| Library / Tipiṭaka / තිපිටක • Tipiṭaka / මහාවිභඞ්‌ග-අට්‌ඨකථා • Mahāvibhaṅga-aṭṭhakathā |
10. කණ්‌ටකසික්‌ඛාපදවණ්‌ණනා
10. Kaṇṭakasikkhāpadavaṇṇanā
428. දසමෙ – දිට්‌ඨිගතං උප්‌පන්‌නන්‌ති අරිට්‌ඨස්‌ස විය එතස්‌සාපි අයොනිසො උම්‌මුජ්‌ජන්‌තස්‌ස උප්‌පන්‌නං. නාසෙතූති එත්‌ථ තිවිධා නාසනා – සංවාසනාසනා, ලිඞ්‌ගනාසනා, දණ්‌ඩකම්‌මනාසනාති. තත්‌ථ ආපත්‌තියා අදස්‌සනාදීසු උක්‌ඛෙපනා සංවාසනාසනා නාම. ‘‘දූසකො නාසෙතබ්‌බො (පාරා. 66) මෙත්‌තියං භික්‌ඛුනිං නාසෙථා’’ති (පාරා. 384) අයං ලිඞ්‌ගනාසනා නාම. ‘‘අජ්‌ජතග්‌ගෙ තෙ ආවුසො සමණුද්‌දෙස න චෙව සො භගවා සත්‌ථා අපදිසිතබ්‌බො’’ති අයං දණ්‌ඩකම්‌මනාසනා නාම. අයං ඉධ අධිප්‌පෙතා. තෙනාහ – ‘‘එවඤ්‌ච පන භික්‌ඛවෙ නාසෙතබ්‌බො…පෙ.… විනස්‌සා’’ති. තත්‌ථ චරාති ගච්‌ඡ. පිරෙති පර අමාමක. විනස්‌සාති නස්‌ස; යත්‌ථ තෙ න පස්‌සාම, තත්‌ථ ගච්‌ඡාති.
428. Dasame – diṭṭhigataṃ uppannanti ariṭṭhassa viya etassāpi ayoniso ummujjantassa uppannaṃ. Nāsetūti ettha tividhā nāsanā – saṃvāsanāsanā, liṅganāsanā, daṇḍakammanāsanāti. Tattha āpattiyā adassanādīsu ukkhepanā saṃvāsanāsanā nāma. ‘‘Dūsako nāsetabbo (pārā. 66) mettiyaṃ bhikkhuniṃ nāsethā’’ti (pārā. 384) ayaṃ liṅganāsanā nāma. ‘‘Ajjatagge te āvuso samaṇuddesa na ceva so bhagavā satthā apadisitabbo’’ti ayaṃ daṇḍakammanāsanā nāma. Ayaṃ idha adhippetā. Tenāha – ‘‘evañca pana bhikkhave nāsetabbo…pe… vinassā’’ti. Tattha carāti gaccha. Pireti para amāmaka. Vinassāti nassa; yattha te na passāma, tattha gacchāti.
429. උපලාපෙය්‍යාති සඞ්‌ගණ්‌හෙය්‍ය. උපට්‌ඨාපෙය්‍යාති තෙන අත්‌තනො උපට්‌ඨානං කාරාපෙය්‍ය. සෙසං අරිට්‌ඨසික්‌ඛාපදෙ වුත්‌තනයෙනෙව වෙදිතබ්‌බං සද්‌ධිං සමුට්‌ඨානාදීහීති.
429.Upalāpeyyāti saṅgaṇheyya. Upaṭṭhāpeyyāti tena attano upaṭṭhānaṃ kārāpeyya. Sesaṃ ariṭṭhasikkhāpade vuttanayeneva veditabbaṃ saddhiṃ samuṭṭhānādīhīti.
කණ්‌ටකසික්‌ඛාපදං දසමං.
Kaṇṭakasikkhāpadaṃ dasamaṃ.
සමත්‌තො වණ්‌ණනාක්‌කමෙන සප්‌පාණකවග්‌ගො සත්‌තමො.
Samatto vaṇṇanākkamena sappāṇakavaggo sattamo.
Related texts:
තිපිටක (මූල) • Tipiṭaka (Mūla) / විනයපිටක • Vinayapiṭaka / මහාවිභඞ්‌ග • Mahāvibhaṅga / 7. සප්‌පාණකවග්‌ගො • 7. Sappāṇakavaggo
ටීකා • Tīkā / විනයපිටක (ටීකා) • Vinayapiṭaka (ṭīkā) / සාරත්‌ථදීපනී-ටීකා • Sāratthadīpanī-ṭīkā / 10. කණ්‌ටකසික්‌ඛාපදවණ්‌ණනා • 10. Kaṇṭakasikkhāpadavaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / වජිරබුද්‌ධි-ටීකා • Vajirabuddhi-ṭīkā / 10. කණ්‌ටකසික්‌ඛාපදවණ්‌ණනා • 10. Kaṇṭakasikkhāpadavaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / විමතිවිනොදනී-ටීකා • Vimativinodanī-ṭīkā / 10. කණ්‌ටකසික්‌ඛාපදවණ්‌ණනා • 10. Kaṇṭakasikkhāpadavaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / පාචිත්‍යාදියොජනාපාළි • Pācityādiyojanāpāḷi / 10. කණ්‌ටකසික්‌ඛාපදං • 10. Kaṇṭakasikkhāpadaṃ
