| Library / Tipiṭaka / ਤਿਪਿਟਕ • Tipiṭaka / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi |
੧੦. ਕਣ੍ਟਕਸਿਕ੍ਖਾਪਦਂ
10. Kaṇṭakasikkhāpadaṃ
੪੨੮. ਦਸਮੇ ਅਰਿਟ੍ਠਸ੍ਸ ਉਪ੍ਪਨ੍ਨਂ વਿਯ ਏਤਸ੍ਸਾਪਿ ਉਪ੍ਪਨ੍ਨਨ੍ਤਿ ਯੋਜਨਾ। ਉਮ੍ਮਜ੍ਜਨ੍ਤਸ੍ਸਾਤਿ ਮਨਸਿਕਰੋਨ੍ਤਸ੍ਸ। ਸਂવਾਸਸ੍ਸ ਨਾਸਨਾ ਸਂવਾਸਨਾਸਨਾ। ਲਿਙ੍ਗਸ੍ਸ ਨਾਸਨਾ ਲਿਙ੍ਗਨਾਸਨਾ। ਦਣ੍ਡਕਮ੍ਮੇਨ ਨਾਸਨਾ ਦਣ੍ਡਕਮ੍ਮਨਾਸਨਾ। ਤਤ੍ਥਾਤਿ ਤਿવਿਧਾਸੁ ਨਾਸਨਾਸੁ। ਦੂਸਕੋ…ਪੇ॰… ਨਾਸੇਥਾਤਿ ਏਤ੍ਥ ਅਯਂ ਨਾਸਨਾ ਲਿਙ੍ਗਨਾਸਨਾ ਨਾਮਾਤਿ ਯੋਜਨਾ। ਅਯਨ੍ਤਿ ਦਣ੍ਡਕਮ੍ਮਨਾਸਨਾ। ਇਧਾਤਿ ਇਮਸ੍ਮਿਂ ਸਿਕ੍ਖਾਪਦੇ, ‘‘ਨਾਸੇਤੂ’’ਤਿ ਪਦੇ વਾ। ਤਤ੍ਥਾਤਿ ਪੁਰਿਮવਚਨਾਪੇਕ੍ਖਂ, ‘‘ਏવਞ੍ਚ ਪਨ ਭਿਕ੍ਖવੇ’’ਤਿ ਆਦਿવਚਨੇਤਿ ਅਤ੍ਥੋ। ਪਿਰੇਤਿ ਆਮਨ੍ਤਨਪਦਂ ਪਰਸਦ੍ਦੇਨ ਸਮਾਨਤ੍ਥਨ੍ਤਿ ਆਹ ‘‘ਪਰਾ’’ਤਿ। ‘‘ਅਮ੍ਹਾਕਂ ਅਨਜ੍ਝਤ੍ਤਿਕਭੂਤ’’ਇਤਿ વਾ ‘‘ਅਮ੍ਹਾਕਂ ਪਚ੍ਚਨੀਕਭੂਤ’’ ਇਤਿ વਾ ਅਤ੍ਥੋ ਦਟ੍ਠਬ੍ਬੋ। ‘‘ਅਮਾਮਕ’’ਇਤਿਪਦੇਨ ‘‘ਪਰ’’ਇਤਿਪਦਸ੍ਸ ਅਧਿਪ੍ਪਾਯਤ੍ਥਂ ਦਸ੍ਸੇਤਿ। ਅਮ੍ਹੇ ਨਮਮਾਯਕ, ਅਮ੍ਹੇਹਿ વਾ ਨਮਮਾਯਿਤਬ੍ਬ ਇਤਿ ਅਤ੍ਥੋ। ‘‘ਅਮ੍ਹਾਮਕ’’ਇਤਿਪਿ ਹਕਾਰਯੁਤ੍ਤੋ ਪਾਠੋ। ਅਮ੍ਹੇਹਿ ਆਮਕਇਤਿ ਅਤ੍ਥੋ। ਯਤ੍ਥਾਤਿ ਯਸ੍ਮਿਂ ਠਾਨੇ। ਤੇਤਿ ਉਪਯੋਗਤ੍ਥੇ ਸਾਮਿવਚਨਂ, ਤਨ੍ਤਿ ਅਤ੍ਥੋ। ਤવ ਰੂਪਸਦ੍ਦੇ વਾਤਿ ਸਮ੍ਬਨ੍ਧੋ। ਨ ਪਸ੍ਸਾਮਾਤਿ ਨ ਪਸ੍ਸਾਮ, ਨ ਸੁਣਾਮ।
428. Dasame ariṭṭhassa uppannaṃ viya etassāpi uppannanti yojanā. Ummajjantassāti manasikarontassa. Saṃvāsassa nāsanā saṃvāsanāsanā. Liṅgassa nāsanā liṅganāsanā. Daṇḍakammena nāsanā daṇḍakammanāsanā. Tatthāti tividhāsu nāsanāsu. Dūsako…pe… nāsethāti ettha ayaṃ nāsanā liṅganāsanā nāmāti yojanā. Ayanti daṇḍakammanāsanā. Idhāti imasmiṃ sikkhāpade, ‘‘nāsetū’’ti pade vā. Tatthāti purimavacanāpekkhaṃ, ‘‘evañca pana bhikkhave’’ti ādivacaneti attho. Pireti āmantanapadaṃ parasaddena samānatthanti āha ‘‘parā’’ti. ‘‘Amhākaṃ anajjhattikabhūta’’iti vā ‘‘amhākaṃ paccanīkabhūta’’ iti vā attho daṭṭhabbo. ‘‘Amāmaka’’itipadena ‘‘para’’itipadassa adhippāyatthaṃ dasseti. Amhe namamāyaka, amhehi vā namamāyitabba iti attho. ‘‘Amhāmaka’’itipi hakārayutto pāṭho. Amhehi āmakaiti attho. Yatthāti yasmiṃ ṭhāne. Teti upayogatthe sāmivacanaṃ, tanti attho. Tava rūpasadde vāti sambandho. Na passāmāti na passāma, na suṇāma.
੪੨੯. ਤੇਨਾਤਿ ਸਾਮਣੇਰੇਨ। ‘‘ਕਾਰਾਪੇਯ੍ਯਾ’’ਤਿ ਪਦੇ ਕਾਰਿਤਕਮ੍ਮਨ੍ਤਿ। ਦਸਮਂ।
429.Tenāti sāmaṇerena. ‘‘Kārāpeyyā’’ti pade kāritakammanti. Dasamaṃ.
ਸਪ੍ਪਾਣਕવਗ੍ਗੋ ਸਤ੍ਤਮੋ।
Sappāṇakavaggo sattamo.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਮਹਾવਿਭਙ੍ਗ • Mahāvibhaṅga / ੭. ਸਪ੍ਪਾਣਕવਗ੍ਗੋ • 7. Sappāṇakavaggo
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਮਹਾવਿਭਙ੍ਗ-ਅਟ੍ਠਕਥਾ • Mahāvibhaṅga-aṭṭhakathā / ੧੦. ਕਣ੍ਟਕਸਿਕ੍ਖਾਪਦવਣ੍ਣਨਾ • 10. Kaṇṭakasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ੧੦. ਕਣ੍ਟਕਸਿਕ੍ਖਾਪਦવਣ੍ਣਨਾ • 10. Kaṇṭakasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ੧੦. ਕਣ੍ਟਕਸਿਕ੍ਖਾਪਦવਣ੍ਣਨਾ • 10. Kaṇṭakasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ੧੦. ਕਣ੍ਟਕਸਿਕ੍ਖਾਪਦવਣ੍ਣਨਾ • 10. Kaṇṭakasikkhāpadavaṇṇanā
