| Library / Tipiṭaka / д̇ибидага • Tipiṭaka / маж̇жхиманигааяа (адтагат̇аа) • Majjhimanikāya (aṭṭhakathā) |
10. ган̣н̣агад̇т̇аласуд̇д̇аван̣н̣анаа
10. Kaṇṇakatthalasuttavaṇṇanā
375. звам̣ мз суд̇анд̇и ган̣н̣агад̇т̇аласуд̇д̇ам̣. д̇ад̇т̇а урун̃н̃ааяанд̇и урун̃н̃аад̇и д̇асса радтассаби наг̇арассаби зд̇ад̣̇зва наамам̣, бхаг̇аваа урун̃н̃аанаг̇арам̣ убаниссааяа вихарад̇и. ган̣н̣агад̇т̇алз миг̇ад̣̇ааязд̇и д̇асса наг̇арасса авид̣̇уурз ган̣н̣агад̇т̇алам̣ наама зго раман̣ийяо бхуумибхааг̇о ад̇т̇и, со миг̇аанам̣ абхаяад̇т̇ааяа д̣̇иннад̇д̇аа миг̇ад̣̇ааяод̇и вужжад̇и, д̇асмим̣ ган̣н̣агад̇т̇алз миг̇ад̣̇ааяз. гзнажид̣̇зва гаран̣ийязнаад̇и на ан̃н̃зна, ананд̇арасуд̇д̇з вуд̇д̇агаран̣ийязнзва. сомаа жа бхаг̇иний сагулаа жа бхаг̇инийд̇и имаа д̣̇вз бхаг̇инияо ран̃н̃о баж̇аабад̇ияо. бхад̇д̇аабхихаарзд̇и бхад̇д̇ам̣ абхихаран̣адтаанз. ран̃н̃о бхун̃ж̇анадтаанан̃хи саб̣б̣ааби ород̇хаа гадажчуаад̣̇ийни г̇ахзд̇ваа рааж̇аанам̣ убадтаад̇ум̣ г̇ажчанд̇и, д̇ааби д̇ат̇зва аг̇амам̣су.
375.Evaṃme sutanti kaṇṇakatthalasuttaṃ. Tattha uruññāyanti uruññāti tassa raṭṭhassapi nagarassapi etadeva nāmaṃ, bhagavā uruññānagaraṃ upanissāya viharati. Kaṇṇakatthale migadāyeti tassa nagarassa avidūre kaṇṇakatthalaṃ nāma eko ramaṇīyo bhūmibhāgo atthi, so migānaṃ abhayatthāya dinnattā migadāyoti vuccati, tasmiṃ kaṇṇakatthale migadāye. Kenacideva karaṇīyenāti na aññena, anantarasutte vuttakaraṇīyeneva. Somā ca bhaginī sakulā ca bhaginīti imā dve bhaginiyo rañño pajāpatiyo. Bhattābhihāreti bhattaṃ abhiharaṇaṭṭhāne. Rañño bhuñjanaṭṭhānañhi sabbāpi orodhā kaṭacchuādīni gahetvā rājānaṃ upaṭṭhātuṃ gacchanti, tāpi tatheva agamaṃsu.
376. гим̣ бана, махаарааж̇аад̇и гасмаа звамааха? ран̃н̃о г̇арахабариможанад̇т̇ам̣. зван̃хи барисаа жинд̇зяяа – ‘‘аяам̣ рааж̇аа ааг̇ажчамаанова маад̇уг̇аамаанам̣ саасанам̣ аарожзд̇и, маяам̣ ад̇д̇ано д̇хаммад̇ааяа бхаг̇аванд̇ам̣ д̣̇адтум̣ ааг̇ад̇од̇и ман̃н̃аама, аяам̣ бана маад̇уг̇аамаанам̣ саасанам̣ г̇ахзд̇ваа ааг̇ад̇о, маад̇уг̇аамад̣̇аасо ман̃н̃з, зса буб̣б̣зби иминаава гааран̣зна ааг̇ажчад̇ий’’д̇и. бужчид̇о бана со ад̇д̇ано ааг̇аманагааран̣ам̣ гат̇зссад̇и, звамасса аяам̣ г̇арахаа на уббаж̇ж̇иссад̇ийд̇и г̇арахаможанад̇т̇ам̣ звамааха.
376.Kiṃ pana, mahārājāti kasmā evamāha? Rañño garahaparimocanatthaṃ. Evañhi parisā cinteyya – ‘‘ayaṃ rājā āgacchamānova mātugāmānaṃ sāsanaṃ āroceti, mayaṃ attano dhammatāya bhagavantaṃ daṭṭhuṃ āgatoti maññāma, ayaṃ pana mātugāmānaṃ sāsanaṃ gahetvā āgato, mātugāmadāso maññe, esa pubbepi imināva kāraṇena āgacchatī’’ti. Pucchito pana so attano āgamanakāraṇaṃ kathessati, evamassa ayaṃ garahā na uppajjissatīti garahamocanatthaṃ evamāha.
378. аб̣бхуд̣̇аахаасийд̇и гат̇зси. сагид̣̇зва саб̣б̣ам̣ уссад̇и саб̣б̣ам̣ д̣̇агкид̇ийд̇и яо згааваж̇ж̇анзна згажид̇д̇зна ад̇ийд̇аанааг̇ад̇абажжуббаннам̣ саб̣б̣ам̣ уссад̇и ваа д̣̇агкид̇и ваа, со над̇т̇ийд̇и ад̇т̇о. згзна хи жид̇д̇зна ад̇ийд̇ам̣ саб̣б̣ам̣ ж̇ааниссаамийд̇и ааваж̇ж̇ид̇вааби ад̇ийд̇ам̣ саб̣б̣ам̣ ж̇аанид̇ум̣ на саггаа, згад̣̇зсамзва ж̇аанаад̇и. анааг̇ад̇абажжуббаннам̣ бана д̇зна жид̇д̇зна саб̣б̣знзва саб̣б̣ам̣ на ж̇аанаад̇ийд̇и. зса наяо ид̇арзсу. звам̣ згажид̇д̇авасзнааяам̣ бан̃хо гат̇ид̇о. хзд̇уруубанд̇и хзд̇усабхаавам̣ гааран̣аж̇аад̇игам̣. сахзд̇уруубанд̇и сагааран̣аж̇аад̇игам̣. самбарааяигаахам̣, бханд̇зд̇и самбарааяаг̇ун̣ам̣ ахам̣, бханд̇з, бужчаами.
378.Abbhudāhāsīti kathesi. Sakidevasabbaṃ ussati sabbaṃ dakkhitīti yo ekāvajjanena ekacittena atītānāgatapaccuppannaṃ sabbaṃ ussati vā dakkhiti vā, so natthīti attho. Ekena hi cittena atītaṃ sabbaṃ jānissāmīti āvajjitvāpi atītaṃ sabbaṃ jānituṃ na sakkā, ekadesameva jānāti. Anāgatapaccuppannaṃ pana tena cittena sabbeneva sabbaṃ na jānātīti. Esa nayo itaresu. Evaṃ ekacittavasenāyaṃ pañho kathito. Heturūpanti hetusabhāvaṃ kāraṇajātikaṃ. Saheturūpanti sakāraṇajātikaṃ. Samparāyikāhaṃ, bhanteti samparāyaguṇaṃ ahaṃ, bhante, pucchāmi.
379. бан̃жимаанийд̇и имасмим̣ суд̇д̇з бан̃жа бад̇хаанияан̇г̇аани логуд̇д̇арамиссагаани гат̇ид̇аани. гат̇инан̇г̇ан̣аваасийжуул̣асамуд̣̇д̣̇ад̇т̇зро бана ‘‘д̇умхаагам̣, бханд̇з, гим̣ ружжад̇ий’’д̇и вуд̇д̇з ‘‘маяхам̣ логуд̇д̇араанзваад̇и ружжад̇ий’’д̇и ааха. бад̇хаанавзмад̇д̇ад̇анд̇и бад̇хаананаанад̇д̇ам̣. ан̃н̃аад̣̇исамзва хи бут̇уж̇ж̇анасса бад̇хаанам̣, ан̃н̃аад̣̇исам̣ сод̇аабаннасса, ан̃н̃аад̣̇исам̣ сагад̣̇ааг̇аамино, ан̃н̃аад̣̇исам̣ анааг̇аамино, ан̃н̃аад̣̇исам̣ арахад̇о, ан̃н̃аад̣̇исам̣ асийд̇имахаасаавагаанам̣, ан̃н̃аад̣̇исам̣ д̣̇виннам̣ аг̇г̇асаавагаанам̣, ан̃н̃аад̣̇исам̣ бажжзгаб̣уд̣̇д̇хаанам̣, ан̃н̃аад̣̇исам̣ саб̣б̣ан̃н̃уб̣уд̣̇д̇хаанам̣. бут̇уж̇ж̇анасса бад̇хаанам̣ сод̇аабаннасса бад̇хаанам̣ на баабун̣аад̇и…бз… бажжзгаб̣уд̣̇д̇хасса бад̇хаанам̣ саб̣б̣ан̃н̃уб̣уд̣̇д̇хасса бад̇хаанам̣ на баабун̣аад̇и. имамад̇т̇ам̣ санд̇хааяа ‘‘бад̇хаанавзмад̇д̇ад̇ам̣ вад̣̇аамий’’д̇и ааха. д̣̇анд̇агааран̣ам̣ г̇ажчзяяунд̇и яам̣ агуудагаран̣ам̣, анаважчинд̣̇анам̣ , д̇хурасса ажчинд̣̇ананд̇и д̣̇анд̇зсу гааран̣ам̣ д̣̇иссад̇и, д̇ам̣ гааран̣ам̣ убаг̇ажчзяяунд̇и ад̇т̇о. д̣̇анд̇абхууминд̇и д̣̇анд̇зхи г̇анд̇аб̣б̣абхуумим̣. ассад̣̇д̇ход̇иаад̣̇ийсу бут̇уж̇ж̇анасод̇аабаннасагад̣̇ааг̇аамианааг̇аамино жад̇д̇аароби ассад̣̇д̇хаа наама. бут̇уж̇ж̇ано хи сод̇аабаннасса сад̣̇д̇хам̣ аббад̇д̇од̇и ассад̣̇д̇хо, сод̇аабанно сагад̣̇ааг̇аамисса, сагад̣̇ааг̇аамий анааг̇аамисса, анааг̇аамий арахад̇о сад̣̇д̇хам̣ аббад̇д̇од̇и ассад̣̇д̇хо, ааб̣аад̇хо арахад̇оби уббаж̇ж̇ад̇ийд̇и бан̃жаби б̣ахвааб̣аад̇хаа наама хонд̇и. арияасаавагасса бана сато мааяаавийд̇и наамам̣ над̇т̇и. д̇знзва т̇зро – ‘‘бан̃жа бад̇хаанияан̇г̇аани логуд̇д̇араани гат̇ид̇аанийд̇и маяхам̣ ружжад̇ий’’д̇и ааха. ассакал̣ун̇гасуд̇д̇анд̇з бана – ‘‘д̇аяо жа, бхигкавз, ассакал̣ун̇гз д̇аяо жа бурисакал̣ун̇гз д̣̇зсзссаамий’’д̇и (а. ни. 3.141) зд̇т̇а арияасаавагассааби самб̣од̇хинаамам̣ ааг̇ад̇ам̣ , д̇асса васзна логуд̇д̇арамиссагаа гат̇ид̇аад̇и вуд̇д̇ам̣. бут̇уж̇ж̇ано бана сод̇аабад̇д̇имаг̇г̇авийрияам̣ асамбад̇д̇о…бз… анааг̇аамий арахад̇д̇амаг̇г̇авийрияам̣ асамбад̇д̇од̇и гусийд̇оби ассад̣̇д̇хо вияа жад̇д̇аарова хонд̇и, д̇ат̇аа д̣̇уббан̃н̃о.
379.Pañcimānīti imasmiṃ sutte pañca padhāniyaṅgāni lokuttaramissakāni kathitāni. Kathinaṅgaṇavāsīcūḷasamuddatthero pana ‘‘tumhākaṃ, bhante, kiṃ ruccatī’’ti vutte ‘‘mayhaṃ lokuttarānevāti ruccatī’’ti āha. Padhānavemattatanti padhānanānattaṃ. Aññādisameva hi puthujjanassa padhānaṃ, aññādisaṃ sotāpannassa, aññādisaṃ sakadāgāmino, aññādisaṃ anāgāmino, aññādisaṃ arahato, aññādisaṃ asītimahāsāvakānaṃ, aññādisaṃ dvinnaṃ aggasāvakānaṃ, aññādisaṃ paccekabuddhānaṃ, aññādisaṃ sabbaññubuddhānaṃ. Puthujjanassa padhānaṃ sotāpannassa padhānaṃ na pāpuṇāti…pe… paccekabuddhassa padhānaṃ sabbaññubuddhassa padhānaṃ na pāpuṇāti. Imamatthaṃ sandhāya ‘‘padhānavemattataṃ vadāmī’’ti āha. Dantakāraṇaṃ gaccheyyunti yaṃ akūṭakaraṇaṃ, anavacchindanaṃ , dhurassa acchindananti dantesu kāraṇaṃ dissati, taṃ kāraṇaṃ upagaccheyyunti attho. Dantabhūminti dantehi gantabbabhūmiṃ. Assaddhotiādīsu puthujjanasotāpannasakadāgāmianāgāmino cattāropi assaddhā nāma. Puthujjano hi sotāpannassa saddhaṃ appattoti assaddho, sotāpanno sakadāgāmissa, sakadāgāmī anāgāmissa, anāgāmī arahato saddhaṃ appattoti assaddho, ābādho arahatopi uppajjatīti pañcapi bahvābādhā nāma honti. Ariyasāvakassa pana saṭho māyāvīti nāmaṃ natthi. Teneva thero – ‘‘pañca padhāniyaṅgāni lokuttarāni kathitānīti mayhaṃ ruccatī’’ti āha. Assakhaḷuṅkasuttante pana – ‘‘tayo ca, bhikkhave, assakhaḷuṅke tayo ca purisakhaḷuṅke desessāmī’’ti (a. ni. 3.141) ettha ariyasāvakassāpi sambodhināmaṃ āgataṃ , tassa vasena lokuttaramissakā kathitāti vuttaṃ. Puthujjano pana sotāpattimaggavīriyaṃ asampatto…pe… anāgāmī arahattamaggavīriyaṃ asampattoti kusītopi assaddho viya cattārova honti, tathā duppañño.
звам̣ банзд̇т̇а обаммасам̣санд̣̇анам̣ взд̣̇ид̇аб̣б̣ам̣ – ад̣̇анд̇ахад̇т̇иаад̣̇аяо вияа хи маг̇г̇абад̇хаанарахид̇о буг̇г̇ало. д̣̇анд̇ахад̇т̇иаад̣̇аяо вияа маг̇г̇абад̇хаанаваа. яат̇аа ад̣̇анд̇аа хад̇т̇иаад̣̇аяо гуудаагаарам̣ агад̇ваа авижчинд̣̇ид̇ваа д̇хурам̣ абаад̇зд̇ваа д̣̇анд̇аг̇аманам̣ ваа г̇анд̇ум̣ д̣̇анд̇абхуумим̣ ваа бад̇д̇ум̣ на саггонд̇и, звамзвам̣ маг̇г̇абад̇хаанарахид̇о маг̇г̇абад̇хаанавад̇аа бад̇д̇аб̣б̣ам̣ баабун̣ид̇ум̣ ниб̣б̣ад̇д̇зд̇аб̣б̣ам̣ г̇ун̣ам̣ ниб̣б̣ад̇д̇зд̇ум̣ на саггод̇и. яат̇аа бана д̣̇анд̇ахад̇т̇иаад̣̇аяо гуудаагаарам̣ агад̇ваа авижчинд̣̇ид̇ваа д̇хурам̣ абаад̇зд̇ваа д̣̇анд̇аг̇аманам̣ ваа г̇анд̇ум̣ д̣̇анд̇абхуумим̣ ваа бад̇д̇ум̣ саггонд̇и , звамзвам̣ маг̇г̇абад̇хаанаваа маг̇г̇абад̇хаанавад̇аа бад̇д̇аб̣б̣ам̣ баабун̣ид̇ум̣ ниб̣б̣ад̇д̇зд̇аб̣б̣ам̣ г̇ун̣ам̣ ниб̣б̣ад̇д̇зд̇ум̣ саггод̇и. ид̣̇ам̣ вуд̇д̇ам̣ ход̇и – ‘‘сод̇аабад̇д̇имаг̇г̇абад̇хаанаваа сод̇аабад̇д̇имаг̇г̇абад̇хаанавад̇аа бад̇д̇огаасам̣ баабун̣ид̇ум̣ ниб̣б̣ад̇д̇зд̇аб̣б̣ам̣ г̇ун̣ам̣ ниб̣б̣ад̇д̇зд̇ум̣ саггод̇и…бз… арахад̇д̇амаг̇г̇абад̇хаанаваа арахад̇д̇амаг̇г̇абад̇хаанавад̇аа бад̇д̇огаасам̣ баабун̣ид̇ум̣ ниб̣б̣ад̇д̇зд̇аб̣б̣ам̣ г̇ун̣ам̣ ниб̣б̣ад̇д̇зд̇ум̣ саггод̇ий’’д̇и.
Evaṃ panettha opammasaṃsandanaṃ veditabbaṃ – adantahatthiādayo viya hi maggapadhānarahito puggalo. Dantahatthiādayo viya maggapadhānavā. Yathā adantā hatthiādayo kūṭākāraṃ akatvā avicchinditvā dhuraṃ apātetvā dantagamanaṃ vā gantuṃ dantabhūmiṃ vā pattuṃ na sakkonti, evamevaṃ maggapadhānarahito maggapadhānavatā pattabbaṃ pāpuṇituṃ nibbattetabbaṃ guṇaṃ nibbattetuṃ na sakkoti. Yathā pana dantahatthiādayo kūṭākāraṃ akatvā avicchinditvā dhuraṃ apātetvā dantagamanaṃ vā gantuṃ dantabhūmiṃ vā pattuṃ sakkonti , evamevaṃ maggapadhānavā maggapadhānavatā pattabbaṃ pāpuṇituṃ nibbattetabbaṃ guṇaṃ nibbattetuṃ sakkoti. Idaṃ vuttaṃ hoti – ‘‘sotāpattimaggapadhānavā sotāpattimaggapadhānavatā pattokāsaṃ pāpuṇituṃ nibbattetabbaṃ guṇaṃ nibbattetuṃ sakkoti…pe… arahattamaggapadhānavā arahattamaggapadhānavatā pattokāsaṃ pāpuṇituṃ nibbattetabbaṃ guṇaṃ nibbattetuṃ sakkotī’’ti.
380. саммаббад̇хаанаад̇и маг̇г̇абад̇хаанзна саммаббад̇хаанаа. на гин̃жи наанаагаран̣ам̣ вад̣̇аами яад̣̇ид̣̇ам̣ вимуд̇д̇ияаа вимуд̇д̇инд̇и яам̣ згасса палавимуд̇д̇ияаа ид̇арасса палавимуд̇д̇им̣ аараб̣бха наанаагаран̣ам̣ вад̇д̇аб̣б̣ам̣ сияаа, д̇ам̣ на гин̃жи вад̣̇аамийд̇и ад̇т̇о. ажжияаа ваа ажжинд̇и ажжияаа ваа ажжимхи. сзсабад̣̇ад̣̇ваязби зсзва наяо, бхуммад̇т̇з хи зд̇ам̣ убаяог̇аважанам̣. гим̣ бана д̇вам̣, махаарааж̇аад̇и, махаарааж̇а, гим̣ д̇вам̣? ‘‘санд̇и д̣̇зваа жаад̇умахаарааж̇игаа, санд̇и д̣̇зваа д̇аавад̇им̣саа…бз… санд̇и д̣̇зваа бараниммид̇авасавад̇д̇ино, санд̇и д̣̇зваа д̇ад̇уд̇д̇ари’’нд̇и звам̣ д̣̇зваанам̣ ад̇т̇ибхаавам̣ на ж̇аанааси, язна звам̣ вад̣̇зсийд̇и. д̇ад̇о ад̇т̇ибхаавам̣ ж̇аанаами, мануссалогам̣ бана ааг̇ажчанд̇и нааг̇ажчанд̇ийд̇и ид̣̇ам̣ бужчанд̇о яад̣̇и ваа д̇з, бханд̇зд̇иаад̣̇имааха. саб̣яааб̣аж̇жхаад̇и сад̣̇угкаа, самужчзд̣̇аббахаанзна аббахийнажзд̇асигад̣̇угкаа. ааг̇анд̇аарод̇и убабад̇д̇ивасзна ааг̇анд̇ааро. аб̣яааб̣аж̇жхаад̇и самужчиннад̣̇угкаа. анааг̇анд̇аарод̇и убабад̇д̇ивасзна анааг̇анд̇ааро.
380.Sammappadhānāti maggapadhānena sammappadhānā. Na kiñci nānākaraṇaṃ vadāmi yadidaṃ vimuttiyā vimuttinti yaṃ ekassa phalavimuttiyā itarassa phalavimuttiṃ ārabbha nānākaraṇaṃ vattabbaṃ siyā, taṃ na kiñci vadāmīti attho. Acciyā vā accinti acciyā vā accimhi. Sesapadadvayepi eseva nayo, bhummatthe hi etaṃ upayogavacanaṃ. Kiṃ pana tvaṃ, mahārājāti, mahārāja, kiṃ tvaṃ? ‘‘Santi devā cātumahārājikā, santi devā tāvatiṃsā…pe… santi devā paranimmitavasavattino, santi devā tatuttari’’nti evaṃ devānaṃ atthibhāvaṃ na jānāsi, yena evaṃ vadesīti. Tato atthibhāvaṃ jānāmi, manussalokaṃ pana āgacchanti nāgacchantīti idaṃ pucchanto yadi vā te, bhantetiādimāha. Sabyābajjhāti sadukkhā, samucchedappahānena appahīnacetasikadukkhā. Āgantāroti upapattivasena āgantāro. Abyābajjhāti samucchinnadukkhā. Anāgantāroti upapattivasena anāgantāro.
381. баход̇ийд̇и саггод̇и. рааж̇аа хи бун̃н̃аванд̇амби лаабхасаггаарасамбаннам̣ яат̇аа на гожи убасан̇гамад̇и, звам̣ гаронд̇о д̇амхаа таанаа жаавзд̇ум̣ саггод̇и. д̇ам̣ абун̃н̃аванд̇амби сагалаг̇аамам̣ бин̣д̣ааяа жарид̇ваа яаабанамад̇д̇ам̣ алабханд̇ам̣ яат̇аа лаабхасаггаарасамбанно ход̇и, звам̣ гаронд̇о д̇амхаа таанаа жаавзд̇ум̣ саггод̇и. б̣рахмажарияаванд̇амби ид̇т̇ийхи сад̣̇д̇хим̣ самбаяож̇зд̇ваа сийлавинаасам̣ баабзнд̇о б̣алаггаарзна ваа уббаб̣б̣ааж̇знд̇о д̇амхаа таанаа жаавзд̇ум̣ саггод̇и. аб̣рахмажарияаванд̇амби самбаннагаамаг̇ун̣ам̣ амажжам̣ б̣анд̇ханааг̇аарам̣ бавзсзд̇ваа ид̇т̇ийнам̣ мукамби бассид̇ум̣ ад̣̇знд̇о д̇амхаа таанаа жаавзд̇и наама. радтад̇о бана яам̣ ижчад̇и, д̇ам̣ баб̣б̣ааж̇зд̇и наама.
381.Pahotīti sakkoti. Rājā hi puññavantampi lābhasakkārasampannaṃ yathā na koci upasaṅkamati, evaṃ karonto tamhā ṭhānā cāvetuṃ sakkoti. Taṃ apuññavantampi sakalagāmaṃ piṇḍāya caritvā yāpanamattaṃ alabhantaṃ yathā lābhasakkārasampanno hoti, evaṃ karonto tamhā ṭhānā cāvetuṃ sakkoti. Brahmacariyavantampi itthīhi saddhiṃ sampayojetvā sīlavināsaṃ pāpento balakkārena vā uppabbājento tamhā ṭhānā cāvetuṃ sakkoti. Abrahmacariyavantampi sampannakāmaguṇaṃ amaccaṃ bandhanāgāraṃ pavesetvā itthīnaṃ mukhampi passituṃ adento tamhā ṭhānā cāveti nāma. Raṭṭhato pana yaṃ icchati, taṃ pabbājeti nāma.
д̣̇ассанааяаби наббахонд̇ийд̇и гаамааважарз д̇аава аб̣яааб̣аж̇жхз д̣̇звз саб̣яааб̣аж̇жхаа д̣̇зваа жагкувин̃н̃аан̣ад̣̇ассанааяаби наббахонд̇и. гасмаа? арахад̇о д̇ад̇т̇а таанаабхаавад̇о. руубааважарз бана згавимаанасмим̣язва д̇идтанд̇и жа нисийд̣̇анд̇и жаад̇и жагкувин̃н̃аан̣ад̣̇ассанааяа бахонд̇и, зд̇зхи д̣̇идтам̣ бана саллагкид̇ам̣ бадивид̣̇д̇хам̣ лагкан̣ам̣ д̣̇адтум̣ саллагкид̇ум̣ бадивиж̇жхид̇ум̣ на саггонд̇ийд̇и н̃аан̣ажагкунаа д̣̇ассанааяа наббахонд̇и, убарид̣̇звз жа жагкувин̃н̃аан̣ад̣̇ассанзнаабийд̇и.
Dassanāyapi nappahontīti kāmāvacare tāva abyābajjhe deve sabyābajjhā devā cakkhuviññāṇadassanāyapi nappahonti. Kasmā? Arahato tattha ṭhānābhāvato. Rūpāvacare pana ekavimānasmiṃyeva tiṭṭhanti ca nisīdanti cāti cakkhuviññāṇadassanāya pahonti, etehi diṭṭhaṃ pana sallakkhitaṃ paṭividdhaṃ lakkhaṇaṃ daṭṭhuṃ sallakkhituṃ paṭivijjhituṃ na sakkontīti ñāṇacakkhunā dassanāya nappahonti, uparideve ca cakkhuviññāṇadassanenāpīti.
382. го наамо аяам̣, бханд̇зд̇и рааж̇аа т̇зрам̣ ж̇аананд̇оби аж̇аананд̇о вияа бужчад̇и. гасмаа? басам̣сид̇угаамад̇ааяа. аананд̣̇аруубод̇и аананд̣̇асабхааво. б̣рахмабужчааби вуд̇д̇анаязнзва взд̣̇ид̇аб̣б̣аа. ат̇а ко ан̃н̃ад̇аро бурисод̇и саа гира гат̇аа видадуубхзнзва гат̇ид̇аа, д̇з ‘‘д̇аяаа гат̇ид̇аа, д̇аяаа гат̇ид̇аа’’д̇и губид̇аа ан̃н̃аман̃н̃ам̣ имасмим̣язва таанз ад̇д̇ано ад̇д̇ано б̣алагааяам̣ удтаабзд̇ваа галахамби гарзяяунд̇и нивааран̣ад̇т̇ам̣ со рааж̇абурисо зд̇ад̣̇авожа. сзсам̣ саб̣б̣ад̇т̇а уд̇д̇аанамзва. аяам̣ бана д̣̇зсанаа нзяяабуг̇г̇аласса васзна нидтид̇аад̇и.
382.Ko nāmo ayaṃ, bhanteti rājā theraṃ jānantopi ajānanto viya pucchati. Kasmā? Pasaṃsitukāmatāya. Ānandarūpoti ānandasabhāvo. Brahmapucchāpi vuttanayeneva veditabbā. Atha kho aññataro purisoti sā kira kathā viṭaṭūbheneva kathitā, te ‘‘tayā kathitā, tayā kathitā’’ti kupitā aññamaññaṃ imasmiṃyeva ṭhāne attano attano balakāyaṃ uṭṭhāpetvā kalahampi kareyyunti nivāraṇatthaṃ so rājapuriso etadavoca. Sesaṃ sabbattha uttānameva. Ayaṃ pana desanā neyyapuggalassa vasena niṭṭhitāti.
бабан̃жасууд̣̇анияаа маж̇жхиманигааяадтагат̇ааяа
Papañcasūdaniyā majjhimanikāyaṭṭhakathāya
ган̣н̣агад̇т̇аласуд̇д̇аван̣н̣анаа нидтид̇аа.
Kaṇṇakatthalasuttavaṇṇanā niṭṭhitā.
жад̇уд̇т̇аваг̇г̇аван̣н̣анаа нидтид̇аа.
Catutthavaggavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / маж̇жхиманигааяа • Majjhimanikāya / 10. ган̣н̣агад̇т̇аласуд̇д̇ам̣ • 10. Kaṇṇakatthalasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / маж̇жхиманигааяа (дийгаа) • Majjhimanikāya (ṭīkā) / 10. ган̣н̣агад̇т̇аласуд̇д̇аван̣н̣анаа • 10. Kaṇṇakatthalasuttavaṇṇanā
