| Library / Tipiṭaka / তিপিটক • Tipiṭaka / কঙ্খাৰিতরণী-পুরাণ-টীকা • Kaṅkhāvitaraṇī-purāṇa-ṭīkā |
১০. কণ্টকসিক্খাপদৰণ্ণনা
10. Kaṇṭakasikkhāpadavaṇṇanā
‘‘অযং সমণুদ্দেসো পারাজিকো হোতি। সচে তং দিট্ঠিং পটিনিস্সজ্জতি, সঙ্ঘস্স আরোচেত্ৰা সঙ্ঘানুমতিযা পব্বাজেতব্বো’’তি পোরাণগণ্ঠিপদে ৰুত্তং, তং ন যুত্তং। দণ্ডকম্মনাসনা হি ইধাধিপ্পেতা। যদি সো পারাজিকো হোতি, লিঙ্গনাসনা নাম সিযা। ‘‘তে পটিসেৰতো নালং অন্তরাযাযা’’তি চ দিট্ঠি সত্থরি অসত্থাদিদিট্ঠি ন হোতি। সচে সা যস্স উপ্পজ্জতি, সো পারাজিকো হোতি, তস্মিম্পি এৰমেৰ পটিপজ্জিতব্বং, সংৰরে অতিট্ঠন্তো লিঙ্গনাসনায নাসেতব্বোতি (ৰজির॰ টী॰ পাচিত্তিয ৪২৮) আচরিযস্স তক্কো।
‘‘Ayaṃ samaṇuddeso pārājiko hoti. Sace taṃ diṭṭhiṃ paṭinissajjati, saṅghassa ārocetvā saṅghānumatiyā pabbājetabbo’’ti porāṇagaṇṭhipade vuttaṃ, taṃ na yuttaṃ. Daṇḍakammanāsanā hi idhādhippetā. Yadi so pārājiko hoti, liṅganāsanā nāma siyā. ‘‘Te paṭisevato nālaṃ antarāyāyā’’ti ca diṭṭhi satthari asatthādidiṭṭhi na hoti. Sace sā yassa uppajjati, so pārājiko hoti, tasmimpi evameva paṭipajjitabbaṃ, saṃvare atiṭṭhanto liṅganāsanāya nāsetabboti (vajira. ṭī. pācittiya 428) ācariyassa takko.
কণ্টকসিক্খাপদৰণ্ণনা নিট্ঠিতা।
Kaṇṭakasikkhāpadavaṇṇanā niṭṭhitā.
সপ্পাণকৰগ্গো সত্তমো।
Sappāṇakavaggo sattamo.
