatthāya brahmanā cintitaṃ kathitaṃ. Vijjāyāti brahmasadisavijjāya samannāgatā, tepi no ajarāmarāti attho.
220-221. исаяод̇и яаманияамаад̣̇ийнам̣ бадигууласан̃н̃аад̣̇ийнан̃жа зсанадтзна исаяо. санд̇аад̇и гааяаваажаахи санд̇асабхааваа. сан̃н̃ад̇ад̇д̇аад̇и рааг̇аад̣̇ийнам̣ сам̣яамзна сам̣яад̇ажид̇д̇аа. гааяад̇абанасан̇каад̇о д̇або зд̇зсам̣ ад̇т̇ийд̇и д̇абассино. буна д̇абассинод̇и сам̣варагаа. д̇зна звам̣ д̇абаниссид̇агаа худ̇ваа сарийрзна жа вимогкам̣ бад̇д̇угаамааби сам̣варагаа сарийрам̣ виж̇аханд̇и зваад̇и д̣̇ассзд̇и. ат̇а ваа исаяод̇и ад̇хисийласигкаад̣̇ийнам̣ зсанадтзна исаяо, д̇ад̣̇ад̇т̇ам̣ д̇аббадибагкаанам̣ баабад̇хаммаанам̣ вуубасамзна санд̇аа, згаарамман̣з жид̇д̇асса сам̣яамзна сан̃н̃ад̇ад̇д̇аа, саммаббад̇хаанаяог̇ад̇о вийрияад̇аабзна д̇абассино, саббаяог̇аа рааг̇аад̣̇ийнам̣ санд̇абанзна д̇абассинод̇и яож̇зд̇аб̣б̣ам̣. бхаавид̇ад̇д̇аад̇и жад̇усажжагаммадтаанабхааванааяа бхаавид̇ажид̇д̇аа.
220-221.Isayoti yamaniyamādīnaṃ paṭikūlasaññādīnañca esanaṭṭhena isayo. Santāti kāyavācāhi santasabhāvā. Saññatattāti rāgādīnaṃ saṃyamena saṃyatacittā. Kāyatapanasaṅkhāto tapo etesaṃ atthīti tapassino. Puna tapassinoti saṃvarakā. Tena evaṃ tapanissitakā hutvā sarīrena ca vimokkhaṃ pattukāmāpi saṃvarakā sarīraṃ vijahanti evāti dasseti. Atha vā isayoti adhisīlasikkhādīnaṃ esanaṭṭhena isayo, tadatthaṃ tappaṭipakkhānaṃ pāpadhammānaṃ vūpasamena santā, ekārammaṇe cittassa saṃyamena saññatattā, sammappadhānayogato vīriyatāpena tapassino, sappayogā rāgādīnaṃ santapanena tapassinoti yojetabbaṃ. Bhāvitattāti catusaccakammaṭṭhānabhāvanāya bhāvitacittā.
звам̣ гхадабан̣д̣ид̇зна д̇хаммз гат̇ид̇з д̇ам̣ суд̇ваа рааж̇аа абаг̇ад̇асогасалло басаннамаанасо гхадабан̣д̣ид̇ам̣ басам̣санд̇о –
Evaṃ ghaṭapaṇḍitena dhamme kathite taṃ sutvā rājā apagatasokasallo pasannamānaso ghaṭapaṇḍitaṃ pasaṃsanto –
222.
222.
‘‘аад̣̇ид̇д̇ам̣ вад̇а мам̣ санд̇ам̣, гхадасид̇д̇ам̣ва баавагам̣;
‘‘Ādittaṃ vata maṃ santaṃ, ghaṭasittaṃva pāvakaṃ;
вааринаа вияа осин̃жам̣, саб̣б̣ам̣ ниб̣б̣аабаяз д̣̇арам̣.
Vārinā viya osiñcaṃ, sabbaṃ nibbāpaye daraṃ.
223.
223.
‘‘аб̣б̣ахий вад̇а мз саллам̣, согам̣ хад̣̇аяаниссид̇ам̣;
‘‘Abbahī vata me sallaṃ, sokaṃ hadayanissitaṃ;
яо мз согабарзд̇асса, буд̇д̇асогам̣ абаануд̣̇и.
Yo me sokaparetassa, puttasokaṃ apānudi.
224.
224.
‘‘сваахам̣ аб̣б̣уул̣хасаллосми, сийд̇ибхууд̇осми ниб̣б̣уд̇о;
‘‘Svāhaṃ abbūḷhasallosmi, sītibhūtosmi nibbuto;
на сожаами на род̣̇аами, д̇ава суд̇ваана бхаад̇ига.
Na socāmi na rodāmi, tava sutvāna bhātika.
225.
225.
‘‘звам̣ гаронд̇и саббан̃н̃аа, яз хонд̇и анугамбагаа;
‘‘Evaṃ karonti sappaññā, ye honti anukampakā;
нивад̇д̇аяанд̇и согамхаа, гхадо ж̇здтам̣ва бхаад̇арам̣.
Nivattayanti sokamhā, ghaṭo jeṭṭhaṃva bhātaraṃ.
226.
226.
‘‘яасса зд̇аад̣̇исаа хонд̇и, амажжаа барижаарагаа;
‘‘Yassa etādisā honti, amaccā paricārakā;
субхаасид̇зна анвзнд̇и, гхадо ж̇здтам̣ва бхаад̇ара’’нд̇и. – сзсаг̇аат̇аа абхааси;
Subhāsitena anventi, ghaṭo jeṭṭhaṃva bhātara’’nti. – sesagāthā abhāsi;
225. д̇ад̇т̇а гхадо ж̇здтам̣ва бхаад̇аранд̇и яат̇аа гхадабан̣д̣ид̇о ад̇д̇ано ж̇здтабхаад̇арам̣ мад̇абуд̇д̇асогаабхибхууд̇ам̣ ад̇д̇ано убааяагосаллзна жзва д̇хаммагат̇ааяа жа д̇ад̇о буд̇д̇асогад̇о винивад̇д̇аяи, звам̣ ан̃н̃зби саббан̃н̃аа яз хонд̇и анугамбагаа, д̇з н̃аад̇ийнам̣ убагаарам̣ гаронд̇ийд̇и ад̇т̇о.
225. Tattha ghaṭo jeṭṭhaṃva bhātaranti yathā ghaṭapaṇḍito attano jeṭṭhabhātaraṃ mataputtasokābhibhūtaṃ attano upāyakosallena ceva dhammakathāya ca tato puttasokato vinivattayi, evaṃ aññepi sappaññā ye honti anukampakā, te ñātīnaṃ upakāraṃ karontīti attho.
226. яасса зд̇аад̣̇исаа хонд̇ийд̇и аяам̣ абхисамб̣уд̣̇д̇хаг̇аат̇аа. д̇ассад̇т̇о – яат̇аа язна гааран̣зна буд̇д̇асогабарзд̇ам̣ рааж̇аанам̣ ваасуд̣̇звам̣ гхадабан̣д̣ид̇о согахаран̣ад̇т̇ааяа субхаасид̇зна анвзси анузси, яасса ан̃н̃ассааби зд̇аад̣̇исаа бан̣д̣ид̇аа амажжаа бадилад̣̇д̇хаа ассу, д̇асса гуд̇о согод̇и! сзсаг̇аат̇аа хздтаа вуд̇д̇ад̇т̇аа зваад̇и.
226.Yassa etādisā hontīti ayaṃ abhisambuddhagāthā. Tassattho – yathā yena kāraṇena puttasokaparetaṃ rājānaṃ vāsudevaṃ ghaṭapaṇḍito sokaharaṇatthāya subhāsitena anvesi anuesi, yassa aññassāpi etādisā paṇḍitā amaccā paṭiladdhā assu, tassa kuto sokoti! Sesagāthā heṭṭhā vuttatthā evāti.
сад̇т̇аа имам̣ д̇хаммад̣̇зсанам̣ аахарид̇ваа ‘‘звам̣, убаасага, бораан̣агабан̣д̣ид̇аа бан̣д̣ид̇аанам̣ гат̇ам̣ суд̇ваа буд̇д̇асогам̣ харим̣суу’’д̇и вад̇ваа сажжаани багаасзд̇ваа ж̇аад̇агам̣ самод̇хаанзси. сажжабарияосаанз убаасаго сод̇аабад̇д̇ипалз бад̇идтахийд̇и.
Satthā imaṃ dhammadesanaṃ āharitvā ‘‘evaṃ, upāsaka, porāṇakapaṇḍitā paṇḍitānaṃ kathaṃ sutvā puttasokaṃ hariṃsū’’ti vatvā saccāni pakāsetvā jātakaṃ samodhānesi. Saccapariyosāne upāsako sotāpattiphale patiṭṭhahīti.
ган̣хабзд̇авад̇т̇уван̣н̣анаа нидтид̇аа.
Kaṇhapetavatthuvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / бзд̇авад̇т̇убаал̣и • Petavatthupāḷi / 6. ган̣хабзд̇авад̇т̇у • 6. Kaṇhapetavatthu
