| Library / Tipiṭaka / д̇ибидага • Tipiṭaka / маж̇жхиманигааяа • Majjhimanikāya |
10. ган̣н̣агад̇т̇аласуд̇д̇ам̣
10. Kaṇṇakatthalasuttaṃ
375. звам̣ мз суд̇ам̣ – згам̣ самаяам̣ бхаг̇аваа урун̃н̃ааяам̣ 1 вихарад̇и ган̣н̣агад̇т̇алз миг̇ад̣̇ааяз. д̇зна ко бана самаязна рааж̇аа басзнад̣̇и госало урун̃н̃ам̣ ануббад̇д̇о ход̇и гзнажид̣̇зва гаран̣ийязна. ат̇а ко рааж̇аа басзнад̣̇и госало ан̃н̃ад̇арам̣ бурисам̣ ааманд̇зси – ‘‘зхи д̇вам̣, амбхо буриса, язна бхаг̇аваа д̇знубасан̇гама; убасан̇гамид̇ваа мама важанзна бхаг̇авад̇о баад̣̇з сирасаа ванд̣̇аахи, аббааб̣аад̇хам̣ аббаад̇ан̇гам̣ лахудтаанам̣ б̣алам̣ паасувихаарам̣ бужча – ‘рааж̇аа, бханд̇з, басзнад̣̇и госало бхаг̇авад̇о баад̣̇з сирасаа ванд̣̇ад̇и, аббааб̣аад̇хам̣ аббаад̇ан̇гам̣ лахудтаанам̣ б̣алам̣ паасувихаарам̣ бужчад̇ий’д̇и. зван̃жа вад̣̇зхи – ‘аж̇ж̇а гира, бханд̇з, рааж̇аа басзнад̣̇и госало бажчаабхад̇д̇ам̣ бхуд̇д̇абаад̇араасо бхаг̇аванд̇ам̣ д̣̇ассанааяа убасан̇гамиссад̇ий’’’д̇и. ‘‘звам̣, д̣̇зваа’’д̇и ко со бурисо ран̃н̃о басзнад̣̇исса госаласса бадиссуд̇ваа язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисинно ко со бурисо бхаг̇аванд̇ам̣ зд̇ад̣̇авожа – ‘‘рааж̇аа, бханд̇з, басзнад̣̇и госало бхаг̇авад̇о баад̣̇з сирасаа ванд̣̇ад̇и, аббааб̣аад̇хам̣ аббаад̇ан̇гам̣ лахудтаанам̣ б̣алам̣ паасувихаарам̣ бужчад̇и; зван̃жа вад̣̇зд̇и – ‘аж̇ж̇а гира бханд̇з, рааж̇аа басзнад̣̇и госало бажчаабхад̇д̇ам̣ бхуд̇д̇абаад̇араасо бхаг̇аванд̇ам̣ д̣̇ассанааяа убасан̇гамиссад̇ий’’’д̇и. ассосум̣ ко сомаа жа бхаг̇иний сагулаа жа бхаг̇иний – ‘‘аж̇ж̇а гира рааж̇аа басзнад̣̇и госало бажчаабхад̇д̇ам̣ бхуд̇д̇абаад̇араасо бхаг̇аванд̇ам̣ д̣̇ассанааяа убасан̇гамиссад̇ий’’д̇и. ат̇а ко сомаа жа бхаг̇иний сагулаа жа бхаг̇иний рааж̇аанам̣ басзнад̣̇им̣ госалам̣ бхад̇д̇аабхихаарз убасан̇гамид̇ваа зд̇ад̣̇авожум̣ – ‘‘д̇зна хи, махаарааж̇а, амхаагамби важанзна бхаг̇авад̇о баад̣̇з сирасаа ванд̣̇аахи, аббааб̣аад̇хам̣ аббаад̇ан̇гам̣ лахудтаанам̣ б̣алам̣ паасувихаарам̣ бужча – ‘сомаа жа, бханд̇з, бхаг̇иний сагулаа жа бхаг̇иний бхаг̇авад̇о баад̣̇з сирасаа ванд̣̇ад̇и, аббааб̣аад̇хам̣ аббаад̇ан̇гам̣ лахудтаанам̣ б̣алам̣ паасувихаарам̣ бужчад̇ий’’’д̇и.
375. Evaṃ me sutaṃ – ekaṃ samayaṃ bhagavā uruññāyaṃ 2 viharati kaṇṇakatthale migadāye. Tena kho pana samayena rājā pasenadi kosalo uruññaṃ anuppatto hoti kenacideva karaṇīyena. Atha kho rājā pasenadi kosalo aññataraṃ purisaṃ āmantesi – ‘‘ehi tvaṃ, ambho purisa, yena bhagavā tenupasaṅkama; upasaṅkamitvā mama vacanena bhagavato pāde sirasā vandāhi, appābādhaṃ appātaṅkaṃ lahuṭṭhānaṃ balaṃ phāsuvihāraṃ puccha – ‘rājā, bhante, pasenadi kosalo bhagavato pāde sirasā vandati, appābādhaṃ appātaṅkaṃ lahuṭṭhānaṃ balaṃ phāsuvihāraṃ pucchatī’ti. Evañca vadehi – ‘ajja kira, bhante, rājā pasenadi kosalo pacchābhattaṃ bhuttapātarāso bhagavantaṃ dassanāya upasaṅkamissatī’’’ti. ‘‘Evaṃ, devā’’ti kho so puriso rañño pasenadissa kosalassa paṭissutvā yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinno kho so puriso bhagavantaṃ etadavoca – ‘‘rājā, bhante, pasenadi kosalo bhagavato pāde sirasā vandati, appābādhaṃ appātaṅkaṃ lahuṭṭhānaṃ balaṃ phāsuvihāraṃ pucchati; evañca vadeti – ‘ajja kira bhante, rājā pasenadi kosalo pacchābhattaṃ bhuttapātarāso bhagavantaṃ dassanāya upasaṅkamissatī’’’ti. Assosuṃ kho somā ca bhaginī sakulā ca bhaginī – ‘‘ajja kira rājā pasenadi kosalo pacchābhattaṃ bhuttapātarāso bhagavantaṃ dassanāya upasaṅkamissatī’’ti. Atha kho somā ca bhaginī sakulā ca bhaginī rājānaṃ pasenadiṃ kosalaṃ bhattābhihāre upasaṅkamitvā etadavocuṃ – ‘‘tena hi, mahārāja, amhākampi vacanena bhagavato pāde sirasā vandāhi, appābādhaṃ appātaṅkaṃ lahuṭṭhānaṃ balaṃ phāsuvihāraṃ puccha – ‘somā ca, bhante, bhaginī sakulā ca bhaginī bhagavato pāde sirasā vandati, appābādhaṃ appātaṅkaṃ lahuṭṭhānaṃ balaṃ phāsuvihāraṃ pucchatī’’’ti.
376. ат̇а ко рааж̇аа басзнад̣̇и госало бажчаабхад̇д̇ам̣ бхуд̇д̇абаад̇араасо язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисинно ко рааж̇аа басзнад̣̇и госало бхаг̇аванд̇ам̣ зд̇ад̣̇авожа – ‘‘сомаа жа, бханд̇з, бхаг̇иний сагулаа жа бхаг̇иний бхаг̇авад̇о баад̣̇з сирасаа ванд̣̇ад̇и 3, аббааб̣аад̇хам̣ аббаад̇ан̇гам̣ лахудтаанам̣ б̣алам̣ паасувихаарам̣ бужчад̇ий’’д̇и 4. ‘‘гим̣ бана, махаарааж̇а, сомаа жа бхаг̇иний сагулаа жа бхаг̇иний ан̃н̃ам̣ д̣̇ууд̇ам̣ наалад̇т̇у’’нд̇и? ‘‘ассосум̣ ко, бханд̇з, сомаа жа бхаг̇иний сагулаа жа бхаг̇иний – ‘аж̇ж̇а гира рааж̇аа басзнад̣̇и госало бажчаабхад̇д̇ам̣ бхуд̇д̇абаад̇араасо бхаг̇аванд̇ам̣ д̣̇ассанааяа убасан̇гамиссад̇ий’д̇и. ат̇а ко, бханд̇з, сомаа жа бхаг̇иний сагулаа жа бхаг̇иний мам̣ бхад̇д̇аабхихаарз убасан̇гамид̇ваа зд̇ад̣̇авожум̣ – ‘д̇зна хи, махаарааж̇а, амхаагамби важанзна бхаг̇авад̇о баад̣̇з сирасаа ванд̣̇аахи, аббааб̣аад̇хам̣ аббаад̇ан̇гам̣ лахудтаанам̣ б̣алам̣ паасувихаарам̣ бужча – сомаа жа бхаг̇иний сагулаа жа бхаг̇иний бхаг̇авад̇о баад̣̇з сирасаа ванд̣̇ад̇и, аббааб̣аад̇хам̣ аббаад̇ан̇гам̣ лахудтаанам̣ б̣алам̣ паасувихаарам̣ бужчад̇ий’’’д̇и. ‘‘сукинияо хонд̇у д̇аа, махаарааж̇а, сомаа жа бхаг̇иний сагулаа жа бхаг̇иний’’д̇и.
376. Atha kho rājā pasenadi kosalo pacchābhattaṃ bhuttapātarāso yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinno kho rājā pasenadi kosalo bhagavantaṃ etadavoca – ‘‘somā ca, bhante, bhaginī sakulā ca bhaginī bhagavato pāde sirasā vandati 5, appābādhaṃ appātaṅkaṃ lahuṭṭhānaṃ balaṃ phāsuvihāraṃ pucchatī’’ti 6. ‘‘Kiṃ pana, mahārāja, somā ca bhaginī sakulā ca bhaginī aññaṃ dūtaṃ nālatthu’’nti? ‘‘Assosuṃ kho, bhante, somā ca bhaginī sakulā ca bhaginī – ‘ajja kira rājā pasenadi kosalo pacchābhattaṃ bhuttapātarāso bhagavantaṃ dassanāya upasaṅkamissatī’ti. Atha kho, bhante, somā ca bhaginī sakulā ca bhaginī maṃ bhattābhihāre upasaṅkamitvā etadavocuṃ – ‘tena hi, mahārāja, amhākampi vacanena bhagavato pāde sirasā vandāhi, appābādhaṃ appātaṅkaṃ lahuṭṭhānaṃ balaṃ phāsuvihāraṃ puccha – somā ca bhaginī sakulā ca bhaginī bhagavato pāde sirasā vandati, appābādhaṃ appātaṅkaṃ lahuṭṭhānaṃ balaṃ phāsuvihāraṃ pucchatī’’’ti. ‘‘Sukhiniyo hontu tā, mahārāja, somā ca bhaginī sakulā ca bhaginī’’ti.
377. ат̇а ко рааж̇аа басзнад̣̇и госало бхаг̇аванд̇ам̣ зд̇ад̣̇авожа – ‘‘суд̇ам̣ мзд̇ам̣, бханд̇з, саман̣о г̇од̇амо звамааха – ‘над̇т̇и со саман̣о ваа б̣раахман̣о ваа яо саб̣б̣ан̃н̃уу саб̣б̣ад̣̇ассаавий абарисзсам̣ н̃аан̣ад̣̇ассанам̣ бадиж̇ааниссад̇и, нзд̇ам̣ таанам̣ виж̇ж̇ад̇ий’д̇и. яз д̇з, бханд̇з, звамаахам̣су – ‘саман̣о г̇од̇амо звамааха – над̇т̇и со саман̣о ваа б̣раахман̣о ваа яо саб̣б̣ан̃н̃уу саб̣б̣ад̣̇ассаавий абарисзсам̣ н̃аан̣ад̣̇ассанам̣ бадиж̇ааниссад̇и, нзд̇ам̣ таанам̣ виж̇ж̇ад̇ий’д̇и; гажжи д̇з, бханд̇з, бхаг̇авад̇о вуд̇д̇аваад̣̇ино, на жа бхаг̇аванд̇ам̣ абхууд̇зна аб̣бхаажигканд̇и, д̇хаммасса жаануд̇хаммам̣ б̣яаагаронд̇и, на жа гожи сахад̇хаммиго ваад̣̇аануваад̣̇о г̇аараяхам̣ таанам̣ ааг̇ажчад̇ий’’д̇и? ‘‘яз д̇з, махаарааж̇а, звамаахам̣су – ‘саман̣о г̇од̇амо звамааха – над̇т̇и со саман̣о ваа б̣раахман̣о ваа яо саб̣б̣ан̃н̃уу саб̣б̣ад̣̇ассаавий абарисзсам̣ н̃аан̣ад̣̇ассанам̣ бадиж̇ааниссад̇и, нзд̇ам̣ таанам̣ виж̇ж̇ад̇ий’д̇и; на мз д̇з вуд̇д̇аваад̣̇ино, аб̣бхаажигканд̇и жа бана мам̣ д̇з асад̇аа абхууд̇знаа’’д̇и.
377. Atha kho rājā pasenadi kosalo bhagavantaṃ etadavoca – ‘‘sutaṃ metaṃ, bhante, samaṇo gotamo evamāha – ‘natthi so samaṇo vā brāhmaṇo vā yo sabbaññū sabbadassāvī aparisesaṃ ñāṇadassanaṃ paṭijānissati, netaṃ ṭhānaṃ vijjatī’ti. Ye te, bhante, evamāhaṃsu – ‘samaṇo gotamo evamāha – natthi so samaṇo vā brāhmaṇo vā yo sabbaññū sabbadassāvī aparisesaṃ ñāṇadassanaṃ paṭijānissati, netaṃ ṭhānaṃ vijjatī’ti; kacci te, bhante, bhagavato vuttavādino, na ca bhagavantaṃ abhūtena abbhācikkhanti, dhammassa cānudhammaṃ byākaronti, na ca koci sahadhammiko vādānuvādo gārayhaṃ ṭhānaṃ āgacchatī’’ti? ‘‘Ye te, mahārāja, evamāhaṃsu – ‘samaṇo gotamo evamāha – natthi so samaṇo vā brāhmaṇo vā yo sabbaññū sabbadassāvī aparisesaṃ ñāṇadassanaṃ paṭijānissati, netaṃ ṭhānaṃ vijjatī’ti; na me te vuttavādino, abbhācikkhanti ca pana maṃ te asatā abhūtenā’’ti.
378. ат̇а ко рааж̇аа басзнад̣̇и госало видадуубхам̣ сзнаабад̇им̣ ааманд̇зси – ‘‘го ну ко, сзнаабад̇и, имам̣ гат̇аавад̇т̇ум̣ рааж̇анд̇збурз аб̣бхуд̣̇аахаасий’’д̇и? ‘‘сан̃ж̇аяо, махаарааж̇а, б̣раахман̣о аагаасаг̇од̇д̇о’’д̇и. ат̇а ко рааж̇аа басзнад̣̇и госало ан̃н̃ад̇арам̣ бурисам̣ ааманд̇зси – ‘‘зхи д̇вам̣ , амбхо буриса, мама важанзна сан̃ж̇аяам̣ б̣раахман̣ам̣ аагаасаг̇од̇д̇ам̣ ааманд̇зхи – ‘рааж̇аа д̇ам̣, бханд̇з, басзнад̣̇и госало ааманд̇зд̇ий’’’д̇и. ‘‘звам̣, д̣̇зваа’’д̇и ко со бурисо ран̃н̃о басзнад̣̇исса госаласса бадиссуд̇ваа язна сан̃ж̇аяо б̣раахман̣о аагаасаг̇од̇д̇о д̇знубасан̇гами; убасан̇гамид̇ваа сан̃ж̇аяам̣ б̣раахман̣ам̣ аагаасаг̇од̇д̇ам̣ зд̇ад̣̇авожа – ‘‘рааж̇аа д̇ам̣, бханд̇з, басзнад̣̇и госало ааманд̇зд̇ий’’д̇и. ат̇а ко рааж̇аа басзнад̣̇и госало бхаг̇аванд̇ам̣ зд̇ад̣̇авожа – ‘‘сияаа ну ко, бханд̇з, бхаг̇авад̇аа ан̃н̃ад̣̇зва гин̃жи санд̇хааяа бхаасид̇ам̣, д̇ан̃жа ж̇ано ан̃н̃ат̇ааби бажжааг̇ажчзяяа 7. яат̇аа гат̇ам̣ бана, бханд̇з, бхаг̇аваа абхиж̇аанаад̇и ваажам̣ бхаасид̇аа’’д̇и? ‘‘звам̣ ко ахам̣, махаарааж̇а, абхиж̇аанаами ваажам̣ бхаасид̇аа – ‘над̇т̇и со саман̣о ваа б̣раахман̣о ваа яо сагид̣̇зва саб̣б̣ам̣ н̃ассад̇и, саб̣б̣ам̣ д̣̇агкид̇и, нзд̇ам̣ таанам̣ виж̇ж̇ад̇ий’’’д̇и. ‘‘хзд̇уруубам̣, бханд̇з, бхаг̇аваа ааха; сахзд̇уруубам̣, бханд̇з, бхаг̇аваа ааха – ‘над̇т̇и со саман̣о ваа б̣раахман̣о ваа яо сагид̣̇зва саб̣б̣ам̣ н̃ассад̇и, саб̣б̣ам̣ д̣̇агкид̇и, нзд̇ам̣ таанам̣ виж̇ж̇ад̇ий’’’д̇и. ‘‘жад̇д̇ааромз, бханд̇з, ван̣н̣аа – кад̇д̇ияаа, б̣раахман̣аа, взссаа, суд̣̇д̣̇аа. имзсам̣ ну ко, бханд̇з, жад̇уннам̣ ван̣н̣аанам̣ сияаа висзсо сияаа наанаагаран̣а’’нд̇и? ‘‘жад̇д̇ааромз, махаарааж̇а, ван̣н̣аа – кад̇д̇ияаа, б̣раахман̣аа, взссаа, суд̣̇д̣̇аа. имзсам̣ ко, махаарааж̇а, жад̇уннам̣ ван̣н̣аанам̣ д̣̇вз ван̣н̣аа аг̇г̇амагкааяанд̇и – кад̇д̇ияаа жа б̣раахман̣аа жа – яад̣̇ид̣̇ам̣ абхиваад̣̇анабажжудтаанаан̃ж̇алигаммасаамийжигаммааний’’д̇и 8. ‘‘наахам̣, бханд̇з, бхаг̇аванд̇ам̣ д̣̇идтад̇хаммигам̣ бужчаами; самбарааяигаахам̣, бханд̇з, бхаг̇аванд̇ам̣ бужчаами. жад̇д̇ааромз, бханд̇з, ван̣н̣аа – кад̇д̇ияаа, б̣раахман̣аа, взссаа, суд̣̇д̣̇аа. имзсам̣ ну ко, бханд̇з, жад̇уннам̣ ван̣н̣аанам̣ сияаа висзсо сияаа наанаагаран̣а’’нд̇и?
378. Atha kho rājā pasenadi kosalo viṭaṭūbhaṃ senāpatiṃ āmantesi – ‘‘ko nu kho, senāpati, imaṃ kathāvatthuṃ rājantepure abbhudāhāsī’’ti? ‘‘Sañjayo, mahārāja, brāhmaṇo ākāsagotto’’ti. Atha kho rājā pasenadi kosalo aññataraṃ purisaṃ āmantesi – ‘‘ehi tvaṃ , ambho purisa, mama vacanena sañjayaṃ brāhmaṇaṃ ākāsagottaṃ āmantehi – ‘rājā taṃ, bhante, pasenadi kosalo āmantetī’’’ti. ‘‘Evaṃ, devā’’ti kho so puriso rañño pasenadissa kosalassa paṭissutvā yena sañjayo brāhmaṇo ākāsagotto tenupasaṅkami; upasaṅkamitvā sañjayaṃ brāhmaṇaṃ ākāsagottaṃ etadavoca – ‘‘rājā taṃ, bhante, pasenadi kosalo āmantetī’’ti. Atha kho rājā pasenadi kosalo bhagavantaṃ etadavoca – ‘‘siyā nu kho, bhante, bhagavatā aññadeva kiñci sandhāya bhāsitaṃ, tañca jano aññathāpi paccāgaccheyya 9. Yathā kathaṃ pana, bhante, bhagavā abhijānāti vācaṃ bhāsitā’’ti? ‘‘Evaṃ kho ahaṃ, mahārāja, abhijānāmi vācaṃ bhāsitā – ‘natthi so samaṇo vā brāhmaṇo vā yo sakideva sabbaṃ ñassati, sabbaṃ dakkhiti, netaṃ ṭhānaṃ vijjatī’’’ti. ‘‘Heturūpaṃ, bhante, bhagavā āha; saheturūpaṃ, bhante, bhagavā āha – ‘natthi so samaṇo vā brāhmaṇo vā yo sakideva sabbaṃ ñassati, sabbaṃ dakkhiti, netaṃ ṭhānaṃ vijjatī’’’ti. ‘‘Cattārome, bhante, vaṇṇā – khattiyā, brāhmaṇā, vessā, suddā. Imesaṃ nu kho, bhante, catunnaṃ vaṇṇānaṃ siyā viseso siyā nānākaraṇa’’nti? ‘‘Cattārome, mahārāja, vaṇṇā – khattiyā, brāhmaṇā, vessā, suddā. Imesaṃ kho, mahārāja, catunnaṃ vaṇṇānaṃ dve vaṇṇā aggamakkhāyanti – khattiyā ca brāhmaṇā ca – yadidaṃ abhivādanapaccuṭṭhānaañjalikammasāmīcikammānī’’ti 10. ‘‘Nāhaṃ, bhante, bhagavantaṃ diṭṭhadhammikaṃ pucchāmi; samparāyikāhaṃ, bhante, bhagavantaṃ pucchāmi. Cattārome, bhante, vaṇṇā – khattiyā, brāhmaṇā, vessā, suddā. Imesaṃ nu kho, bhante, catunnaṃ vaṇṇānaṃ siyā viseso siyā nānākaraṇa’’nti?
379. ‘‘бан̃жимаани, махаарааж̇а, бад̇хаанияан̇г̇аани. гад̇амаани бан̃жа? ид̇ха, махаарааж̇а, бхигку сад̣̇д̇хо ход̇и, сад̣̇д̣̇ахад̇и д̇ат̇ааг̇ад̇асса б̣од̇хим̣ – ‘ид̇иби со бхаг̇аваа арахам̣ саммаасамб̣уд̣̇д̇хо виж̇ж̇аажаран̣асамбанно суг̇ад̇о логавид̣̇уу ануд̇д̇аро бурисад̣̇аммасаарат̇и сад̇т̇аа д̣̇звамануссаанам̣ б̣уд̣̇д̇хо бхаг̇аваа’д̇и; аббааб̣аад̇хо ход̇и аббаад̇ан̇го самавзбаагинияаа г̇ахан̣ияаа саманнааг̇ад̇о наад̇исийд̇ааяа наажжун̣хааяа маж̇жхимааяа бад̇хаанагкамааяа; асато ход̇и амааяаавий яат̇аабхууд̇ам̣ ад̇д̇аанам̣ аавигад̇д̇аа сад̇т̇ари ваа вин̃н̃уусу ваа саб̣рахмажаарийсу; аарад̣̇д̇хавийрияо вихарад̇и агусалаанам̣ д̇хаммаанам̣ бахаанааяа, гусалаанам̣ д̇хаммаанам̣ убасамбад̣̇ааяа, т̇аамаваа д̣̇ал̣хабараггамо анигкид̇д̇ад̇хуро гусалзсу д̇хаммзсу; бан̃н̃аваа ход̇и уд̣̇аяад̇т̇аг̇ааминияаа бан̃н̃ааяа саманнааг̇ад̇о арияааяа ниб̣б̣зд̇хигааяа саммаад̣̇угкагкаяаг̇ааминияаа – имаани ко, махаарааж̇а, бан̃жа бад̇хаанияан̇г̇аани. жад̇д̇ааромз, махаарааж̇а, ван̣н̣аа – кад̇д̇ияаа, б̣раахман̣аа, взссаа, суд̣̇д̣̇аа. д̇з жассу имзхи бан̃жахи бад̇хаанияан̇г̇зхи саманнааг̇ад̇аа ; зд̇т̇а бана нзсам̣ асса д̣̇ийгхарад̇д̇ам̣ хид̇ааяа сукааяаа’’д̇и. ‘‘жад̇д̇ааромз, бханд̇з, ван̣н̣аа – кад̇д̇ияаа, б̣раахман̣аа, взссаа, суд̣̇д̣̇аа . д̇з жассу имзхи бан̃жахи бад̇хаанияан̇г̇зхи саманнааг̇ад̇аа; зд̇т̇а бана нзсам̣, бханд̇з, сияаа висзсо сияаа наанаагаран̣а’’нд̇и? ‘‘зд̇т̇а ко нзсаахам̣, махаарааж̇а, бад̇хаанавзмад̇д̇ад̇ам̣ вад̣̇аами. сзяяат̇аабиссу, махаарааж̇а, д̣̇вз хад̇т̇ид̣̇аммаа ваа ассад̣̇аммаа ваа г̇од̣̇аммаа ваа суд̣̇анд̇аа сувинийд̇аа, д̣̇вз хад̇т̇ид̣̇аммаа ваа ассад̣̇аммаа ваа г̇од̣̇аммаа ваа ад̣̇анд̇аа авинийд̇аа. д̇ам̣ гим̣ ман̃н̃аси, махаарааж̇а, яз д̇з д̣̇вз хад̇т̇ид̣̇аммаа ваа ассад̣̇аммаа ваа г̇од̣̇аммаа ваа суд̣̇анд̇аа сувинийд̇аа, аби ну д̇з д̣̇анд̇аава д̣̇анд̇агааран̣ам̣ г̇ажчзяяум̣, д̣̇анд̇аава д̣̇анд̇абхуумим̣ самбаабун̣зяяу’’нд̇и? ‘‘звам̣, бханд̇з’’. ‘‘яз бана д̇з д̣̇вз хад̇т̇ид̣̇аммаа ваа ассад̣̇аммаа ваа г̇од̣̇аммаа ваа ад̣̇анд̇аа авинийд̇аа, аби ну д̇з ад̣̇анд̇аава д̣̇анд̇агааран̣ам̣ г̇ажчзяяум̣, ад̣̇анд̇аава д̣̇анд̇абхуумим̣ самбаабун̣зяяум̣, сзяяат̇ааби д̇з д̣̇вз хад̇т̇ид̣̇аммаа ваа ассад̣̇аммаа ваа г̇од̣̇аммаа ваа суд̣̇анд̇аа сувинийд̇аа’’д̇и? ‘‘но хзд̇ам̣, бханд̇з’’. ‘‘звамзва ко, махаарааж̇а, яам̣ д̇ам̣ сад̣̇д̇хзна бад̇д̇аб̣б̣ам̣ аббааб̣аад̇хзна асатзна амааяаавинаа аарад̣̇д̇хавийриязна бан̃н̃авад̇аа д̇ам̣ вад̇а 11 ассад̣̇д̇хо б̣ахвааб̣аад̇хо сато мааяаавий гусийд̇о д̣̇уббан̃н̃о баабун̣иссад̇ийд̇и – нзд̇ам̣ таанам̣ виж̇ж̇ад̇ий’’д̇и.
379. ‘‘Pañcimāni, mahārāja, padhāniyaṅgāni. Katamāni pañca? Idha, mahārāja, bhikkhu saddho hoti, saddahati tathāgatassa bodhiṃ – ‘itipi so bhagavā arahaṃ sammāsambuddho vijjācaraṇasampanno sugato lokavidū anuttaro purisadammasārathi satthā devamanussānaṃ buddho bhagavā’ti; appābādho hoti appātaṅko samavepākiniyā gahaṇiyā samannāgato nātisītāya nāccuṇhāya majjhimāya padhānakkhamāya; asaṭho hoti amāyāvī yathābhūtaṃ attānaṃ āvikattā satthari vā viññūsu vā sabrahmacārīsu; āraddhavīriyo viharati akusalānaṃ dhammānaṃ pahānāya, kusalānaṃ dhammānaṃ upasampadāya, thāmavā daḷhaparakkamo anikkhittadhuro kusalesu dhammesu; paññavā hoti udayatthagāminiyā paññāya samannāgato ariyāya nibbedhikāya sammādukkhakkhayagāminiyā – imāni kho, mahārāja, pañca padhāniyaṅgāni. Cattārome, mahārāja, vaṇṇā – khattiyā, brāhmaṇā, vessā, suddā. Te cassu imehi pañcahi padhāniyaṅgehi samannāgatā ; ettha pana nesaṃ assa dīgharattaṃ hitāya sukhāyā’’ti. ‘‘Cattārome, bhante, vaṇṇā – khattiyā, brāhmaṇā, vessā, suddā . Te cassu imehi pañcahi padhāniyaṅgehi samannāgatā; ettha pana nesaṃ, bhante, siyā viseso siyā nānākaraṇa’’nti? ‘‘Ettha kho nesāhaṃ, mahārāja, padhānavemattataṃ vadāmi. Seyyathāpissu, mahārāja, dve hatthidammā vā assadammā vā godammā vā sudantā suvinītā, dve hatthidammā vā assadammā vā godammā vā adantā avinītā. Taṃ kiṃ maññasi, mahārāja, ye te dve hatthidammā vā assadammā vā godammā vā sudantā suvinītā, api nu te dantāva dantakāraṇaṃ gaccheyyuṃ, dantāva dantabhūmiṃ sampāpuṇeyyu’’nti? ‘‘Evaṃ, bhante’’. ‘‘Ye pana te dve hatthidammā vā assadammā vā godammā vā adantā avinītā, api nu te adantāva dantakāraṇaṃ gaccheyyuṃ, adantāva dantabhūmiṃ sampāpuṇeyyuṃ, seyyathāpi te dve hatthidammā vā assadammā vā godammā vā sudantā suvinītā’’ti? ‘‘No hetaṃ, bhante’’. ‘‘Evameva kho, mahārāja, yaṃ taṃ saddhena pattabbaṃ appābādhena asaṭhena amāyāvinā āraddhavīriyena paññavatā taṃ vata 12 assaddho bahvābādho saṭho māyāvī kusīto duppañño pāpuṇissatīti – netaṃ ṭhānaṃ vijjatī’’ti.
380. ‘‘хзд̇уруубам̣, бханд̇з, бхаг̇аваа ааха; сахзд̇уруубам̣, бханд̇з, бхаг̇аваа ааха. жад̇д̇ааромз, бханд̇з, ван̣н̣аа – кад̇д̇ияаа, б̣раахман̣аа, взссаа , суд̣̇д̣̇аа. д̇з жассу имзхи бан̃жахи бад̇хаанияан̇г̇зхи саманнааг̇ад̇аа д̇з жассу саммаббад̇хаанаа; зд̇т̇а бана нзсам̣, бханд̇з, сияаа висзсо сияаа наанаагаран̣а’’нд̇и? ‘‘зд̇т̇а ко 13 нзсаахам̣, махаарааж̇а, на гин̃жи наанаагаран̣ам̣ вад̣̇аами – яад̣̇ид̣̇ам̣ вимуд̇д̇ияаа вимуд̇д̇им̣. сзяяат̇ааби, махаарааж̇а, бурисо сугкам̣ саагагадтам̣ аад̣̇ааяа аг̇г̇им̣ абхиниб̣б̣ад̇д̇зяяа, д̇зж̇о баад̇угарзяяа ; ат̇аабаро бурисо сугкам̣ саалагадтам̣ аад̣̇ааяа аг̇г̇им̣ абхиниб̣б̣ад̇д̇зяяа, д̇зж̇о баад̇угарзяяа; ат̇аабаро бурисо сугкам̣ амб̣агадтам̣ аад̣̇ааяа аг̇г̇им̣ абхиниб̣б̣ад̇д̇зяяа, д̇зж̇о баад̇угарзяяа; ат̇аабаро бурисо сугкам̣ уд̣̇умб̣арагадтам̣ аад̣̇ааяа аг̇г̇им̣ абхиниб̣б̣ад̇д̇зяяа, д̇зж̇о баад̇угарзяяа. д̇ам̣ гим̣ ман̃н̃аси, махаарааж̇а, сияаа ну ко д̇зсам̣ аг̇г̇ийнам̣ наанаад̣̇ааруд̇о абхиниб̣б̣ад̇д̇аанам̣ гин̃жи наанаагаран̣ам̣ ажжияаа ваа ажжим̣, ван̣н̣зна ваа ван̣н̣ам̣, аабхааяа ваа аабха’’нд̇и? ‘‘но хзд̇ам̣, бханд̇з’’. ‘‘звамзва ко, махаарааж̇а, яам̣ д̇ам̣ д̇зж̇ам̣ вийрияаа ниммат̇ид̇ам̣ бад̇хаанаабхиниб̣б̣ад̇д̇ам̣ 14, наахам̣ д̇ад̇т̇а гин̃жи наанаагаран̣ам̣ вад̣̇аами – яад̣̇ид̣̇ам̣ вимуд̇д̇ияаа вимуд̇д̇и’’нд̇и. ‘‘хзд̇уруубам̣, бханд̇з, бхаг̇аваа ааха; сахзд̇уруубам̣, бханд̇з, бхаг̇аваа ааха. гим̣ бана, бханд̇з, ад̇т̇и д̣̇зваа’’д̇и? ‘‘гим̣ бана д̇вам̣, махаарааж̇а, звам̣ вад̣̇зси – ‘гим̣ бана, бханд̇з, ад̇т̇и д̣̇зваа’’’д̇и? ‘‘яад̣̇и ваа д̇з, бханд̇з, д̣̇зваа ааг̇анд̇ааро ид̇т̇ад̇д̇ам̣ яад̣̇и ваа анааг̇анд̇ааро ид̇т̇ад̇д̇ам̣’’? ‘‘яз д̇з, махаарааж̇а, д̣̇зваа саб̣яааб̣аж̇жхаа д̇з д̣̇зваа ааг̇анд̇ааро ид̇т̇ад̇д̇ам̣, яз д̇з д̣̇зваа аб̣яааб̣аж̇жхаа д̇з д̣̇зваа анааг̇анд̇ааро ид̇т̇ад̇д̇а’’нд̇и.
380. ‘‘Heturūpaṃ, bhante, bhagavā āha; saheturūpaṃ, bhante, bhagavā āha. Cattārome, bhante, vaṇṇā – khattiyā, brāhmaṇā, vessā , suddā. Te cassu imehi pañcahi padhāniyaṅgehi samannāgatā te cassu sammappadhānā; ettha pana nesaṃ, bhante, siyā viseso siyā nānākaraṇa’’nti? ‘‘Ettha kho 15 nesāhaṃ, mahārāja, na kiñci nānākaraṇaṃ vadāmi – yadidaṃ vimuttiyā vimuttiṃ. Seyyathāpi, mahārāja, puriso sukkhaṃ sākakaṭṭhaṃ ādāya aggiṃ abhinibbatteyya, tejo pātukareyya ; athāparo puriso sukkhaṃ sālakaṭṭhaṃ ādāya aggiṃ abhinibbatteyya, tejo pātukareyya; athāparo puriso sukkhaṃ ambakaṭṭhaṃ ādāya aggiṃ abhinibbatteyya, tejo pātukareyya; athāparo puriso sukkhaṃ udumbarakaṭṭhaṃ ādāya aggiṃ abhinibbatteyya, tejo pātukareyya. Taṃ kiṃ maññasi, mahārāja, siyā nu kho tesaṃ aggīnaṃ nānādāruto abhinibbattānaṃ kiñci nānākaraṇaṃ acciyā vā acciṃ, vaṇṇena vā vaṇṇaṃ, ābhāya vā ābha’’nti? ‘‘No hetaṃ, bhante’’. ‘‘Evameva kho, mahārāja, yaṃ taṃ tejaṃ vīriyā nimmathitaṃ padhānābhinibbattaṃ 16, nāhaṃ tattha kiñci nānākaraṇaṃ vadāmi – yadidaṃ vimuttiyā vimutti’’nti. ‘‘Heturūpaṃ, bhante, bhagavā āha; saheturūpaṃ, bhante, bhagavā āha. Kiṃ pana, bhante, atthi devā’’ti? ‘‘Kiṃ pana tvaṃ, mahārāja, evaṃ vadesi – ‘kiṃ pana, bhante, atthi devā’’’ti? ‘‘Yadi vā te, bhante, devā āgantāro itthattaṃ yadi vā anāgantāro itthattaṃ’’? ‘‘Ye te, mahārāja, devā sabyābajjhā te devā āgantāro itthattaṃ, ye te devā abyābajjhā te devā anāgantāro itthatta’’nti.
381. звам̣ вуд̇д̇з, виддуубхо сзнаабад̇и бхаг̇аванд̇ам̣ зд̇ад̣̇авожа – ‘‘яз д̇з, бханд̇з, д̣̇зваа саб̣яааб̣аж̇жхаа ааг̇анд̇ааро ид̇т̇ад̇д̇ам̣ д̇з д̣̇зваа, яз д̇з д̣̇зваа аб̣яааб̣аж̇жхаа анааг̇анд̇ааро ид̇т̇ад̇д̇ам̣ д̇з д̣̇звз д̇амхаа таанаа жаавзссанд̇и ваа баб̣б̣ааж̇зссанд̇и ваа’’д̇и?
381. Evaṃ vutte, viṭṭūbho senāpati bhagavantaṃ etadavoca – ‘‘ye te, bhante, devā sabyābajjhā āgantāro itthattaṃ te devā, ye te devā abyābajjhā anāgantāro itthattaṃ te deve tamhā ṭhānā cāvessanti vā pabbājessanti vā’’ti?
ат̇а ко ааяасмад̇о аананд̣̇асса зд̇ад̣̇ахоси – ‘‘аяам̣ ко видадуубхо сзнаабад̇и ран̃н̃о басзнад̣̇исса госаласса буд̇д̇о; ахам̣ бхаг̇авад̇о буд̇д̇о. аяам̣ ко гаало яам̣ буд̇д̇о буд̇д̇зна манд̇зяяаа’’д̇и. ат̇а ко ааяасмаа аананд̣̇о видадуубхам̣ сзнаабад̇им̣ ааманд̇зси – ‘‘д̇зна хи, сзнаабад̇и, д̇ам̣ язвзд̇т̇а бадибужчиссаами; яат̇аа д̇з камзяяа д̇ат̇аа нам̣ б̣яаагарзяяааси. д̇ам̣ гим̣ ман̃н̃аси, сзнаабад̇и, яаавад̇аа ран̃н̃о басзнад̣̇исса госаласса виж̇ид̇ам̣ яад̇т̇а жа рааж̇аа басзнад̣̇и госало иссарияаад̇хибажжам̣ раж̇ж̇ам̣ гаарзд̇и, баход̇и д̇ад̇т̇а рааж̇аа басзнад̣̇и госало саман̣ам̣ ваа б̣раахман̣ам̣ ваа бун̃н̃аванд̇ам̣ ваа абун̃н̃аванд̇ам̣ ваа б̣рахмажарияаванд̇ам̣ ваа аб̣рахмажарияаванд̇ам̣ ваа д̇амхаа таанаа жаавзд̇ум̣ ваа баб̣б̣ааж̇зд̇ум̣ ваа’’д̇и? ‘‘яаавад̇аа, бхо, ран̃н̃о басзнад̣̇исса госаласса виж̇ид̇ам̣ яад̇т̇а жа рааж̇аа басзнад̣̇и госало иссарияаад̇хибажжам̣ раж̇ж̇ам̣ гаарзд̇и, баход̇и д̇ад̇т̇а рааж̇аа басзнад̣̇и госало саман̣ам̣ ваа б̣раахман̣ам̣ ваа бун̃н̃аванд̇ам̣ ваа абун̃н̃аванд̇ам̣ ваа б̣рахмажарияаванд̇ам̣ ваа аб̣рахмажарияаванд̇ам̣ ваа д̇амхаа таанаа жаавзд̇ум̣ ваа баб̣б̣ааж̇зд̇ум̣ ваа’’д̇и.
Atha kho āyasmato ānandassa etadahosi – ‘‘ayaṃ kho viṭaṭūbho senāpati rañño pasenadissa kosalassa putto; ahaṃ bhagavato putto. Ayaṃ kho kālo yaṃ putto puttena manteyyā’’ti. Atha kho āyasmā ānando viṭaṭūbhaṃ senāpatiṃ āmantesi – ‘‘tena hi, senāpati, taṃ yevettha paṭipucchissāmi; yathā te khameyya tathā naṃ byākareyyāsi. Taṃ kiṃ maññasi, senāpati, yāvatā rañño pasenadissa kosalassa vijitaṃ yattha ca rājā pasenadi kosalo issariyādhipaccaṃ rajjaṃ kāreti, pahoti tattha rājā pasenadi kosalo samaṇaṃ vā brāhmaṇaṃ vā puññavantaṃ vā apuññavantaṃ vā brahmacariyavantaṃ vā abrahmacariyavantaṃ vā tamhā ṭhānā cāvetuṃ vā pabbājetuṃ vā’’ti? ‘‘Yāvatā, bho, rañño pasenadissa kosalassa vijitaṃ yattha ca rājā pasenadi kosalo issariyādhipaccaṃ rajjaṃ kāreti, pahoti tattha rājā pasenadi kosalo samaṇaṃ vā brāhmaṇaṃ vā puññavantaṃ vā apuññavantaṃ vā brahmacariyavantaṃ vā abrahmacariyavantaṃ vā tamhā ṭhānā cāvetuṃ vā pabbājetuṃ vā’’ti.
‘‘д̇ам̣ гим̣ ман̃н̃аси, сзнаабад̇и, яаавад̇аа ран̃н̃о басзнад̣̇исса госаласса авиж̇ид̇ам̣ яад̇т̇а жа рааж̇аа басзнад̣̇и госало на иссарияаад̇хибажжам̣ раж̇ж̇ам̣ гаарзд̇и, д̇ад̇т̇а баход̇и рааж̇аа басзнад̣̇и госало саман̣ам̣ ваа б̣раахман̣ам̣ ваа бун̃н̃аванд̇ам̣ ваа абун̃н̃аванд̇ам̣ ваа б̣рахмажарияаванд̇ам̣ ваа аб̣рахмажарияаванд̇ам̣ ваа д̇амхаа таанаа жаавзд̇ум̣ ваа баб̣б̣ааж̇зд̇ум̣ ваа’’д̇и? ‘‘яаавад̇аа, бхо, ран̃н̃о басзнад̣̇исса госаласса авиж̇ид̇ам̣ яад̇т̇а жа рааж̇аа басзнад̣̇и госало на иссарияаад̇хибажжам̣ раж̇ж̇ам̣ гаарзд̇и, на д̇ад̇т̇а баход̇и рааж̇аа басзнад̣̇и госало саман̣ам̣ ваа б̣раахман̣ам̣ ваа бун̃н̃аванд̇ам̣ ваа абун̃н̃аванд̇ам̣ ваа б̣рахмажарияаванд̇ам̣ ваа аб̣рахмажарияаванд̇ам̣ ваа д̇амхаа таанаа жаавзд̇ум̣ ваа баб̣б̣ааж̇зд̇ум̣ ваа’’д̇и.
‘‘Taṃ kiṃ maññasi, senāpati, yāvatā rañño pasenadissa kosalassa avijitaṃ yattha ca rājā pasenadi kosalo na issariyādhipaccaṃ rajjaṃ kāreti, tattha pahoti rājā pasenadi kosalo samaṇaṃ vā brāhmaṇaṃ vā puññavantaṃ vā apuññavantaṃ vā brahmacariyavantaṃ vā abrahmacariyavantaṃ vā tamhā ṭhānā cāvetuṃ vā pabbājetuṃ vā’’ti? ‘‘Yāvatā, bho, rañño pasenadissa kosalassa avijitaṃ yattha ca rājā pasenadi kosalo na issariyādhipaccaṃ rajjaṃ kāreti, na tattha pahoti rājā pasenadi kosalo samaṇaṃ vā brāhmaṇaṃ vā puññavantaṃ vā apuññavantaṃ vā brahmacariyavantaṃ vā abrahmacariyavantaṃ vā tamhā ṭhānā cāvetuṃ vā pabbājetuṃ vā’’ti.
‘‘д̇ам̣ гим̣ ман̃н̃аси, сзнаабад̇и, суд̇аа д̇з д̣̇зваа д̇аавад̇им̣саа’’д̇и? ‘‘звам̣, бхо. суд̇аа мз д̣̇зваа д̇аавад̇им̣саа. ид̇хааби бход̇аа ран̃н̃аа басзнад̣̇инаа госалзна суд̇аа д̣̇зваа д̇аавад̇им̣саа’’д̇и. ‘‘д̇ам̣ гим̣ ман̃н̃аси, сзнаабад̇и, баход̇и рааж̇аа басзнад̣̇и госало д̣̇звз д̇аавад̇им̣сз д̇амхаа таанаа жаавзд̇ум̣ ваа баб̣б̣ааж̇зд̇ум̣ ваа’’д̇и? ‘‘д̣̇ассанамби, бхо, рааж̇аа басзнад̣̇и госало д̣̇звз д̇аавад̇им̣сз наббаход̇и, гуд̇о бана д̇амхаа таанаа жаавзссад̇и ваа баб̣б̣ааж̇зссад̇и ваа’’д̇и? ‘‘звамзва ко, сзнаабад̇и, яз д̇з д̣̇зваа саб̣яааб̣аж̇жхаа ааг̇анд̇ааро ид̇т̇ад̇д̇ам̣ д̇з д̣̇зваа, яз д̇з д̣̇зваа аб̣яааб̣аж̇жхаа анааг̇анд̇ааро ид̇т̇ад̇д̇ам̣ д̇з д̣̇звз д̣̇ассанааяаби наббахонд̇и; гуд̇о бана д̇амхаа таанаа жаавзссанд̇и ваа баб̣б̣ааж̇зссанд̇и ваа’’д̇и?
‘‘Taṃ kiṃ maññasi, senāpati, sutā te devā tāvatiṃsā’’ti? ‘‘Evaṃ, bho. Sutā me devā tāvatiṃsā. Idhāpi bhotā raññā pasenadinā kosalena sutā devā tāvatiṃsā’’ti. ‘‘Taṃ kiṃ maññasi, senāpati, pahoti rājā pasenadi kosalo deve tāvatiṃse tamhā ṭhānā cāvetuṃ vā pabbājetuṃ vā’’ti? ‘‘Dassanampi, bho, rājā pasenadi kosalo deve tāvatiṃse nappahoti, kuto pana tamhā ṭhānā cāvessati vā pabbājessati vā’’ti? ‘‘Evameva kho, senāpati, ye te devā sabyābajjhā āgantāro itthattaṃ te devā, ye te devā abyābajjhā anāgantāro itthattaṃ te deve dassanāyapi nappahonti; kuto pana tamhā ṭhānā cāvessanti vā pabbājessanti vā’’ti?
382. ат̇а ко рааж̇аа басзнад̣̇и госало бхаг̇аванд̇ам̣ зд̇ад̣̇авожа – ‘‘гонаамо аяам̣, бханд̇з, бхигкуу’’д̇и? ‘‘аананд̣̇о наама, махаарааж̇аа’’д̇и. ‘‘аананд̣̇о вад̇а, бхо, аананд̣̇аруубо вад̇а, бхо! хзд̇уруубам̣, бханд̇з , ааяасмаа аананд̣̇о ааха; сахзд̇уруубам̣, бханд̇з, ааяасмаа аананд̣̇о ааха. гим̣ бана, бханд̇з, ад̇т̇и б̣рахмаа’’д̇и? ‘‘гим̣ бана д̇вам̣, махаарааж̇а, звам̣ вад̣̇зси – ‘гим̣ бана, бханд̇з, ад̇т̇и б̣рахмаа’’’д̇и? ‘‘яад̣̇и ваа со, бханд̇з, б̣рахмаа ааг̇анд̇аа ид̇т̇ад̇д̇ам̣, яад̣̇и ваа анааг̇анд̇аа ид̇т̇ад̇д̇а’’нд̇и? ‘‘яо со, махаарааж̇а, б̣рахмаа саб̣яааб̣аж̇жхо со б̣рахмаа ааг̇анд̇аа ид̇т̇ад̇д̇ам̣, яо со б̣рахмаа аб̣яааб̣аж̇жхо со б̣рахмаа анааг̇анд̇аа ид̇т̇ад̇д̇а’’нд̇и. ат̇а ко ан̃н̃ад̇аро бурисо рааж̇аанам̣ басзнад̣̇им̣ госалам̣ зд̇ад̣̇авожа – ‘‘сан̃ж̇аяо, махаарааж̇а, б̣раахман̣о аагаасаг̇од̇д̇о ааг̇ад̇о’’д̇и. ат̇а ко рааж̇аа басзнад̣̇и госало сан̃ж̇аяам̣ б̣раахман̣ам̣ аагаасаг̇од̇д̇ам̣ зд̇ад̣̇авожа – ‘‘го ну ко, б̣раахман̣а, имам̣ гат̇аавад̇т̇ум̣ рааж̇анд̇збурз аб̣бхуд̣̇аахаасий’’д̇и? ‘‘видадуубхо, махаарааж̇а, сзнаабад̇ий’’д̇и. видадуубхо сзнаабад̇и звамааха – ‘‘сан̃ж̇аяо, махаарааж̇а, б̣раахман̣о аагаасаг̇од̇д̇о’’д̇и. ат̇а ко ан̃н̃ад̇аро бурисо рааж̇аанам̣ басзнад̣̇им̣ госалам̣ зд̇ад̣̇авожа – ‘‘яаанагаало, махаарааж̇аа’’д̇и.
382. Atha kho rājā pasenadi kosalo bhagavantaṃ etadavoca – ‘‘konāmo ayaṃ, bhante, bhikkhū’’ti? ‘‘Ānando nāma, mahārājā’’ti. ‘‘Ānando vata, bho, ānandarūpo vata, bho! Heturūpaṃ, bhante , āyasmā ānando āha; saheturūpaṃ, bhante, āyasmā ānando āha. Kiṃ pana, bhante, atthi brahmā’’ti? ‘‘Kiṃ pana tvaṃ, mahārāja, evaṃ vadesi – ‘kiṃ pana, bhante, atthi brahmā’’’ti? ‘‘Yadi vā so, bhante, brahmā āgantā itthattaṃ, yadi vā anāgantā itthatta’’nti? ‘‘Yo so, mahārāja, brahmā sabyābajjho so brahmā āgantā itthattaṃ, yo so brahmā abyābajjho so brahmā anāgantā itthatta’’nti. Atha kho aññataro puriso rājānaṃ pasenadiṃ kosalaṃ etadavoca – ‘‘sañjayo, mahārāja, brāhmaṇo ākāsagotto āgato’’ti. Atha kho rājā pasenadi kosalo sañjayaṃ brāhmaṇaṃ ākāsagottaṃ etadavoca – ‘‘ko nu kho, brāhmaṇa, imaṃ kathāvatthuṃ rājantepure abbhudāhāsī’’ti? ‘‘Viṭaṭūbho, mahārāja, senāpatī’’ti. Viṭaṭūbho senāpati evamāha – ‘‘sañjayo, mahārāja, brāhmaṇo ākāsagotto’’ti. Atha kho aññataro puriso rājānaṃ pasenadiṃ kosalaṃ etadavoca – ‘‘yānakālo, mahārājā’’ti.
ат̇а ко рааж̇аа басзнад̣̇и госало бхаг̇аванд̇ам̣ зд̇ад̣̇авожа – ‘‘саб̣б̣ан̃н̃уд̇ам̣ маяам̣, бханд̇з, бхаг̇аванд̇ам̣ абужчимхаа, саб̣б̣ан̃н̃уд̇ам̣ бхаг̇аваа б̣яаагааси; д̇ан̃жа банамхаагам̣ ружжад̇и жзва камад̇и жа, д̇зна жамхаа ад̇д̇аманаа. жаад̇уван̣н̣исуд̣̇д̇хим̣ маяам̣, бханд̇з, бхаг̇аванд̇ам̣ абужчимхаа, жаад̇уван̣н̣исуд̣̇д̇хим̣ бхаг̇аваа б̣яаагааси; д̇ан̃жа банамхаагам̣ ружжад̇и жзва камад̇и жа, д̇зна жамхаа ад̇д̇аманаа. ад̇хид̣̇звз маяам̣, бханд̇з, бхаг̇аванд̇ам̣ абужчимхаа, ад̇хид̣̇звз бхаг̇аваа б̣яаагааси; д̇ан̃жа банамхаагам̣ ружжад̇и жзва камад̇и жа, д̇зна жамхаа ад̇д̇аманаа. ад̇хиб̣рахмаанам̣ маяам̣, бханд̇з, бхаг̇аванд̇ам̣ абужчимхаа, ад̇хиб̣рахмаанам̣ бхаг̇аваа б̣яаагааси; д̇ан̃жа банамхаагам̣ ружжад̇и жзва камад̇и жа, д̇зна жамхаа ад̇д̇аманаа. яам̣ яад̣̇зва жа маяам̣ бхаг̇аванд̇ам̣ абужчимхаа д̇ам̣ д̇ад̣̇зва бхаг̇аваа б̣яаагааси; д̇ан̃жа банамхаагам̣ ружжад̇и жзва камад̇и жа, д̇зна жамхаа ад̇д̇аманаа. ханд̣̇а, жа д̣̇аани маяам̣, бханд̇з, г̇ажчаама; б̣ахугижжаа маяам̣ б̣ахугаран̣ийяаа’’д̇и. ‘‘яассад̣̇аани д̇вам̣, махаарааж̇а, гаалам̣ ман̃н̃асий’’д̇и. ат̇а ко рааж̇аа басзнад̣̇и госало бхаг̇авад̇о бхаасид̇ам̣ абхинанд̣̇ид̇ваа анумод̣̇ид̇ваа удтааяаасанаа бхаг̇аванд̇ам̣ абхиваад̣̇зд̇ваа бад̣̇агкин̣ам̣ гад̇ваа баггаамийд̇и.
Atha kho rājā pasenadi kosalo bhagavantaṃ etadavoca – ‘‘sabbaññutaṃ mayaṃ, bhante, bhagavantaṃ apucchimhā, sabbaññutaṃ bhagavā byākāsi; tañca panamhākaṃ ruccati ceva khamati ca, tena camhā attamanā. Cātuvaṇṇisuddhiṃ mayaṃ, bhante, bhagavantaṃ apucchimhā, cātuvaṇṇisuddhiṃ bhagavā byākāsi; tañca panamhākaṃ ruccati ceva khamati ca, tena camhā attamanā. Adhideve mayaṃ, bhante, bhagavantaṃ apucchimhā, adhideve bhagavā byākāsi; tañca panamhākaṃ ruccati ceva khamati ca, tena camhā attamanā. Adhibrahmānaṃ mayaṃ, bhante, bhagavantaṃ apucchimhā, adhibrahmānaṃ bhagavā byākāsi; tañca panamhākaṃ ruccati ceva khamati ca, tena camhā attamanā. Yaṃ yadeva ca mayaṃ bhagavantaṃ apucchimhā taṃ tadeva bhagavā byākāsi; tañca panamhākaṃ ruccati ceva khamati ca, tena camhā attamanā. Handa, ca dāni mayaṃ, bhante, gacchāma; bahukiccā mayaṃ bahukaraṇīyā’’ti. ‘‘Yassadāni tvaṃ, mahārāja, kālaṃ maññasī’’ti. Atha kho rājā pasenadi kosalo bhagavato bhāsitaṃ abhinanditvā anumoditvā uṭṭhāyāsanā bhagavantaṃ abhivādetvā padakkhiṇaṃ katvā pakkāmīti.
ган̣н̣агад̇т̇аласуд̇д̇ам̣ нидтид̇ам̣ д̣̇асамам̣.
Kaṇṇakatthalasuttaṃ niṭṭhitaṃ dasamaṃ.
рааж̇аваг̇г̇о нидтид̇о жад̇уд̇т̇о.
Rājavaggo niṭṭhito catuttho.
д̇ассуд̣̇д̣̇аанам̣ –
Tassuddānaṃ –
гхадигааро радтабаало, магхад̣̇зво мад̇хурияам̣;
Ghaṭikāro raṭṭhapālo, maghadevo madhuriyaṃ;
б̣од̇хи ан̇г̇улимаало жа, бияаж̇аад̇ам̣ б̣аахид̇игам̣;
Bodhi aṅgulimālo ca, piyajātaṃ bāhitikaṃ;
д̇хаммажзд̇ияасуд̇д̇ан̃жа, д̣̇асамам̣ ган̣н̣агад̇т̇алам̣.
Dhammacetiyasuttañca, dasamaṃ kaṇṇakatthalaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / маж̇жхиманигааяа (адтагат̇аа) • Majjhimanikāya (aṭṭhakathā) / 10. ган̣н̣агад̇т̇аласуд̇д̇аван̣н̣анаа • 10. Kaṇṇakatthalasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / маж̇жхиманигааяа (дийгаа) • Majjhimanikāya (ṭīkā) / 10. ган̣н̣агад̇т̇аласуд̇д̇аван̣н̣анаа • 10. Kaṇṇakatthalasuttavaṇṇanā
