| Library / Tipiṭaka / තිපිටක • Tipiṭaka / අපදානපාළි • Apadānapāḷi |
5. කණිකාරඡත්‌තියත්‌ථෙරඅපදානං
5. Kaṇikārachattiyattheraapadānaṃ
23.
23.
‘‘වෙස්‌සභූ නාම සම්‌බුද්‌ධො, ලොකජෙට්‌ඨො නරාසභො;
‘‘Vessabhū nāma sambuddho, lokajeṭṭho narāsabho;
දිවාවිහාරාය මුනි, ඔගාහයි මහාවනං.
Divāvihārāya muni, ogāhayi mahāvanaṃ.
24.
24.
‘‘කණිකාරං ඔචිනිත්‌වා, ඡත්‌තං කත්‌වානහං තදා;
‘‘Kaṇikāraṃ ocinitvā, chattaṃ katvānahaṃ tadā;
පුප්‌ඵච්‌ඡදනං කත්‌වාන, බුද්‌ධස්‌ස අභිරොපයිං.
Pupphacchadanaṃ katvāna, buddhassa abhiropayiṃ.
25.
25.
‘‘එකත්‌තිංසෙ ඉතො කප්‌පෙ, යං පුප්‌ඵමභිරොපයිං;
‘‘Ekattiṃse ito kappe, yaṃ pupphamabhiropayiṃ;
දුග්‌ගතිං නාභිජානාමි, බුද්‌ධපූජායිදං ඵලං.
Duggatiṃ nābhijānāmi, buddhapūjāyidaṃ phalaṃ.
26.
26.
‘‘ඉතො වීසතිකප්‌පම්‌හි, සොණ්‌ණාභා අට්‌ඨ ඛත්‌තියා;
‘‘Ito vīsatikappamhi, soṇṇābhā aṭṭha khattiyā;
සත්‌තරතනසම්‌පන්‌නා, චක්‌කවත්‌තී මහබ්‌බලා.
Sattaratanasampannā, cakkavattī mahabbalā.
27.
27.
‘‘පටිසම්‌භිදා චතස්‌සො…පෙ.… කතං බුද්‌ධස්‌ස සාසනං’’.
‘‘Paṭisambhidā catasso…pe… kataṃ buddhassa sāsanaṃ’’.
ඉත්‌ථං සුදං ආයස්‌මා කණිකාරඡත්‌තියො ථෙරො ඉමා ගාථායො අභාසිත්‌ථාති.
Itthaṃ sudaṃ āyasmā kaṇikārachattiyo thero imā gāthāyo abhāsitthāti.
කණිකාරඡත්‌තියත්‌ථෙරස්‌සාපදානං පඤ්‌චමං.
Kaṇikārachattiyattherassāpadānaṃ pañcamaṃ.
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / ඛුද්‌දකනිකාය (අට්‌ඨකථා) • Khuddakanikāya (aṭṭhakathā) / අපදාන-අට්‌ඨකථා • Apadāna-aṭṭhakathā / 5. කණිකාරඡත්‌තියත්‌ථෙරඅපදානවණ්‌ණනා • 5. Kaṇikārachattiyattheraapadānavaṇṇanā
