| Library / Tipiṭaka / ਤਿਪਿਟਕ • Tipiṭaka / ਮਜ੍ਝਿਮਨਿਕਾਯ (ਟੀਕਾ) • Majjhimanikāya (ṭīkā) |
੧੦. ਕਣ੍ਣਕਤ੍ਥਲਸੁਤ੍ਤવਣ੍ਣਨਾ
10. Kaṇṇakatthalasuttavaṇṇanā
੩੭੫. ਅਨਨ੍ਤਰਸੁਤ੍ਤੇ વੁਤ੍ਤਕਰਣੀਯੇਨੇવਾਤਿ ‘‘ਪਾਸਾਦੇ વਾ ਨਾਟਕੇਸੁ વਾ ਚਿਤ੍ਤਸ੍ਸਾਦਂ ਅਲਭਮਾਨੋ ਤਤ੍ਥ ਤਤ੍ਥ વਿਚਰਿਤੁਂ ਆਰਦ੍ਧੋ’’ਤਿ વੁਤ੍ਤਕਰਣੀਯੇਨ। ਅਪ੍ਪਦੁਟ੍ਠਪਦੋਸੀਨਞ੍ਹਿ ਏવਂ ਹੋਤੀਤਿ।
375.Anantarasuttevuttakaraṇīyenevāti ‘‘pāsāde vā nāṭakesu vā cittassādaṃ alabhamāno tattha tattha vicarituṃ āraddho’’ti vuttakaraṇīyena. Appaduṭṭhapadosīnañhi evaṃ hotīti.
੩੭੬. ਪੁਚ੍ਛਿਤੋਤਿ ‘‘ਅਞ੍ਞਂ ਦੂਤਂ ਨਾਲਤ੍ਥੁ’’ਨ੍ਤਿ ਪੁਚ੍ਛਿਤੋ। ਸੋਤਿ ਰਾਜਾ। ਤਾਸਂ વਨ੍ਦਨਾ ਸਚੇ ਉਤ੍ਤਰਕਾਲਂ, ਅਤ੍ਤਨੋ ਆਗਮਨਕਾਰਣਂ ਕਥੇਸ੍ਸਤਿ।
376.Pucchitoti ‘‘aññaṃ dūtaṃ nālatthu’’nti pucchito. Soti rājā. Tāsaṃ vandanā sace uttarakālaṃ, attano āgamanakāraṇaṃ kathessati.
੩੭੮. ਏਕਾવਜ੍ਜਨੇਨਾਤਿ ਏਕવੀਥਿਜવਨੇਨ। ਤੇਨ ਏਕਚਿਤ੍ਤਂ ਤਾવ ਤਿਟ੍ਠਤੁ, ਏਕਚਿਤ੍ਤવੀਥਿਯਾਪਿ ਸਬ੍ਬਂ ਜਾਨਿਤੁਂ ਨ ਸਕ੍ਕਾਤਿ ਦਸ੍ਸੇਤਿ। ‘‘ਇਦਂ ਨਾਮ ਅਤੀਤਂ ਜਾਨਿਸ੍ਸਾਮੀ’’ਤਿ ਅਨਿਯਮੇਤ੍વਾ ਆવਜ੍ਜਤੋ ਯਂ ਕਿਞ੍ਚਿ ਅਤੀਤਂ ਜਾਨਾਤਿ, ਨਿਯਮਿਤੇ ਪਨ ਨਿਯਮਿਤਮੇવਾਤਿ ਆਹ – ‘‘ਏਕੇਨ ਹਿ…ਪੇ॰… ਏਕਦੇਸਮੇવ ਜਾਨਾਤੀ’’ਤਿ। ਤੇਨ ਚਿਤ੍ਤੇਨਾਤਿ ‘‘ਅਤੀਤਂ ਸਬ੍ਬਂ ਜਾਨਿਸ੍ਸਾਮੀ’’ਤਿ ਏવਂ ਪવਤ੍ਤਚਿਤ੍ਤੇਨ। ਇਤਰੇਸੂਤਿ ਅਨਾਗਤਪਚ੍ਚੁਪ੍ਪਨ੍ਨੇਸੁ। ਕਾਰਣਜਾਤਿਕਨ੍ਤਿ ਯੁਤ੍ਤਿਸਭਾવਂ, ਯੁਤ੍ਤਿਯਾ ਯੁਤ੍ਤਨ੍ਤਿ ਅਤ੍ਥੋ। ਸਮ੍ਪਰਾਯਗੁਣਨ੍ਤਿ ਸਮ੍ਪਰਾਯੇ ਕਤਕਮ੍ਮਸ੍ਸ વਿਸੇਸਂ।
378.Ekāvajjanenāti ekavīthijavanena. Tena ekacittaṃ tāva tiṭṭhatu, ekacittavīthiyāpi sabbaṃ jānituṃ na sakkāti dasseti. ‘‘Idaṃ nāma atītaṃ jānissāmī’’ti aniyametvā āvajjato yaṃ kiñci atītaṃ jānāti, niyamite pana niyamitamevāti āha – ‘‘ekena hi…pe… ekadesameva jānātī’’ti. Tena cittenāti ‘‘atītaṃ sabbaṃ jānissāmī’’ti evaṃ pavattacittena. Itaresūti anāgatapaccuppannesu. Kāraṇajātikanti yuttisabhāvaṃ, yuttiyā yuttanti attho. Samparāyaguṇanti samparāye katakammassa visesaṃ.
੩੭੯. ਲੋਕੁਤ੍ਤਰਮਿਸ੍ਸਕਾਨਿ ਕਥਿਤਾਨਿ ਬੋਧਿਰਾਜਕੁਮਾਰਸੁਤ੍ਤੇ વਿਯ ਲੋਕਿਯਾ ਚੇવ ਲੋਕੁਤ੍ਤਰਾ ਚ। ਯਥਾਲਾਭવਸੇਨ ਚੇਤ੍ਥ ਪਧਾਨਿਯਙ੍ਗਾਨਂ ਲੋਕੁਤ੍ਤਰਗ੍ਗਹਣਂ વੇਦਿਤਬ੍ਬਂ। ਪਚ੍ਚੇਕਂ ਏવ ਨੇਸਞ੍ਚ ਪਧਾਨਿਯਙ੍ਗਤਾ ਦਟ੍ਠਬ੍ਬਾ ਯਥਾ ‘‘ਅਟ੍ਠવਿਮੋਕ੍ਖਾ ਸਨ੍ਦਿਸ੍ਸਨ੍ਤਿ ਲੋਕੁਤ੍ਤਰਮਿਸ੍ਸਕਾ’’ਤਿ। ਲੋਕੁਤ੍ਤਰਾਨੇવਾਤਿ ਚੇਤ੍ਥ ਯਂ વਤ੍ਤਬ੍ਬਂ, ਤਂ ਪਰਤੋ ਆવਿ ਭવਿਸ੍ਸਤਿ। ਪਧਾਨਨਾਨਤ੍ਤਨ੍ਤਿ ਪਦਹਨਨਾਨਤ੍ਤਂ, ਭਾવਨਾਨੁਯੋਗવਿਸੇਸਨ੍ਤਿ ਅਤ੍ਥੋ। ਸਙ੍ਖਾਰੇ ਪਰਿਮਦ੍ਦਿਤ੍વਾ ਪਟਿਪਕ੍ਖਧਮ੍ਮੇ ਏਕਦੇਸਤੋ ਪਜਹਿਤ੍વਾ ਠਿਤਸ੍ਸ ਭਾવਨਾਨੁਯੋਗੋ ਸਬ੍ਬੇਨ ਸਬ੍ਬਂ ਅਪਰਿਮਦ੍ਦਿਤਸਙ੍ਖਾਰਸ੍ਸ ਅਪ੍ਪਹੀਨਪਟਿਪਕ੍ਖਸ੍ਸ ਭਾવਨਾਨੁਯੋਗਤੋ ਸੁਖੁਮੋ વਿਸਦੋવ ਹੋਤਿ, ਸਚ੍ਚਾਭਿਸਮਯੇਨ ਸਨ੍ਤਾਨਸ੍ਸ ਆਹਿਤવਿਸੇਸਤ੍ਤਾਤਿ ਆਹ – ‘‘ਅਞ੍ਞਾਦਿਸਮੇવ ਹਿ ਪੁਥੁਜ੍ਜਨਸ੍ਸ ਪਧਾਨਂ, ਅਞ੍ਞਾਦਿਸਂ ਸੋਤਾਪਨ੍ਨਸ੍ਸਾ’’ਤਿਆਦਿ। ਅਯਞ੍ਚ વਿਸੇਸੋ ਨ ਕੇવਲਂ ਅਨਰਿਯਅਰਿਯਪੁਗ੍ਗਲਤੋ ਏવ, ਅਥ ਖੋ ਅਰਿਯੇਸੁਪਿ ਸੇਕ੍ਖਾਦਿવਿਸੇਸਤੋਪਿ ਲਬ੍ਭਤਿ ਅਭਿਸਙ੍ਖਾਰવਿਸੇਸਤੋ ਅਭਿਨੀਹਾਰਤੋ ਚ ਇਜ੍ਝਨਤੋਤਿ ਦਸ੍ਸੇਨ੍ਤੋ ‘‘ਅਞ੍ਞਾਦਿਸਂ ਸਕਦਾਗਾਮਿਨੋ’’ਤਿਆਦਿਮਾਹ। ਨ ਪਾਪੁਣਾਤੀਤਿ ਯਸ੍ਮਾ ਪੁਥੁਜ੍ਜਨੋ ਸਬ੍ਬਥਾવ ਪਧਾਨਂ ਪਦਹਨ੍ਤੋ ਸੋਤਾਪਤ੍ਤਿਮਗ੍ਗਂ ਅਧਿਗਚ੍ਛਤਿ, ਸੋਤਾਪਨ੍ਨੋ ਚ ਸਕਦਾਗਾਮਿਮਗ੍ਗਨ੍ਤਿ ਹੇਟ੍ਠਿਮਂ ਉਪਰਿਮਤੋ ਓਲ਼ਾਰਿਕਂ, ਉਪਰਿਮਞ੍ਚ ਇਤਰਤੋ ਸੁਖੁਮਂ ਤੇਨ ਪਹਾਤੁਂ ਅਸਕ੍ਕੁਣੇਯ੍ਯਸ੍ਸ ਪਜਹਨਤੋ, ਇਤਿ ਅਧਿਗਨ੍ਤਬ੍ਬવਿਸੇਸੇਨ ਚ ਅਧਿਗਮਪਟਿਪਦਾਯ ਸਣ੍ਹਸੁਖੁਮਤਾ ਤਿਕ੍ਖવਿਸਦਤਾ ਚ વਿਞ੍ਞਾਯਤੀਤਿ ਆਹ – ‘‘ਪੁਥੁਜ੍ਜਨਸ੍ਸ ਪਧਾਨਂ ਸੋਤਾਪਨ੍ਨਸ੍ਸ ਪਧਾਨਂ ਨ ਪਾਪੁਣਾਤੀ’’ਤਿਆਦਿ।
379.Lokuttaramissakāni kathitāni bodhirājakumārasutte viya lokiyā ceva lokuttarā ca. Yathālābhavasena cettha padhāniyaṅgānaṃ lokuttaraggahaṇaṃ veditabbaṃ. Paccekaṃ eva nesañca padhāniyaṅgatā daṭṭhabbā yathā ‘‘aṭṭhavimokkhā sandissanti lokuttaramissakā’’ti. Lokuttarānevāti cettha yaṃ vattabbaṃ, taṃ parato āvi bhavissati. Padhānanānattanti padahananānattaṃ, bhāvanānuyogavisesanti attho. Saṅkhāre parimadditvā paṭipakkhadhamme ekadesato pajahitvā ṭhitassa bhāvanānuyogo sabbena sabbaṃ aparimadditasaṅkhārassa appahīnapaṭipakkhassa bhāvanānuyogato sukhumo visadova hoti, saccābhisamayena santānassa āhitavisesattāti āha – ‘‘aññādisameva hi puthujjanassa padhānaṃ, aññādisaṃ sotāpannassā’’tiādi. Ayañca viseso na kevalaṃ anariyaariyapuggalato eva, atha kho ariyesupi sekkhādivisesatopi labbhati abhisaṅkhāravisesato abhinīhārato ca ijjhanatoti dassento ‘‘aññādisaṃ sakadāgāmino’’tiādimāha. Na pāpuṇātīti yasmā puthujjano sabbathāva padhānaṃ padahanto sotāpattimaggaṃ adhigacchati, sotāpanno ca sakadāgāmimagganti heṭṭhimaṃ uparimato oḷārikaṃ, uparimañca itarato sukhumaṃ tena pahātuṃ asakkuṇeyyassa pajahanato, iti adhigantabbavisesena ca adhigamapaṭipadāya saṇhasukhumatā tikkhavisadatā ca viññāyatīti āha – ‘‘puthujjanassa padhānaṃ sotāpannassa padhānaṃ na pāpuṇātī’’tiādi.
ਅਕੂਟਕਰਣਨ੍ਤਿ ਅવਞ੍ਚਨਕਿਰਿਯਂ। ਅਨવਚ੍ਛਿਨ੍ਦਨਨ੍ਤਿ ਅਤਿਯਾਨਂ। ਅવਿਞ੍ਛਨਂ ਨ ਆਕਡ੍ਢਨਂ, ਨਿਯੁਤ੍ਤਤਂ વਿਨਿવੇਠੇਤ੍વਾ ਸਮਨ੍ਤਾ વਿਪਰਿવਤ੍ਤਿਤ੍વਾ ਸਮਧਾਰਾਯ ਛਡ੍ਡਨਂ વਾ। ਤਸ੍ਸ ਕਾਰਣਂ ਤਂਕਾਰਣਂ, ਤਂ ਕਾਰਣਨ੍ਤਿ વਾ ਤਂ ਕਿਰਿਯਂ ਤਂ ਅਧਿਕਾਰਂ। ਦਨ੍ਤੇਹਿ ਗਨ੍ਤਬ੍ਬਭੂਮਿਨ੍ਤਿ ਦਨ੍ਤੇਹਿ ਪਤ੍ਤਬ੍ਬਟ੍ਠਾਨਂ, ਪਤ੍ਤਬ੍ਬવਤ੍ਥੁਂ વਾ। ਚਤ੍ਤਾਰੋਪਿ ਅਸ੍ਸਦ੍ਧਾ ਨਾਮ ਉਪਰਿਮਉਪਰਿਮਸਦ੍ਧਾਯ ਅਭਾવਤੋ। ਯੇਨ ਹਿ ਯਂ ਅਪ੍ਪਤ੍ਤਂ, ਤਸ੍ਸ ਤਂ ਨਤ੍ਥਿ। ਅਰਿਯਸਾવਕਸ੍ਸ…ਪੇ॰… ਨਤ੍ਥਿ ਪਠਮਮਗ੍ਗੇਨੇવ ਮਾਯਾਸਾਠੇਯ੍ਯਾਨਂ ਪਹਾਤਬ੍ਬਤ੍ਤਾ। ਤੇਨੇવਾਤਿ ਸਮ੍ਮਦੇવ વਿਰੁਦ੍ਧਪਕ੍ਖਾਨਂ ਸਦ੍ਧਾਦੀਨਂ ਇਧਾਧਿਪ੍ਪੇਤਤ੍ਤਾ। ਯਦਿ ਏવਂ ਕਥਂ ਮਿਸ੍ਸਕਕਥਾਤਿ ਆਹ ‘‘ਅਸ੍ਸਖਲ਼ੁਙ੍ਕਸੁਤ੍ਤਨ੍ਤੇ ਪਨਾ’’ਤਿਆਦਿ। ਚਤ੍ਤਾਰੋવ ਹੋਨ੍ਤਿ ਪੁਥੁਜ੍ਜਨਾਦਿવਸੇਨ।
Akūṭakaraṇanti avañcanakiriyaṃ. Anavacchindananti atiyānaṃ. Aviñchanaṃ na ākaḍḍhanaṃ, niyuttataṃ viniveṭhetvā samantā viparivattitvā samadhārāya chaḍḍanaṃ vā. Tassa kāraṇaṃ taṃkāraṇaṃ, taṃ kāraṇanti vā taṃ kiriyaṃ taṃ adhikāraṃ. Dantehi gantabbabhūminti dantehi pattabbaṭṭhānaṃ, pattabbavatthuṃ vā. Cattāropi assaddhā nāma uparimauparimasaddhāya abhāvato. Yena hi yaṃ appattaṃ, tassa taṃ natthi. Ariyasāvakassa…pe… natthi paṭhamamaggeneva māyāsāṭheyyānaṃ pahātabbattā. Tenevāti sammadeva viruddhapakkhānaṃ saddhādīnaṃ idhādhippetattā. Yadi evaṃ kathaṃ missakakathāti āha ‘‘assakhaḷuṅkasuttante panā’’tiādi. Cattārova honti puthujjanādivasena.
ਓਪਮ੍ਮਸਂਸਨ੍ਦਨੇ ਅਦਨ੍ਤਹਤ੍ਥਿਆਦਯੋ વਿਯਾਤਿਆਦਿਨਾ ਕਣ੍ਹਪਕ੍ਖੇ, ਯਥਾ ਪਨ ਦਨ੍ਤਹਤ੍ਥਿਆਦਯੋਤਿਆਦਿਨਾ ਸੁਕ੍ਕਪਕ੍ਖੇ ਚ ਸਾਧਾਰਣਤੋ ਏਕਜ੍ਝਂ ਕਤ੍વਾ વੁਤ੍ਤਂ, ਅਸਾਧਾਰਣਤੋ ਭਿਨ੍ਦਿਤ੍વਾ ਦਸ੍ਸੇਤੁਂ ‘‘ਇਦਂ વੁਤ੍ਤਂ ਹੋਤੀ’’ਤਿਆਦਿ વੁਤ੍ਤਂ।
Opammasaṃsandane adantahatthiādayo viyātiādinā kaṇhapakkhe, yathā pana dantahatthiādayotiādinā sukkapakkhe ca sādhāraṇato ekajjhaṃ katvā vuttaṃ, asādhāraṇato bhinditvā dassetuṃ ‘‘idaṃ vuttaṃ hotī’’tiādi vuttaṃ.
੩੮੦. ਸਮ੍ਮਪ੍ਪਧਾਨਾ ਨਿਬ੍ਬਿਸਿਟ੍ਠવੀਰਿਯਾ। ਤੇਨਾਹ – ‘‘ਨ ਕਿਞ੍ਚਿ ਨਾਨਾਕਰਣਂ વਦਾਮਿ, ਯਦਿਦਂ વਿਮੁਤ੍ਤਿਯਾ વਿਮੁਤ੍ਤਿ’’ਨ੍ਤਿ। ਨ ਹਿ ਸੁਕ੍ਖવਿਪਸ੍ਸਕਤੇવਿਜ੍ਜਛਲ਼ਭਿਞ੍ਞਾਨਂ વਿਮੁਤ੍ਤਿਯਾ ਨਾਨਾਕਰਣਂ ਅਤ੍ਥਿ। ਤੇਨ વੁਤ੍ਤਂ ‘‘ਯਂ ਏਕਸ੍ਸਾ’’ਤਿਆਦਿ। ਕਿਂ ਤ੍વਂ ਨ ਜਾਨਾਸੀਤਿ ਸਮ੍ਬਨ੍ਧੋ। ਆਗਚ੍ਛਨ੍ਤੀਤਿ ਉਪ੍ਪਜ੍ਜਨવਸੇਨ ਆਗਚ੍ਛਨ੍ਤਿ। ਨਾਗਚ੍ਛਨ੍ਤੀਤਿ ਏਤ੍ਥਾਪਿ ਏਸੇવ ਨਯੋ। ਇਦਂ ਪੁਚ੍ਛਨ੍ਤੋਤਿ ਇਦਂ ਪੁਚ੍ਛਾਮੀਤਿ ਦਸ੍ਸੇਨ੍ਤੋ। ਅਪ੍ਪਹੀਨਚੇਤਸਿਕਦੁਕ੍ਖਾ ਅਨਧਿਗਤਅਨਾਗਾਮਿਤਾ। ਤੇਨਾਹ ‘‘ਉਪਪਤ੍ਤਿવਸੇਨ ਆਗਨ੍ਤਾਰੋ’’ਤਿ। ਸਮੁਚ੍ਛਿਨ੍ਨਦੁਕ੍ਖਾਤਿ ਸਮੁਗ੍ਘਾਟਿਤਚੇਤਸਿਕਦੁਕ੍ਖਾ।
380.Sammappadhānā nibbisiṭṭhavīriyā. Tenāha – ‘‘na kiñci nānākaraṇaṃ vadāmi, yadidaṃ vimuttiyā vimutti’’nti. Na hi sukkhavipassakatevijjachaḷabhiññānaṃ vimuttiyā nānākaraṇaṃ atthi. Tena vuttaṃ ‘‘yaṃ ekassā’’tiādi. Kiṃ tvaṃ na jānāsīti sambandho. Āgacchantīti uppajjanavasena āgacchanti. Nāgacchantīti etthāpi eseva nayo. Idaṃ pucchantoti idaṃ pucchāmīti dassento. Appahīnacetasikadukkhā anadhigataanāgāmitā. Tenāha ‘‘upapattivasena āgantāro’’ti. Samucchinnadukkhāti samugghāṭitacetasikadukkhā.
੩੮੧. ਤਮ੍ਹਾ ਠਾਨਾਤਿ ਤਤੋ ਯਥਾਧਿਗਤਇਸ੍ਸਰਿਯਟ੍ਠਾਨਤੋ। ਪੁਨ ਤਮ੍ਹਾ ਠਾਨਾਤਿ ਤਤੋ ਦੁਗ੍ਗਤਾ। ਸਮ੍ਪਨ੍ਨਕਾਮਗੁਣਨ੍ਤਿ ਉਲ਼ਾਰਕਾਮਗੁਣਸਮਨ੍ਨਾਗਤਂ।
381.Tamhā ṭhānāti tato yathādhigataissariyaṭṭhānato. Puna tamhā ṭhānāti tato duggatā. Sampannakāmaguṇanti uḷārakāmaguṇasamannāgataṃ.
ਤਤ੍ਥਾਤਿ ਕਾਮਦੇવਲੋਕੇ। ਠਾਨਭਾવਤੋਤਿ ਅਰਹਤ੍ਤਞ੍ਚੇ ਅਧਿਗਤਂ, ਤਾવਦੇવ ਪਰਿਨਿਬ੍ਬਾਨਤੋ। ਉਪਰਿਦੇવੇ ਚਾਤਿ ਉਪਰੂਪਰਿ ਭੂਮਿવਾਸੇ ਦੇવੇ ਚ, ਚਕ੍ਖੁવਿਞ੍ਞਾਣਦਸ੍ਸਨੇਨਪਿ ਦਸ੍ਸਨਾਯ ਨਪ੍ਪਹੋਨ੍ਤੀਤਿ ਯੋਜਨਾ।
Tatthāti kāmadevaloke. Ṭhānabhāvatoti arahattañce adhigataṃ, tāvadeva parinibbānato. Uparidevecāti uparūpari bhūmivāse deve ca, cakkhuviññāṇadassanenapi dassanāya nappahontīti yojanā.
੩੮੨. વੁਤ੍ਤਨਯੇਨੇવਾਤਿ ਦੇવਪੁਚ੍ਛਾਯ વੁਤ੍ਤੇਨੇવ ਨਯੇਨ। ਸਾ ਕਿਰ ਕਥਾਤਿ ‘‘ਨਤ੍ਥਿ ਸੋ ਸਮਣੋ વਾ ਬ੍ਰਾਹ੍ਮਣੋ વਾ, ਯੋ ਸਕਿਦੇવ ਸਬ੍ਬਂ ਨੇਯ੍ਯ’’ਨ੍ਤਿ ਕਥਾ। ਤੇਤਿ વਿਟਟੂਭਸਞ੍ਜਯਾ। ਇਮਸ੍ਮਿਂਯੇવ ਠਾਨੇਤਿ ਇਮਸ੍ਮਿਂ ਮਿਗਦਾਯੇਯੇવ। ਸੇਸਂ ਸੁવਿਞ੍ਞੇਯ੍ਯਮੇવ।
382.Vuttanayenevāti devapucchāya vutteneva nayena. Sā kira kathāti ‘‘natthi so samaṇo vā brāhmaṇo vā, yo sakideva sabbaṃ neyya’’nti kathā. Teti viṭaṭūbhasañjayā. Imasmiṃyeva ṭhāneti imasmiṃ migadāyeyeva. Sesaṃ suviññeyyameva.
ਕਣ੍ਣਕਤ੍ਥਲਸੁਤ੍ਤવਣ੍ਣਨਾਯ ਲੀਨਤ੍ਥਪ੍ਪਕਾਸਨਾ ਸਮਤ੍ਤਾ।
Kaṇṇakatthalasuttavaṇṇanāya līnatthappakāsanā samattā.
ਨਿਟ੍ਠਿਤਾ ਚ ਰਾਜવਗ੍ਗવਣ੍ਣਨਾ।
Niṭṭhitā ca rājavaggavaṇṇanā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਮਜ੍ਝਿਮਨਿਕਾਯ • Majjhimanikāya / ੧੦. ਕਣ੍ਣਕਤ੍ਥਲਸੁਤ੍ਤਂ • 10. Kaṇṇakatthalasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਮਜ੍ਝਿਮਨਿਕਾਯ (ਅਟ੍ਠਕਥਾ) • Majjhimanikāya (aṭṭhakathā) / ੧੦. ਕਣ੍ਣਕਤ੍ਥਲਸੁਤ੍ਤવਣ੍ਣਨਾ • 10. Kaṇṇakatthalasuttavaṇṇanā
