| Library / Tipiṭaka / ติปิฎก • Tipiṭaka / กงฺขาวิตรณี-ปุราณ-ฎีกา • Kaṅkhāvitaraṇī-purāṇa-ṭīkā |
๑๐. กณฺฎกสิกฺขาปทวณฺณนา
10. Kaṇṭakasikkhāpadavaṇṇanā
‘‘อยํ สมณุเทฺทโส ปาราชิโก โหติฯ สเจ ตํ ทิฎฺฐิํ ปฎินิสฺสชฺชติ, สงฺฆสฺส อาโรเจตฺวา สงฺฆานุมติยา ปพฺพาเชตโพฺพ’’ติ โปราณคณฺฐิปเท วุตฺตํ, ตํ น ยุตฺตํฯ ทณฺฑกมฺมนาสนา หิ อิธาธิเปฺปตาฯ ยทิ โส ปาราชิโก โหติ, ลิงฺคนาสนา นาม สิยาฯ ‘‘เต ปฎิเสวโต นาลํ อนฺตรายายา’’ติ จ ทิฎฺฐิ สตฺถริ อสตฺถาทิทิฎฺฐิ น โหติฯ สเจ สา ยสฺส อุปฺปชฺชติ, โส ปาราชิโก โหติ, ตสฺมิมฺปิ เอวเมว ปฎิปชฺชิตพฺพํ, สํวเร อติฎฺฐโนฺต ลิงฺคนาสนาย นาเสตโพฺพติ (วชิร. ฎี. ปาจิตฺติย ๔๒๘) อาจริยสฺส ตโกฺกฯ
‘‘Ayaṃ samaṇuddeso pārājiko hoti. Sace taṃ diṭṭhiṃ paṭinissajjati, saṅghassa ārocetvā saṅghānumatiyā pabbājetabbo’’ti porāṇagaṇṭhipade vuttaṃ, taṃ na yuttaṃ. Daṇḍakammanāsanā hi idhādhippetā. Yadi so pārājiko hoti, liṅganāsanā nāma siyā. ‘‘Te paṭisevato nālaṃ antarāyāyā’’ti ca diṭṭhi satthari asatthādidiṭṭhi na hoti. Sace sā yassa uppajjati, so pārājiko hoti, tasmimpi evameva paṭipajjitabbaṃ, saṃvare atiṭṭhanto liṅganāsanāya nāsetabboti (vajira. ṭī. pācittiya 428) ācariyassa takko.
กณฺฎกสิกฺขาปทวณฺณนา นิฎฺฐิตาฯ
Kaṇṭakasikkhāpadavaṇṇanā niṭṭhitā.
สปฺปาณกวโคฺค สตฺตโมฯ
Sappāṇakavaggo sattamo.
