| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya |
੨. ਕਣ੍ਟਕਸੁਤ੍ਤਂ
2. Kaṇṭakasuttaṃ
੭੨. ਏਕਂ ਸਮਯਂ ਭਗવਾ વੇਸਾਲਿਯਂ વਿਹਰਤਿ ਮਹਾવਨੇ ਕੂਟਾਗਾਰਸਾਲਾਯਂ ਸਮ੍ਬਹੁਲੇਹਿ ਅਭਿਞ੍ਞਾਤੇਹਿ ਅਭਿਞ੍ਞਾਤੇਹਿ ਥੇਰੇਹਿ ਸਾવਕੇਹਿ ਸਦ੍ਧਿਂ – ਆਯਸ੍ਮਤਾ ਚ ਚਾਲੇਨ 1, ਆਯਸ੍ਮਤਾ ਚ ਉਪਚਾਲੇਨ 2, ਆਯਸ੍ਮਤਾ ਚ ਕੁਕ੍ਕੁਟੇਨ 3, ਆਯਸ੍ਮਤਾ ਚ ਕਲ਼ਿਮ੍ਭੇਨ 4, ਆਯਸ੍ਮਤਾ ਚ ਨਿਕਟੇਨ 5, ਆਯਸ੍ਮਤਾ ਚ ਕਟਿਸ੍ਸਹੇਨ; ਅਞ੍ਞੇਹਿ ਚ ਅਭਿਞ੍ਞਾਤੇਹਿ ਅਭਿਞ੍ਞਾਤੇਹਿ ਥੇਰੇਹਿ ਸਾવਕੇਹਿ ਸਦ੍ਧਿਂ।
72. Ekaṃ samayaṃ bhagavā vesāliyaṃ viharati mahāvane kūṭāgārasālāyaṃ sambahulehi abhiññātehi abhiññātehi therehi sāvakehi saddhiṃ – āyasmatā ca cālena 6, āyasmatā ca upacālena 7, āyasmatā ca kukkuṭena 8, āyasmatā ca kaḷimbhena 9, āyasmatā ca nikaṭena 10, āyasmatā ca kaṭissahena; aññehi ca abhiññātehi abhiññātehi therehi sāvakehi saddhiṃ.
ਤੇਨ ਖੋ ਪਨ ਸਮਯੇਨ ਸਮ੍ਬਹੁਲਾ ਅਭਿਞ੍ਞਾਤਾ ਅਭਿਞ੍ਞਾਤਾ ਲਿਚ੍ਛવੀ ਭਦ੍ਰੇਹਿ ਭਦ੍ਰੇਹਿ ਯਾਨੇਹਿ ਪਰਪੁਰਾਯ 11 ਉਚ੍ਚਾਸਦ੍ਦਾ ਮਹਾਸਦ੍ਦਾ ਮਹਾવਨਂ ਅਜ੍ਝੋਗਾਹਨ੍ਤਿ ਭਗવਨ੍ਤਂ ਦਸ੍ਸਨਾਯ। ਅਥ ਖੋ ਤੇਸਂ ਆਯਸ੍ਮਨ੍ਤਾਨਂ ਏਤਦਹੋਸਿ – ‘‘ਇਮੇ ਖੋ ਸਮ੍ਬਹੁਲਾ ਅਭਿਞ੍ਞਾਤਾ ਅਭਿਞ੍ਞਾਤਾ ਲਿਚ੍ਛવੀ ਭਦ੍ਰੇਹਿ ਭਦ੍ਰੇਹਿ ਯਾਨੇਹਿ ਪਰਪੁਰਾਯ ਉਚ੍ਚਾਸਦ੍ਦਾ ਮਹਾਸਦ੍ਦਾ ਮਹਾવਨਂ ਅਜ੍ਝੋਗਾਹਨ੍ਤਿ ਭਗવਨ੍ਤਂ ਦਸ੍ਸਨਾਯ। ‘ਸਦ੍ਦਕਣ੍ਟਕਾ ਖੋ ਪਨ ਝਾਨਾ’ વੁਤ੍ਤਾ ਭਗવਤਾ। ਯਂਨੂਨ ਮਯਂ ਯੇਨ ਗੋਸਿਙ੍ਗਸਾਲવਨਦਾਯੋ ਤੇਨੁਪਸਙ੍ਕਮੇਯ੍ਯਾਮ । ਤਤ੍ਥ ਮਯਂ ਅਪ੍ਪਸਦ੍ਦਾ ਅਪ੍ਪਾਕਿਣ੍ਣਾ ਫਾਸੁਂ 12 વਿਹਰੇਯ੍ਯਾਮਾ’’ਤਿ। ਅਥ ਖੋ ਤੇ ਆਯਸ੍ਮਨ੍ਤੋ ਯੇਨ ਗੋਸਿਙ੍ਗਸਾਲવਨਦਾਯੋ ਤੇਨੁਪਸਙ੍ਕਮਿਂਸੁ; ਤਤ੍ਥ ਤੇ ਆਯਸ੍ਮਨ੍ਤੋ ਅਪ੍ਪਸਦ੍ਦਾ ਅਪ੍ਪਾਕਿਣ੍ਣਾ ਫਾਸੁਂ વਿਹਰਨ੍ਤਿ।
Tena kho pana samayena sambahulā abhiññātā abhiññātā licchavī bhadrehi bhadrehi yānehi parapurāya 13 uccāsaddā mahāsaddā mahāvanaṃ ajjhogāhanti bhagavantaṃ dassanāya. Atha kho tesaṃ āyasmantānaṃ etadahosi – ‘‘ime kho sambahulā abhiññātā abhiññātā licchavī bhadrehi bhadrehi yānehi parapurāya uccāsaddā mahāsaddā mahāvanaṃ ajjhogāhanti bhagavantaṃ dassanāya. ‘Saddakaṇṭakā kho pana jhānā’ vuttā bhagavatā. Yaṃnūna mayaṃ yena gosiṅgasālavanadāyo tenupasaṅkameyyāma . Tattha mayaṃ appasaddā appākiṇṇā phāsuṃ 14 vihareyyāmā’’ti. Atha kho te āyasmanto yena gosiṅgasālavanadāyo tenupasaṅkamiṃsu; tattha te āyasmanto appasaddā appākiṇṇā phāsuṃ viharanti.
ਅਥ ਖੋ ਭਗવਾ ਭਿਕ੍ਖੂ ਆਮਨ੍ਤੇਸਿ – ‘‘ਕਹਂ ਨੁ ਖੋ, ਭਿਕ੍ਖવੇ, ਚਾਲੋ, ਕਹਂ ਉਪਚਾਲੋ, ਕਹਂ ਕੁਕ੍ਕੁਟੋ, ਕਹਂ ਕਲ਼ਿਮ੍ਭੋ, ਕਹਂ ਨਿਕਟੋ, ਕਹਂ ਕਟਿਸ੍ਸਹੋ; ਕਹਂ ਨੁ ਖੋ ਤੇ, ਭਿਕ੍ਖવੇ, ਥੇਰਾ ਸਾવਕਾ ਗਤਾ’’ਤਿ?
Atha kho bhagavā bhikkhū āmantesi – ‘‘kahaṃ nu kho, bhikkhave, cālo, kahaṃ upacālo, kahaṃ kukkuṭo, kahaṃ kaḷimbho, kahaṃ nikaṭo, kahaṃ kaṭissaho; kahaṃ nu kho te, bhikkhave, therā sāvakā gatā’’ti?
‘‘ਇਧ, ਭਨ੍ਤੇ, ਤੇਸਂ ਆਯਸ੍ਮਨ੍ਤਾਨਂ ਏਤਦਹੋਸਿ – ‘ਇਮੇ ਖੋ ਸਮ੍ਬਹੁਲਾ ਅਭਿਞ੍ਞਾਤਾ ਅਭਿਞ੍ਞਾਤਾ ਲਿਚ੍ਛવੀ ਭਦ੍ਰੇਹਿ ਭਦ੍ਰੇਹਿ ਯਾਨੇਹਿ ਪਰਪੁਰਾਯ ਉਚ੍ਚਾਸਦ੍ਦਾ ਮਹਾਸਦ੍ਦਾ ਮਹਾવਨਂ ਅਜ੍ਝੋਗਾਹਨ੍ਤਿ ਭਗવਨ੍ਤਂ ਦਸ੍ਸਨਾਯ ‘ਸਦ੍ਦਕਣ੍ਟਕਾ ਖੋ ਪਨ ਝਾਨਾવੁਤ੍ਤਾ ਭਗવਤਾ ਯਂਨੂਨ ਮਯਂ ਯੇਨ ਗੋਸਿਙ੍ਗਸਾਲવਨਦਾਯੋ ਤੇਨੁਪਸਙ੍ਕਮੇਯ੍ਯਾਮ ਤਤ੍ਥ ਮਯਂ ਅਪ੍ਪਸਦ੍ਦਾ ਅਪ੍ਪਾਕਿਣ੍ਣਾ ਫਾਸੁਂ વਿਹਰੇਯ੍ਯਾਮਾ’ਤਿ। ਅਥ ਖੋ ਤੇ, ਭਨ੍ਤੇ, ਆਯਸ੍ਮਨ੍ਤੋ ਯੇਨ ਗੋਸਿਙ੍ਗਸਾਲવਨਦਾਯੋ ਤੇਨੁਪਸਙ੍ਕਮਿਂਸੁ। ਤਤ੍ਥ ਤੇ ਆਯਸ੍ਮਨ੍ਤੋ ਅਪ੍ਪਸਦ੍ਦਾ ਅਪ੍ਪਾਕਿਣ੍ਣਾ ਫਾਸੁਂ વਿਹਰਨ੍ਤੀ’’ਤਿ ।
‘‘Idha, bhante, tesaṃ āyasmantānaṃ etadahosi – ‘ime kho sambahulā abhiññātā abhiññātā licchavī bhadrehi bhadrehi yānehi parapurāya uccāsaddā mahāsaddā mahāvanaṃ ajjhogāhanti bhagavantaṃ dassanāya ‘saddakaṇṭakā kho pana jhānāvuttā bhagavatā yaṃnūna mayaṃ yena gosiṅgasālavanadāyo tenupasaṅkameyyāma tattha mayaṃ appasaddā appākiṇṇā phāsuṃ vihareyyāmā’ti. Atha kho te, bhante, āyasmanto yena gosiṅgasālavanadāyo tenupasaṅkamiṃsu. Tattha te āyasmanto appasaddā appākiṇṇā phāsuṃ viharantī’’ti .
‘‘ਸਾਧੁ ਸਾਧੁ, ਭਿਕ੍ਖવੇ, ਯਥਾ ਤੇ ਮਹਾਸਾવਕਾ ਸਮ੍ਮਾ ਬ੍ਯਾਕਰਮਾਨਾ ਬ੍ਯਾਕਰੇਯ੍ਯੁਂ, ‘ਸਦ੍ਦਕਣ੍ਟਕਾ ਹਿ, ਭਿਕ੍ਖવੇ, ਝਾਨਾ’ વੁਤ੍ਤਾ ਮਯਾ।
‘‘Sādhu sādhu, bhikkhave, yathā te mahāsāvakā sammā byākaramānā byākareyyuṃ, ‘saddakaṇṭakā hi, bhikkhave, jhānā’ vuttā mayā.
‘‘ਦਸਯਿਮੇ, ਭਿਕ੍ਖવੇ, ਕਣ੍ਟਕਾ। ਕਤਮੇ ਦਸ? ਪવਿવੇਕਾਰਾਮਸ੍ਸ ਸਙ੍ਗਣਿਕਾਰਾਮਤਾ ਕਣ੍ਟਕੋ, ਅਸੁਭਨਿਮਿਤ੍ਤਾਨੁਯੋਗਂ ਅਨੁਯੁਤ੍ਤਸ੍ਸ ਸੁਭਨਿਮਿਤ੍ਤਾਨੁਯੋਗੋ ਕਣ੍ਟਕੋ, ਇਨ੍ਦ੍ਰਿਯੇਸੁ ਗੁਤ੍ਤਦ੍વਾਰਸ੍ਸ વਿਸੂਕਦਸ੍ਸਨਂ ਕਣ੍ਟਕੋ, ਬ੍ਰਹ੍ਮਚਰਿਯਸ੍ਸ ਮਾਤੁਗਾਮੂਪਚਾਰੋ 15 ਕਣ੍ਟਕੋ, 16 ਪਠਮਸ੍ਸ ਝਾਨਸ੍ਸ ਸਦ੍ਦੋ ਕਣ੍ਟਕੋ, ਦੁਤਿਯਸ੍ਸ ਝਾਨਸ੍ਸ વਿਤਕ੍ਕવਿਚਾਰਾ ਕਣ੍ਟਕਾ, ਤਤਿਯਸ੍ਸ ਝਾਨਸ੍ਸ ਪੀਤਿ ਕਣ੍ਟਕੋ, ਚਤੁਤ੍ਥਸ੍ਸ ਝਾਨਸ੍ਸ ਅਸ੍ਸਾਸਪਸ੍ਸਾਸੋ ਕਣ੍ਟਕੋ, ਸਞ੍ਞਾવੇਦਯਿਤਨਿਰੋਧਸਮਾਪਤ੍ਤਿਯਾ ਸਞ੍ਞਾ ਚ વੇਦਨਾ ਚ ਕਣ੍ਟਕੋ ਰਾਗੋ ਕਣ੍ਟਕੋ ਦੋਸੋ ਕਣ੍ਟਕੋ ਮੋਹੋ ਕਣ੍ਟਕੋ।
‘‘Dasayime, bhikkhave, kaṇṭakā. Katame dasa? Pavivekārāmassa saṅgaṇikārāmatā kaṇṭako, asubhanimittānuyogaṃ anuyuttassa subhanimittānuyogo kaṇṭako, indriyesu guttadvārassa visūkadassanaṃ kaṇṭako, brahmacariyassa mātugāmūpacāro 17 kaṇṭako, 18 paṭhamassa jhānassa saddo kaṇṭako, dutiyassa jhānassa vitakkavicārā kaṇṭakā, tatiyassa jhānassa pīti kaṇṭako, catutthassa jhānassa assāsapassāso kaṇṭako, saññāvedayitanirodhasamāpattiyā saññā ca vedanā ca kaṇṭako rāgo kaṇṭako doso kaṇṭako moho kaṇṭako.
‘‘ਅਕਣ੍ਟਕਾ , ਭਿਕ੍ਖવੇ, વਿਹਰਥ। ਨਿਕ੍ਕਣ੍ਟਕਾ, ਭਿਕ੍ਖવੇ, વਿਹਰਥ। ਅਕਣ੍ਟਕਨਿਕ੍ਕਣ੍ਟਕਾ, ਭਿਕ੍ਖવੇ, વਿਹਰਥ। ਅਕਣ੍ਟਕਾ, ਭਿਕ੍ਖવੇ, ਅਰਹਨ੍ਤੋ; ਨਿਕ੍ਕਣ੍ਟਕਾ, ਭਿਕ੍ਖવੇ, ਅਰਹਨ੍ਤੋ; ਅਕਣ੍ਟਕਨਿਕ੍ਕਣ੍ਟਕਾ, ਭਿਕ੍ਖવੇ, ਅਰਹਨ੍ਤੋ’’ਤਿ। ਦੁਤਿਯਂ।
‘‘Akaṇṭakā , bhikkhave, viharatha. Nikkaṇṭakā, bhikkhave, viharatha. Akaṇṭakanikkaṇṭakā, bhikkhave, viharatha. Akaṇṭakā, bhikkhave, arahanto; nikkaṇṭakā, bhikkhave, arahanto; akaṇṭakanikkaṇṭakā, bhikkhave, arahanto’’ti. Dutiyaṃ.
Footnotes:
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) / ੨. ਕਣ੍ਟਕਸੁਤ੍ਤવਣ੍ਣਨਾ • 2. Kaṇṭakasuttavaṇṇanā
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੧-੪. ਆਕਙ੍ਖਸੁਤ੍ਤਾਦਿવਣ੍ਣਨਾ • 1-4. Ākaṅkhasuttādivaṇṇanā
