| Library / Tipiṭaka / д̇ибидага • Tipiṭaka / баажид̇яаад̣̇ияож̇анаабаал̣и • Pācityādiyojanāpāḷi |
10. ган̣дагасигкаабад̣̇ам̣
10. Kaṇṭakasikkhāpadaṃ
428. д̣̇асамз аридтасса уббаннам̣ вияа зд̇ассааби уббаннанд̇и яож̇анаа. уммаж̇ж̇анд̇ассаад̇и манасигаронд̇асса. сам̣ваасасса наасанаа сам̣ваасанаасанаа. лин̇г̇асса наасанаа лин̇г̇анаасанаа. д̣̇ан̣д̣агаммзна наасанаа д̣̇ан̣д̣агамманаасанаа. д̇ад̇т̇аад̇и д̇ивид̇хаасу наасанаасу. д̣̇уусаго…бз… наасзт̇аад̇и зд̇т̇а аяам̣ наасанаа лин̇г̇анаасанаа наамаад̇и яож̇анаа. аяанд̇и д̣̇ан̣д̣агамманаасанаа. ид̇хаад̇и имасмим̣ сигкаабад̣̇з, ‘‘наасзд̇уу’’д̇и бад̣̇з ваа. д̇ад̇т̇аад̇и буримаважанаабзгкам̣, ‘‘зван̃жа бана бхигкавз’’д̇и аад̣̇иважанзд̇и ад̇т̇о. бирзд̇и ааманд̇анабад̣̇ам̣ барасад̣̇д̣̇зна самаанад̇т̇анд̇и ааха ‘‘бараа’’д̇и. ‘‘амхаагам̣ анаж̇жхад̇д̇игабхууд̇а’’ид̇и ваа ‘‘амхаагам̣ бажжанийгабхууд̇а’’ ид̇и ваа ад̇т̇о д̣̇адтаб̣б̣о. ‘‘амаамага’’ид̇ибад̣̇зна ‘‘бара’’ид̇ибад̣̇асса ад̇хиббааяад̇т̇ам̣ д̣̇ассзд̇и. амхз намамааяага, амхзхи ваа намамааяид̇аб̣б̣а ид̇и ад̇т̇о. ‘‘амхаамага’’ид̇иби хагаараяуд̇д̇о баато. амхзхи аамагаид̇и ад̇т̇о. яад̇т̇аад̇и яасмим̣ таанз. д̇зд̇и убаяог̇ад̇т̇з саамиважанам̣, д̇анд̇и ад̇т̇о. д̇ава руубасад̣̇д̣̇з ваад̇и самб̣анд̇хо. на бассаамаад̇и на бассаама, на сун̣аама.
428. Dasame ariṭṭhassa uppannaṃ viya etassāpi uppannanti yojanā. Ummajjantassāti manasikarontassa. Saṃvāsassa nāsanā saṃvāsanāsanā. Liṅgassa nāsanā liṅganāsanā. Daṇḍakammena nāsanā daṇḍakammanāsanā. Tatthāti tividhāsu nāsanāsu. Dūsako…pe… nāsethāti ettha ayaṃ nāsanā liṅganāsanā nāmāti yojanā. Ayanti daṇḍakammanāsanā. Idhāti imasmiṃ sikkhāpade, ‘‘nāsetū’’ti pade vā. Tatthāti purimavacanāpekkhaṃ, ‘‘evañca pana bhikkhave’’ti ādivacaneti attho. Pireti āmantanapadaṃ parasaddena samānatthanti āha ‘‘parā’’ti. ‘‘Amhākaṃ anajjhattikabhūta’’iti vā ‘‘amhākaṃ paccanīkabhūta’’ iti vā attho daṭṭhabbo. ‘‘Amāmaka’’itipadena ‘‘para’’itipadassa adhippāyatthaṃ dasseti. Amhe namamāyaka, amhehi vā namamāyitabba iti attho. ‘‘Amhāmaka’’itipi hakārayutto pāṭho. Amhehi āmakaiti attho. Yatthāti yasmiṃ ṭhāne. Teti upayogatthe sāmivacanaṃ, tanti attho. Tava rūpasadde vāti sambandho. Na passāmāti na passāma, na suṇāma.
429. д̇знаад̇и сааман̣зрзна. ‘‘гаараабзяяаа’’д̇и бад̣̇з гаарид̇агамманд̇и. д̣̇асамам̣.
429.Tenāti sāmaṇerena. ‘‘Kārāpeyyā’’ti pade kāritakammanti. Dasamaṃ.
саббаан̣агаваг̇г̇о сад̇д̇амо.
Sappāṇakavaggo sattamo.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 7. саббаан̣агаваг̇г̇о • 7. Sappāṇakavaggo
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 10. ган̣дагасигкаабад̣̇аван̣н̣анаа • 10. Kaṇṭakasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 10. ган̣дагасигкаабад̣̇аван̣н̣анаа • 10. Kaṇṭakasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 10. ган̣дагасигкаабад̣̇аван̣н̣анаа • 10. Kaṇṭakasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 10. ган̣дагасигкаабад̣̇аван̣н̣анаа • 10. Kaṇṭakasikkhāpadavaṇṇanā
