| Library / Tipiṭaka / तिपिटक • Tipiṭaka / कङ्खावितरणी-पुराण-टीका • Kaṅkhāvitaraṇī-purāṇa-ṭīkā |
१०. कण्टकसिक्खापदवण्णना
10. Kaṇṭakasikkhāpadavaṇṇanā
‘‘अयं समणुद्देसो पाराजिको होति। सचे तं दिट्ठिं पटिनिस्सज्जति, सङ्घस्स आरोचेत्वा सङ्घानुमतिया पब्बाजेतब्बो’’ति पोराणगण्ठिपदे वुत्तं, तं न युत्तं। दण्डकम्मनासना हि इधाधिप्पेता। यदि सो पाराजिको होति, लिङ्गनासना नाम सिया। ‘‘ते पटिसेवतो नालं अन्तरायाया’’ति च दिट्ठि सत्थरि असत्थादिदिट्ठि न होति। सचे सा यस्स उप्पज्जति, सो पाराजिको होति, तस्मिम्पि एवमेव पटिपज्जितब्बं, संवरे अतिट्ठन्तो लिङ्गनासनाय नासेतब्बोति (वजिर॰ टी॰ पाचित्तिय ४२८) आचरियस्स तक्को।
‘‘Ayaṃ samaṇuddeso pārājiko hoti. Sace taṃ diṭṭhiṃ paṭinissajjati, saṅghassa ārocetvā saṅghānumatiyā pabbājetabbo’’ti porāṇagaṇṭhipade vuttaṃ, taṃ na yuttaṃ. Daṇḍakammanāsanā hi idhādhippetā. Yadi so pārājiko hoti, liṅganāsanā nāma siyā. ‘‘Te paṭisevato nālaṃ antarāyāyā’’ti ca diṭṭhi satthari asatthādidiṭṭhi na hoti. Sace sā yassa uppajjati, so pārājiko hoti, tasmimpi evameva paṭipajjitabbaṃ, saṃvare atiṭṭhanto liṅganāsanāya nāsetabboti (vajira. ṭī. pācittiya 428) ācariyassa takko.
कण्टकसिक्खापदवण्णना निट्ठिता।
Kaṇṭakasikkhāpadavaṇṇanā niṭṭhitā.
सप्पाणकवग्गो सत्तमो।
Sappāṇakavaggo sattamo.
