| Library / Tipiṭaka / तिपिटक • Tipiṭaka / महाविभङ्ग-अट्ठकथा • Mahāvibhaṅga-aṭṭhakathā |
१०. कण्टकसिक्खापदवण्णना
10. Kaṇṭakasikkhāpadavaṇṇanā
४२८. दसमे – दिट्ठिगतं उप्पन्नन्ति अरिट्ठस्स विय एतस्सापि अयोनिसो उम्मुज्जन्तस्स उप्पन्नं। नासेतूति एत्थ तिविधा नासना – संवासनासना, लिङ्गनासना, दण्डकम्मनासनाति। तत्थ आपत्तिया अदस्सनादीसु उक्खेपना संवासनासना नाम। ‘‘दूसको नासेतब्बो (पारा॰ ६६) मेत्तियं भिक्खुनिं नासेथा’’ति (पारा॰ ३८४) अयं लिङ्गनासना नाम। ‘‘अज्जतग्गे ते आवुसो समणुद्देस न चेव सो भगवा सत्था अपदिसितब्बो’’ति अयं दण्डकम्मनासना नाम। अयं इध अधिप्पेता। तेनाह – ‘‘एवञ्च पन भिक्खवे नासेतब्बो…पे॰… विनस्सा’’ति। तत्थ चराति गच्छ। पिरेति पर अमामक। विनस्साति नस्स; यत्थ ते न पस्साम, तत्थ गच्छाति।
428. Dasame – diṭṭhigataṃ uppannanti ariṭṭhassa viya etassāpi ayoniso ummujjantassa uppannaṃ. Nāsetūti ettha tividhā nāsanā – saṃvāsanāsanā, liṅganāsanā, daṇḍakammanāsanāti. Tattha āpattiyā adassanādīsu ukkhepanā saṃvāsanāsanā nāma. ‘‘Dūsako nāsetabbo (pārā. 66) mettiyaṃ bhikkhuniṃ nāsethā’’ti (pārā. 384) ayaṃ liṅganāsanā nāma. ‘‘Ajjatagge te āvuso samaṇuddesa na ceva so bhagavā satthā apadisitabbo’’ti ayaṃ daṇḍakammanāsanā nāma. Ayaṃ idha adhippetā. Tenāha – ‘‘evañca pana bhikkhave nāsetabbo…pe… vinassā’’ti. Tattha carāti gaccha. Pireti para amāmaka. Vinassāti nassa; yattha te na passāma, tattha gacchāti.
४२९. उपलापेय्याति सङ्गण्हेय्य। उपट्ठापेय्याति तेन अत्तनो उपट्ठानं कारापेय्य। सेसं अरिट्ठसिक्खापदे वुत्तनयेनेव वेदितब्बं सद्धिं समुट्ठानादीहीति।
429.Upalāpeyyāti saṅgaṇheyya. Upaṭṭhāpeyyāti tena attano upaṭṭhānaṃ kārāpeyya. Sesaṃ ariṭṭhasikkhāpade vuttanayeneva veditabbaṃ saddhiṃ samuṭṭhānādīhīti.
कण्टकसिक्खापदं दसमं।
Kaṇṭakasikkhāpadaṃ dasamaṃ.
समत्तो वण्णनाक्कमेन सप्पाणकवग्गो सत्तमो।
Samatto vaṇṇanākkamena sappāṇakavaggo sattamo.
Related texts:
तिपिटक (मूल) • Tipiṭaka (Mūla) / विनयपिटक • Vinayapiṭaka / महाविभङ्ग • Mahāvibhaṅga / ७. सप्पाणकवग्गो • 7. Sappāṇakavaggo
टीका • Tīkā / विनयपिटक (टीका) • Vinayapiṭaka (ṭīkā) / सारत्थदीपनी-टीका • Sāratthadīpanī-ṭīkā / १०. कण्टकसिक्खापदवण्णना • 10. Kaṇṭakasikkhāpadavaṇṇanā
टीका • Tīkā / विनयपिटक (टीका) • Vinayapiṭaka (ṭīkā) / वजिरबुद्धि-टीका • Vajirabuddhi-ṭīkā / १०. कण्टकसिक्खापदवण्णना • 10. Kaṇṭakasikkhāpadavaṇṇanā
टीका • Tīkā / विनयपिटक (टीका) • Vinayapiṭaka (ṭīkā) / विमतिविनोदनी-टीका • Vimativinodanī-ṭīkā / १०. कण्टकसिक्खापदवण्णना • 10. Kaṇṭakasikkhāpadavaṇṇanā
टीका • Tīkā / विनयपिटक (टीका) • Vinayapiṭaka (ṭīkā) / पाचित्यादियोजनापाळि • Pācityādiyojanāpāḷi / १०. कण्टकसिक्खापदं • 10. Kaṇṭakasikkhāpadaṃ
