| Library / Tipiṭaka / ತಿಪಿಟಕ • Tipiṭaka / ವಿಮಾನವತ್ಥುಪಾಳಿ • Vimānavatthupāḷi |
೫. ಕಞ್ಜಿಕದಾಯಿಕಾವಿಮಾನವತ್ಥು
5. Kañjikadāyikāvimānavatthu
೭೧೯.
719.
‘‘ಅಭಿಕ್ಕನ್ತೇನ ವಣ್ಣೇನ…ಪೇ॰… ಓಸಧೀ ವಿಯ ತಾರಕಾ॥
‘‘Abhikkantena vaṇṇena…pe… osadhī viya tārakā.
೭೨೦.
720.
‘‘ಕೇನ ತೇತಾದಿಸೋ ವಣ್ಣೋ…ಪೇ॰…ವಣ್ಣೋ ಚ ಮೇ ಸಬ್ಬದಿಸಾ ಪಭಾಸತೀ’’ತಿ॥
‘‘Kena tetādiso vaṇṇo…pe…vaṇṇo ca me sabbadisā pabhāsatī’’ti.
೭೨೨.
722.
ಸಾ ದೇವತಾ ಅತ್ತಮನಾ…ಪೇ॰… ಯಸ್ಸ ಕಮ್ಮಸ್ಸಿದಂ ಫಲಂ॥
Sā devatā attamanā…pe… yassa kammassidaṃ phalaṃ.
೭೨೩.
723.
‘‘ಅಹಂ ಅನ್ಧಕವಿನ್ದಮ್ಹಿ, ಬುದ್ಧಸ್ಸಾದಿಚ್ಚಬನ್ಧುನೋ।
‘‘Ahaṃ andhakavindamhi, buddhassādiccabandhuno;
ಅದಾಸಿಂ ಕೋಲಸಮ್ಪಾಕಂ, ಕಞ್ಜಿಕಂ ತೇಲಧೂಪಿತಂ॥
Adāsiṃ kolasampākaṃ, kañjikaṃ teladhūpitaṃ.
೭೨೪.
724.
‘‘ಪಿಪ್ಫಲ್ಯಾ ಲಸುಣೇನ ಚ, ಮಿಸ್ಸಂ ಲಾಮಞ್ಜಕೇನ ಚ।
‘‘Pipphalyā lasuṇena ca, missaṃ lāmañjakena ca;
೭೨೫.
725.
‘‘ಯಾ ಮಹೇಸಿತ್ತಂ ಕಾರೇಯ್ಯ, ಚಕ್ಕವತ್ತಿಸ್ಸ ರಾಜಿನೋ।
‘‘Yā mahesittaṃ kāreyya, cakkavattissa rājino;
ನಾರೀ ಸಬ್ಬಙ್ಗಕಲ್ಯಾಣೀ, ಭತ್ತು ಚಾನೋಮದಸ್ಸಿಕಾ।
Nārī sabbaṅgakalyāṇī, bhattu cānomadassikā;
ಏಕಸ್ಸ ಕಞ್ಜಿಕದಾನಸ್ಸ, ಕಲಂ ನಾಗ್ಘತಿ ಸೋಳಸಿಂ॥
Ekassa kañjikadānassa, kalaṃ nāgghati soḷasiṃ.
೭೨೬.
726.
‘‘ಸತಂ ನಿಕ್ಖಾ ಸತಂ ಅಸ್ಸಾ, ಸತಂ ಅಸ್ಸತರೀರಥಾ।
‘‘Sataṃ nikkhā sataṃ assā, sataṃ assatarīrathā;
ಸತಂ ಕಞ್ಞಾಸಹಸ್ಸಾನಿ, ಆಮುತ್ತಮಣಿಕುಣ್ಡಲಾ।
Sataṃ kaññāsahassāni, āmuttamaṇikuṇḍalā;
ಏಕಸ್ಸ ಕಞ್ಜಿಕದಾನಸ್ಸ, ಕಲಂ ನಾಗ್ಘನ್ತಿ ಸೋಳಸಿಂ॥
Ekassa kañjikadānassa, kalaṃ nāgghanti soḷasiṃ.
೭೨೭.
727.
‘‘ಸತಂ ಹೇಮವತಾ ನಾಗಾ, ಈಸಾದನ್ತಾ ಉರೂಳ್ಹವಾ।
‘‘Sataṃ hemavatā nāgā, īsādantā urūḷhavā;
ಸುವಣ್ಣಕಚ್ಛಾ ಮಾತಙ್ಗಾ, ಹೇಮಕಪ್ಪನವಾಸಸಾ।
Suvaṇṇakacchā mātaṅgā, hemakappanavāsasā;
ಏಕಸ್ಸ ಕಞ್ಜಿಕದಾನಸ್ಸ, ಕಲಂ ನಾಗ್ಘನ್ತಿ ಸೋಳಸಿಂ॥
Ekassa kañjikadānassa, kalaṃ nāgghanti soḷasiṃ.
೭೨೮.
728.
‘‘ಚತುನ್ನಮಪಿ ದೀಪಾನಂ, ಇಸ್ಸರಂ ಯೋಧ ಕಾರಯೇ।
‘‘Catunnamapi dīpānaṃ, issaraṃ yodha kāraye;
ಏಕಸ್ಸ ಕಞ್ಜಿಕದಾನಸ್ಸ, ಕಲಂ ನಾಗ್ಘತಿ ಸೋಳಸಿ’’ನ್ತಿ॥
Ekassa kañjikadānassa, kalaṃ nāgghati soḷasi’’nti.
ಕಞ್ಜಿಕದಾಯಿಕಾವಿಮಾನಂ ಪಞ್ಚಮಂ।
Kañjikadāyikāvimānaṃ pañcamaṃ.
Footnotes:
Related texts:
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಖುದ್ದಕನಿಕಾಯ (ಅಟ್ಠಕಥಾ) • Khuddakanikāya (aṭṭhakathā) / ವಿಮಾನವತ್ಥು-ಅಟ್ಠಕಥಾ • Vimānavatthu-aṭṭhakathā / ೫. ಕಞ್ಜಿಕದಾಯಿಕಾವಿಮಾನವಣ್ಣನಾ • 5. Kañjikadāyikāvimānavaṇṇanā
