| Library / Tipiṭaka / д̇ибидага • Tipiṭaka / жарияаабидага-адтагат̇аа • Cariyāpiṭaka-aṭṭhakathā |
7. габирааж̇ажарияааван̣н̣анаа
7. Kapirājacariyāvaṇṇanā
67. сад̇д̇амз яад̣̇аа ахам̣ габи аасинд̇и яасмим̣ гаалз ахам̣ габияонияам̣ ниб̣б̣ад̇д̇ид̇ваа вуд̣̇д̇химанвааяа нааг̇аб̣ало т̇аамасамбанно ассабод̇агаббамаан̣о махаасарийро габи хоми. над̣̇ийгуулз д̣̇арийсаязд̇и згиссаа над̣̇ияаа д̇ийрз згасмим̣ д̣̇арийбхааг̇з яад̣̇аа ваасам̣ габбзмийд̇и ад̇т̇о.
67. Sattame yadā ahaṃ kapi āsinti yasmiṃ kāle ahaṃ kapiyoniyaṃ nibbattitvā vuddhimanvāya nāgabalo thāmasampanno assapotakappamāṇo mahāsarīro kapi homi. Nadīkūle darīsayeti ekissā nadiyā tīre ekasmiṃ darībhāge yadā vāsaṃ kappemīti attho.
д̇ад̣̇аа гира б̣од̇хисад̇д̇о яуут̇абарихаран̣ам̣ агад̇ваа згажаро худ̇ваа вихааси. д̇ассаа бана над̣̇ияаа взмаж̇жхз зго д̣̇ийбаго наанаббагаарзхи амб̣абанасаад̣̇ийхи паларугкзхи самбанно. б̣од̇хисад̇д̇о т̇аамаж̇авасамбаннад̇ааяа над̣̇ияаа оримад̇ийрад̇о уббад̇ид̇ваа д̣̇ийбагасса бана над̣̇ияаа жа маж̇жхз зго бидтибаасаан̣о ад̇т̇и, д̇асмим̣ бад̇ад̇и. д̇ад̇о уббад̇ид̇ваа д̇асмим̣ д̣̇ийбагз бад̇ад̇и. со д̇ад̇т̇а наанаббагаараани палаапалаани каад̣̇ид̇ваа сааяам̣ д̇знзва убааязна бажжааг̇анд̇ваа ад̇д̇ано васанадтаанз васид̇ваа бунад̣̇ивасзби д̇ат̇зва гарод̇и. иминаа нияаамзна ваасам̣ габбзси.
Tadā kira bodhisatto yūthapariharaṇaṃ akatvā ekacaro hutvā vihāsi. Tassā pana nadiyā vemajjhe eko dīpako nānappakārehi ambapanasādīhi phalarukkhehi sampanno. Bodhisatto thāmajavasampannatāya nadiyā orimatīrato uppatitvā dīpakassa pana nadiyā ca majjhe eko piṭṭhipāsāṇo atthi, tasmiṃ patati. Tato uppatitvā tasmiṃ dīpake patati. So tattha nānappakārāni phalāphalāni khāditvā sāyaṃ teneva upāyena paccāgantvā attano vasanaṭṭhāne vasitvā punadivasepi tatheva karoti. Iminā niyāmena vāsaṃ kappesi.
д̇асмим̣ бана гаалз зго гумбхийло сабаж̇аабад̇иго д̇ассам̣ над̣̇ияам̣ васад̇и. д̇асса бхарияаа б̣од̇хисад̇д̇ам̣ абараабарам̣ г̇ажчанд̇ам̣ д̣̇исваа д̇асса хад̣̇аяамам̣сз д̣̇охал̣ам̣ уббаад̣̇зд̇ваа гумбхийлам̣ ааха – ‘‘маяхам̣ ко, аяяабуд̇д̇а, имасса ваанарасса хад̣̇аяамам̣сз д̣̇охал̣о уббанно’’д̇и. со ‘‘саад̇ху, бхад̣̇д̣̇з, лажчасий’’д̇и вад̇ваа ‘‘аж̇ж̇а д̇ам̣ сааяам̣ д̣̇ийбагад̇о ааг̇ажчанд̇амзва г̇ан̣хиссаамий’’д̇и г̇анд̇ваа бидтибаасаан̣з нибаж̇ж̇и. б̣од̇хисад̇д̇о д̇ам̣ д̣̇ивасам̣ г̇ожарам̣ жарид̇ваа сааяанхасамаяз д̣̇ийбагз тид̇ова баасаан̣ам̣ ологзд̇ваа ‘‘аяам̣ баасаан̣о ид̣̇аани ужжад̇аро кааяад̇и, гим̣ ну ко гааран̣а’’нд̇и жинд̇зси. махаасад̇д̇асса хи уд̣̇агаббамаан̣ан̃жа баасаан̣аббамаан̣ан̃жа сувавад̇т̇аабид̇амзва ход̇и. д̇знасса зд̇ад̣̇ахоси – ‘‘аж̇ж̇а имиссаа над̣̇ияаа уд̣̇агам̣ нзва хааяад̇и, ат̇а жа банааяам̣ баасаан̣о махаа худ̇ваа бан̃н̃ааяад̇и, гажжи ну ко зд̇т̇а маяхам̣ г̇ахан̣ад̇т̇ааяа гумбхийло нибанно’’д̇и?
Tasmiṃ pana kāle eko kumbhīlo sapajāpatiko tassaṃ nadiyaṃ vasati. Tassa bhariyā bodhisattaṃ aparāparaṃ gacchantaṃ disvā tassa hadayamaṃse dohaḷaṃ uppādetvā kumbhīlaṃ āha – ‘‘mayhaṃ kho, ayyaputta, imassa vānarassa hadayamaṃse dohaḷo uppanno’’ti. So ‘‘sādhu, bhadde, lacchasī’’ti vatvā ‘‘ajja taṃ sāyaṃ dīpakato āgacchantameva gaṇhissāmī’’ti gantvā piṭṭhipāsāṇe nipajji. Bodhisatto taṃ divasaṃ gocaraṃ caritvā sāyanhasamaye dīpake ṭhitova pāsāṇaṃ oloketvā ‘‘ayaṃ pāsāṇo idāni uccataro khāyati, kiṃ nu kho kāraṇa’’nti cintesi. Mahāsattassa hi udakappamāṇañca pāsāṇappamāṇañca suvavatthāpitameva hoti. Tenassa etadahosi – ‘‘ajja imissā nadiyā udakaṃ neva hāyati, atha ca panāyaṃ pāsāṇo mahā hutvā paññāyati, kacci nu kho ettha mayhaṃ gahaṇatthāya kumbhīlo nipanno’’ti?
со ‘‘виймам̣сиссаами д̇аава на’’нд̇и д̇ад̇т̇зва тад̇ваа баасаан̣зна сад̣̇д̇хим̣ гат̇знд̇о вияа ‘‘бхо, баасаан̣аа’’д̇и вад̇ваа бадиважанам̣ алабханд̇о яаавад̇ад̇ияам̣ ‘‘бхо, баасаан̣аа’’д̇и ааха. баасаан̣о бадиважанам̣ на д̣̇зд̇и. бунаби б̣од̇хисад̇д̇о ‘‘гим̣, бхо баасаан̣а, аж̇ж̇а маяхам̣ бадиважанам̣ на д̣̇зсий’’д̇и ааха. гумбхийло ‘‘ад̣̇д̇хаа аяам̣ баасаан̣о ан̃н̃зсу д̣̇ивасзсу ваанаринд̣̇асса бадиважанам̣ д̣̇зд̇и ман̃н̃з, аж̇ж̇а бана маяаа од̇т̇арид̇ад̇д̇аа на д̣̇зд̇и, ханд̣̇аахам̣ д̣̇ассаамисса бадиважана’’нд̇и жинд̇зд̇ваа ‘‘гим̣ ваанаринд̣̇аа’’д̇и ааха. ‘‘госи д̇ва’’нд̇и? ‘‘ахам̣ гумбхийло’’д̇и . ‘‘гимад̇т̇ам̣ зд̇т̇а нибанносий’’д̇и? ‘‘д̇ава хад̣̇аяам̣ бад̇т̇аяамаано’’д̇и. б̣од̇хисад̇д̇о жинд̇зси – ‘‘ан̃н̃о мз г̇аманамаг̇г̇о над̇т̇и, бадируд̣̇д̇хам̣ вад̇а мз г̇амана’’нд̇и. д̇зна вуд̇д̇ам̣ –
So ‘‘vīmaṃsissāmi tāva na’’nti tattheva ṭhatvā pāsāṇena saddhiṃ kathento viya ‘‘bho, pāsāṇā’’ti vatvā paṭivacanaṃ alabhanto yāvatatiyaṃ ‘‘bho, pāsāṇā’’ti āha. Pāsāṇo paṭivacanaṃ na deti. Punapi bodhisatto ‘‘kiṃ, bho pāsāṇa, ajja mayhaṃ paṭivacanaṃ na desī’’ti āha. Kumbhīlo ‘‘addhā ayaṃ pāsāṇo aññesu divasesu vānarindassa paṭivacanaṃ deti maññe, ajja pana mayā ottharitattā na deti, handāhaṃ dassāmissa paṭivacana’’nti cintetvā ‘‘kiṃ vānarindā’’ti āha. ‘‘Kosi tva’’nti? ‘‘Ahaṃ kumbhīlo’’ti . ‘‘Kimatthaṃ ettha nipannosī’’ti? ‘‘Tava hadayaṃ patthayamāno’’ti. Bodhisatto cintesi – ‘‘añño me gamanamaggo natthi, paṭiruddhaṃ vata me gamana’’nti. Tena vuttaṃ –
‘‘бийл̣ид̇о сусумаарзна, г̇аманам̣ на лабхаамахам̣’’.
‘‘Pīḷito susumārena, gamanaṃ na labhāmahaṃ’’.
68.
68.
‘‘яамхогаасз ахам̣ тад̇ваа, ораа баарам̣ бад̇аамахам̣;
‘‘Yamhokāse ahaṃ ṭhatvā, orā pāraṃ patāmahaṃ;
д̇ад̇т̇ажчи сад̇д̇увад̇хаго, гумбхийло луд̣̇д̣̇ад̣̇ассано’’д̇и.
Tatthacchi sattuvadhako, kumbhīlo luddadassano’’ti.
д̇ад̇т̇а ‘‘бийл̣ид̇о сусумаарзнаа’’д̇и ад̣̇д̇хаг̇аат̇ааяа вуд̇д̇амзвад̇т̇ам̣. ‘‘яамхогаасз’’д̇и г̇аат̇ааяа баагадам̣ гарод̇и. д̇ад̇т̇а яамхогаасзд̇и яасмим̣ над̣̇иймаж̇жхз тид̇абидтибаасаан̣асан̇каад̇з бад̣̇зсз тад̇ваа. ораад̇и д̣̇ийбагасан̇каад̇аа орад̇ийраа. бааранд̇и д̇ад̣̇аа мама васанадтаанабхууд̇ам̣ над̣̇ияаа барад̇ийрам̣. бад̇аамаханд̇и уббад̇ид̇ваа бад̇аами ахам̣. д̇ад̇т̇ажчийд̇и д̇асмим̣ бидтибаасаан̣аббад̣̇зсз сад̇д̇убхууд̇о вад̇хаго зганд̇знзва гхаад̇аго бажжад̇т̇иго луд̣̇д̣̇ад̣̇ассано гхораруубо бхаяаанагад̣̇ассано нисийд̣̇и.
Tattha ‘‘pīḷito susumārenā’’ti addhagāthāya vuttamevatthaṃ. ‘‘Yamhokāse’’ti gāthāya pākaṭaṃ karoti. Tattha yamhokāseti yasmiṃ nadīmajjhe ṭhitapiṭṭhipāsāṇasaṅkhāte padese ṭhatvā. Orāti dīpakasaṅkhātā oratīrā. Pāranti tadā mama vasanaṭṭhānabhūtaṃ nadiyā paratīraṃ. Patāmahanti uppatitvā patāmi ahaṃ. Tatthacchīti tasmiṃ piṭṭhipāsāṇappadese sattubhūto vadhako ekanteneva ghātako paccatthiko luddadassano ghorarūpo bhayānakadassano nisīdi.
ат̇а махаасад̇д̇о жинд̇зси – ‘‘ан̃н̃о мз г̇аманамаг̇г̇о над̇т̇и, аж̇ж̇а маяаа гумбхийло ван̃жзд̇аб̣б̣о, зван̃хи аяан̃жа махад̇аа баабад̇о маяаа бариможид̇о сияаа, маяхан̃жа ж̇ийвид̇ам̣ лад̣̇д̇ха’’нд̇и. со гумбхийлам̣ ааха – ‘‘самма, гумбхийла, ахам̣ д̇уяхам̣ убари бад̇иссаамий’’д̇и. гумбхийло ‘‘ваанаринд̣̇а, бабан̃жам̣ агад̇ваа ид̇о ааг̇ажчаахий’’д̇и ааха. махаасад̇д̇о ‘‘ахам̣ ааг̇ажчаами, д̇вам̣ бана ад̇д̇ано мукам̣ виварид̇ваа мам̣ д̇ава санд̇игам̣ ааг̇ад̇агаалз г̇ан̣хаахий’’д̇и авожа. гумбхийлаанан̃жа мукз вивадз агкийни ниммийланд̇и. со д̇ам̣ гааран̣ам̣ асаллагкзнд̇о мукам̣ вивари. ат̇асса агкийни ниммийлим̣су. со мукам̣ виварид̇ваа саб̣б̣асо ниммийлид̇агкий худ̇ваа нибаж̇ж̇и. махаасад̇д̇о д̇асса д̇ат̇аабхаавам̣ н̃ад̇ваа д̣̇ийбагад̇о уббад̇ид̇о г̇анд̇ваа гумбхийласса мад̇т̇агам̣ аггамид̇ваа д̇ад̇о уббад̇анд̇о виж̇ж̇улад̇аа вияа виж̇ж̇од̇амаано барад̇ийрз адтааси. д̇зна вуд̇д̇ам̣ –
Atha mahāsatto cintesi – ‘‘añño me gamanamaggo natthi, ajja mayā kumbhīlo vañcetabbo, evañhi ayañca mahatā pāpato mayā parimocito siyā, mayhañca jīvitaṃ laddha’’nti. So kumbhīlaṃ āha – ‘‘samma, kumbhīla, ahaṃ tuyhaṃ upari patissāmī’’ti. Kumbhīlo ‘‘vānarinda, papañcaṃ akatvā ito āgacchāhī’’ti āha. Mahāsatto ‘‘ahaṃ āgacchāmi, tvaṃ pana attano mukhaṃ vivaritvā maṃ tava santikaṃ āgatakāle gaṇhāhī’’ti avoca. Kumbhīlānañca mukhe vivaṭe akkhīni nimmīlanti. So taṃ kāraṇaṃ asallakkhento mukhaṃ vivari. Athassa akkhīni nimmīliṃsu. So mukhaṃ vivaritvā sabbaso nimmīlitakkhī hutvā nipajji. Mahāsatto tassa tathābhāvaṃ ñatvā dīpakato uppatito gantvā kumbhīlassa matthakaṃ akkamitvā tato uppatanto vijjulatā viya vijjotamāno paratīre aṭṭhāsi. Tena vuttaṃ –
69.
69.
‘‘со мам̣ асам̣си зхийд̇и, ахамбзмийд̇и д̇ам̣ вад̣̇им̣;
‘‘So maṃ asaṃsi ehīti, ahampemīti taṃ vadiṃ;
д̇асса мад̇т̇агамаггамма, барагуулз бад̇идтахи’’нд̇и.
Tassa matthakamakkamma, parakūle patiṭṭhahi’’nti.
д̇ад̇т̇а асам̣сийд̇и абхааси. ахамбзмийд̇и ахамби ааг̇ажчаамийд̇и д̇ам̣ гат̇зсим̣.
Tattha asaṃsīti abhāsi. Ahampemīti ahampi āgacchāmīti taṃ kathesiṃ.
яасмаа бана д̇ам̣ д̣̇ийбагам̣ амб̣аж̇амб̣убанасаад̣̇ипаларугкасан̣д̣аман̣д̣ид̇ам̣ раман̣ийяам̣ ниваасаяог̇г̇ан̃жа, ‘‘ааг̇ажчаамий’’д̇и бана бадин̃н̃ааяа д̣̇иннад̇д̇аа сажжам̣ анурагканд̇о махаасад̇д̇оби ‘‘ааг̇амиссаамзваа’’д̇и д̇ат̇аа агааси. д̇зна вуд̇д̇ам̣ –
Yasmā pana taṃ dīpakaṃ ambajambupanasādiphalarukkhasaṇḍamaṇḍitaṃ ramaṇīyaṃ nivāsayoggañca, ‘‘āgacchāmī’’ti pana paṭiññāya dinnattā saccaṃ anurakkhanto mahāsattopi ‘‘āgamissāmevā’’ti tathā akāsi. Tena vuttaṃ –
70.
70.
‘‘на д̇асса алигам̣ бхан̣ид̇ам̣, яат̇аа ваажам̣ агаасаха’’нд̇и.
‘‘Na tassa alikaṃ bhaṇitaṃ, yathā vācaṃ akāsaha’’nti.
яасмаа жзд̇ам̣ сажжаанурагкан̣ам̣ ад̇д̇ано ж̇ийвид̇ам̣ барижжаж̇ид̇ваа гад̇ам̣, д̇асмаа ааха –
Yasmā cetaṃ saccānurakkhaṇaṃ attano jīvitaṃ pariccajitvā kataṃ, tasmā āha –
‘‘сажжзна мз само над̇т̇и, зсаа мз сажжабаарамий’’д̇и.
‘‘Saccena me samo natthi, esā me saccapāramī’’ti.
гумбхийло бана д̇ам̣ ажчарияам̣ д̣̇исваа ‘‘иминаа ваанаринд̣̇зна ад̇иажчзрагам̣ гад̇а’’нд̇и жинд̇зд̇ваа ‘‘бхо ваанаринд̣̇а, имасмим̣ логз жад̇уухи д̇хаммзхи саманнааг̇ад̇о буг̇г̇ало амид̇д̇з абхибхавад̇и, д̇з саб̣б̣зби д̇уяхам̣ аб̣бханд̇арз ад̇т̇и ман̃н̃з’’д̇и ааха –
Kumbhīlo pana taṃ acchariyaṃ disvā ‘‘iminā vānarindena atiaccherakaṃ kata’’nti cintetvā ‘‘bho vānarinda, imasmiṃ loke catūhi dhammehi samannāgato puggalo amitte abhibhavati, te sabbepi tuyhaṃ abbhantare atthi maññe’’ti āha –
‘‘яассзд̇з жад̇уро д̇хаммаа, ваанаринд̣̇а, яат̇аа д̇ава;
‘‘Yassete caturo dhammā, vānarinda, yathā tava;
сажжам̣ д̇хаммо д̇хид̇и жааг̇о, д̣̇идтам̣ со ад̇ивад̇д̇ад̇ий’’д̇и. (ж̇аа. 1.2.147);
Saccaṃ dhammo dhiti cāgo, diṭṭhaṃ so ativattatī’’ti. (jā. 1.2.147);
д̇ад̇т̇а яассаад̇и яасса гассажи буг̇г̇аласса. зд̇зд̇и ид̣̇аани вад̇д̇аб̣б̣з бажжагкад̇о д̣̇ассзд̇и. жад̇уро д̇хаммаад̇и жад̇д̇ааро г̇ун̣аа. сажжанд̇и важийсажжам̣, ‘‘мама санд̇игам̣ ааг̇амиссаамий’’д̇и вад̇ваа мусааваад̣̇ам̣ агад̇ваа ааг̇ад̇о зваад̇и зд̇ам̣ д̇з важийсажжам̣. д̇хаммод̇и вижааран̣абан̃н̃аа, ‘‘звам̣ гад̇з ид̣̇ам̣ наама бхависсад̇ий’’д̇и бавад̇д̇аа д̇з зсаа вижааран̣абан̃н̃аа. д̇хид̇ийд̇и аб̣б̣ожчиннам̣ вийрияам̣ вужжад̇и, зд̇амби д̇з ад̇т̇и. жааг̇од̇и ад̇д̇абарижжааг̇о, д̇вам̣ ад̇д̇аанам̣ барижжаж̇ид̇ваа мама санд̇игам̣ ааг̇ад̇о, яам̣ банаахам̣ г̇ан̣хид̇ум̣ наасагким̣, маяхамзвзса д̣̇осо . д̣̇идтанд̇и бажжаамид̇д̇ам̣. со ад̇ивад̇д̇ад̇ийд̇и яасса буг̇г̇аласса яат̇аа д̇ава звам̣ зд̇з жад̇д̇ааро д̇хаммаа ад̇т̇и, со яат̇аа мам̣ д̇вам̣ аж̇ж̇а ад̇игганд̇о, д̇ат̇зва ад̇д̇ано бажжаамид̇д̇ам̣ ад̇иггамад̇и абхибхавад̇ийд̇и.
Tattha yassāti yassa kassaci puggalassa. Eteti idāni vattabbe paccakkhato dasseti. Caturo dhammāti cattāro guṇā. Saccanti vacīsaccaṃ, ‘‘mama santikaṃ āgamissāmī’’ti vatvā musāvādaṃ akatvā āgato evāti etaṃ te vacīsaccaṃ. Dhammoti vicāraṇapaññā, ‘‘evaṃ kate idaṃ nāma bhavissatī’’ti pavattā te esā vicāraṇapaññā. Dhitīti abbocchinnaṃ vīriyaṃ vuccati, etampi te atthi. Cāgoti attapariccāgo, tvaṃ attānaṃ pariccajitvā mama santikaṃ āgato, yaṃ panāhaṃ gaṇhituṃ nāsakkhiṃ, mayhamevesa doso . Diṭṭhanti paccāmittaṃ. So ativattatīti yassa puggalassa yathā tava evaṃ ete cattāro dhammā atthi, so yathā maṃ tvaṃ ajja atikkanto, tatheva attano paccāmittaṃ atikkamati abhibhavatīti.
звам̣ гумбхийло б̣од̇хисад̇д̇ам̣ басам̣сид̇ваа ад̇д̇ано васанадтаанам̣ г̇ад̇о. д̇ад̣̇аа гумбхийло д̣̇звад̣̇ад̇д̇о ахоси, д̇асса бхарияаа жин̃жамаан̣авигаа, габирааж̇аа бана логанаат̇о.
Evaṃ kumbhīlo bodhisattaṃ pasaṃsitvā attano vasanaṭṭhānaṃ gato. Tadā kumbhīlo devadatto ahosi, tassa bhariyā ciñcamāṇavikā, kapirājā pana lokanātho.
д̇асса ид̇хааби хздтаа вуд̇д̇анаязнзва сзсабаарамияо нид̣̇д̇хаарзд̇аб̣б̣аа. д̇ат̇аа уд̣̇агасса баасаан̣асса жа бамаан̣ававад̇т̇аанзна ид̣̇аани баасаан̣о ужжад̇аро кааяад̇ийд̇и бариг̇г̇ан̣ханавасзна баасаан̣асса убари сусумаарасса нибаннабхааваж̇аананам̣, баасаан̣зна гат̇анаабад̣̇зсзна д̇ассад̇т̇асса нижчаяаг̇аманам̣, сусумаарасса убари аггамид̇ваа сахасаа барад̇ийрз бад̇идтаанавасзна сийгхагаарид̇ааяа д̇асса махад̇аа баабад̇о бариможанам̣, ад̇д̇ано ж̇ийвид̇арагкан̣ам̣, сажжаваажаанурагкан̣ан̃жаад̇и звамаад̣̇аяо г̇ун̣аанубхааваа вибхаавзд̇аб̣б̣аад̇и.
Tassa idhāpi heṭṭhā vuttanayeneva sesapāramiyo niddhāretabbā. Tathā udakassa pāsāṇassa ca pamāṇavavatthānena idāni pāsāṇo uccataro khāyatīti pariggaṇhanavasena pāsāṇassa upari susumārassa nipannabhāvajānanaṃ, pāsāṇena kathanāpadesena tassatthassa nicchayagamanaṃ, susumārassa upari akkamitvā sahasā paratīre patiṭṭhānavasena sīghakāritāya tassa mahatā pāpato parimocanaṃ, attano jīvitarakkhaṇaṃ, saccavācānurakkhaṇañcāti evamādayo guṇānubhāvā vibhāvetabbāti.
габирааж̇ажарияааван̣н̣анаа нидтид̇аа.
Kapirājacariyāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / жарияаабидагабаал̣и • Cariyāpiṭakapāḷi / 7. габирааж̇ажарияаа • 7. Kapirājacariyā
