| Library / Tipiṭaka / ติปิฎก • Tipiṭaka / อปทานปาฬิ • Apadānapāḷi |
๕. กณิการฉตฺติยเตฺถรอปทานํ
5. Kaṇikārachattiyattheraapadānaṃ
๒๓.
23.
‘‘เวสฺสภู นาม สมฺพุโทฺธ, โลกเชโฎฺฐ นราสโภ;
‘‘Vessabhū nāma sambuddho, lokajeṭṭho narāsabho;
ทิวาวิหาราย มุนิ, โอคาหยิ มหาวนํฯ
Divāvihārāya muni, ogāhayi mahāvanaṃ.
๒๔.
24.
‘‘กณิการํ โอจินิตฺวา, ฉตฺตํ กตฺวานหํ ตทา;
‘‘Kaṇikāraṃ ocinitvā, chattaṃ katvānahaṃ tadā;
ปุปฺผจฺฉทนํ กตฺวาน, พุทฺธสฺส อภิโรปยิํฯ
Pupphacchadanaṃ katvāna, buddhassa abhiropayiṃ.
๒๕.
25.
‘‘เอกตฺติํเส อิโต กเปฺป, ยํ ปุปฺผมภิโรปยิํ;
‘‘Ekattiṃse ito kappe, yaṃ pupphamabhiropayiṃ;
ทุคฺคติํ นาภิชานามิ, พุทฺธปูชายิทํ ผลํฯ
Duggatiṃ nābhijānāmi, buddhapūjāyidaṃ phalaṃ.
๒๖.
26.
‘‘อิโต วีสติกปฺปมฺหิ, โสณฺณาภา อฎฺฐ ขตฺติยา;
‘‘Ito vīsatikappamhi, soṇṇābhā aṭṭha khattiyā;
สตฺตรตนสมฺปนฺนา, จกฺกวตฺตี มหพฺพลาฯ
Sattaratanasampannā, cakkavattī mahabbalā.
๒๗.
27.
‘‘ปฎิสมฺภิทา จตโสฺส…เป.… กตํ พุทฺธสฺส สาสนํ’’ฯ
‘‘Paṭisambhidā catasso…pe… kataṃ buddhassa sāsanaṃ’’.
อิตฺถํ สุทํ อายสฺมา กณิการฉตฺติโย เถโร อิมา คาถาโย อภาสิตฺถาติฯ
Itthaṃ sudaṃ āyasmā kaṇikārachattiyo thero imā gāthāyo abhāsitthāti.
กณิการฉตฺติยเตฺถรสฺสาปทานํ ปญฺจมํฯ
Kaṇikārachattiyattherassāpadānaṃ pañcamaṃ.
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / ขุทฺทกนิกาย (อฎฺฐกถา) • Khuddakanikāya (aṭṭhakathā) / อปทาน-อฎฺฐกถา • Apadāna-aṭṭhakathā / ๕. กณิการฉตฺติยเตฺถรอปทานวณฺณนา • 5. Kaṇikārachattiyattheraapadānavaṇṇanā
