| Library / Tipiṭaka / д̇ибидага • Tipiṭaka / бзд̇авад̇т̇у-адтагат̇аа • Petavatthu-aṭṭhakathā |
12. ган̣н̣амун̣д̣абзд̇ивад̇т̇уван̣н̣анаа
12. Kaṇṇamuṇḍapetivatthuvaṇṇanā
сон̣н̣асобаанапалагаад̇и ид̣̇ам̣ сад̇т̇ари саавад̇т̇ияам̣ вихаранд̇з ган̣н̣амун̣д̣абзд̇им̣ аараб̣бха вуд̇д̇ам̣. ад̇ийд̇з гира гассабаб̣уд̣̇д̇хагаалз гимиланаг̇арз ан̃н̃ад̇аро убаасаго сод̇аабанно бан̃жахи убаасагасад̇зхи сад̣̇д̇хим̣ самаанажчанд̣̇о худ̇ваа аараамаробанасзд̇уб̣анд̇ханажан̇гаманагаран̣аад̣̇ийсу бун̃н̃агаммзсу басуд̇о худ̇ваа вихаранд̇о сан̇гхасса вихаарам̣ гаарзд̇ваа д̇зхи сад̣̇д̇хим̣ гаалзна гаалам̣ вихаарам̣ г̇ажчад̇и. д̇зсам̣ бхарияааяоби убаасигаа худ̇ваа ан̃н̃аман̃н̃ам̣ самаг̇г̇аа маалааг̇анд̇хавилзбанаад̣̇ихад̇т̇аа гаалзна гаалам̣ вихаарам̣ г̇ажчанд̇ияо анд̇араамаг̇г̇з аараамасабхаад̣̇ийсу виссамид̇ваа г̇ажчанд̇и.
Soṇṇasopānaphalakāti idaṃ satthari sāvatthiyaṃ viharante kaṇṇamuṇḍapetiṃ ārabbha vuttaṃ. Atīte kira kassapabuddhakāle kimilanagare aññataro upāsako sotāpanno pañcahi upāsakasatehi saddhiṃ samānacchando hutvā ārāmaropanasetubandhanacaṅkamanakaraṇādīsu puññakammesu pasuto hutvā viharanto saṅghassa vihāraṃ kāretvā tehi saddhiṃ kālena kālaṃ vihāraṃ gacchati. Tesaṃ bhariyāyopi upāsikā hutvā aññamaññaṃ samaggā mālāgandhavilepanādihatthā kālena kālaṃ vihāraṃ gacchantiyo antarāmagge ārāmasabhādīsu vissamitvā gacchanti.
ат̇згад̣̇ивасам̣ гад̇ибаяаа д̇худ̇д̇аа згиссаа сабхааяа саннисиннаа д̇аасу д̇ад̇т̇а виссамид̇ваа г̇ад̇аасу д̇аасам̣ руубасамбад̇д̇им̣ д̣̇исваа бадиб̣ад̣̇д̇хажид̇д̇аа худ̇ваа д̇аасам̣ сийлаажаараг̇ун̣асамбаннад̇ам̣ н̃ад̇ваа гат̇ам̣ самудтаабзсум̣ ‘‘го зд̇аасу згиссааби сийлабхзд̣̇ам̣ гаад̇ум̣ самад̇т̇о’’д̇и. д̇ад̇т̇а ан̃н̃ад̇аро ‘‘ахам̣ самад̇т̇о’’д̇и ааха. д̇з д̇зна ‘‘сахассзна аб̣бхуд̇ам̣ гаромаа’’д̇и аб̣бхуд̇ам̣ агам̣су. со анзгзхи убааязхи вааяамамаано д̇аасу сабхам̣ ааг̇ад̇аасу сумун̃жид̇ам̣ сад̇д̇ад̇анд̇им̣ мад̇хурассарам̣ вийн̣ам̣ ваад̣̇знд̇о мад̇хурзнзва сарзна гаамабадисам̣яуд̇д̇аг̇ийд̇аани г̇ааяанд̇о г̇ийд̇асад̣̇д̣̇зна д̇аасу ан̃н̃ад̇арам̣ ид̇т̇им̣ сийлабхзд̣̇ам̣ баабзнд̇о ад̇ижаариним̣ гад̇ваа д̇з д̇худ̇д̇з сахассам̣ барааж̇зси. д̇з сахассабарааж̇ид̇аа д̇ассаа саамигасса аарожзсум̣. саамиго д̇ам̣ бужчи – ‘‘гим̣ д̇вам̣ зваруубаа, яат̇аа д̇з бурисаа авожу’’нд̇и. саа ‘‘наахам̣ ийд̣̇исам̣ ж̇аанаамий’’д̇и бадигкибид̇ваа д̇асмим̣ асад̣̇д̣̇аханд̇з самийбз тид̇ам̣ сунакам̣ д̣̇ассзд̇ваа сабат̇ам̣ агааси ‘‘сажз маяаа д̇аад̣̇исам̣ баабагаммам̣ гад̇ам̣, аяам̣ чиннаган̣н̣о гаал̣асунако д̇ад̇т̇а д̇ад̇т̇а бхавз ж̇аад̇ам̣ мам̣ каад̣̇ад̇уу’’д̇и. ид̇арааби бан̃жасад̇аа ид̇т̇ияо д̇ам̣ ид̇т̇им̣ ад̇ижаариним̣ ж̇аананд̇ий гим̣ аяам̣ д̇ат̇ааруубам̣ баабам̣ агааси, уд̣̇ааху наагаасий’’д̇и жод̣̇ид̇аа ‘‘на маяам̣ зваруубам̣ ж̇аанаамаа’’д̇и мусаа вад̇ваа ‘‘сажз маяам̣ ж̇аанаама, бхавз бхавз зд̇иссааязва д̣̇аасияо бхавзяяаамаа’’д̇и сабат̇ам̣ агам̣су.
Athekadivasaṃ katipayā dhuttā ekissā sabhāya sannisinnā tāsu tattha vissamitvā gatāsu tāsaṃ rūpasampattiṃ disvā paṭibaddhacittā hutvā tāsaṃ sīlācāraguṇasampannataṃ ñatvā kathaṃ samuṭṭhāpesuṃ ‘‘ko etāsu ekissāpi sīlabhedaṃ kātuṃ samattho’’ti. Tattha aññataro ‘‘ahaṃ samattho’’ti āha. Te tena ‘‘sahassena abbhutaṃ karomā’’ti abbhutaṃ akaṃsu. So anekehi upāyehi vāyamamāno tāsu sabhaṃ āgatāsu sumuñcitaṃ sattatantiṃ madhurassaraṃ vīṇaṃ vādento madhureneva sarena kāmapaṭisaṃyuttagītāni gāyanto gītasaddena tāsu aññataraṃ itthiṃ sīlabhedaṃ pāpento aticāriniṃ katvā te dhutte sahassaṃ parājesi. Te sahassaparājitā tassā sāmikassa ārocesuṃ. Sāmiko taṃ pucchi – ‘‘kiṃ tvaṃ evarūpā, yathā te purisā avocu’’nti. Sā ‘‘nāhaṃ īdisaṃ jānāmī’’ti paṭikkhipitvā tasmiṃ asaddahante samīpe ṭhitaṃ sunakhaṃ dassetvā sapathaṃ akāsi ‘‘sace mayā tādisaṃ pāpakammaṃ kataṃ, ayaṃ chinnakaṇṇo kāḷasunakho tattha tattha bhave jātaṃ maṃ khādatū’’ti. Itarāpi pañcasatā itthiyo taṃ itthiṃ aticāriniṃ jānantī kiṃ ayaṃ tathārūpaṃ pāpaṃ akāsi, udāhu nākāsī’’ti coditā ‘‘na mayaṃ evarūpaṃ jānāmā’’ti musā vatvā ‘‘sace mayaṃ jānāma, bhave bhave etissāyeva dāsiyo bhaveyyāmā’’ti sapathaṃ akaṃsu.
ат̇а саа ад̇ижаариний ид̇т̇ий д̇знзва виббадисаарзна д̣аяхамаанахад̣̇аяаа суссид̇ваа на жирзнзва гаалам̣ гад̇ваа химавад̇и баб̣б̣ад̇арааж̇з сад̇д̇аннам̣ махаасараанам̣ ан̃н̃ад̇арасса ган̣н̣амун̣д̣ад̣̇ахасса д̇ийрз вимаанабзд̇ий худ̇ваа ниб̣б̣ад̇д̇и. вимаанасааманд̇аа жассаа гаммавибаагаанубхаванаяог̇г̇аа згаа богкаран̣ий ниб̣б̣ад̇д̇и. сзсаа жа бан̃жасад̇аа ид̇т̇ияо гаалам̣ гад̇ваа сабат̇агаммавасзна д̇ассааязва д̣̇аасияо худ̇ваа ниб̣б̣ад̇д̇им̣су. саа д̇ад̇т̇а буб̣б̣з гад̇асса бун̃н̃агаммасса палзна д̣̇ивасабхааг̇ам̣ д̣̇иб̣б̣асамбад̇д̇им̣ анубхавид̇ваа ад̣дхарад̇д̇з баабагаммаб̣аласан̃жод̣̇ид̇аа саяанад̇о удтахид̇ваа богкаран̣ид̇ийрам̣ г̇ажчад̇и. д̇ад̇т̇а г̇ад̇ам̣ г̇аж̇абод̇агаббамаан̣о зго гаал̣асунако бхзраваруубо чиннаган̣н̣о д̇икин̣ааяад̇агат̇инад̣̇аато сувибпулид̇акад̣̇иран̇г̇аарабун̃ж̇асад̣̇исанаяано ниранд̇араббавад̇д̇авиж̇ж̇улад̇аасан̇гхаад̇асад̣̇исаж̇ивхо гат̇инад̇икин̣анако карааяад̇ад̣̇уб̣б̣ан̣н̣аломо д̇ад̇о ааг̇анд̇ваа д̇ам̣ бхуумияам̣ нибаад̇зд̇ваа ад̇исаяаж̇игхажчаабхибхууд̇о вияа басаяха каад̣̇анд̇о адтисан̇калигамад̇д̇ам̣ гад̇ваа д̣̇анд̇зхи г̇ахзд̇ваа богкаран̣ияам̣ кибид̇ваа анд̇арад̇хааяад̇и. саа жа д̇ад̇т̇а багкид̇д̇асамананд̇арамзва багад̇ируубад̇хаариний худ̇ваа вимаанам̣ абхируяха саяанз нибаж̇ж̇ад̇и. ид̇араа бана д̇ассаа д̣̇аасаб̣яамзва д̣̇угкам̣ анубхаванд̇и. звам̣ д̇аасам̣ д̇ад̇т̇а васанд̇ийнам̣ бан̃н̃аасаад̇хигаани бан̃жа вассасад̇аани вийд̇ивад̇д̇аани.
Atha sā aticārinī itthī teneva vippaṭisārena ḍayhamānahadayā sussitvā na cireneva kālaṃ katvā himavati pabbatarāje sattannaṃ mahāsarānaṃ aññatarassa kaṇṇamuṇḍadahassa tīre vimānapetī hutvā nibbatti. Vimānasāmantā cassā kammavipākānubhavanayoggā ekā pokkharaṇī nibbatti. Sesā ca pañcasatā itthiyo kālaṃ katvā sapathakammavasena tassāyeva dāsiyo hutvā nibbattiṃsu. Sā tattha pubbe katassa puññakammassa phalena divasabhāgaṃ dibbasampattiṃ anubhavitvā aḍḍharatte pāpakammabalasañcoditā sayanato uṭṭhahitvā pokkharaṇitīraṃ gacchati. Tattha gataṃ gajapotakappamāṇo eko kāḷasunakho bheravarūpo chinnakaṇṇo tikhiṇāyatakathinadāṭho suvipphulitakhadiraṅgārapuñjasadisanayano nirantarappavattavijjulatāsaṅghātasadisajivho kathinatikhiṇanakho kharāyatadubbaṇṇalomo tato āgantvā taṃ bhūmiyaṃ nipātetvā atisayajighacchābhibhūto viya pasayha khādanto aṭṭhisaṅkhalikamattaṃ katvā dantehi gahetvā pokkharaṇiyaṃ khipitvā antaradhāyati. Sā ca tattha pakkhittasamanantarameva pakatirūpadhārinī hutvā vimānaṃ abhiruyha sayane nipajjati. Itarā pana tassā dāsabyameva dukkhaṃ anubhavanti. Evaṃ tāsaṃ tattha vasantīnaṃ paññāsādhikāni pañca vassasatāni vītivattāni.
ат̇а д̇аасам̣ бурисзхи винаа д̣̇иб̣б̣асамбад̇д̇им̣ анубхаванд̇ийнам̣ угган̣таа ахзсум̣. д̇ад̇т̇а жа ган̣н̣амун̣д̣ад̣̇ахад̇о ниг̇г̇ад̇аа баб̣б̣ад̇авиварзна ааг̇анд̇ваа г̇ан̇г̇ам̣ над̣̇им̣ анубавидтаа згаа над̣̇ий ад̇т̇и. д̇аасан̃жа васанадтаанасамийбз зго д̣̇иб̣б̣апалзхи амб̣аругкзхи банасалаб̣уж̇аад̣̇ийхи жа убасобхид̇о аараамасад̣̇исо аран̃н̃аббад̣̇зсо ад̇т̇и. д̇аа звам̣ самажинд̇зсум̣ – ‘‘ханд̣̇а, маяам̣ имаани амб̣апалаани имиссаа над̣̇ияаа багкибиссаама, аббзва наама имам̣ палам̣ д̣̇исваа палалобхзна гожид̣̇зва бурисо ид̇хааг̇ажчзяяа, д̇зна сад̣̇д̇хим̣ рамиссаамаад̇и. д̇аа д̇ат̇аа агам̣су. д̇аахи бана багкид̇д̇аани амб̣апалаани гаанижи д̇аабасаа г̇ан̣хим̣су, гаанижи ванажарагаа, гаанижи гаагаа вилуж̇ж̇им̣су, гаанижи д̇ийрз лаг̇г̇им̣су. згам̣ бана г̇ан̇г̇ааяа сод̇ам̣ бад̇ваа ануггамзна б̣аараан̣асим̣ самбаабун̣и.
Atha tāsaṃ purisehi vinā dibbasampattiṃ anubhavantīnaṃ ukkaṇṭhā ahesuṃ. Tattha ca kaṇṇamuṇḍadahato niggatā pabbatavivarena āgantvā gaṅgaṃ nadiṃ anupaviṭṭhā ekā nadī atthi. Tāsañca vasanaṭṭhānasamīpe eko dibbaphalehi ambarukkhehi panasalabujādīhi ca upasobhito ārāmasadiso araññappadeso atthi. Tā evaṃ samacintesuṃ – ‘‘handa, mayaṃ imāni ambaphalāni imissā nadiyā pakkhipissāma, appeva nāma imaṃ phalaṃ disvā phalalobhena kocideva puriso idhāgaccheyya, tena saddhiṃ ramissāmāti. Tā tathā akaṃsu. Tāhi pana pakkhittāni ambaphalāni kānici tāpasā gaṇhiṃsu, kānici vanacarakā, kānici kākā vilujjiṃsu, kānici tīre laggiṃsu. Ekaṃ pana gaṅgāya sotaṃ patvā anukkamena bārāṇasiṃ sampāpuṇi.
д̇зна жа самаязна б̣аараан̣асирааж̇аа лохаж̇аалабаригкид̇д̇з г̇ан̇г̇ааж̇алз нхааяад̇и. ат̇а д̇ам̣ палам̣ над̣̇исод̇зна вуяхамаанам̣ ануггамзна ааг̇анд̇ваа лохаж̇аалз лаг̇г̇и. д̇ам̣ ван̣н̣аг̇анд̇харасасамбаннам̣ маханд̇ам̣ д̣̇иб̣б̣ам̣ амб̣апалам̣ д̣̇исваа рааж̇абурисаа ран̃н̃о убанзсум̣. рааж̇аа д̇асса згад̣̇зсам̣ г̇ахзд̇ваа виймам̣санад̇т̇ааяа згасса б̣анд̇ханааг̇аарз табид̇асса важ̇жхажорасса каад̣̇ид̇ум̣ ад̣̇ааси. со д̇ам̣ каад̣̇ид̇ваа ‘‘д̣̇зва, маяаа зваруубам̣ на каад̣̇ид̇абуб̣б̣ам̣, д̣̇иб̣б̣амид̣̇ам̣ ман̃н̃з амб̣апала’’нд̇и ааха. рааж̇аа бунаби д̇асса згам̣ кан̣д̣ам̣ ад̣̇ааси. со д̇ам̣ каад̣̇ид̇ваа виг̇ад̇авалид̇абалид̇о ад̇ивияа манохараруубо яоб̣б̣анз тид̇о вияа ахоси. д̇ам̣ д̣̇исваа рааж̇аа ажчарияаб̣бхуд̇аж̇аад̇о д̇ам̣ амб̣апалам̣ барибхун̃ж̇ид̇ваа сарийрз висзсам̣ лабхид̇ваа мануссз бужчи – ‘‘гад̇т̇а зваруубаани д̣̇иб̣б̣аамб̣апалаани сам̣виж̇ж̇анд̇ий’’д̇и? мануссаа звамаахам̣су – ‘‘химаванд̇з гира, д̣̇зва, баб̣б̣ад̇арааж̇з’’д̇и. ‘‘саггаа бана д̇аани аанзд̇у’’нд̇и? ‘‘ванажарагаа, д̣̇зва, ж̇аананд̇ий’’д̇и.
Tena ca samayena bārāṇasirājā lohajālaparikkhitte gaṅgājale nhāyati. Atha taṃ phalaṃ nadisotena vuyhamānaṃ anukkamena āgantvā lohajāle laggi. Taṃ vaṇṇagandharasasampannaṃ mahantaṃ dibbaṃ ambaphalaṃ disvā rājapurisā rañño upanesuṃ. Rājā tassa ekadesaṃ gahetvā vīmaṃsanatthāya ekassa bandhanāgāre ṭhapitassa vajjhacorassa khādituṃ adāsi. So taṃ khāditvā ‘‘deva, mayā evarūpaṃ na khāditapubbaṃ, dibbamidaṃ maññe ambaphala’’nti āha. Rājā punapi tassa ekaṃ khaṇḍaṃ adāsi. So taṃ khāditvā vigatavalitapalito ativiya manohararūpo yobbane ṭhito viya ahosi. Taṃ disvā rājā acchariyabbhutajāto taṃ ambaphalaṃ paribhuñjitvā sarīre visesaṃ labhitvā manusse pucchi – ‘‘kattha evarūpāni dibbaambaphalāni saṃvijjantī’’ti? Manussā evamāhaṃsu – ‘‘himavante kira, deva, pabbatarāje’’ti. ‘‘Sakkā pana tāni ānetu’’nti? ‘‘Vanacarakā, deva, jānantī’’ti.
рааж̇аа ванажарагз баггосаабзд̇ваа д̇зсам̣ д̇амад̇т̇ам̣ аажигкид̇ваа д̇зхи самманд̇зд̇ваа д̣̇иннасса згасса ванажарагасса сахассам̣ д̣̇ад̇ваа д̇ам̣ виссаж̇ж̇зси – ‘‘г̇ажча , сийгхам̣ д̇ам̣ мз амб̣апалам̣ аанзхий’’д̇и. со д̇ам̣ гахаабан̣асахассам̣ буд̇д̇ад̣̇аарасса д̣̇ад̇ваа баат̇зяяам̣ г̇ахзд̇ваа бадиг̇ан̇г̇ам̣ ган̣н̣амун̣д̣ад̣̇ахаабхимуко г̇анд̇ваа мануссабат̇ам̣ ад̇иггамид̇ваа ган̣н̣амун̣д̣ад̣̇ахад̇о орам̣ садтияож̇анаббамаан̣з бад̣̇зсз згам̣ д̇аабасам̣ д̣̇исваа д̇зна аажигкид̇амаг̇г̇зна г̇ажчанд̇о буна д̇им̣саяож̇анаббамаан̣з бад̣̇зсз згам̣ д̇аабасам̣ д̣̇исваа, д̇зна аажигкид̇амаг̇г̇зна г̇ажчанд̇о буна баннарасаяож̇анаббамаан̣з таанз ан̃н̃ам̣ д̇аабасам̣ д̣̇исваа, д̇асса ад̇д̇ано ааг̇аманагааран̣ам̣ гат̇зси. д̇аабасо д̇ам̣ анусааси – ‘‘ид̇о бадтааяа имам̣ махааг̇ан̇г̇ам̣ бахааяа имам̣ куд̣̇д̣̇аганад̣̇им̣ ниссааяа бадисод̇ам̣ г̇ажчанд̇о яад̣̇аа баб̣б̣ад̇авиварам̣ бассаси, д̇ад̣̇аа рад̇д̇ияам̣ уггам̣ г̇ахзд̇ваа бависзяяааси. аяан̃жа над̣̇ий рад̇д̇ияам̣ наббавад̇д̇ад̇и, д̇зна д̇з г̇аманаяог̇г̇аа ход̇и, гад̇ибаяаяож̇анаад̇иггамзна д̇з амб̣з бассиссасий’’д̇и. со д̇ат̇аа гад̇ваа уд̣̇аяанд̇з суурияз вивид̇харад̇анарам̣сиж̇аалабаж̇ж̇од̇ид̇абхуумибхааг̇ам̣ палабхаарааванад̇асаакаавид̇аанад̇аруг̇ан̣обасобхид̇ам̣ наанаавид̇хавихан̇г̇аг̇ан̣уубагууж̇ид̇ам̣ ад̇ивияа манохарам̣ амб̣аванам̣ самбаабун̣и.
Rājā vanacarake pakkosāpetvā tesaṃ tamatthaṃ ācikkhitvā tehi sammantetvā dinnassa ekassa vanacarakassa sahassaṃ datvā taṃ vissajjesi – ‘‘gaccha , sīghaṃ taṃ me ambaphalaṃ ānehī’’ti. So taṃ kahāpaṇasahassaṃ puttadārassa datvā pātheyyaṃ gahetvā paṭigaṅgaṃ kaṇṇamuṇḍadahābhimukho gantvā manussapathaṃ atikkamitvā kaṇṇamuṇḍadahato oraṃ saṭṭhiyojanappamāṇe padese ekaṃ tāpasaṃ disvā tena ācikkhitamaggena gacchanto puna tiṃsayojanappamāṇe padese ekaṃ tāpasaṃ disvā, tena ācikkhitamaggena gacchanto puna pannarasayojanappamāṇe ṭhāne aññaṃ tāpasaṃ disvā, tassa attano āgamanakāraṇaṃ kathesi. Tāpaso taṃ anusāsi – ‘‘ito paṭṭhāya imaṃ mahāgaṅgaṃ pahāya imaṃ khuddakanadiṃ nissāya paṭisotaṃ gacchanto yadā pabbatavivaraṃ passasi, tadā rattiyaṃ ukkaṃ gahetvā paviseyyāsi. Ayañca nadī rattiyaṃ nappavattati, tena te gamanayoggā hoti, katipayayojanātikkamena te ambe passissasī’’ti. So tathā katvā udayante sūriye vividharatanaraṃsijālapajjotitabhūmibhāgaṃ phalabhārāvanatasākhāvitānatarugaṇopasobhitaṃ nānāvidhavihaṅgagaṇūpakūjitaṃ ativiya manoharaṃ ambavanaṃ sampāpuṇi.
ат̇а нам̣ д̇аа амануссид̇т̇ияо д̣̇уурад̇ова ааг̇ажчанд̇ам̣ д̣̇исваа ‘‘зса мама бариг̇г̇ахо, зса мама бариг̇г̇ахо’’д̇и убад̇хаавим̣су. со бана д̇аахи сад̣̇д̇хим̣ д̇ад̇т̇а д̣̇иб̣б̣асамбад̇д̇им̣ анубхавид̇ум̣ яог̇г̇асса бун̃н̃агаммасса агад̇ад̇д̇аа д̇аа д̣̇исваава бхийд̇о вираванд̇о балааяид̇ваа ануггамзна б̣аараан̣асим̣ бад̇ваа д̇ам̣ бавад̇д̇им̣ ран̃н̃о аарожзси. рааж̇аа д̇ам̣ суд̇ваа д̇аа ид̇т̇ияо д̣̇адтум̣ амб̣апалаани жа барибхун̃ж̇ид̇ум̣ сан̃ж̇аад̇аабхилаасо раж̇ж̇абхаарам̣ амажжзсу ааробзд̇ваа миг̇аваабад̣̇зсзна саннад̣̇д̇хад̇ханугалаабо каг̇г̇ам̣ б̣анд̇хид̇ваа гад̇ибаяамануссабаривааро д̇знзва ванажарагзна д̣̇ассид̇амаг̇г̇зна г̇анд̇ваа гад̇ибаяаяож̇ананд̇арз таанз мануссзби табзд̇ваа ванажарагамзва г̇ахзд̇ваа ануггамзна г̇анд̇ваа д̇амби д̇ад̇о нивад̇д̇аабзд̇ваа уд̣̇аяанд̇з д̣̇иваагарз амб̣аванам̣ баависи. ат̇а нам̣ д̇аа ид̇т̇ияо абхинавауббаннамива д̣̇звабуд̇д̇ам̣ д̣̇исваа бажжуг̇г̇анд̇ваа ‘‘рааж̇аа’’д̇и н̃ад̇ваа сан̃ж̇аад̇асинзхаб̣ахумаанаа саггажжам̣ нхаабзд̇ваа д̣̇иб̣б̣зхи вад̇т̇аалан̇гаарамаалааг̇анд̇хавилзбанзхи суман̣д̣ид̇абасаад̇хид̇ам̣ гад̇ваа вимаанам̣ ааробзд̇ваа наанаг̇г̇арасам̣ д̣̇иб̣б̣абхож̇анам̣ бхож̇зд̇ваа д̇асса ижчаануруубам̣ баяирубаасим̣су.
Atha naṃ tā amanussitthiyo dūratova āgacchantaṃ disvā ‘‘esa mama pariggaho, esa mama pariggaho’’ti upadhāviṃsu. So pana tāhi saddhiṃ tattha dibbasampattiṃ anubhavituṃ yoggassa puññakammassa akatattā tā disvāva bhīto viravanto palāyitvā anukkamena bārāṇasiṃ patvā taṃ pavattiṃ rañño ārocesi. Rājā taṃ sutvā tā itthiyo daṭṭhuṃ ambaphalāni ca paribhuñjituṃ sañjātābhilāso rajjabhāraṃ amaccesu āropetvā migavāpadesena sannaddhadhanukalāpo khaggaṃ bandhitvā katipayamanussaparivāro teneva vanacarakena dassitamaggena gantvā katipayayojanantare ṭhāne manussepi ṭhapetvā vanacarakameva gahetvā anukkamena gantvā tampi tato nivattāpetvā udayante divākare ambavanaṃ pāvisi. Atha naṃ tā itthiyo abhinavauppannamiva devaputtaṃ disvā paccuggantvā ‘‘rājā’’ti ñatvā sañjātasinehabahumānā sakkaccaṃ nhāpetvā dibbehi vatthālaṅkāramālāgandhavilepanehi sumaṇḍitapasādhitaṃ katvā vimānaṃ āropetvā nānaggarasaṃ dibbabhojanaṃ bhojetvā tassa icchānurūpaṃ payirupāsiṃsu.
ат̇а д̣̇ияад̣дхавассасад̇з ад̇игганд̇з рааж̇аа ад̣дхарад̇д̇исамаяз удтахид̇ваа нисинно д̇ам̣ ад̇ижаариним̣ бзд̇им̣ богкаран̣ид̇ийрам̣ г̇ажчанд̇им̣ д̣̇исваа ‘‘гим̣ ну ко зсаа имааяа взлааяа г̇ажчад̇ий’’д̇и виймам̣сид̇угаамо ануб̣анд̇хи. ат̇а нам̣ д̇ад̇т̇а г̇ад̇ам̣ сунакзна каж̇ж̇амаанам̣ д̣̇исваа ‘‘гим̣ ну ко ид̣̇а’’нд̇и аж̇аананд̇о д̇аяо жа д̣̇ивасз виймам̣сид̇ваа ‘‘зсо зд̇иссаа бажжаамид̇д̇о бхависсад̇ий’’д̇и нисид̇зна усунаа виж̇жхид̇ваа ж̇ийвид̇аа воробзд̇ваа д̇ан̃жа ид̇т̇им̣ бот̇зд̇ваа богкаран̣им̣ од̇аарзд̇ваа бадилад̣̇д̇хабуримаруубам̣ д̣̇исваа –
Atha diyaḍḍhavassasate atikkante rājā aḍḍharattisamaye uṭṭhahitvā nisinno taṃ aticāriniṃ petiṃ pokkharaṇitīraṃ gacchantiṃ disvā ‘‘kiṃ nu kho esā imāya velāya gacchatī’’ti vīmaṃsitukāmo anubandhi. Atha naṃ tattha gataṃ sunakhena khajjamānaṃ disvā ‘‘kiṃ nu kho ida’’nti ajānanto tayo ca divase vīmaṃsitvā ‘‘eso etissā paccāmitto bhavissatī’’ti nisitena usunā vijjhitvā jīvitā voropetvā tañca itthiṃ pothetvā pokkharaṇiṃ otāretvā paṭiladdhapurimarūpaṃ disvā –
348.
348.
‘‘сон̣н̣асобаанапалагаа , сон̣н̣аваалугасант̇ад̇аа;
‘‘Soṇṇasopānaphalakā , soṇṇavālukasanthatā;
д̇ад̇т̇а сог̇анд̇хияаа ваг̇г̇уу, сужиг̇анд̇хаа манорамаа.
Tattha sogandhiyā vaggū, sucigandhā manoramā.
349.
349.
‘‘наанааругкзхи сан̃чаннаа, наанааг̇анд̇хасамзрид̇аа;
‘‘Nānārukkhehi sañchannā, nānāgandhasameritā;
наанаабад̣̇умасан̃чаннаа, бун̣д̣арийгасамод̇ад̇аа.
Nānāpadumasañchannā, puṇḍarīkasamotatā.
350.
350.
‘‘сурабхим̣ самбавааяанд̇и, манун̃н̃аа маалуд̇зрид̇аа;
‘‘Surabhiṃ sampavāyanti, manuññā māluteritā;
хам̣сагон̃жаабхируд̣̇аа жа, жаггаваггаабхигууж̇ид̇аа.
Haṃsakoñcābhirudā ca, cakkavakkābhikūjitā.
351.
351.
‘‘наанаад̣̇иж̇аг̇ан̣аагин̣н̣аа, наанаасараг̇ан̣ааяуд̇аа;
‘‘Nānādijagaṇākiṇṇā, nānāsaragaṇāyutā;
наанаапалад̇хараа ругкаа, наанаабубпад̇хараа ванаа.
Nānāphaladharā rukkhā, nānāpupphadharā vanā.
352.
352.
‘‘на мануссзсу ийд̣̇исам̣, наг̇арам̣ яаад̣̇исам̣ ид̣̇ам̣;
‘‘Na manussesu īdisaṃ, nagaraṃ yādisaṃ idaṃ;
баасаад̣̇аа б̣ахугаа д̇уяхам̣, сован̣н̣аруубияаамаяаа;
Pāsādā bahukā tuyhaṃ, sovaṇṇarūpiyāmayā;
д̣̇ад̣̇д̣̇алламаанаа аабхзнд̇и, саманд̇аа жад̇уро д̣̇исаа.
Daddallamānā ābhenti, samantā caturo disā.
353.
353.
‘‘бан̃жа д̣̇аасисад̇аа д̇уяхам̣, яаа д̇змаа барижааригаа;
‘‘Pañca dāsisatā tuyhaṃ, yā temā paricārikā;
д̇аа гамб̣угааяуурад̇хараа, ган̃жанаавзл̣абхуусид̇аа.
Tā kambukāyūradharā, kañcanāveḷabhūsitā.
354.
354.
‘‘баллан̇гаа б̣ахугаа д̇уяхам̣, сован̣н̣аруубияаамаяаа;
‘‘Pallaṅkā bahukā tuyhaṃ, sovaṇṇarūpiyāmayā;
гад̣̇алимиг̇асан̃чаннаа, саж̇ж̇аа г̇онагасант̇ад̇аа.
Kadalimigasañchannā, sajjā gonakasanthatā.
355.
355.
‘‘яад̇т̇а д̇увам̣ ваасуубаг̇ад̇аа, саб̣б̣агаамасамид̣̇д̇хиний;
‘‘Yattha tuvaṃ vāsūpagatā, sabbakāmasamiddhinī;
самбад̇д̇ааяад̣дхарад̇д̇ааяа, д̇ад̇о удтааяа г̇ажчаси.
Sampattāyaḍḍharattāya, tato uṭṭhāya gacchasi.
356.
356.
‘‘уяяаанабхуумим̣ г̇анд̇ваана, богкаран̃н̃аа саманд̇ад̇о;
‘‘Uyyānabhūmiṃ gantvāna, pokkharaññā samantato;
д̇ассаа д̇ийрз д̇увам̣ тааси, харид̇з сад̣̇д̣̇алз субхз.
Tassā tīre tuvaṃ ṭhāsi, harite saddale subhe.
357.
357.
‘‘д̇ад̇о д̇з ган̣н̣амун̣д̣о сунако, ан̇г̇аман̇г̇аани каад̣̇ад̇и;
‘‘Tato te kaṇṇamuṇḍo sunakho, aṅgamaṅgāni khādati;
яад̣̇аа жа кааяид̇аа ааси, адтисан̇калигаа гад̇аа;
Yadā ca khāyitā āsi, aṭṭhisaṅkhalikā katā;
ог̇аахаси богкаран̣им̣, ход̇и гааяо яат̇аа бурз.
Ogāhasi pokkharaṇiṃ, hoti kāyo yathā pure.
358.
358.
‘‘д̇ад̇о д̇вам̣ ан̇г̇абажжан̇г̇ий, сужаару бияад̣̇ассанаа;
‘‘Tato tvaṃ aṅgapaccaṅgī, sucāru piyadassanā;
вад̇т̇зна баарубид̇ваана, ааяааси мама санд̇игам̣.
Vatthena pārupitvāna, āyāsi mama santikaṃ.
359.
359.
‘‘гим̣ ну гааязна ваажааяа, манасаа д̣̇уггадам̣ гад̇ам̣;
‘‘Kiṃ nu kāyena vācāya, manasā dukkaṭaṃ kataṃ;
гиссагаммавибаагзна, ган̣н̣амун̣д̣о сунако д̇ава;
Kissakammavipākena, kaṇṇamuṇḍo sunakho tava;
ан̇г̇аман̇г̇аани каад̣̇ад̇ий’’д̇и. –
Aṅgamaṅgāni khādatī’’ti. –
д̣̇ваад̣̇асахи г̇аат̇аахи д̇ам̣ д̇асса бавад̇д̇им̣ бадибужчи.
Dvādasahi gāthāhi taṃ tassa pavattiṃ paṭipucchi.
348. д̇ад̇т̇а сон̣н̣асобаанапалагаад̇и суван̣н̣амаяасобаанапалагаа. сон̣н̣аваалугасант̇ад̇аад̇и саманд̇ад̇о суван̣н̣амаяаахи ваалугаахи сант̇ад̇аа. д̇ад̇т̇аад̇и богкаран̣ияам̣. сог̇анд̇хияаад̇и сог̇анд̇хигаа. ваг̇г̇ууд̇и сунд̣̇араа ружираа. сужиг̇анд̇хаад̇и манун̃н̃аг̇анд̇хаа.
348. Tattha soṇṇasopānaphalakāti suvaṇṇamayasopānaphalakā. Soṇṇavālukasanthatāti samantato suvaṇṇamayāhi vālukāhi santhatā. Tatthāti pokkharaṇiyaṃ. Sogandhiyāti sogandhikā. Vaggūti sundarā rucirā. Sucigandhāti manuññagandhā.
349. наанааг̇анд̇хасамзрид̇аад̇и наанаавид̇хасурабхиг̇анд̇хавасзна г̇анд̇хавааяунаа саманд̇ад̇о зрид̇аа. наанаабад̣̇умасан̃чаннаад̇и наанаавид̇харад̇д̇абад̣̇умасан̃чаад̣̇ид̇асалилад̇алаа. бун̣д̣арийгасамод̇ад̇аад̇и сзд̇абад̣̇умзхи жа самогин̣н̣аа.
349.Nānāgandhasameritāti nānāvidhasurabhigandhavasena gandhavāyunā samantato eritā. Nānāpadumasañchannāti nānāvidharattapadumasañchāditasalilatalā. Puṇḍarīkasamotatāti setapadumehi ca samokiṇṇā.
350. сурабхим̣ самбавааяанд̇ийд̇и саммад̣̇зва суг̇анд̇хам̣ вааяад̇и богкаран̣ийд̇и ад̇хиббааяо. хам̣сагон̃жаабхируд̣̇аад̇и хам̣сзхи жа гон̃жзхи жа абхинаад̣̇ид̇аа.
350.Surabhiṃ sampavāyantīti sammadeva sugandhaṃ vāyati pokkharaṇīti adhippāyo. Haṃsakoñcābhirudāti haṃsehi ca koñcehi ca abhināditā.
351. наанаад̣̇иж̇аг̇ан̣аагин̣н̣аад̇и наанаад̣̇иж̇аг̇ан̣аагин̣н̣аа. наанаасараг̇ан̣ааяуд̇аад̇и наанаавид̇хавихан̇г̇амаабхируд̣̇асамуухаяуд̇д̇аа. наанаапалад̇хараад̇и наанаавид̇хапалад̇хаарино саб̣б̣агаалам̣ вивид̇хапалабхааранамид̇асаакад̇д̇аа. наанаабубпад̇хараа ванаад̇и наанаавид̇хасурабхигусумад̣̇ааяигаани ванаанийд̇и ад̇т̇о. лин̇г̇авибаллаасзна хи ‘‘ванаа’’д̇и вуд̇д̇ам̣.
351.Nānādijagaṇākiṇṇāti nānādijagaṇākiṇṇā. Nānāsaragaṇāyutāti nānāvidhavihaṅgamābhirudasamūhayuttā. Nānāphaladharāti nānāvidhaphaladhārino sabbakālaṃ vividhaphalabhāranamitasākhattā. Nānāpupphadharā vanāti nānāvidhasurabhikusumadāyikāni vanānīti attho. Liṅgavipallāsena hi ‘‘vanā’’ti vuttaṃ.
352. на мануссзсу ийд̣̇исам̣ наг̇аранд̇и яаад̣̇исам̣ д̇ава ид̣̇ам̣ наг̇арам̣, ийд̣̇исам̣ мануссзсу над̇т̇и, мануссалогз на убалаб̣бхад̇ийд̇и ад̇т̇о. руубияамаяаад̇и раж̇ад̇амаяаа. д̣̇ад̣̇д̣̇алламаанаад̇и ад̇ивияа вирожамаанаа. аабхзнд̇ийд̇и собхаяанд̇и. саманд̇аа жад̇уро д̣̇исаад̇и саманд̇ад̇о жад̇ассоби д̣̇исааяо.
352.Na manussesu īdisaṃ nagaranti yādisaṃ tava idaṃ nagaraṃ, īdisaṃ manussesu natthi, manussaloke na upalabbhatīti attho. Rūpiyamayāti rajatamayā. Daddallamānāti ativiya virocamānā. Ābhentīti sobhayanti. Samantā caturo disāti samantato catassopi disāyo.
353. яаа д̇змаад̇и яаа д̇з имаа. барижааригаад̇и взяяааважжагааринияо. д̇аад̇и д̇аа барижааригааяо. гамб̣угааяуурад̇хараад̇и сан̇кавалаяагааяууравибхуусид̇аа. ган̃жанаавзл̣абхуусид̇аад̇и суван̣н̣авадам̣сагасамалан̇гад̇агзсахад̇т̇аа.
353.Yā temāti yā te imā. Paricārikāti veyyāvaccakāriniyo. Tāti tā paricārikāyo. Kambukāyūradharāti saṅkhavalayakāyūravibhūsitā. Kañcanāveḷabhūsitāti suvaṇṇavaṭaṃsakasamalaṅkatakesahatthā.
354. гад̣̇алимиг̇асан̃чаннаад̇и гад̣̇алимиг̇ажаммабажжад̇т̇аран̣ад̇т̇ад̇аа. саж̇ж̇аад̇и саж̇ж̇ид̇аа саяид̇ум̣ яуд̇д̇аруубаа. г̇онагасант̇ад̇аад̇и д̣̇ийгхаломагзна гож̇авзна сант̇ад̇аа.
354.Kadalimigasañchannāti kadalimigacammapaccattharaṇatthatā. Sajjāti sajjitā sayituṃ yuttarūpā. Gonakasanthatāti dīghalomakena kojavena santhatā.
355. яад̇т̇аад̇и яасмим̣ баллан̇гз. ваасуубаг̇ад̇аад̇и ваасам̣ убаг̇ад̇аа, саяид̇аад̇и ад̇т̇о. самбад̇д̇ааяад̣дхарад̇д̇ааяаад̇и ад̣дхарад̇д̇ияаа убаг̇ад̇ааяа. д̇ад̇од̇и баллан̇гад̇о.
355.Yatthāti yasmiṃ pallaṅke. Vāsūpagatāti vāsaṃ upagatā, sayitāti attho. Sampattāyaḍḍharattāyāti aḍḍharattiyā upagatāya. Tatoti pallaṅkato.
356. богкаран̃н̃аад̇и богкаран̣ияаа. харид̇зд̇и нийлз. сад̣̇д̣̇алзд̇и д̇арун̣ад̇ин̣асан̃чаннз. субхзд̇и суд̣̇д̇хз. субхзд̇и ваа д̇ассаа аалабанам̣. бхад̣̇д̣̇з, саманд̇ад̇о харид̇з сад̣̇д̣̇алз д̇ассаа богкаран̣ияаа д̇ийрз д̇вам̣ г̇анд̇ваана тааси д̇идтасийд̇и яож̇анаа.
356.Pokkharaññāti pokkharaṇiyā. Hariteti nīle. Saddaleti taruṇatiṇasañchanne. Subheti suddhe. Subheti vā tassā ālapanaṃ. Bhadde, samantato harite saddale tassā pokkharaṇiyā tīre tvaṃ gantvāna ṭhāsi tiṭṭhasīti yojanā.
357. ган̣н̣амун̣д̣од̇и кан̣д̣ид̇аган̣н̣о чиннаган̣н̣о. кааяид̇аа аасийд̇и каад̣̇ид̇аа ахоси. адтисан̇калигаа гад̇аад̇и адтисан̇калигамад̇д̇аа гад̇аа. яат̇аа бурзд̇и сунакзна каад̣̇анад̇о буб̣б̣з вияа.
357.Kaṇṇamuṇḍoti khaṇḍitakaṇṇo chinnakaṇṇo. Khāyitā āsīti khāditā ahosi. Aṭṭhisaṅkhalikā katāti aṭṭhisaṅkhalikamattā katā. Yathā pureti sunakhena khādanato pubbe viya.
358. д̇ад̇од̇и богкаран̣им̣ ог̇ааханад̇о бажчаа. ан̇г̇абажжан̇г̇ийд̇и барибун̣н̣асаб̣б̣ан̇г̇абажжан̇г̇авад̇ий. сужаарууд̇и судту манорамаа. бияад̣̇ассанаад̇и д̣̇ассанийяаа. ааяаасийд̇и ааг̇ажчаси.
358.Tatoti pokkharaṇiṃ ogāhanato pacchā. Aṅgapaccaṅgīti paripuṇṇasabbaṅgapaccaṅgavatī. Sucārūti suṭṭhu manoramā. Piyadassanāti dassanīyā. Āyāsīti āgacchasi.
звам̣ д̇зна ран̃н̃аа бужчид̇аа саа бзд̇ий аад̣̇ид̇о бадтааяа ад̇д̇ано бавад̇д̇им̣ д̇асса гат̇знд̇ий –
Evaṃ tena raññā pucchitā sā petī ādito paṭṭhāya attano pavattiṃ tassa kathentī –
360.
360.
‘‘гимилааяам̣ г̇ахабад̇и, сад̣̇д̇хо ааси убаасаго;
‘‘Kimilāyaṃ gahapati, saddho āsi upāsako;
д̇ассаахам̣ бхарияаа аасим̣, д̣̇уссийлаа ад̇ижаариний.
Tassāhaṃ bhariyā āsiṃ, dussīlā aticārinī.
361.
361.
‘‘со мам̣ ад̇ижарамаанааяа, саамиго зд̇ад̣̇аб̣рави;
‘‘So maṃ aticaramānāya, sāmiko etadabravi;
‘нзд̇ам̣ д̇ам̣ чаннам̣ бад̇ируубам̣, яам̣ д̇вам̣ ад̇ижарааси мам̣’.
‘Netaṃ taṃ channaṃ patirūpaṃ, yaṃ tvaṃ aticarāsi maṃ’.
362.
362.
‘‘саахам̣ гхоран̃жа сабат̇ам̣, мусааваад̣̇ан̃жа бхаасисам̣;
‘‘Sāhaṃ ghorañca sapathaṃ, musāvādañca bhāsisaṃ;
‘наахам̣ д̇ам̣ ад̇ижараами, гааязна уд̣̇а жзд̇асаа.
‘Nāhaṃ taṃ aticarāmi, kāyena uda cetasā.
363.
363.
‘‘‘сажаахам̣ д̇ам̣ ад̇ижараами, гааязна уд̣̇а жзд̇асаа;
‘‘‘Sacāhaṃ taṃ aticarāmi, kāyena uda cetasā;
ган̣н̣амун̣д̣ояам̣ сунако, ан̇г̇аман̇г̇аани каад̣̇ад̇у’.
Kaṇṇamuṇḍoyaṃ sunakho, aṅgamaṅgāni khādatu’.
364.
364.
‘‘д̇асса гаммасса вибаагам̣, мусааваад̣̇асса жуубхаяам̣;
‘‘Tassa kammassa vipākaṃ, musāvādassa cūbhayaṃ;
сад̇д̇зва вассасад̇аани, анубхууд̇ам̣ яад̇о хи мз;
Satteva vassasatāni, anubhūtaṃ yato hi me;
ган̣н̣амун̣д̣о жа сунако, ан̇г̇аман̇г̇аани каад̣̇ад̇ий’’д̇и. – бан̃жа г̇аат̇аа ааха;
Kaṇṇamuṇḍo ca sunakho, aṅgamaṅgāni khādatī’’ti. – pañca gāthā āha;
360-1. д̇ад̇т̇а гимилааяанд̇и звам̣наамагз наг̇арз. ад̇ижааринийд̇и бхарияаа хи бад̇им̣ ад̇иггамма жаран̣ад̇о ‘‘ад̇ижаариний’’д̇и вужжад̇и. ад̇ижарамаанааяа маяи со саамиго мам̣ зд̇ад̣̇аб̣равийд̇и яож̇анаа. нзд̇ам̣ чаннанд̇иаад̣̇и вуд̇д̇аагаарад̣̇ассанам̣. д̇ад̇т̇а нзд̇ам̣ чаннанд̇и на зд̇ам̣ яуд̇д̇ам̣. на бад̇ируубанд̇и д̇ассзва взважанам̣. яанд̇и гирияаабараамасанам̣. ад̇ижараасийд̇и ад̇ижараси, аяамзва ваа баато. яам̣ мам̣ д̇вам̣ ад̇ижараси, д̇ад̇т̇а яам̣ ад̇ижаран̣ам̣, нзд̇ам̣ чаннам̣ нзд̇ам̣ бад̇ируубанд̇и ад̇т̇о.
360-1. Tattha kimilāyanti evaṃnāmake nagare. Aticārinīti bhariyā hi patiṃ atikkamma caraṇato ‘‘aticārinī’’ti vuccati. Aticaramānāya mayi so sāmiko maṃ etadabravīti yojanā. Netaṃ channantiādi vuttākāradassanaṃ. Tattha netaṃ channanti na etaṃ yuttaṃ. Na patirūpanti tasseva vevacanaṃ. Yanti kiriyāparāmasanaṃ. Aticarāsīti aticarasi, ayameva vā pāṭho. Yaṃ maṃ tvaṃ aticarasi, tattha yaṃ aticaraṇaṃ, netaṃ channaṃ netaṃ patirūpanti attho.
362-4. гхоранд̇и д̣̇аарун̣ам̣. сабат̇анд̇и сабанам̣. бхаасисанд̇и абхаасим̣. сажааханд̇и сажз ахам̣. д̇анд̇и д̇вам̣. д̇асса гаммассаад̇и д̇асса баабагаммасса д̣̇уссийляагаммасса. мусааваад̣̇асса жаад̇и ‘‘наахам̣ д̇ам̣ ад̇ижараамий’’д̇и вуд̇д̇амусааваад̣̇асса жа. убхаяанд̇и убхаяасса вибаагам̣. анубхууд̇анд̇и анубхууяамаанам̣ маяаад̇и ад̇т̇о. яад̇од̇и яад̇о баабагаммад̇о.
362-4.Ghoranti dāruṇaṃ. Sapathanti sapanaṃ. Bhāsisanti abhāsiṃ. Sacāhanti sace ahaṃ. Tanti tvaṃ. Tassa kammassāti tassa pāpakammassa dussīlyakammassa. Musāvādassa cāti ‘‘nāhaṃ taṃ aticarāmī’’ti vuttamusāvādassa ca. Ubhayanti ubhayassa vipākaṃ. Anubhūtanti anubhūyamānaṃ mayāti attho. Yatoti yato pāpakammato.
зван̃жа бана вад̇ваа д̇зна ад̇д̇ано гад̇ам̣ убагаарам̣ гид̇д̇знд̇ий –
Evañca pana vatvā tena attano kataṃ upakāraṃ kittentī –
365.
365.
‘‘д̇ван̃жа д̣̇зва б̣ахугааро, ад̇т̇ааяа мз ид̇хааг̇ад̇о;
‘‘Tvañca deva bahukāro, atthāya me idhāgato;
сумуд̇д̇аахам̣ ган̣н̣амун̣д̣асса, асогаа агуд̇обхаяаа.
Sumuttāhaṃ kaṇṇamuṇḍassa, asokā akutobhayā.
366.
366.
‘‘д̇аахам̣ д̣̇зва намассаами, яаажаами бан̃ж̇алийгад̇аа;
‘‘Tāhaṃ deva namassāmi, yācāmi pañjalīkatā;
бхун̃ж̇а амаанусз гаамз, рама д̣̇зва маяаа сахаа’’д̇и. –
Bhuñja amānuse kāme, rama deva mayā sahā’’ti. –
д̣̇вз г̇аат̇аа ааха. д̇ад̇т̇а д̣̇зваад̇и рааж̇аанам̣ аалабад̇и. ган̣н̣амун̣д̣ассаад̇и ган̣н̣амун̣д̣ад̇о. ниссаггз хи ид̣̇ам̣ саамиважанам̣. ат̇а рааж̇аа д̇ад̇т̇а ваасзна ниб̣б̣иннамаанасо г̇аманаж̇жхаасаяам̣ багаасзси. д̇ам̣ суд̇ваа бзд̇ий ран̃н̃о бадиб̣ад̣̇д̇хажид̇д̇аа д̇ад̇т̇звасса ваасам̣ яаажанд̇ий ‘‘д̇аахам̣, д̣̇зва, намассаамий’’д̇и г̇аат̇амааха.
Dve gāthā āha. Tattha devāti rājānaṃ ālapati. Kaṇṇamuṇḍassāti kaṇṇamuṇḍato. Nissakke hi idaṃ sāmivacanaṃ. Atha rājā tattha vāsena nibbinnamānaso gamanajjhāsayaṃ pakāsesi. Taṃ sutvā petī rañño paṭibaddhacittā tatthevassa vāsaṃ yācantī ‘‘tāhaṃ, deva, namassāmī’’ti gāthamāha.
буна рааж̇аа згам̣сзна наг̇арам̣ г̇анд̇угаамова худ̇ваа ад̇д̇ано аж̇жхаасаяам̣ бавзд̣̇знд̇о –
Puna rājā ekaṃsena nagaraṃ gantukāmova hutvā attano ajjhāsayaṃ pavedento –
367.
367.
‘‘бхуд̇д̇аа амаанусаа гаамаа, рамид̇омхи д̇аяаа саха;
‘‘Bhuttā amānusā kāmā, ramitomhi tayā saha;
д̇аахам̣ субхаг̇з яаажаами, киббам̣ бадинаяаахи ма’’нд̇и. –
Tāhaṃ subhage yācāmi, khippaṃ paṭinayāhi ma’’nti. –
осаанаг̇аат̇амааха. д̇ад̇т̇а д̇ааханд̇и д̇ам̣ ахам̣. субхаг̇зд̇и субхаг̇аяуд̇д̇з. бадинаяаахи манд̇и маяхам̣ наг̇арамзва мам̣ бадинзхи. сзсам̣ саб̣б̣ад̇т̇а баагадамзва.
Osānagāthamāha. Tattha tāhanti taṃ ahaṃ. Subhageti subhagayutte. Paṭinayāhi manti mayhaṃ nagarameva maṃ paṭinehi. Sesaṃ sabbattha pākaṭameva.
ат̇а саа вимаанабзд̇ий ран̃н̃о важанам̣ суд̇ваа вияог̇ам̣ асахамаанаа согаад̇урад̇ааяа б̣яаагулахад̣̇аяаа взд̇хамаанасарийраа наанаавид̇хзхи убааязхи ааяаажид̇вааби д̇ам̣ д̇ад̇т̇а ваасзд̇ум̣ асаггонд̇ий б̣ахуухи махаарахзхи рад̇анзхи сад̣̇д̇хим̣ рааж̇аанам̣ наг̇арам̣ нзд̇ваа баасаад̣̇ам̣ ааробзд̇ваа ганд̣̇ид̇ваа барид̣̇звид̇ваа ад̇д̇ано васанадтаанамзва г̇ад̇аа. рааж̇аа бана д̇ам̣ д̣̇исваа сан̃ж̇аад̇асам̣взг̇о д̣̇аанаад̣̇ийни бун̃н̃агаммаани гад̇ваа саг̇г̇абарааяан̣о ахоси. ат̇а амхаагам̣ бхаг̇авад̇и логз уббаж̇ж̇ид̇ваа бавад̇д̇ид̇аварад̇хаммажаггз ануггамзна саавад̇т̇ияам̣ вихаранд̇з згад̣̇ивасам̣ ааяасмаа махаамог̇г̇аллаано баб̣б̣ад̇ажааригам̣ жарамаано д̇ам̣ ид̇т̇им̣ сабариваарам̣ д̣̇исваа д̇ааяа гад̇агаммам̣ бужчи. саа аад̣̇ид̇о бадтааяа саб̣б̣ам̣ т̇зрасса гат̇зси. т̇зро д̇аасам̣ д̇хаммам̣ д̣̇зсзси. д̇ам̣ бавад̇д̇им̣ т̇зро бхаг̇авад̇о аарожзси. бхаг̇аваа д̇амад̇т̇ам̣ адтуббад̇д̇им̣ гад̇ваа самбад̇д̇абарисааяа д̇хаммам̣ д̣̇зсзси. махааж̇ано бадилад̣̇д̇хасам̣взг̇о баабад̇о орамид̇ваа д̣̇аанаад̣̇ийни бун̃н̃агаммаани гад̇ваа саг̇г̇абарааяан̣о ахосийд̇и.
Atha sā vimānapetī rañño vacanaṃ sutvā viyogaṃ asahamānā sokāturatāya byākulahadayā vedhamānasarīrā nānāvidhehi upāyehi āyācitvāpi taṃ tattha vāsetuṃ asakkontī bahūhi mahārahehi ratanehi saddhiṃ rājānaṃ nagaraṃ netvā pāsādaṃ āropetvā kanditvā paridevitvā attano vasanaṭṭhānameva gatā. Rājā pana taṃ disvā sañjātasaṃvego dānādīni puññakammāni katvā saggaparāyaṇo ahosi. Atha amhākaṃ bhagavati loke uppajjitvā pavattitavaradhammacakke anukkamena sāvatthiyaṃ viharante ekadivasaṃ āyasmā mahāmoggallāno pabbatacārikaṃ caramāno taṃ itthiṃ saparivāraṃ disvā tāya katakammaṃ pucchi. Sā ādito paṭṭhāya sabbaṃ therassa kathesi. Thero tāsaṃ dhammaṃ desesi. Taṃ pavattiṃ thero bhagavato ārocesi. Bhagavā tamatthaṃ aṭṭhuppattiṃ katvā sampattaparisāya dhammaṃ desesi. Mahājano paṭiladdhasaṃvego pāpato oramitvā dānādīni puññakammāni katvā saggaparāyaṇo ahosīti.
ган̣н̣амун̣д̣абзд̇ивад̇т̇уван̣н̣анаа нидтид̇аа.
Kaṇṇamuṇḍapetivatthuvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / бзд̇авад̇т̇убаал̣и • Petavatthupāḷi / 12. ган̣н̣амун̣д̣абзд̇ивад̇т̇у • 12. Kaṇṇamuṇḍapetivatthu
