| Library / Tipiṭaka / திபிடக • Tipiṭaka / பாசித்யாதி³யோஜனாபாளி • Pācityādiyojanāpāḷi |
10. கண்டகஸிக்கா²பத³ங்
10. Kaṇṭakasikkhāpadaṃ
428. த³ஸமே அரிட்ட²ஸ்ஸ உப்பன்னங் விய ஏதஸ்ஸாபி உப்பன்னந்தி யோஜனா. உம்மஜ்ஜந்தஸ்ஸாதி மனஸிகரொந்தஸ்ஸ. ஸங்வாஸஸ்ஸ நாஸனா ஸங்வாஸனாஸனா. லிங்க³ஸ்ஸ நாஸனா லிங்க³னாஸனா. த³ண்ட³கம்மேன நாஸனா த³ண்ட³கம்மனாஸனா. தத்தா²தி திவிதா⁴ஸு நாஸனாஸு. தூ³ஸகோ…பே॰… நாஸேதா²தி எத்த² அயங் நாஸனா லிங்க³னாஸனா நாமாதி யோஜனா. அயந்தி த³ண்ட³கம்மனாஸனா. இதா⁴தி இமஸ்மிங் ஸிக்கா²பதே³, ‘‘நாஸேதூ’’தி பதே³ வா. தத்தா²தி புரிமவசனாபெக்க²ங், ‘‘ஏவஞ்ச பன பி⁴க்க²வே’’தி ஆதி³வசனேதி அத்தோ². பிரேதி ஆமந்தனபத³ங் பரஸத்³தே³ன ஸமானத்த²ந்தி ஆஹ ‘‘பரா’’தி. ‘‘அம்ஹாகங் அனஜ்ஜ²த்திகபூ⁴த’’இதி வா ‘‘அம்ஹாகங் பச்சனீகபூ⁴த’’ இதி வா அத்தோ² த³ட்ட²ப்³போ³. ‘‘அமாமக’’இதிபதே³ன ‘‘பர’’இதிபத³ஸ்ஸ அதி⁴ப்பாயத்த²ங் த³ஸ்ஸேதி. அம்ஹே நமமாயக, அம்ஹேஹி வா நமமாயிதப்³ப³ இதி அத்தோ². ‘‘அம்ஹாமக’’இதிபி ஹகாரயுத்தோ பாடோ². அம்ஹேஹி ஆமகஇதி அத்தோ². யத்தா²தி யஸ்மிங் டா²னே. தேதி உபயோக³த்தே² ஸாமிவசனங், தந்தி அத்தோ². தவ ரூபஸத்³தே³ வாதி ஸம்ப³ந்தோ⁴. ந பஸ்ஸாமாதி ந பஸ்ஸாம, ந ஸுணாம.
428. Dasame ariṭṭhassa uppannaṃ viya etassāpi uppannanti yojanā. Ummajjantassāti manasikarontassa. Saṃvāsassa nāsanā saṃvāsanāsanā. Liṅgassa nāsanā liṅganāsanā. Daṇḍakammena nāsanā daṇḍakammanāsanā. Tatthāti tividhāsu nāsanāsu. Dūsako…pe… nāsethāti ettha ayaṃ nāsanā liṅganāsanā nāmāti yojanā. Ayanti daṇḍakammanāsanā. Idhāti imasmiṃ sikkhāpade, ‘‘nāsetū’’ti pade vā. Tatthāti purimavacanāpekkhaṃ, ‘‘evañca pana bhikkhave’’ti ādivacaneti attho. Pireti āmantanapadaṃ parasaddena samānatthanti āha ‘‘parā’’ti. ‘‘Amhākaṃ anajjhattikabhūta’’iti vā ‘‘amhākaṃ paccanīkabhūta’’ iti vā attho daṭṭhabbo. ‘‘Amāmaka’’itipadena ‘‘para’’itipadassa adhippāyatthaṃ dasseti. Amhe namamāyaka, amhehi vā namamāyitabba iti attho. ‘‘Amhāmaka’’itipi hakārayutto pāṭho. Amhehi āmakaiti attho. Yatthāti yasmiṃ ṭhāne. Teti upayogatthe sāmivacanaṃ, tanti attho. Tava rūpasadde vāti sambandho. Na passāmāti na passāma, na suṇāma.
429. தேனாதி ஸாமணேரேன. ‘‘காராபெய்யா’’தி பதே³ காரிதகம்மந்தி. த³ஸமங்.
429.Tenāti sāmaṇerena. ‘‘Kārāpeyyā’’ti pade kāritakammanti. Dasamaṃ.
ஸப்பாணகவக்³கோ³ ஸத்தமோ.
Sappāṇakavaggo sattamo.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / மஹாவிப⁴ங்க³ • Mahāvibhaṅga / 7. ஸப்பாணகவக்³கோ³ • 7. Sappāṇakavaggo
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / மஹாவிப⁴ங்க³-அட்ட²கதா² • Mahāvibhaṅga-aṭṭhakathā / 10. கண்டகஸிக்கா²பத³வண்ணனா • 10. Kaṇṭakasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / 10. கண்டகஸிக்கா²பத³வண்ணனா • 10. Kaṇṭakasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / வஜிரபு³த்³தி⁴-டீகா • Vajirabuddhi-ṭīkā / 10. கண்டகஸிக்கா²பத³வண்ணனா • 10. Kaṇṭakasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / 10. கண்டகஸிக்கா²பத³வண்ணனா • 10. Kaṇṭakasikkhāpadavaṇṇanā
