| Library / Tipiṭaka / திபிடக • Tipiṭaka / மஹாவிப⁴ங்க³-அட்ட²கதா² • Mahāvibhaṅga-aṭṭhakathā |
10. கண்டகஸிக்கா²பத³வண்ணனா
10. Kaṇṭakasikkhāpadavaṇṇanā
428. த³ஸமே – தி³ட்டி²க³தங் உப்பன்னந்தி அரிட்ட²ஸ்ஸ விய ஏதஸ்ஸாபி அயோனிஸோ உம்முஜ்ஜந்தஸ்ஸ உப்பன்னங். நாஸேதூதி எத்த² திவிதா⁴ நாஸனா – ஸங்வாஸனாஸனா, லிங்க³னாஸனா, த³ண்ட³கம்மனாஸனாதி. தத்த² ஆபத்தியா அத³ஸ்ஸனாதீ³ஸு உக்கே²பனா ஸங்வாஸனாஸனா நாம. ‘‘தூ³ஸகோ நாஸேதப்³போ³ (பாரா॰ 66) மெத்தியங் பி⁴க்கு²னிங் நாஸேதா²’’தி (பாரா॰ 384) அயங் லிங்க³னாஸனா நாம. ‘‘அஜ்ஜதக்³கே³ தே ஆவுஸோ ஸமணுத்³தே³ஸ ந சேவ ஸோ ப⁴க³வா ஸத்தா² அபதி³ஸிதப்³போ³’’தி அயங் த³ண்ட³கம்மனாஸனா நாம. அயங் இத⁴ அதி⁴ப்பேதா. தேனாஹ – ‘‘ஏவஞ்ச பன பி⁴க்க²வே நாஸேதப்³போ³…பே॰… வினஸ்ஸா’’தி. தத்த² சராதி க³ச்ச². பிரேதி பர அமாமக. வினஸ்ஸாதி நஸ்ஸ; யத்த² தே ந பஸ்ஸாம, தத்த² க³ச்சா²தி.
428. Dasame – diṭṭhigataṃ uppannanti ariṭṭhassa viya etassāpi ayoniso ummujjantassa uppannaṃ. Nāsetūti ettha tividhā nāsanā – saṃvāsanāsanā, liṅganāsanā, daṇḍakammanāsanāti. Tattha āpattiyā adassanādīsu ukkhepanā saṃvāsanāsanā nāma. ‘‘Dūsako nāsetabbo (pārā. 66) mettiyaṃ bhikkhuniṃ nāsethā’’ti (pārā. 384) ayaṃ liṅganāsanā nāma. ‘‘Ajjatagge te āvuso samaṇuddesa na ceva so bhagavā satthā apadisitabbo’’ti ayaṃ daṇḍakammanāsanā nāma. Ayaṃ idha adhippetā. Tenāha – ‘‘evañca pana bhikkhave nāsetabbo…pe… vinassā’’ti. Tattha carāti gaccha. Pireti para amāmaka. Vinassāti nassa; yattha te na passāma, tattha gacchāti.
429. உபலாபெய்யாதி ஸங்க³ண்ஹெய்ய. உபட்டா²பெய்யாதி தேன அத்தனோ உபட்டா²னங் காராபெய்ய. ஸேஸங் அரிட்ட²ஸிக்கா²பதே³ வுத்தனயேனேவ வேதி³தப்³ப³ங் ஸத்³தி⁴ங் ஸமுட்டா²னாதீ³ஹீதி.
429.Upalāpeyyāti saṅgaṇheyya. Upaṭṭhāpeyyāti tena attano upaṭṭhānaṃ kārāpeyya. Sesaṃ ariṭṭhasikkhāpade vuttanayeneva veditabbaṃ saddhiṃ samuṭṭhānādīhīti.
கண்டகஸிக்கா²பத³ங் த³ஸமங்.
Kaṇṭakasikkhāpadaṃ dasamaṃ.
ஸமத்தோ வண்ணனாக்கமேன ஸப்பாணகவக்³கோ³ ஸத்தமோ.
Samatto vaṇṇanākkamena sappāṇakavaggo sattamo.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / மஹாவிப⁴ங்க³ • Mahāvibhaṅga / 7. ஸப்பாணகவக்³கோ³ • 7. Sappāṇakavaggo
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / 10. கண்டகஸிக்கா²பத³வண்ணனா • 10. Kaṇṭakasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / வஜிரபு³த்³தி⁴-டீகா • Vajirabuddhi-ṭīkā / 10. கண்டகஸிக்கா²பத³வண்ணனா • 10. Kaṇṭakasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / 10. கண்டகஸிக்கா²பத³வண்ணனா • 10. Kaṇṭakasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / பாசித்யாதி³யோஜனாபாளி • Pācityādiyojanāpāḷi / 10. கண்டகஸிக்கா²பத³ங் • 10. Kaṇṭakasikkhāpadaṃ
