| Library / Tipiṭaka / ติปิฎก • Tipiṭaka / มหาวิภงฺค-อฎฺฐกถา • Mahāvibhaṅga-aṭṭhakathā |
๑๐. กณฺฎกสิกฺขาปทวณฺณนา
10. Kaṇṭakasikkhāpadavaṇṇanā
๔๒๘. ทสเม – ทิฎฺฐิคตํ อุปฺปนฺนนฺติ อริฎฺฐสฺส วิย เอตสฺสาปิ อโยนิโส อุมฺมุชฺชนฺตสฺส อุปฺปนฺนํฯ นาเสตูติ เอตฺถ ติวิธา นาสนา – สํวาสนาสนา, ลิงฺคนาสนา, ทณฺฑกมฺมนาสนาติฯ ตตฺถ อาปตฺติยา อทสฺสนาทีสุ อุเกฺขปนา สํวาสนาสนา นามฯ ‘‘ทูสโก นาเสตโพฺพ (ปารา. ๖๖) เมตฺติยํ ภิกฺขุนิํ นาเสถา’’ติ (ปารา. ๓๘๔) อยํ ลิงฺคนาสนา นามฯ ‘‘อชฺชตเคฺค เต อาวุโส สมณุเทฺทส น เจว โส ภควา สตฺถา อปทิสิตโพฺพ’’ติ อยํ ทณฺฑกมฺมนาสนา นามฯ อยํ อิธ อธิเปฺปตาฯ เตนาห – ‘‘เอวญฺจ ปน ภิกฺขเว นาเสตโพฺพ…เป.… วินสฺสา’’ติฯ ตตฺถ จราติ คจฺฉฯ ปิเรติ ปร อมามกฯ วินสฺสาติ นสฺส; ยตฺถ เต น ปสฺสาม, ตตฺถ คจฺฉาติฯ
428. Dasame – diṭṭhigataṃ uppannanti ariṭṭhassa viya etassāpi ayoniso ummujjantassa uppannaṃ. Nāsetūti ettha tividhā nāsanā – saṃvāsanāsanā, liṅganāsanā, daṇḍakammanāsanāti. Tattha āpattiyā adassanādīsu ukkhepanā saṃvāsanāsanā nāma. ‘‘Dūsako nāsetabbo (pārā. 66) mettiyaṃ bhikkhuniṃ nāsethā’’ti (pārā. 384) ayaṃ liṅganāsanā nāma. ‘‘Ajjatagge te āvuso samaṇuddesa na ceva so bhagavā satthā apadisitabbo’’ti ayaṃ daṇḍakammanāsanā nāma. Ayaṃ idha adhippetā. Tenāha – ‘‘evañca pana bhikkhave nāsetabbo…pe… vinassā’’ti. Tattha carāti gaccha. Pireti para amāmaka. Vinassāti nassa; yattha te na passāma, tattha gacchāti.
๔๒๙. อุปลาเปยฺยาติ สงฺคเณฺหยฺยฯ อุปฎฺฐาเปยฺยาติ เตน อตฺตโน อุปฎฺฐานํ การาเปยฺยฯ เสสํ อริฎฺฐสิกฺขาปเท วุตฺตนเยเนว เวทิตพฺพํ สทฺธิํ สมุฎฺฐานาทีหีติฯ
429.Upalāpeyyāti saṅgaṇheyya. Upaṭṭhāpeyyāti tena attano upaṭṭhānaṃ kārāpeyya. Sesaṃ ariṭṭhasikkhāpade vuttanayeneva veditabbaṃ saddhiṃ samuṭṭhānādīhīti.
กณฺฎกสิกฺขาปทํ ทสมํฯ
Kaṇṭakasikkhāpadaṃ dasamaṃ.
สมโตฺต วณฺณนากฺกเมน สปฺปาณกวโคฺค สตฺตโมฯ
Samatto vaṇṇanākkamena sappāṇakavaggo sattamo.
Related texts:
ติปิฎก (มูล) • Tipiṭaka (Mūla) / วินยปิฎก • Vinayapiṭaka / มหาวิภงฺค • Mahāvibhaṅga / ๗. สปฺปาณกวโคฺค • 7. Sappāṇakavaggo
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / สารตฺถทีปนี-ฎีกา • Sāratthadīpanī-ṭīkā / ๑๐. กณฺฎกสิกฺขาปทวณฺณนา • 10. Kaṇṭakasikkhāpadavaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / วชิรพุทฺธิ-ฎีกา • Vajirabuddhi-ṭīkā / ๑๐. กณฺฎกสิกฺขาปทวณฺณนา • 10. Kaṇṭakasikkhāpadavaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / วิมติวิโนทนี-ฎีกา • Vimativinodanī-ṭīkā / ๑๐. กณฺฎกสิกฺขาปทวณฺณนา • 10. Kaṇṭakasikkhāpadavaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / ปาจิตฺยาทิโยชนาปาฬิ • Pācityādiyojanāpāḷi / ๑๐. กณฺฎกสิกฺขาปทํ • 10. Kaṇṭakasikkhāpadaṃ
