| Library / Tipiṭaka / திபிடக • Tipiṭaka / அங்கு³த்தரனிகாய (டீகா) • Aṅguttaranikāya (ṭīkā) |
7. கண்ஹஸுத்தவண்ணனா
7. Kaṇhasuttavaṇṇanā
7. ஸத்தமே யதா² ‘‘கண்ஹா கா³வீ’’திஆதீ³ஸு காளவண்ணேன ஸமன்னாக³தா ‘‘கண்ஹா’’தி வுச்சதி, ந ஏவங் காளவண்ணதாய த⁴ம்மா ‘‘கண்ஹா’’தி வுச்சந்தி, அத² கோ² கண்ஹாபி⁴ஜாதினிப்³ப³த்திஹேதுதோ அப்பப⁴ஸ்ஸரபா⁴வகரணதோ வா ‘‘கண்ஹா’’தி வுச்சந்தீதி த³ஸ்ஸெந்தோ ‘‘ந காளவண்ணதாயா’’திஆதி³மாஹ. கண்ஹதாயாதி கண்ஹாபி⁴ஜாதிதாய. கண்ஹாபி⁴ஜாதீதி ச அபாயா வுச்சந்தி மனுஸ்ஸேஸு ச தோ³ப⁴க்³கி³யங். ஸரஸேனாதி ஸபா⁴வேன. ந ஹிரீயதி ந லஜ்ஜதீதி அஹிரிகோ, புக்³க³லோ, சித்தங், தங் ஸம்பயுத்தத⁴ம்மஸமுதா³யோ வா. தஸ்ஸ பா⁴வோ அஹிரிக்கந்தி வத்தப்³பே³ ஏகஸ்ஸ க-காரஸ்ஸ லோபங் கத்வா அஹிரிகந்தி வுத்தந்தி ஆஹ ‘‘அஹிரிகந்தி அஹிரிகபா⁴வோ’’தி. ந ஒத்தப்பதீதி அனொத்தாபீ, புக்³க³லோ, யதா²வுத்தத⁴ம்மஸமுதா³யோ வா, தஸ்ஸ பா⁴வோ அனொத்தப்பந்தி ஆஹ ‘‘அனொத்தாபிபா⁴வோ’’தி.
7. Sattame yathā ‘‘kaṇhā gāvī’’tiādīsu kāḷavaṇṇena samannāgatā ‘‘kaṇhā’’ti vuccati, na evaṃ kāḷavaṇṇatāya dhammā ‘‘kaṇhā’’ti vuccanti, atha kho kaṇhābhijātinibbattihetuto appabhassarabhāvakaraṇato vā ‘‘kaṇhā’’ti vuccantīti dassento ‘‘na kāḷavaṇṇatāyā’’tiādimāha. Kaṇhatāyāti kaṇhābhijātitāya. Kaṇhābhijātīti ca apāyā vuccanti manussesu ca dobhaggiyaṃ. Sarasenāti sabhāvena. Na hirīyati na lajjatīti ahiriko, puggalo, cittaṃ, taṃ sampayuttadhammasamudāyo vā. Tassa bhāvo ahirikkanti vattabbe ekassa ka-kārassa lopaṃ katvā ahirikanti vuttanti āha ‘‘ahirikanti ahirikabhāvo’’ti. Na ottappatīti anottāpī, puggalo, yathāvuttadhammasamudāyo vā, tassa bhāvo anottappanti āha ‘‘anottāpibhāvo’’ti.
கண்ஹஸுத்தவண்ணனா நிட்டி²தா.
Kaṇhasuttavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya / 7. கண்ஹஸுத்தங் • 7. Kaṇhasuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) / 7. கண்ஹஸுத்தவண்ணனா • 7. Kaṇhasuttavaṇṇanā
