| Library / Tipiṭaka / д̇ибидага • Tipiṭaka / маж̇жхиманигааяа (дийгаа) • Majjhimanikāya (ṭīkā) |
10. ган̣н̣агад̇т̇аласуд̇д̇аван̣н̣анаа
10. Kaṇṇakatthalasuttavaṇṇanā
375. ананд̇арасуд̇д̇з вуд̇д̇агаран̣ийязнзваад̇и ‘‘баасаад̣̇з ваа наадагзсу ваа жид̇д̇ассаад̣̇ам̣ алабхамаано д̇ад̇т̇а д̇ад̇т̇а вижарид̇ум̣ аарад̣̇д̇хо’’д̇и вуд̇д̇агаран̣ийязна. аббад̣̇удтабад̣̇осийнан̃хи звам̣ ход̇ийд̇и.
375.Anantarasuttevuttakaraṇīyenevāti ‘‘pāsāde vā nāṭakesu vā cittassādaṃ alabhamāno tattha tattha vicarituṃ āraddho’’ti vuttakaraṇīyena. Appaduṭṭhapadosīnañhi evaṃ hotīti.
376. бужчид̇од̇и ‘‘ан̃н̃ам̣ д̣̇ууд̇ам̣ наалад̇т̇у’’нд̇и бужчид̇о. сод̇и рааж̇аа. д̇аасам̣ ванд̣̇анаа сажз уд̇д̇арагаалам̣, ад̇д̇ано ааг̇аманагааран̣ам̣ гат̇зссад̇и.
376.Pucchitoti ‘‘aññaṃ dūtaṃ nālatthu’’nti pucchito. Soti rājā. Tāsaṃ vandanā sace uttarakālaṃ, attano āgamanakāraṇaṃ kathessati.
378. згааваж̇ж̇анзнаад̇и згавийт̇иж̇аванзна. д̇зна згажид̇д̇ам̣ д̇аава д̇идтад̇у, згажид̇д̇авийт̇ияааби саб̣б̣ам̣ ж̇аанид̇ум̣ на саггаад̇и д̣̇ассзд̇и. ‘‘ид̣̇ам̣ наама ад̇ийд̇ам̣ ж̇ааниссаамий’’д̇и анияамзд̇ваа ааваж̇ж̇ад̇о яам̣ гин̃жи ад̇ийд̇ам̣ ж̇аанаад̇и, нияамид̇з бана нияамид̇амзваад̇и ааха – ‘‘згзна хи…бз… згад̣̇зсамзва ж̇аанаад̇ий’’д̇и. д̇зна жид̇д̇знаад̇и ‘‘ад̇ийд̇ам̣ саб̣б̣ам̣ ж̇ааниссаамий’’д̇и звам̣ бавад̇д̇ажид̇д̇зна. ид̇арзсууд̇и анааг̇ад̇абажжуббаннзсу. гааран̣аж̇аад̇иганд̇и яуд̇д̇исабхаавам̣, яуд̇д̇ияаа яуд̇д̇анд̇и ад̇т̇о. самбарааяаг̇ун̣анд̇и самбарааяз гад̇агаммасса висзсам̣.
378.Ekāvajjanenāti ekavīthijavanena. Tena ekacittaṃ tāva tiṭṭhatu, ekacittavīthiyāpi sabbaṃ jānituṃ na sakkāti dasseti. ‘‘Idaṃ nāma atītaṃ jānissāmī’’ti aniyametvā āvajjato yaṃ kiñci atītaṃ jānāti, niyamite pana niyamitamevāti āha – ‘‘ekena hi…pe… ekadesameva jānātī’’ti. Tena cittenāti ‘‘atītaṃ sabbaṃ jānissāmī’’ti evaṃ pavattacittena. Itaresūti anāgatapaccuppannesu. Kāraṇajātikanti yuttisabhāvaṃ, yuttiyā yuttanti attho. Samparāyaguṇanti samparāye katakammassa visesaṃ.
379. логуд̇д̇арамиссагаани гат̇ид̇аани б̣од̇хирааж̇агумаарасуд̇д̇з вияа логияаа жзва логуд̇д̇араа жа. яат̇аалаабхавасзна жзд̇т̇а бад̇хаанияан̇г̇аанам̣ логуд̇д̇араг̇г̇ахан̣ам̣ взд̣̇ид̇аб̣б̣ам̣. бажжзгам̣ зва нзсан̃жа бад̇хаанияан̇г̇ад̇аа д̣̇адтаб̣б̣аа яат̇аа ‘‘адтавимогкаа санд̣̇иссанд̇и логуд̇д̇арамиссагаа’’д̇и. логуд̇д̇араанзваад̇и жзд̇т̇а яам̣ вад̇д̇аб̣б̣ам̣, д̇ам̣ барад̇о аави бхависсад̇и. бад̇хаананаанад̇д̇анд̇и бад̣̇ахананаанад̇д̇ам̣, бхааванаануяог̇ависзсанд̇и ад̇т̇о. сан̇каарз баримад̣̇д̣̇ид̇ваа бадибагкад̇хаммз згад̣̇зсад̇о баж̇ахид̇ваа тид̇асса бхааванаануяог̇о саб̣б̣зна саб̣б̣ам̣ абаримад̣̇д̣̇ид̇асан̇каарасса аббахийнабадибагкасса бхааванаануяог̇ад̇о сукумо висад̣̇ова ход̇и, сажжаабхисамаязна санд̇аанасса аахид̇ависзсад̇д̇аад̇и ааха – ‘‘ан̃н̃аад̣̇исамзва хи бут̇уж̇ж̇анасса бад̇хаанам̣, ан̃н̃аад̣̇исам̣ сод̇аабаннассаа’’д̇иаад̣̇и. аяан̃жа висзсо на гзвалам̣ анарияаарияабуг̇г̇алад̇о зва, ат̇а ко ариязсуби сзгкаад̣̇ивисзсад̇оби лаб̣бхад̇и абхисан̇каарависзсад̇о абхинийхаарад̇о жа иж̇жханад̇од̇и д̣̇ассзнд̇о ‘‘ан̃н̃аад̣̇исам̣ сагад̣̇ааг̇аамино’’д̇иаад̣̇имааха. на баабун̣аад̇ийд̇и яасмаа бут̇уж̇ж̇ано саб̣б̣ат̇аава бад̇хаанам̣ бад̣̇аханд̇о сод̇аабад̇д̇имаг̇г̇ам̣ ад̇хиг̇ажчад̇и, сод̇аабанно жа сагад̣̇ааг̇аамимаг̇г̇анд̇и хздтимам̣ убаримад̇о ол̣ааригам̣, убариман̃жа ид̇арад̇о сукумам̣ д̇зна бахаад̇ум̣ асаггун̣зяяасса баж̇аханад̇о, ид̇и ад̇хиг̇анд̇аб̣б̣ависзсзна жа ад̇хиг̇амабадибад̣̇ааяа сан̣хасукумад̇аа д̇игкависад̣̇ад̇аа жа вин̃н̃ааяад̇ийд̇и ааха – ‘‘бут̇уж̇ж̇анасса бад̇хаанам̣ сод̇аабаннасса бад̇хаанам̣ на баабун̣аад̇ий’’д̇иаад̣̇и.
379.Lokuttaramissakāni kathitāni bodhirājakumārasutte viya lokiyā ceva lokuttarā ca. Yathālābhavasena cettha padhāniyaṅgānaṃ lokuttaraggahaṇaṃ veditabbaṃ. Paccekaṃ eva nesañca padhāniyaṅgatā daṭṭhabbā yathā ‘‘aṭṭhavimokkhā sandissanti lokuttaramissakā’’ti. Lokuttarānevāti cettha yaṃ vattabbaṃ, taṃ parato āvi bhavissati. Padhānanānattanti padahananānattaṃ, bhāvanānuyogavisesanti attho. Saṅkhāre parimadditvā paṭipakkhadhamme ekadesato pajahitvā ṭhitassa bhāvanānuyogo sabbena sabbaṃ aparimadditasaṅkhārassa appahīnapaṭipakkhassa bhāvanānuyogato sukhumo visadova hoti, saccābhisamayena santānassa āhitavisesattāti āha – ‘‘aññādisameva hi puthujjanassa padhānaṃ, aññādisaṃ sotāpannassā’’tiādi. Ayañca viseso na kevalaṃ anariyaariyapuggalato eva, atha kho ariyesupi sekkhādivisesatopi labbhati abhisaṅkhāravisesato abhinīhārato ca ijjhanatoti dassento ‘‘aññādisaṃ sakadāgāmino’’tiādimāha. Na pāpuṇātīti yasmā puthujjano sabbathāva padhānaṃ padahanto sotāpattimaggaṃ adhigacchati, sotāpanno ca sakadāgāmimagganti heṭṭhimaṃ uparimato oḷārikaṃ, uparimañca itarato sukhumaṃ tena pahātuṃ asakkuṇeyyassa pajahanato, iti adhigantabbavisesena ca adhigamapaṭipadāya saṇhasukhumatā tikkhavisadatā ca viññāyatīti āha – ‘‘puthujjanassa padhānaṃ sotāpannassa padhānaṃ na pāpuṇātī’’tiādi.
агуудагаран̣анд̇и аван̃жанагирияам̣. анаважчинд̣̇ананд̇и ад̇ияаанам̣. авин̃чанам̣ на аагад̣дханам̣, нияуд̇д̇ад̇ам̣ винивзтзд̇ваа саманд̇аа вибаривад̇д̇ид̇ваа самад̇хаарааяа чад̣д̣анам̣ ваа. д̇асса гааран̣ам̣ д̇ам̣гааран̣ам̣, д̇ам̣ гааран̣анд̇и ваа д̇ам̣ гирияам̣ д̇ам̣ ад̇хигаарам̣. д̣̇анд̇зхи г̇анд̇аб̣б̣абхууминд̇и д̣̇анд̇зхи бад̇д̇аб̣б̣адтаанам̣, бад̇д̇аб̣б̣авад̇т̇ум̣ ваа. жад̇д̇аароби ассад̣̇д̇хаа наама убаримаубаримасад̣̇д̇хааяа абхаавад̇о. язна хи яам̣ аббад̇д̇ам̣, д̇асса д̇ам̣ над̇т̇и. арияасаавагасса…бз… над̇т̇и батамамаг̇г̇знзва мааяаасаатзяяаанам̣ бахаад̇аб̣б̣ад̇д̇аа. д̇знзваад̇и саммад̣̇зва вируд̣̇д̇хабагкаанам̣ сад̣̇д̇хаад̣̇ийнам̣ ид̇хаад̇хиббзд̇ад̇д̇аа. яад̣̇и звам̣ гат̇ам̣ миссагагат̇аад̇и ааха ‘‘ассакал̣ун̇гасуд̇д̇анд̇з банаа’’д̇иаад̣̇и. жад̇д̇аарова хонд̇и бут̇уж̇ж̇анаад̣̇ивасзна.
Akūṭakaraṇanti avañcanakiriyaṃ. Anavacchindananti atiyānaṃ. Aviñchanaṃ na ākaḍḍhanaṃ, niyuttataṃ viniveṭhetvā samantā viparivattitvā samadhārāya chaḍḍanaṃ vā. Tassa kāraṇaṃ taṃkāraṇaṃ, taṃ kāraṇanti vā taṃ kiriyaṃ taṃ adhikāraṃ. Dantehi gantabbabhūminti dantehi pattabbaṭṭhānaṃ, pattabbavatthuṃ vā. Cattāropi assaddhā nāma uparimauparimasaddhāya abhāvato. Yena hi yaṃ appattaṃ, tassa taṃ natthi. Ariyasāvakassa…pe… natthi paṭhamamaggeneva māyāsāṭheyyānaṃ pahātabbattā. Tenevāti sammadeva viruddhapakkhānaṃ saddhādīnaṃ idhādhippetattā. Yadi evaṃ kathaṃ missakakathāti āha ‘‘assakhaḷuṅkasuttante panā’’tiādi. Cattārova honti puthujjanādivasena.
обаммасам̣санд̣̇анз ад̣̇анд̇ахад̇т̇иаад̣̇аяо вияаад̇иаад̣̇инаа ган̣хабагкз, яат̇аа бана д̣̇анд̇ахад̇т̇иаад̣̇аяод̇иаад̣̇инаа суггабагкз жа саад̇хааран̣ад̇о згаж̇жхам̣ гад̇ваа вуд̇д̇ам̣, асаад̇хааран̣ад̇о бхинд̣̇ид̇ваа д̣̇ассзд̇ум̣ ‘‘ид̣̇ам̣ вуд̇д̇ам̣ ход̇ий’’д̇иаад̣̇и вуд̇д̇ам̣.
Opammasaṃsandane adantahatthiādayo viyātiādinā kaṇhapakkhe, yathā pana dantahatthiādayotiādinā sukkapakkhe ca sādhāraṇato ekajjhaṃ katvā vuttaṃ, asādhāraṇato bhinditvā dassetuṃ ‘‘idaṃ vuttaṃ hotī’’tiādi vuttaṃ.
380. саммаббад̇хаанаа ниб̣б̣исидтавийрияаа. д̇знааха – ‘‘на гин̃жи наанаагаран̣ам̣ вад̣̇аами, яад̣̇ид̣̇ам̣ вимуд̇д̇ияаа вимуд̇д̇и’’нд̇и. на хи сугкавибассагад̇звиж̇ж̇ачал̣абхин̃н̃аанам̣ вимуд̇д̇ияаа наанаагаран̣ам̣ ад̇т̇и. д̇зна вуд̇д̇ам̣ ‘‘яам̣ згассаа’’д̇иаад̣̇и. гим̣ д̇вам̣ на ж̇аанаасийд̇и самб̣анд̇хо. ааг̇ажчанд̇ийд̇и уббаж̇ж̇анавасзна ааг̇ажчанд̇и. нааг̇ажчанд̇ийд̇и зд̇т̇ааби зсзва наяо. ид̣̇ам̣ бужчанд̇од̇и ид̣̇ам̣ бужчаамийд̇и д̣̇ассзнд̇о. аббахийнажзд̇асигад̣̇угкаа анад̇хиг̇ад̇аанааг̇аамид̇аа. д̇знааха ‘‘убабад̇д̇ивасзна ааг̇анд̇ааро’’д̇и. самужчиннад̣̇угкаад̇и самуг̇гхаадид̇ажзд̇асигад̣̇угкаа.
380.Sammappadhānā nibbisiṭṭhavīriyā. Tenāha – ‘‘na kiñci nānākaraṇaṃ vadāmi, yadidaṃ vimuttiyā vimutti’’nti. Na hi sukkhavipassakatevijjachaḷabhiññānaṃ vimuttiyā nānākaraṇaṃ atthi. Tena vuttaṃ ‘‘yaṃ ekassā’’tiādi. Kiṃ tvaṃ na jānāsīti sambandho. Āgacchantīti uppajjanavasena āgacchanti. Nāgacchantīti etthāpi eseva nayo. Idaṃ pucchantoti idaṃ pucchāmīti dassento. Appahīnacetasikadukkhā anadhigataanāgāmitā. Tenāha ‘‘upapattivasena āgantāro’’ti. Samucchinnadukkhāti samugghāṭitacetasikadukkhā.
381. д̇амхаа таанаад̇и д̇ад̇о яат̇аад̇хиг̇ад̇аиссарияадтаанад̇о. буна д̇амхаа таанаад̇и д̇ад̇о д̣̇уг̇г̇ад̇аа. самбаннагаамаг̇ун̣анд̇и ул̣аарагаамаг̇ун̣асаманнааг̇ад̇ам̣.
381.Tamhā ṭhānāti tato yathādhigataissariyaṭṭhānato. Puna tamhā ṭhānāti tato duggatā. Sampannakāmaguṇanti uḷārakāmaguṇasamannāgataṃ.
д̇ад̇т̇аад̇и гаамад̣̇звалогз. таанабхаавад̇од̇и арахад̇д̇ан̃жз ад̇хиг̇ад̇ам̣, д̇аавад̣̇зва бариниб̣б̣аанад̇о. убарид̣̇звз жаад̇и убаруубари бхуумиваасз д̣̇звз жа, жагкувин̃н̃аан̣ад̣̇ассанзнаби д̣̇ассанааяа наббахонд̇ийд̇и яож̇анаа.
Tatthāti kāmadevaloke. Ṭhānabhāvatoti arahattañce adhigataṃ, tāvadeva parinibbānato. Uparidevecāti uparūpari bhūmivāse deve ca, cakkhuviññāṇadassanenapi dassanāya nappahontīti yojanā.
382. вуд̇д̇анаязнзваад̇и д̣̇звабужчааяа вуд̇д̇знзва наязна. саа гира гат̇аад̇и ‘‘над̇т̇и со саман̣о ваа б̣раахман̣о ваа, яо сагид̣̇зва саб̣б̣ам̣ нзяяа’’нд̇и гат̇аа. д̇зд̇и видадуубхасан̃ж̇аяаа. имасмим̣язва таанзд̇и имасмим̣ миг̇ад̣̇ааязязва. сзсам̣ сувин̃н̃зяяамзва.
382.Vuttanayenevāti devapucchāya vutteneva nayena. Sā kira kathāti ‘‘natthi so samaṇo vā brāhmaṇo vā, yo sakideva sabbaṃ neyya’’nti kathā. Teti viṭaṭūbhasañjayā. Imasmiṃyeva ṭhāneti imasmiṃ migadāyeyeva. Sesaṃ suviññeyyameva.
ган̣н̣агад̇т̇аласуд̇д̇аван̣н̣анааяа лийнад̇т̇аббагаасанаа самад̇д̇аа.
Kaṇṇakatthalasuttavaṇṇanāya līnatthappakāsanā samattā.
нидтид̇аа жа рааж̇аваг̇г̇аван̣н̣анаа.
Niṭṭhitā ca rājavaggavaṇṇanā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / маж̇жхиманигааяа • Majjhimanikāya / 10. ган̣н̣агад̇т̇аласуд̇д̇ам̣ • 10. Kaṇṇakatthalasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / маж̇жхиманигааяа (адтагат̇аа) • Majjhimanikāya (aṭṭhakathā) / 10. ган̣н̣агад̇т̇аласуд̇д̇аван̣н̣анаа • 10. Kaṇṇakatthalasuttavaṇṇanā
