| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) |
੭. ਕਣ੍ਹਸੁਤ੍ਤવਣ੍ਣਨਾ
7. Kaṇhasuttavaṇṇanā
੭. ਸਤ੍ਤਮੇ ਯਥਾ ‘‘ਕਣ੍ਹਾ ਗਾવੀ’’ਤਿਆਦੀਸੁ ਕਾਲ਼વਣ੍ਣੇਨ ਸਮਨ੍ਨਾਗਤਾ ‘‘ਕਣ੍ਹਾ’’ਤਿ વੁਚ੍ਚਤਿ, ਨ ਏવਂ ਕਾਲ਼વਣ੍ਣਤਾਯ ਧਮ੍ਮਾ ‘‘ਕਣ੍ਹਾ’’ਤਿ વੁਚ੍ਚਨ੍ਤਿ, ਅਥ ਖੋ ਕਣ੍ਹਾਭਿਜਾਤਿਨਿਬ੍ਬਤ੍ਤਿਹੇਤੁਤੋ ਅਪ੍ਪਭਸ੍ਸਰਭਾવਕਰਣਤੋ વਾ ‘‘ਕਣ੍ਹਾ’’ਤਿ વੁਚ੍ਚਨ੍ਤੀਤਿ ਦਸ੍ਸੇਨ੍ਤੋ ‘‘ਨ ਕਾਲ਼વਣ੍ਣਤਾਯਾ’’ਤਿਆਦਿਮਾਹ। ਕਣ੍ਹਤਾਯਾਤਿ ਕਣ੍ਹਾਭਿਜਾਤਿਤਾਯ। ਕਣ੍ਹਾਭਿਜਾਤੀਤਿ ਚ ਅਪਾਯਾ વੁਚ੍ਚਨ੍ਤਿ ਮਨੁਸ੍ਸੇਸੁ ਚ ਦੋਭਗ੍ਗਿਯਂ। ਸਰਸੇਨਾਤਿ ਸਭਾવੇਨ। ਨ ਹਿਰੀਯਤਿ ਨ ਲਜ੍ਜਤੀਤਿ ਅਹਿਰਿਕੋ, ਪੁਗ੍ਗਲੋ, ਚਿਤ੍ਤਂ, ਤਂ ਸਮ੍ਪਯੁਤ੍ਤਧਮ੍ਮਸਮੁਦਾਯੋ વਾ। ਤਸ੍ਸ ਭਾવੋ ਅਹਿਰਿਕ੍ਕਨ੍ਤਿ વਤ੍ਤਬ੍ਬੇ ਏਕਸ੍ਸ ਕ-ਕਾਰਸ੍ਸ ਲੋਪਂ ਕਤ੍વਾ ਅਹਿਰਿਕਨ੍ਤਿ વੁਤ੍ਤਨ੍ਤਿ ਆਹ ‘‘ਅਹਿਰਿਕਨ੍ਤਿ ਅਹਿਰਿਕਭਾવੋ’’ਤਿ। ਨ ਓਤ੍ਤਪ੍ਪਤੀਤਿ ਅਨੋਤ੍ਤਾਪੀ, ਪੁਗ੍ਗਲੋ, ਯਥਾવੁਤ੍ਤਧਮ੍ਮਸਮੁਦਾਯੋ વਾ, ਤਸ੍ਸ ਭਾવੋ ਅਨੋਤ੍ਤਪ੍ਪਨ੍ਤਿ ਆਹ ‘‘ਅਨੋਤ੍ਤਾਪਿਭਾવੋ’’ਤਿ।
7. Sattame yathā ‘‘kaṇhā gāvī’’tiādīsu kāḷavaṇṇena samannāgatā ‘‘kaṇhā’’ti vuccati, na evaṃ kāḷavaṇṇatāya dhammā ‘‘kaṇhā’’ti vuccanti, atha kho kaṇhābhijātinibbattihetuto appabhassarabhāvakaraṇato vā ‘‘kaṇhā’’ti vuccantīti dassento ‘‘na kāḷavaṇṇatāyā’’tiādimāha. Kaṇhatāyāti kaṇhābhijātitāya. Kaṇhābhijātīti ca apāyā vuccanti manussesu ca dobhaggiyaṃ. Sarasenāti sabhāvena. Na hirīyati na lajjatīti ahiriko, puggalo, cittaṃ, taṃ sampayuttadhammasamudāyo vā. Tassa bhāvo ahirikkanti vattabbe ekassa ka-kārassa lopaṃ katvā ahirikanti vuttanti āha ‘‘ahirikanti ahirikabhāvo’’ti. Na ottappatīti anottāpī, puggalo, yathāvuttadhammasamudāyo vā, tassa bhāvo anottappanti āha ‘‘anottāpibhāvo’’ti.
ਕਣ੍ਹਸੁਤ੍ਤવਣ੍ਣਨਾ ਨਿਟ੍ਠਿਤਾ।
Kaṇhasuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੭. ਕਣ੍ਹਸੁਤ੍ਤਂ • 7. Kaṇhasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) / ੭. ਕਣ੍ਹਸੁਤ੍ਤવਣ੍ਣਨਾ • 7. Kaṇhasuttavaṇṇanā
