| Library / Tipiṭaka / තිපිටක • Tipiṭaka / විමානවත්‌ථුපාළි • Vimānavatthupāḷi |
5. කඤ්‌ජිකදායිකාවිමානවත්‌ථු
5. Kañjikadāyikāvimānavatthu
719.
719.
‘‘අභික්‌කන්‌තෙන වණ්‌ණෙන…පෙ.… ඔසධී විය තාරකා.
‘‘Abhikkantena vaṇṇena…pe… osadhī viya tārakā.
720.
720.
‘‘කෙන තෙතාදිසො වණ්‌ණො…පෙ.…වණ්‌ණො ච මෙ සබ්‌බදිසා පභාසතී’’ති.
‘‘Kena tetādiso vaṇṇo…pe…vaṇṇo ca me sabbadisā pabhāsatī’’ti.
722.
722.
සා දෙවතා අත්‌තමනා…පෙ.… යස්‌ස කම්‌මස්‌සිදං ඵලං.
Sā devatā attamanā…pe… yassa kammassidaṃ phalaṃ.
723.
723.
‘‘අහං අන්‌ධකවින්‌දම්‌හි, බුද්‌ධස්‌සාදිච්‌චබන්‌ධුනො;
‘‘Ahaṃ andhakavindamhi, buddhassādiccabandhuno;
අදාසිං කොලසම්‌පාකං, කඤ්‌ජිකං තෙලධූපිතං.
Adāsiṃ kolasampākaṃ, kañjikaṃ teladhūpitaṃ.
724.
724.
‘‘පිප්‌ඵල්‍යා ලසුණෙන ච, මිස්‌සං ලාමඤ්‌ජකෙන ච;
‘‘Pipphalyā lasuṇena ca, missaṃ lāmañjakena ca;
725.
725.
‘‘යා මහෙසිත්‌තං කාරෙය්‍ය, චක්‌කවත්‌තිස්‌ස රාජිනො;
‘‘Yā mahesittaṃ kāreyya, cakkavattissa rājino;
නාරී සබ්‌බඞ්‌ගකල්‍යාණී, භත්‌තු චානොමදස්‌සිකා;
Nārī sabbaṅgakalyāṇī, bhattu cānomadassikā;
එකස්‌ස කඤ්‌ජිකදානස්‌ස, කලං නාග්‌ඝති සොළසිං.
Ekassa kañjikadānassa, kalaṃ nāgghati soḷasiṃ.
726.
726.
‘‘සතං නික්‌ඛා සතං අස්‌සා, සතං අස්‌සතරීරථා;
‘‘Sataṃ nikkhā sataṃ assā, sataṃ assatarīrathā;
සතං කඤ්‌ඤාසහස්‌සානි, ආමුත්‌තමණිකුණ්‌ඩලා;
Sataṃ kaññāsahassāni, āmuttamaṇikuṇḍalā;
එකස්‌ස කඤ්‌ජිකදානස්‌ස, කලං නාග්‌ඝන්‌ති සොළසිං.
Ekassa kañjikadānassa, kalaṃ nāgghanti soḷasiṃ.
727.
727.
‘‘සතං හෙමවතා නාගා, ඊසාදන්‌තා උරූළ්‌හවා;
‘‘Sataṃ hemavatā nāgā, īsādantā urūḷhavā;
සුවණ්‌ණකච්‌ඡා මාතඞ්‌ගා, හෙමකප්‌පනවාසසා;
Suvaṇṇakacchā mātaṅgā, hemakappanavāsasā;
එකස්‌ස කඤ්‌ජිකදානස්‌ස, කලං නාග්‌ඝන්‌ති සොළසිං.
Ekassa kañjikadānassa, kalaṃ nāgghanti soḷasiṃ.
728.
728.
‘‘චතුන්‌නමපි දීපානං, ඉස්‌සරං යොධ කාරයෙ;
‘‘Catunnamapi dīpānaṃ, issaraṃ yodha kāraye;
එකස්‌ස කඤ්‌ජිකදානස්‌ස, කලං නාග්‌ඝති සොළසි’’න්‌ති.
Ekassa kañjikadānassa, kalaṃ nāgghati soḷasi’’nti.
කඤ්‌ජිකදායිකාවිමානං පඤ්‌චමං.
Kañjikadāyikāvimānaṃ pañcamaṃ.
Footnotes:
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / ඛුද්‌දකනිකාය (අට්‌ඨකථා) • Khuddakanikāya (aṭṭhakathā) / විමානවත්‌ථු-අට්‌ඨකථා • Vimānavatthu-aṭṭhakathā / 5. කඤ්‌ජිකදායිකාවිමානවණ්‌ණනා • 5. Kañjikadāyikāvimānavaṇṇanā
