| Library / Tipiṭaka / д̇ибидага • Tipiṭaka / махааваг̇г̇абаал̣и • Mahāvaggapāḷi |
46. ган̣дагасааман̣зравад̇т̇у
46. Kaṇṭakasāmaṇeravatthu
д̇зна ко бана самаязна ааяасмад̇о убананд̣̇асса сагяабуд̇д̇асса ган̣даго наама сааман̣зро ган̣дагим̣ наама бхигкуним̣ д̣̇уусзси. бхигкуу уж̇жхааяанд̇и кияяанд̇и вибаажзнд̇и – ‘‘гат̇ан̃хи наама сааман̣зро зваруубам̣ анаажаарам̣ аажариссад̇ий’’д̇и. бхаг̇авад̇о зд̇амад̇т̇ам̣ аарожзсум̣. ануж̇аанаами, бхигкавз, д̣̇асахан̇г̇зхи саманнааг̇ад̇ам̣ сааман̣зрам̣ наасзд̇ум̣. баан̣аад̇ибаад̇ий ход̇и, ад̣̇иннаад̣̇ааяий ход̇и, аб̣рахмажаарий ход̇и, мусааваад̣̇ий ход̇и, маж̇ж̇абааяий ход̇и, б̣уд̣̇д̇хасса аван̣н̣ам̣ бхаасад̇и, д̇хаммасса аван̣н̣ам̣ бхаасад̇и, сан̇гхасса аван̣н̣ам̣ бхаасад̇и, мижчаад̣̇идтиго ход̇и, бхигкунид̣̇уусаго ход̇и – ануж̇аанаами, бхигкавз, имзхи д̣̇асахан̇г̇зхи саманнааг̇ад̇ам̣ сааман̣зрам̣ наасзд̇унд̇и.
Tena kho pana samayena āyasmato upanandassa sakyaputtassa kaṇṭako nāma sāmaṇero kaṇṭakiṃ nāma bhikkhuniṃ dūsesi. Bhikkhū ujjhāyanti khiyyanti vipācenti – ‘‘kathañhi nāma sāmaṇero evarūpaṃ anācāraṃ ācarissatī’’ti. Bhagavato etamatthaṃ ārocesuṃ. Anujānāmi, bhikkhave, dasahaṅgehi samannāgataṃ sāmaṇeraṃ nāsetuṃ. Pāṇātipātī hoti, adinnādāyī hoti, abrahmacārī hoti, musāvādī hoti, majjapāyī hoti, buddhassa avaṇṇaṃ bhāsati, dhammassa avaṇṇaṃ bhāsati, saṅghassa avaṇṇaṃ bhāsati, micchādiṭṭhiko hoti, bhikkhunidūsako hoti – anujānāmi, bhikkhave, imehi dasahaṅgehi samannāgataṃ sāmaṇeraṃ nāsetunti.
