| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[250] 10. габиж̇аад̇агаван̣н̣анаа
[250] 10. Kapijātakavaṇṇanā
аяам̣ исий убасамасам̣яамз рад̇од̇и ид̣̇ам̣ сад̇т̇аа ж̇зд̇аванз вихаранд̇о згам̣ гухагам̣ бхигкум̣ аараб̣бха гат̇зси. д̇асса хи гухагабхааво бхигкуусу баагадо ж̇аад̇о. бхигкуу д̇хаммасабхааяам̣ гат̇ам̣ самудтаабзсум̣ – ‘‘аавусо, асуго бхигку нияяаанигз б̣уд̣̇д̇хасаасанз баб̣б̣аж̇ид̇ваа гухагавад̇д̇ам̣ буурзд̇ий’’д̇и. сад̇т̇аа ааг̇анд̇ваа ‘‘гааяа нуд̇т̇а, бхигкавз , зд̇арахи гат̇ааяа саннисиннаа’’д̇и бужчид̇ваа ‘‘имааяа наамаа’’д̇и вуд̇д̇з ‘‘на, бхигкавз, зса бхигку ид̣̇аанзва, буб̣б̣зби гухагоязва, аг̇г̇имад̇д̇асса гааран̣аа маггадо худ̇ваа гохан̃н̃амагаасий’’д̇и вад̇ваа ад̇ийд̇ам̣ аахари.
Ayaṃ isī upasamasaṃyame ratoti idaṃ satthā jetavane viharanto ekaṃ kuhakaṃ bhikkhuṃ ārabbha kathesi. Tassa hi kuhakabhāvo bhikkhūsu pākaṭo jāto. Bhikkhū dhammasabhāyaṃ kathaṃ samuṭṭhāpesuṃ – ‘‘āvuso, asuko bhikkhu niyyānike buddhasāsane pabbajitvā kuhakavattaṃ pūretī’’ti. Satthā āgantvā ‘‘kāya nuttha, bhikkhave , etarahi kathāya sannisinnā’’ti pucchitvā ‘‘imāya nāmā’’ti vutte ‘‘na, bhikkhave, esa bhikkhu idāneva, pubbepi kuhakoyeva, aggimattassa kāraṇā makkaṭo hutvā kohaññamakāsī’’ti vatvā atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о гаасирадтз б̣раахман̣агулз ниб̣б̣ад̇д̇ид̇ваа ваяаббад̇д̇о буд̇д̇асса аад̇хаавид̇ваа барид̇хаавид̇ваа вижаран̣агаалз б̣раахман̣ияаа мад̇ааяа буд̇д̇ам̣ ан̇гзнаад̣̇ааяа химаванд̇ам̣ бависид̇ваа исибаб̣б̣аж̇ж̇ам̣ баб̣б̣аж̇ид̇ваа д̇амби буд̇д̇ам̣ д̇аабасагумаарагам̣ гад̇ваа бан̣н̣асаалааяа ваасам̣ габбзси. вассаарад̇д̇асамаяз ажчиннад̇хаарз д̣̇звз вассанд̇з зго маггадо сийд̇абийл̣ид̇о д̣̇анд̇з каад̣̇анд̇о гамбанд̇о вижарад̇и. б̣од̇хисад̇д̇о маханд̇з д̣̇ааругканд̇хз аахарид̇ваа аг̇г̇им̣ гад̇ваа ман̃жагз нибаж̇ж̇и, буд̇д̇агобисса баад̣̇з баримаж̇ж̇амаано нисийд̣̇и. со маггадо згасса мад̇ад̇аабасасса санд̇агаани ваггалаани ниваасзд̇ваа жа баарубид̇ваа жа аж̇инажаммам̣ ам̣сз гад̇ваа гааж̇агаман̣д̣алум̣ аад̣̇ааяа исивзсзнааг̇анд̇ваа бан̣н̣асаалад̣̇ваарз аг̇г̇исса гааран̣аа гухагагаммам̣ гад̇ваа адтааси. д̇аабасагумаараго д̇ам̣ д̣̇исваа ‘‘д̇аад̇а, д̇аабасо зго сийд̇абийл̣ид̇о гамбамаано д̇идтад̇и, ид̇ха нам̣ баггосат̇а, висиб̣б̣зссад̇ий’’д̇и бид̇арам̣ ааяаажанд̇о батамам̣ г̇аат̇амааха –
Atīte bārāṇasiyaṃ brahmadatte rajjaṃ kārente bodhisatto kāsiraṭṭhe brāhmaṇakule nibbattitvā vayappatto puttassa ādhāvitvā paridhāvitvā vicaraṇakāle brāhmaṇiyā matāya puttaṃ aṅkenādāya himavantaṃ pavisitvā isipabbajjaṃ pabbajitvā tampi puttaṃ tāpasakumārakaṃ katvā paṇṇasālāya vāsaṃ kappesi. Vassārattasamaye acchinnadhāre deve vassante eko makkaṭo sītapīḷito dante khādanto kampanto vicarati. Bodhisatto mahante dārukkhandhe āharitvā aggiṃ katvā mañcake nipajji, puttakopissa pāde parimajjamāno nisīdi. So makkaṭo ekassa matatāpasassa santakāni vakkalāni nivāsetvā ca pārupitvā ca ajinacammaṃ aṃse katvā kājakamaṇḍaluṃ ādāya isivesenāgantvā paṇṇasāladvāre aggissa kāraṇā kuhakakammaṃ katvā aṭṭhāsi. Tāpasakumārako taṃ disvā ‘‘tāta, tāpaso eko sītapīḷito kampamāno tiṭṭhati, idha naṃ pakkosatha, visibbessatī’’ti pitaraṃ āyācanto paṭhamaṃ gāthamāha –
200.
200.
‘‘аяам̣ исий убасамасам̣яамз рад̇о, са д̇идтад̇и сисирабхаязна аддид̇о;
‘‘Ayaṃ isī upasamasaṃyame rato, sa tiṭṭhati sisirabhayena aṭṭito;
ханд̣̇а аяам̣ бависад̇умам̣ аг̇аарагам̣, винзд̇у сийд̇ам̣ д̣̇арат̇ан̃жа гзвала’’нд̇и.
Handa ayaṃ pavisatumaṃ agārakaṃ, vinetu sītaṃ darathañca kevala’’nti.
д̇ад̇т̇а убасамасам̣яамз рад̇од̇и рааг̇аад̣̇игилзсаубасамз жа сийласам̣яамз жа рад̇о. са д̇идтад̇ийд̇и со д̇идтад̇и. сисирабхаязнаад̇и ваад̇авудтиж̇анид̇асса сисирасса бхаязна. аддид̇од̇и бийл̣ид̇о. бависад̇уманд̇и бависад̇у имам̣. гзваланд̇и сагалам̣ анавасзсам̣.
Tattha upasamasaṃyame ratoti rāgādikilesaupasame ca sīlasaṃyame ca rato. Sa tiṭṭhatīti so tiṭṭhati. Sisirabhayenāti vātavuṭṭhijanitassa sisirassa bhayena. Aṭṭitoti pīḷito. Pavisatumanti pavisatu imaṃ. Kevalanti sakalaṃ anavasesaṃ.
б̣од̇хисад̇д̇о буд̇д̇асса важанам̣ суд̇ваа удтааяа ологзнд̇о маггадабхаавам̣ н̃ад̇ваа д̣̇уд̇ияам̣ г̇аат̇амааха –
Bodhisatto puttassa vacanaṃ sutvā uṭṭhāya olokento makkaṭabhāvaṃ ñatvā dutiyaṃ gāthamāha –
201.
201.
‘‘нааяам̣ исий убасамасам̣яамз рад̇о, габий аяам̣ д̣̇умаварасаакаг̇ожаро;
‘‘Nāyaṃ isī upasamasaṃyame rato, kapī ayaṃ dumavarasākhagocaro;
со д̣̇уусаго росаго жааби ж̇аммо, сажз важ̇змамби д̣̇уусзяяаг̇аара’’нд̇и.
So dūsako rosako cāpi jammo, sace vajemampi dūseyyagāra’’nti.
д̇ад̇т̇а д̣̇умаварасаакаг̇ожарод̇и д̣̇умавараанам̣ саакаг̇ожаро. со д̣̇уусаго росаго жааби ж̇аммод̇и со звам̣ г̇ад̇аг̇ад̇адтаанасса д̣̇уусанад̇о д̣̇уусаго, гхадданад̇ааяа росаго, лаамагабхаавзна ж̇аммо. сажз важ̇зд̇и яад̣̇и имам̣ бан̣н̣асаалам̣ важ̇з бависзяяа, саб̣б̣ам̣ ужжаарабассаавагаран̣зна жа аг̇г̇ид̣̇аанзна жа д̣̇уусзяяаад̇и.
Tattha dumavarasākhagocaroti dumavarānaṃ sākhagocaro. So dūsako rosako cāpi jammoti so evaṃ gatagataṭṭhānassa dūsanato dūsako, ghaṭṭanatāya rosako, lāmakabhāvena jammo. Sace vajeti yadi imaṃ paṇṇasālaṃ vaje paviseyya, sabbaṃ uccārapassāvakaraṇena ca aggidānena ca dūseyyāti.
зван̃жа бана вад̇ваа б̣од̇хисад̇д̇о уммугам̣ г̇ахзд̇ваа д̇ам̣ санд̇аасзд̇ваа балаабзси. со уббад̇ид̇ваа ванам̣ багканд̇о д̇ат̇аа багканд̇ова ахоси, на буна д̇ам̣ таанам̣ аг̇амааси. б̣од̇хисад̇д̇о абхин̃н̃аа жа самаабад̇д̇ияо жа ниб̣б̣ад̇д̇зд̇ваа д̇аабасагумаарасса гасин̣абаригаммам̣ аажигки, соби абхин̃н̃аа жа самаабад̇д̇ияо жа уббаад̣̇зси. д̇з убхоби абарихийнаж̇жхаанаа б̣рахмалогабарааяан̣аа ахзсум̣.
Evañca pana vatvā bodhisatto ummukaṃ gahetvā taṃ santāsetvā palāpesi. So uppatitvā vanaṃ pakkhanto tathā pakkhantova ahosi, na puna taṃ ṭhānaṃ agamāsi. Bodhisatto abhiññā ca samāpattiyo ca nibbattetvā tāpasakumārassa kasiṇaparikammaṃ ācikkhi, sopi abhiññā ca samāpattiyo ca uppādesi. Te ubhopi aparihīnajjhānā brahmalokaparāyaṇā ahesuṃ.
сад̇т̇аа ‘‘на, бхигкавз, ид̣̇аанзва, бораан̣ад̇о бадтааяабзса гухагоязваа’’д̇и имам̣ д̇хаммад̣̇зсанам̣ аахарид̇ваа сажжаани багаасзд̇ваа ж̇аад̇агам̣ самод̇хаанзси. сажжабарияосаанз гзжи сод̇аабаннаа, гзжи сагад̣̇ааг̇аамино, гзжи анааг̇аамино гзжи араханд̇о ахзсум̣. ‘‘д̇ад̣̇аа маггадо гухагабхигку ахоси, буд̇д̇о раахуло, бид̇аа бана ахамзва ахоси’’нд̇и.
Satthā ‘‘na, bhikkhave, idāneva, porāṇato paṭṭhāyapesa kuhakoyevā’’ti imaṃ dhammadesanaṃ āharitvā saccāni pakāsetvā jātakaṃ samodhānesi. Saccapariyosāne keci sotāpannā, keci sakadāgāmino, keci anāgāmino keci arahanto ahesuṃ. ‘‘Tadā makkaṭo kuhakabhikkhu ahosi, putto rāhulo, pitā pana ahameva ahosi’’nti.
габиж̇аад̇агаван̣н̣анаа д̣̇асамаа.
Kapijātakavaṇṇanā dasamā.
син̇г̇аалаваг̇г̇о д̣̇асамо.
Siṅgālavaggo dasamo.
д̇ассуд̣̇д̣̇аанам̣ –
Tassuddānaṃ –
саб̣б̣ад̣̇аатий жа сунако, г̇уд̇д̇ило виг̇ад̇ижчаа жа;
Sabbadāṭhī ca sunakho, guttilo vigaticchā ca;
муулабарияааяам̣ б̣ааловаад̣̇ам̣, баад̣̇ан̃ж̇али гим̣ сугобамам̣;
Mūlapariyāyaṃ bālovādaṃ, pādañjali kiṃ sukopamaṃ;
саалагам̣ габи д̇з д̣̇аса.
Sālakaṃ kapi te dasa.
ат̇а ваг̇г̇уд̣̇д̣̇аанам̣ –
Atha vagguddānaṃ –
д̣̇ал̣хаваг̇г̇о жа сант̇аво, галяаан̣ад̇хаммаасад̣̇исо;
Daḷhavaggo ca santhavo, kalyāṇadhammāsadiso;
руухаго д̣̇ал̣хаваг̇г̇о жа, б̣ийран̣ат̇амбхагаасааво;
Rūhako daḷhavaggo ca, bīraṇathambhakāsāvo;
убаахано син̇г̇аало жа, д̣̇асаваг̇г̇аа д̣̇угз сияум̣.
Upāhano siṅgālo ca, dasavaggā duke siyuṃ.
д̣̇уганибаад̇аван̣н̣анаа нидтид̇аа.
Dukanipātavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 250. габиж̇аад̇агам̣ • 250. Kapijātakaṃ
