| Library / Tipiṭaka / д̇ибидага • Tipiṭaka / вимаанавад̇т̇у-адтагат̇аа • Vimānavatthu-aṭṭhakathā |
5. ган̃ж̇игад̣̇ааяигаавимаанаван̣н̣анаа
5. Kañjikadāyikāvimānavaṇṇanā
абхигганд̇зна ван̣н̣знаад̇и ган̃ж̇игад̣̇ааяигаавимаанам̣. д̇асса гаа уббад̇д̇и? бхаг̇аваа анд̇хагавинд̣̇з вихарад̇и. д̇зна жа самаязна бхаг̇авад̇о гужчияам̣ ваад̇арог̇о уббаж̇ж̇и. бхаг̇аваа ааяасманд̇ам̣ аананд̣̇ам̣ ааманд̇зси ‘‘г̇ажча д̇вам̣ аананд̣̇а, бин̣д̣ааяа жарид̇ваа маяхам̣ бхзсаж̇ж̇ад̇т̇ам̣ ган̃ж̇игам̣ аахараа’’д̇и. ‘‘звам̣ бханд̇з’’д̇и ко ааяасмаа аананд̣̇о бхаг̇авад̇о бадиссун̣ид̇ваа махаарааж̇ад̣̇ад̇д̇ияам̣ бад̇д̇ам̣ г̇ахзд̇ваа ад̇д̇ано убадтаагавзж̇ж̇асса нивзсанад̣̇ваарз адтааси. д̇ам̣ д̣̇исваа взж̇ж̇асса бхарияаа бажжуг̇г̇анд̇ваа ванд̣̇ид̇ваа бад̇д̇ам̣ г̇ахзд̇ваа т̇зрам̣ бужчи ‘‘гийд̣̇исзна во, бханд̇з, бхзсаж̇ж̇зна ад̇т̇о’’д̇и. саа гира б̣уд̣̇д̇хисамбаннаа ‘‘бхзсаж̇ж̇зна баяож̇анз сад̇и т̇зро ид̇хааг̇ажчад̇и, на бхигкад̇т̇а’’нд̇и саллагкзси. ‘‘ган̃ж̇игзнаа’’д̇и жа вуд̇д̇з ‘‘на яид̣̇ам̣ бхзсаж̇ж̇ам̣ маяхам̣ аяяасса, д̇ат̇аа хзса бхаг̇авад̇о бад̇д̇о, ханд̣̇аахам̣ логанаат̇асса анужчавигам̣ ган̃ж̇игам̣ самбаад̣̇змий’’д̇и соманассаж̇аад̇аа сан̃ж̇аад̇аб̣ахумаанаа б̣ад̣̇араяуусзна яааг̇ум̣ самбаад̣̇зд̇ваа бад̇д̇ам̣ буурзд̇ваа д̇асса бариваарабхаавзна ан̃н̃ан̃жа бхож̇анам̣ бадияаад̣̇зд̇ваа бзсзси. д̇ам̣ барибхуд̇д̇амад̇д̇ассзва бхаг̇авад̇о со ааб̣аад̇хо вуубасами. саа абарзна самаязна гаалам̣ гад̇ваа д̇аавад̇им̣сзсу уббаж̇ж̇ид̇ваа махад̇им̣ д̣̇иб̣б̣асамбад̇д̇им̣ анубхаванд̇ий мод̣̇ад̇и. ат̇ааяасмаа махаамог̇г̇аллаано д̣̇зважааригам̣ жаранд̇о д̇ам̣ ажчараасахассабариваарзна вижаранд̇им̣ д̣̇исваа д̇ааяа гад̇агаммам̣ имаахи г̇аат̇аахи бужчи –
Abhikkantenavaṇṇenāti kañjikadāyikāvimānaṃ. Tassa kā uppatti? Bhagavā andhakavinde viharati. Tena ca samayena bhagavato kucchiyaṃ vātarogo uppajji. Bhagavā āyasmantaṃ ānandaṃ āmantesi ‘‘gaccha tvaṃ ānanda, piṇḍāya caritvā mayhaṃ bhesajjatthaṃ kañjikaṃ āharā’’ti. ‘‘Evaṃ bhante’’ti kho āyasmā ānando bhagavato paṭissuṇitvā mahārājadattiyaṃ pattaṃ gahetvā attano upaṭṭhākavejjassa nivesanadvāre aṭṭhāsi. Taṃ disvā vejjassa bhariyā paccuggantvā vanditvā pattaṃ gahetvā theraṃ pucchi ‘‘kīdisena vo, bhante, bhesajjena attho’’ti. Sā kira buddhisampannā ‘‘bhesajjena payojane sati thero idhāgacchati, na bhikkhattha’’nti sallakkhesi. ‘‘Kañjikenā’’ti ca vutte ‘‘na yidaṃ bhesajjaṃ mayhaṃ ayyassa, tathā hesa bhagavato patto, handāhaṃ lokanāthassa anucchavikaṃ kañjikaṃ sampādemī’’ti somanassajātā sañjātabahumānā badarayūsena yāguṃ sampādetvā pattaṃ pūretvā tassa parivārabhāvena aññañca bhojanaṃ paṭiyādetvā pesesi. Taṃ paribhuttamattasseva bhagavato so ābādho vūpasami. Sā aparena samayena kālaṃ katvā tāvatiṃsesu uppajjitvā mahatiṃ dibbasampattiṃ anubhavantī modati. Athāyasmā mahāmoggallāno devacārikaṃ caranto taṃ accharāsahassaparivārena vicarantiṃ disvā tāya katakammaṃ imāhi gāthāhi pucchi –
719.
719.
‘‘абхигганд̇зна ван̣н̣зна …бз… ван̣н̣о жа д̇з саб̣б̣ад̣̇исаа бабхаасад̇ий’’д̇и. –
‘‘Abhikkantena vaṇṇena …pe… vaṇṇo ca te sabbadisā pabhāsatī’’ti. –
сааби б̣яаагааси.
Sāpi byākāsi.
721.
721.
‘‘саа д̣̇звад̇аа ад̇д̇аманаа…бз… яасса гаммассид̣̇ам̣ палам̣’’.
‘‘Sā devatā attamanā…pe… yassa kammassidaṃ phalaṃ’’.
723.
723.
‘‘ахам̣ анд̇хагавинд̣̇амхи, б̣уд̣̇д̇хассаад̣̇ижжаб̣анд̇хуно;
‘‘Ahaṃ andhakavindamhi, buddhassādiccabandhuno;
ад̣̇аасим̣ голасамбаагам̣, ган̃ж̇игам̣ д̇злад̇хуубид̇ам̣.
Adāsiṃ kolasampākaṃ, kañjikaṃ teladhūpitaṃ.
724.
724.
‘‘бибпаляаа ласун̣зна жа, миссам̣ лааман̃ж̇агзна жа;
‘‘Pipphalyā lasuṇena ca, missaṃ lāmañjakena ca;
ад̣̇аасим̣ уж̇убхууд̇асмим̣, виббасаннзна жзд̇асаа.
Adāsiṃ ujubhūtasmiṃ, vippasannena cetasā.
725.
725.
‘‘яаа махзсид̇д̇ам̣ гаарзяяа, жаггавад̇д̇исса рааж̇ино;
‘‘Yā mahesittaṃ kāreyya, cakkavattissa rājino;
наарий саб̣б̣ан̇г̇агаляаан̣ий, бхад̇д̇у жааномад̣̇ассигаа;
Nārī sabbaṅgakalyāṇī, bhattu cānomadassikā;
згасса ган̃ж̇игад̣̇аанасса, галам̣ нааг̇гхад̇и сол̣асим̣.
Ekassa kañjikadānassa, kalaṃ nāgghati soḷasiṃ.
726.
726.
‘‘сад̇ам̣ нигкаа сад̇ам̣ ассаа, сад̇ам̣ ассад̇арийрат̇аа;
‘‘Sataṃ nikkhā sataṃ assā, sataṃ assatarīrathā;
сад̇ам̣ ган̃н̃аасахассаани, аамуд̇д̇аман̣игун̣д̣алаа;
Sataṃ kaññāsahassāni, āmuttamaṇikuṇḍalā;
згасса ган̃ж̇игад̣̇аанасса, галам̣ нааг̇гханд̇и сол̣асим̣.
Ekassa kañjikadānassa, kalaṃ nāgghanti soḷasiṃ.
727.
727.
‘‘сад̇ам̣ хзмавад̇аа нааг̇аа, ийсаад̣̇анд̇аа уруул̣хаваа;
‘‘Sataṃ hemavatā nāgā, īsādantā urūḷhavā;
суван̣н̣агажчаа маад̇ан̇г̇аа, хзмагаббанаваасасаа,
Suvaṇṇakacchā mātaṅgā, hemakappanavāsasā,
згасса ган̃ж̇игад̣̇аанасса, галам̣ нааг̇гханд̇и сол̣асим̣.
Ekassa kañjikadānassa, kalaṃ nāgghanti soḷasiṃ.
728.
728.
‘‘жад̇уннамаби д̣̇ийбаанам̣, иссарам̣ яод̇ха гаараяз;
‘‘Catunnamapi dīpānaṃ, issaraṃ yodha kāraye;
згасса ган̃ж̇игад̣̇аанасса, галам̣ нааг̇гхад̇и сол̣аси’’нд̇и.
Ekassa kañjikadānassa, kalaṃ nāgghati soḷasi’’nti.
723-4. д̇ад̇т̇а ад̣̇аасим̣ голасамбаабагам̣, ган̃ж̇игам̣ д̇злад̇хуубид̇анд̇и б̣ад̣̇арамод̣̇агагасаавз жад̇уг̇ун̣од̣̇агасамод̣̇ид̇з баагзна жад̇уд̇т̇абхааг̇аавасидтам̣ яааг̇ум̣ бажид̇ваа д̇ам̣ д̇игадугааж̇амод̣̇ахин̇г̇уж̇ийрагаласун̣аад̣̇ийхи гадугабхан̣д̣зхи абхисан̇карид̇ваа суд̇хуубид̇ам̣ гад̇ваа лааман̃ж̇аг̇анд̇хам̣ г̇аахаабзд̇ваа басаннажид̇д̇зна бхаг̇авад̇о бад̇д̇з аагирид̇ваа сад̇т̇аарам̣ уд̣̇д̣̇исид̇ваа ад̣̇аасим̣, т̇зрасса хад̇т̇з бад̇идтабзсинд̇и д̣̇ассзд̇и. д̇знааха –
723-4. Tattha adāsiṃ kolasampāpakaṃ, kañjikaṃ teladhūpitanti badaramodakakasāve catuguṇodakasamodite pākena catutthabhāgāvasiṭṭhaṃ yāguṃ pacitvā taṃ tikaṭukaajamodahiṅgujīrakalasuṇādīhi kaṭukabhaṇḍehi abhisaṅkharitvā sudhūpitaṃ katvā lāmañjagandhaṃ gāhāpetvā pasannacittena bhagavato patte ākiritvā satthāraṃ uddisitvā adāsiṃ, therassa hatthe patiṭṭhapesinti dasseti. Tenāha –
‘‘бибпаляаа ласун̣зна жа, миссам̣ лааман̃ж̇агзна жа;
‘‘Pipphalyālasuṇena ca, missaṃ lāmañjakena ca;
ад̣̇аасим̣ уж̇убхууд̇асмим̣, виббасаннзна жзд̇асаа’’д̇и.
Adāsiṃ ujubhūtasmiṃ, vippasannena cetasā’’ti.
сзсам̣ вуд̇д̇анаяамзва.
Sesaṃ vuttanayameva.
звам̣ ааяасмаа махаамог̇г̇аллаано д̇ааяа д̣̇звад̇ааяа ад̇д̇анаа самубажид̇асужарид̇агаммз аавигад̇з сабариваарааяа д̇ассаа д̇хаммам̣ д̣̇зсзд̇ваа мануссалогам̣ ааг̇анд̇ваа д̇ам̣ бавад̇д̇им̣ бхаг̇авад̇о аарожзси. бхаг̇аваа д̇амад̇т̇ам̣ адтуббад̇д̇им̣ гад̇ваа жад̇убарисамаж̇жхз д̇хаммам̣ д̣̇зсзси. саа д̣̇зсанаа махааж̇анасса саад̇т̇игаа ахосийд̇и.
Evaṃ āyasmā mahāmoggallāno tāya devatāya attanā samupacitasucaritakamme āvikate saparivārāya tassā dhammaṃ desetvā manussalokaṃ āgantvā taṃ pavattiṃ bhagavato ārocesi. Bhagavā tamatthaṃ aṭṭhuppattiṃ katvā catuparisamajjhe dhammaṃ desesi. Sā desanā mahājanassa sātthikā ahosīti.
ган̃ж̇игад̣̇ааяигаавимаанаван̣н̣анаа нидтид̇аа.
Kañjikadāyikāvimānavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / вимаанавад̇т̇убаал̣и • Vimānavatthupāḷi / 5. ган̃ж̇игад̣̇ааяигаавимаанавад̇т̇у • 5. Kañjikadāyikāvimānavatthu
