| Library / Tipiṭaka / തിപിടക • Tipiṭaka / കങ്ഖാവിതരണീ-പുരാണ-ടീകാ • Kaṅkhāvitaraṇī-purāṇa-ṭīkā |
൧൦. കണ്ടകസിക്ഖാപദവണ്ണനാ
10. Kaṇṭakasikkhāpadavaṇṇanā
‘‘അയം സമണുദ്ദേസോ പാരാജികോ ഹോതി. സചേ തം ദിട്ഠിം പടിനിസ്സജ്ജതി, സങ്ഘസ്സ ആരോചേത്വാ സങ്ഘാനുമതിയാ പബ്ബാജേതബ്ബോ’’തി പോരാണഗണ്ഠിപദേ വുത്തം, തം ന യുത്തം. ദണ്ഡകമ്മനാസനാ ഹി ഇധാധിപ്പേതാ. യദി സോ പാരാജികോ ഹോതി, ലിങ്ഗനാസനാ നാമ സിയാ. ‘‘തേ പടിസേവതോ നാലം അന്തരായായാ’’തി ച ദിട്ഠി സത്ഥരി അസത്ഥാദിദിട്ഠി ന ഹോതി. സചേ സാ യസ്സ ഉപ്പജ്ജതി, സോ പാരാജികോ ഹോതി, തസ്മിമ്പി ഏവമേവ പടിപജ്ജിതബ്ബം, സംവരേ അതിട്ഠന്തോ ലിങ്ഗനാസനായ നാസേതബ്ബോതി (വജിര॰ ടീ॰ പാചിത്തിയ ൪൨൮) ആചരിയസ്സ തക്കോ.
‘‘Ayaṃ samaṇuddeso pārājiko hoti. Sace taṃ diṭṭhiṃ paṭinissajjati, saṅghassa ārocetvā saṅghānumatiyā pabbājetabbo’’ti porāṇagaṇṭhipade vuttaṃ, taṃ na yuttaṃ. Daṇḍakammanāsanā hi idhādhippetā. Yadi so pārājiko hoti, liṅganāsanā nāma siyā. ‘‘Te paṭisevato nālaṃ antarāyāyā’’ti ca diṭṭhi satthari asatthādidiṭṭhi na hoti. Sace sā yassa uppajjati, so pārājiko hoti, tasmimpi evameva paṭipajjitabbaṃ, saṃvare atiṭṭhanto liṅganāsanāya nāsetabboti (vajira. ṭī. pācittiya 428) ācariyassa takko.
കണ്ടകസിക്ഖാപദവണ്ണനാ നിട്ഠിതാ.
Kaṇṭakasikkhāpadavaṇṇanā niṭṭhitā.
സപ്പാണകവഗ്ഗോ സത്തമോ.
Sappāṇakavaggo sattamo.
