| Library / Tipiṭaka / д̇ибидага • Tipiṭaka / уд̣̇аана-адтагат̇аа • Udāna-aṭṭhakathā |
7. ган̇каарзвад̇асуд̇д̇аван̣н̣анаа
7. Kaṅkhārevatasuttavaṇṇanā
47. сад̇д̇амз ган̇каарзвад̇од̇и д̇асса т̇зрасса наамам̣. со хи саасанз баб̣б̣аж̇ид̇ваа лад̣̇д̇хуубасамбад̣̇о сийлаваа галяаан̣ад̇хаммо вихарад̇и, ‘‘агаббияаа муг̇г̇аа, на габбанд̇и муг̇г̇аа барибхун̃ж̇ид̇ум̣, агаббияо г̇ул̣о’’д̇и (махаава. 272) жа аад̣̇инаа винаяагуггужжасан̇каад̇аган̇кааб̣ахуло бана ход̇и. д̇зна ган̇каарзвад̇од̇и бан̃н̃ааяид̇т̇а. со абарабхааг̇з сад̇т̇у санд̇игз гаммадтаанам̣ г̇ахзд̇ваа гхадзнд̇о вааяаманд̇о чал̣абхин̃н̃аа сажчигад̇ваа жхаанасукзна паласукзна вийд̇инаамзд̇и, язбхуяязна бана ад̇д̇анаа ад̇хиг̇ад̇ам̣ арияамаг̇г̇ам̣ г̇арум̣ гад̇ваа бажжавзгкад̇и. д̇зна вуд̇д̇ам̣ – ‘‘ад̇д̇ано ган̇каавид̇аран̣ависуд̣̇д̇хим̣ бажжавзгкамаано’’д̇и. маг̇г̇абан̃н̃аа хи ‘‘ахосим̣ ну ко ахам̣ ад̇ийд̇амад̣̇д̇хаана’’нд̇иаад̣̇инаяабавад̇д̇ааяа (ма. ни. 1.18; сам̣. ни. 2.20) сол̣асавад̇т̇угааяа, ‘‘б̣уд̣̇д̇хз ган̇кад̇и…бз… бадижжасамуббаннзсу д̇хаммзсу ган̇кад̇ий’’д̇и (д̇ха. са. 1008) звам̣ вуд̇д̇ааяа адтавад̇т̇угааяа, баг̇зва ид̇араасанд̇и анавасзсад̇о саб̣б̣аган̇каанам̣ вид̇аран̣ад̇о самад̇иггаманад̇о, ан̃н̃зхи жа ад̇д̇анаа бахаад̇аб̣б̣агилзсзхи ажжанд̇ависуж̇жханад̇о ‘‘ган̇каавид̇аран̣ависуд̣̇д̇хий’’д̇и ид̇хаад̇хиббзд̇аа. д̇ан̃хи аяамааяасмаа д̣̇ийгхарад̇д̇ам̣ ган̇каабагад̇ад̇д̇аа ‘‘имам̣ маг̇г̇ад̇хаммам̣ ад̇хиг̇амма имаа мз ган̇каа анавасзсаа бахийнаа’’д̇и г̇арум̣ гад̇ваа бажжавзгкамаано нисийд̣̇и, на саббажжаяанаамаруубад̣̇ассанам̣ анижжанд̇игад̇д̇аа д̇асса ган̇каавид̇аран̣асса.
47. Sattame kaṅkhārevatoti tassa therassa nāmaṃ. So hi sāsane pabbajitvā laddhūpasampado sīlavā kalyāṇadhammo viharati, ‘‘akappiyā muggā, na kappanti muggā paribhuñjituṃ, akappiyo guḷo’’ti (mahāva. 272) ca ādinā vinayakukkuccasaṅkhātakaṅkhābahulo pana hoti. Tena kaṅkhārevatoti paññāyittha. So aparabhāge satthu santike kammaṭṭhānaṃ gahetvā ghaṭento vāyamanto chaḷabhiññā sacchikatvā jhānasukhena phalasukhena vītināmeti, yebhuyyena pana attanā adhigataṃ ariyamaggaṃ garuṃ katvā paccavekkhati. Tena vuttaṃ – ‘‘attano kaṅkhāvitaraṇavisuddhiṃ paccavekkhamāno’’ti. Maggapaññā hi ‘‘ahosiṃ nu kho ahaṃ atītamaddhāna’’ntiādinayapavattāya (ma. ni. 1.18; saṃ. ni. 2.20) soḷasavatthukāya, ‘‘buddhe kaṅkhati…pe… paṭiccasamuppannesu dhammesu kaṅkhatī’’ti (dha. sa. 1008) evaṃ vuttāya aṭṭhavatthukāya, pageva itarāsanti anavasesato sabbakaṅkhānaṃ vitaraṇato samatikkamanato, aññehi ca attanā pahātabbakilesehi accantavisujjhanato ‘‘kaṅkhāvitaraṇavisuddhī’’ti idhādhippetā. Tañhi ayamāyasmā dīgharattaṃ kaṅkhāpakatattā ‘‘imaṃ maggadhammaṃ adhigamma imā me kaṅkhā anavasesā pahīnā’’ti garuṃ katvā paccavekkhamāno nisīdi, na sappaccayanāmarūpadassanaṃ aniccantikattā tassa kaṅkhāvitaraṇassa.
зд̇амад̇т̇ам̣ вид̣̇ид̇ваад̇и зд̇ам̣ арияамаг̇г̇асса анавасзсаган̇каавид̇аран̣асан̇каад̇ам̣ ад̇т̇ам̣ вид̣̇ид̇ваа д̇ад̣̇ад̇т̇ад̣̇ийбагам̣ имам̣ уд̣̇аанам̣ уд̣̇аанзси.
Etamatthaṃ viditvāti etaṃ ariyamaggassa anavasesakaṅkhāvitaraṇasaṅkhātaṃ atthaṃ viditvā tadatthadīpakaṃ imaṃ udānaṃ udānesi.
д̇ад̇т̇а яаа гаажи ган̇каа ид̇ха ваа хурам̣ ваад̇и ид̇ха имасмим̣ бажжуббаннз ад̇д̇абхаавз ‘‘ахам̣ ну косми но ну космий’’д̇иаад̣̇инаа хурам̣ ваа, ад̇ийд̇аанааг̇ад̇зсу ад̇д̇абхаавзсу ‘‘ахосим̣ ну ко ахам̣ ад̇ийд̇амад̣̇д̇хаана’’нд̇иаад̣̇инаа уббаж̇ж̇анагаа ган̇каа. сагавзд̣̇ияаа ваа баравзд̣̇ияаа ваад̇и д̇аа звам̣ вуд̇д̇анаязнзва сагаад̇д̇абхаавз аарамман̣авасзна бадилабхид̇аб̣б̣ааяа бавад̇д̇ияаа сагавзд̣̇ияаа ваа барасса ад̇д̇абхаавз бадилабхид̇аб̣б̣ааяа ‘‘б̣уд̣̇д̇хо ну ко, но ну ко’’д̇иаад̣̇инаа ваа барасмим̣ бад̇хаанз уд̇д̇амз бадилабхид̇аб̣б̣ааяа бавад̇д̇ияаа баравзд̣̇ияаа ваа яаа гаажи ган̇каа вижигижчаа. яз жхааяино д̇аа баж̇аханд̇и саб̣б̣аа, аад̇аабино б̣рахмажарияам̣ жаранд̇аад̇и яз аарамман̣уубаниж̇жхаанзна лагкан̣уубаниж̇жхаанзна жхааяино вибассанам̣ уссуггаабзд̇ваа жад̇уб̣б̣ид̇хасаммаббад̇хаанабаарибуурияаа аад̇аабино маг̇г̇аб̣рахмажарияам̣ жаранд̇аа ад̇хиг̇ажчанд̇аа сад̣̇д̇хаанусаарийаад̣̇иббабхзд̣̇аа батамамаг̇г̇адтаа буг̇г̇алаа, д̇аа саб̣б̣аа ган̇каа баж̇аханд̇и самужчинд̣̇анд̇и маг̇г̇агкан̣з. д̇ад̇о барам̣ бана д̇аа бахийнаа наама хонд̇и, д̇асмаа ид̇о ан̃н̃ам̣ д̇аасам̣ ажжанд̇аббахаанам̣ наама над̇т̇ийд̇и ад̇хиббааяо.
Tattha yā kāci kaṅkhā idha vā huraṃ vāti idha imasmiṃ paccuppanne attabhāve ‘‘ahaṃ nu khosmi no nu khosmī’’tiādinā huraṃ vā, atītānāgatesu attabhāvesu ‘‘ahosiṃ nu kho ahaṃ atītamaddhāna’’ntiādinā uppajjanakā kaṅkhā. Sakavediyā vā paravediyā vāti tā evaṃ vuttanayeneva sakaattabhāve ārammaṇavasena paṭilabhitabbāya pavattiyā sakavediyā vā parassa attabhāve paṭilabhitabbāya ‘‘buddho nu kho, no nu kho’’tiādinā vā parasmiṃ padhāne uttame paṭilabhitabbāya pavattiyā paravediyā vā yā kāci kaṅkhā vicikicchā. Ye jhāyino tā pajahanti sabbā, ātāpino brahmacariyaṃ carantāti ye ārammaṇūpanijjhānena lakkhaṇūpanijjhānena jhāyino vipassanaṃ ussukkāpetvā catubbidhasammappadhānapāripūriyā ātāpino maggabrahmacariyaṃ carantā adhigacchantā saddhānusārīādippabhedā paṭhamamaggaṭṭhā puggalā, tā sabbā kaṅkhā pajahanti samucchindanti maggakkhaṇe. Tato paraṃ pana tā pahīnā nāma honti, tasmā ito aññaṃ tāsaṃ accantappahānaṃ nāma natthīti adhippāyo.
ид̇и бхаг̇аваа жхаанамукзна ааяасмад̇о ган̇каарзвад̇асса жхаанасийсзна арияамаг̇г̇аад̇хиг̇амам̣ т̇омзнд̇о т̇оманаавасзна уд̣̇аанам̣ уд̣̇аанзси. д̇знзва жа нам̣ ‘‘зд̇ад̣̇аг̇г̇ам̣, бхигкавз, мама саавагаанам̣ бхигкуунам̣ жхааяийнам̣ яад̣̇ид̣̇ам̣ ган̇каарзвад̇о’’д̇и (а. ни. 1.204) жхааяийбхаавзна зд̇ад̣̇аг̇г̇з табзсийд̇и.
Iti bhagavā jhānamukhena āyasmato kaṅkhārevatassa jhānasīsena ariyamaggādhigamaṃ thomento thomanāvasena udānaṃ udānesi. Teneva ca naṃ ‘‘etadaggaṃ, bhikkhave, mama sāvakānaṃ bhikkhūnaṃ jhāyīnaṃ yadidaṃ kaṅkhārevato’’ti (a. ni. 1.204) jhāyībhāvena etadagge ṭhapesīti.
сад̇д̇амасуд̇д̇аван̣н̣анаа нидтид̇аа.
Sattamasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / уд̣̇аанабаал̣и • Udānapāḷi / 7. ган̇каарзвад̇асуд̇д̇ам̣ • 7. Kaṅkhārevatasuttaṃ
