| Library / Tipiṭaka / තිපිටක • Tipiṭaka / කඞ්‌ඛාවිතරණී-පුරාණ-ටීකා • Kaṅkhāvitaraṇī-purāṇa-ṭīkā |
10. කණ්‌ටකසික්‌ඛාපදවණ්‌ණනා
10. Kaṇṭakasikkhāpadavaṇṇanā
‘‘අයං සමණුද්‌දෙසො පාරාජිකො හොති. සචෙ තං දිට්‌ඨිං පටිනිස්‌සජ්‌ජති, සඞ්‌ඝස්‌ස ආරොචෙත්‌වා සඞ්‌ඝානුමතියා පබ්‌බාජෙතබ්‌බො’’ති පොරාණගණ්‌ඨිපදෙ වුත්‌තං, තං න යුත්‌තං. දණ්‌ඩකම්‌මනාසනා හි ඉධාධිප්‌පෙතා. යදි සො පාරාජිකො හොති, ලිඞ්‌ගනාසනා නාම සියා. ‘‘තෙ පටිසෙවතො නාලං අන්‌තරායායා’’ති ච දිට්‌ඨි සත්‌ථරි අසත්‌ථාදිදිට්‌ඨි න හොති. සචෙ සා යස්‌ස උප්‌පජ්‌ජති, සො පාරාජිකො හොති, තස්‌මිම්‌පි එවමෙව පටිපජ්‌ජිතබ්‌බං, සංවරෙ අතිට්‌ඨන්‌තො ලිඞ්‌ගනාසනාය නාසෙතබ්‌බොති (වජිර. ටී. පාචිත්‌තිය 428) ආචරියස්‌ස තක්‌කො.
‘‘Ayaṃ samaṇuddeso pārājiko hoti. Sace taṃ diṭṭhiṃ paṭinissajjati, saṅghassa ārocetvā saṅghānumatiyā pabbājetabbo’’ti porāṇagaṇṭhipade vuttaṃ, taṃ na yuttaṃ. Daṇḍakammanāsanā hi idhādhippetā. Yadi so pārājiko hoti, liṅganāsanā nāma siyā. ‘‘Te paṭisevato nālaṃ antarāyāyā’’ti ca diṭṭhi satthari asatthādidiṭṭhi na hoti. Sace sā yassa uppajjati, so pārājiko hoti, tasmimpi evameva paṭipajjitabbaṃ, saṃvare atiṭṭhanto liṅganāsanāya nāsetabboti (vajira. ṭī. pācittiya 428) ācariyassa takko.
කණ්‌ටකසික්‌ඛාපදවණ්‌ණනා නිට්‌ඨිතා.
Kaṇṭakasikkhāpadavaṇṇanā niṭṭhitā.
සප්‌පාණකවග්‌ගො සත්‌තමො.
Sappāṇakavaggo sattamo.
