| Library / Tipiṭaka / തിപിടക • Tipiṭaka / മഹാവഗ്ഗപാളി • Mahāvaggapāḷi |
൩൮. കണ്ടകവത്ഥു
38. Kaṇṭakavatthu
൧൦൧. തേന ഖോ പന സമയേന ആയസ്മതോ ഉപനന്ദസ്സ സക്യപുത്തസ്സ ദ്വേ സാമണേരാ ഹോന്തി – കണ്ടകോ ച മഹകോ ച. തേ അഞ്ഞമഞ്ഞം ദൂസേസും. ഭിക്ഖൂ ഉജ്ഝായന്തി ഖിയ്യന്തി വിപാചേന്തി – ‘‘കഥഞ്ഹി നാമ സാമണേരാ ഏവരൂപം അനാചാരം ആചരിസ്സന്തീ’’തി. ഭഗവതോ ഏതമത്ഥം ആരോചേസും. ന, ഭിക്ഖവേ, ഏകേന ദ്വേ സാമണേരാ ഉപട്ഠാപേതബ്ബാ. യോ ഉപട്ഠാപേയ്യ, ആപത്തി ദുക്കടസ്സാതി.
101. Tena kho pana samayena āyasmato upanandassa sakyaputtassa dve sāmaṇerā honti – kaṇṭako ca mahako ca. Te aññamaññaṃ dūsesuṃ. Bhikkhū ujjhāyanti khiyyanti vipācenti – ‘‘kathañhi nāma sāmaṇerā evarūpaṃ anācāraṃ ācarissantī’’ti. Bhagavato etamatthaṃ ārocesuṃ. Na, bhikkhave, ekena dve sāmaṇerā upaṭṭhāpetabbā. Yo upaṭṭhāpeyya, āpatti dukkaṭassāti.
കണ്ടകവത്ഥു നിട്ഠിതം.
Kaṇṭakavatthu niṭṭhitaṃ.
Related texts:
ടീകാ • Tīkā / വിനയപിടക (ടീകാ) • Vinayapiṭaka (ṭīkā) / വജിരബുദ്ധി-ടീകാ • Vajirabuddhi-ṭīkā / കമ്മാരഭണ്ഡുവത്ഥാദികഥാവണ്ണനാ • Kammārabhaṇḍuvatthādikathāvaṇṇanā
