| Library / Tipiṭaka / д̇ибидага • Tipiṭaka / абад̣̇аана-адтагат̇аа • Apadāna-aṭṭhakathā |
5. ган̣игаарачад̇д̇ияад̇т̇зраабад̣̇аанаван̣н̣анаа
5. Kaṇikārachattiyattheraapadānavaṇṇanā
взссабхуу наама самб̣уд̣̇д̇ход̇иаад̣̇игам̣ ааяасмад̇о ган̣игаарачад̇д̇ияад̇т̇зрасса абад̣̇аанам̣. аяамби т̇зро буримаб̣уд̣̇д̇хзсу гад̇аад̇хигааро д̇ад̇т̇а д̇ад̇т̇а бхавз виваддуубаниссаяаани бун̃н̃аани убажинанд̇о взссабхусса бхаг̇авад̇о гаалз гулаг̇зхз ниб̣б̣ад̇д̇о вин̃н̃уд̇ам̣ бад̇д̇о сад̣̇д̇хаасамбанно ахоси. д̇асмим̣ самаяз взссабхуу бхаг̇аваа вивзгагаамо махааванам̣ бависид̇ваа нисийд̣̇и. ат̇а соби убаасаго гзнажид̣̇зва гаран̣ийязна д̇ад̇т̇а г̇анд̇ваа бхаг̇аванд̇ам̣ аг̇г̇игканд̇хам̣ вияа ж̇аламаанам̣ нисиннам̣ д̣̇исваа басаннамаанасо ган̣игаарабубпам̣ ожинид̇ваа чад̇д̇ам̣ гад̇ваа бхаг̇авад̇о нисиннадтаанз вид̇аанам̣ гад̇ваа бууж̇зси, д̇ам̣ бхаг̇авад̇о аанубхаавзна сад̇д̇аахам̣ амилаад̇ам̣ худ̇ваа д̇ат̇зва адтааси. бхаг̇авааби паласамаабад̇д̇им̣ нирод̇хасамаабад̇д̇ин̃жа самаабаж̇ж̇ид̇ваа вихааси , со д̇ам̣ ажчарияам̣ д̣̇исваа соманассаж̇аад̇о бхаг̇аванд̇ам̣ ванд̣̇ид̇ваа ан̃ж̇алим̣ баг̇г̇аяха адтааси. бхаг̇аваа самаабад̇д̇ид̇о вудтахид̇ваа вихаарамзва аг̇амааси.
Vessabhūnāma sambuddhotiādikaṃ āyasmato kaṇikārachattiyattherassa apadānaṃ. Ayampi thero purimabuddhesu katādhikāro tattha tattha bhave vivaṭṭūpanissayāni puññāni upacinanto vessabhussa bhagavato kāle kulagehe nibbatto viññutaṃ patto saddhāsampanno ahosi. Tasmiṃ samaye vessabhū bhagavā vivekakāmo mahāvanaṃ pavisitvā nisīdi. Atha sopi upāsako kenacideva karaṇīyena tattha gantvā bhagavantaṃ aggikkhandhaṃ viya jalamānaṃ nisinnaṃ disvā pasannamānaso kaṇikārapupphaṃ ocinitvā chattaṃ katvā bhagavato nisinnaṭṭhāne vitānaṃ katvā pūjesi, taṃ bhagavato ānubhāvena sattāhaṃ amilātaṃ hutvā tatheva aṭṭhāsi. Bhagavāpi phalasamāpattiṃ nirodhasamāpattiñca samāpajjitvā vihāsi , so taṃ acchariyaṃ disvā somanassajāto bhagavantaṃ vanditvā añjaliṃ paggayha aṭṭhāsi. Bhagavā samāpattito vuṭṭhahitvā vihārameva agamāsi.
23. со д̇зна бун̃н̃зна д̣̇звамануссзсу самбад̇д̇ияо анубхавид̇ваа имасмим̣ б̣уд̣̇д̇хуббаад̣̇з саавад̇т̇ияам̣ гулаг̇зхз ниб̣б̣ад̇д̇о вуд̣̇д̇химанвааяа сад̣̇д̇хаасамбанно сад̇т̇у д̇хаммад̣̇зсанам̣ суд̇ваа гхарааваасз аналлийно баб̣б̣аж̇ид̇ваа вад̇д̇абадибад̇д̇ияаа ж̇инасаасанам̣ собхзнд̇о нажирассзва арахаа худ̇ваа ад̇д̇ано буб̣б̣агаммам̣ сарид̇ваа соманассаж̇аад̇о буб̣б̣ажарид̇аабад̣̇аанам̣ багаасзнд̇о взссабхуу наама самб̣уд̣̇д̇ход̇иаад̣̇имааха. д̇ад̇т̇а взссабхууд̇и взссз взссаж̇анз бхунаад̇и абхибхавад̇ийд̇и взссабхуу. ат̇а ваа взссз бан̃жавид̇хамаарз абхибхунаад̇и аж̇жход̇т̇арад̇ийд̇и взссабхуу. саамам̣язва б̣уж̇жхид̇аа сажжаанийд̇и самб̣уд̣̇д̇хо, наамзна взссабхуу наама самб̣уд̣̇д̇ход̇и ад̇т̇о. д̣̇иваавихаарааяа мунийд̇и д̣̇иб̣б̣ад̇и багаасзд̇и д̇ам̣ д̇ам̣ вад̇т̇ум̣ баагадам̣ гарод̇ийд̇и д̣̇иваа. суурияуг̇г̇аманад̇о бадтааяа яаава ад̇т̇ан̇г̇амо, д̇аава барижчиннагаало, вихаран̣ам̣ жад̇уухи ирияаабат̇зхи бавад̇д̇анам̣ вихааро, д̣̇ивааяа вихааро д̣̇иваавихааро, д̇асса д̣̇иваавихаарааяа логаж̇здто нараасабхо б̣уд̣̇д̇хамуни махааванам̣ ог̇аахид̇ваа бависид̇ваад̇и ад̇т̇о. сзсам̣ уд̇д̇аанад̇т̇амзваад̇и.
23. So tena puññena devamanussesu sampattiyo anubhavitvā imasmiṃ buddhuppāde sāvatthiyaṃ kulagehe nibbatto vuddhimanvāya saddhāsampanno satthu dhammadesanaṃ sutvā gharāvāse anallīno pabbajitvā vattapaṭipattiyā jinasāsanaṃ sobhento nacirasseva arahā hutvā attano pubbakammaṃ saritvā somanassajāto pubbacaritāpadānaṃ pakāsento vessabhū nāma sambuddhotiādimāha. Tattha vessabhūti vesse vessajane bhunāti abhibhavatīti vessabhū. Atha vā vesse pañcavidhamāre abhibhunāti ajjhottharatīti vessabhū. Sāmaṃyeva bujjhitā saccānīti sambuddho, nāmena vessabhū nāma sambuddhoti attho. Divāvihārāya munīti dibbati pakāseti taṃ taṃ vatthuṃ pākaṭaṃ karotīti divā. Sūriyuggamanato paṭṭhāya yāva atthaṅgamo, tāva paricchinnakālo, viharaṇaṃ catūhi iriyāpathehi pavattanaṃ vihāro, divāya vihāro divāvihāro, tassa divāvihārāya lokajeṭṭho narāsabho buddhamuni mahāvanaṃ ogāhitvā pavisitvāti attho. Sesaṃ uttānatthamevāti.
ган̣игаарачад̇д̇ияад̇т̇зраабад̣̇аанаван̣н̣анаа самад̇д̇аа.
Kaṇikārachattiyattheraapadānavaṇṇanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / абад̣̇аанабаал̣и • Apadānapāḷi / 5. ган̣игаарачад̇д̇ияад̇т̇зраабад̣̇аанам̣ • 5. Kaṇikārachattiyattheraapadānaṃ
