| Library / Tipiṭaka / ཏིཔིཊཀ • Tipiṭaka / ཙཱུལ༹ནིདྡེསཔཱལི༹ • Cūḷaniddesapāḷi |
༡༠. ཀཔྤམཱཎཝཔུཙྪཱནིདྡེསོ
10. Kappamāṇavapucchāniddeso
༦༡.
61.
མཛ྄ཛྷེ སརསྨིཾ ཏིཊྛཏཾ, [ཨིཙྩཱཡསྨཱ ཀཔྤོ]
Majjhesarasmiṃ tiṭṭhataṃ, [iccāyasmā kappo]
ཨོགྷེ ཛཱཏེ མཧབྦྷཡེ།
Oghe jāte mahabbhaye;
ཛརཱམཙྩུཔརེཏཱནཾ, དཱིཔཾ པབྲཱུཧི མཱརིས།
Jarāmaccuparetānaṃ, dīpaṃ pabrūhi mārisa;
ཏྭཉྩ མེ དཱིཔམཀྑཱཧི, ཡཐཱཡིདཾ ནཱཔརཾ སིཡཱ༎
Tvañca me dīpamakkhāhi, yathāyidaṃ nāparaṃ siyā.
མཛ྄ཛྷེ སརསྨིཾ ཏིཊྛཏནྟི སརོ ཝུཙྩཏི སཾསཱརོ ཨཱགམནཾ གམནཾ གམནཱགམནཾ ཀཱལཾ གཏི བྷཝཱབྷཝོ ཙུཏི ཙ ཨུཔཔཏྟི ཙ ནིབྦཏྟི ཙ བྷེདོ ཙ ཛཱཏི ཙ ཛརཱ ཙ མརཎཉྩ། སཾསཱརསྶ པུརིམཱཔི ཀོཊི ན པཉྙཱཡཏི, པཙྪིམཱཔི ཀོཊི ན པཉྙཱཡཏི; མཛ྄ཛྷེཝ སཾསཱརེ སཏྟཱ ཋིཏཱ པཏིཊྛིཏཱ ཨལླཱིནཱ ཨུཔགཏཱ ཨཛ྄ཛྷོསིཏཱ ཨདྷིམུཏྟཱ།
Majjhe sarasmiṃ tiṭṭhatanti saro vuccati saṃsāro āgamanaṃ gamanaṃ gamanāgamanaṃ kālaṃ gati bhavābhavo cuti ca upapatti ca nibbatti ca bhedo ca jāti ca jarā ca maraṇañca. Saṃsārassa purimāpi koṭi na paññāyati, pacchimāpi koṭi na paññāyati; majjheva saṃsāre sattā ṭhitā patiṭṭhitā allīnā upagatā ajjhositā adhimuttā.
ཀཐཾ སཾསཱརསྶ པུརིམཱ ཀོཊི ན པཉྙཱཡཏི? ཨེཏྟཀཱ ཛཱཏིཡོ ཝཊྚཾ ཝཏྟི, ཏཏོ པརཾ ན ཝཏྟཏཱིཏི ཧེཝཾ ནཏྠི, ཨེཝམྤི སཾསཱརསྶ པུརིམཱ ཀོཊི ན པཉྙཱཡཏི། ཨེཏྟཀཱནི ཛཱཏིསཏཱནི ཝཊྚཾ ཝཏྟི, ཏཏོ པརཾ ན ཝཏྟཏཱིཏི ཧེཝཾ ནཏྠི, ཨེཝམྤི སཾསཱརསྶ པུརིམཱ ཀོཊི ན པཉྙཱཡཏི། ཨེཏྟཀཱནི ཛཱཏིསཧསྶཱནི ཝཊྚཾ ཝཏྟི, ཏཏོ པརཾ ན ཝཏྟཏཱིཏི ཧེཝཾ ནཏྠི, ཨེཝམྤི སཾསཱརསྶ པུརིམཱ ཀོཊི ན པཉྙཱཡཏི། ཨེཏྟཀཱནི ཛཱཏིསཏསཧསྶཱནི ཝཊྚཾ ཝཏྟི , ཏཏོ པརཾ ན ཝཏྟཏཱིཏི ཧེཝཾ ནཏྠི, ཨེཝམྤི སཾསཱརསྶ པུརིམཱ ཀོཊི ན པཉྙཱཡཏི། ཨེཏྟཀཱ ཛཱཏིཀོཊིཡོ ཝཊྚཾ ཝཏྟི, ཏཏོ པརཾ ན ཝཏྟཏཱིཏི ཧེཝཾ ནཏྠི, ཨེཝམྤི སཾསཱརསྶ པུརིམཱ ཀོཊི ན པཉྙཱཡཏི། ཨེཏྟཀཱནི ཛཱཏིཀོཊིསཏཱནི ཝཊྚཾ ཝཏྟི, ཏཏོ པརཾ ན ཝཏྟཏཱིཏི ཧེཝཾ ནཏྠི, ཨེཝམྤི སཾསཱརསྶ པུརིམཱ ཀོཊི ན པཉྙཱཡཏི། ཨེཏྟཀཱནི ཛཱཏིཀོཊིསཧསྶཱནི ཝཊྚཾ ཝཏྟི, ཏཏོ པརཾ ན ཝཏྟཏཱིཏི, ཧེཝཾ ནཏྠི། ཨེཝམྤི སཾསཱརསྶ པུརིམཱ ཀོཊི ན པཉྙཱཡཏི། ཨེཏྟཀཱནི ཛཱཏིཀོཊིསཏསཧསྶཱནི ཝཊྚཾ ཝཏྟི, ཏཏོ པརཾ ན ཝཏྟཏཱིཏི ཧེཝཾ ནཏྠི, ཨེཝམྤི སཾསཱརསྶ པུརིམཱ ཀོཊི ན པཉྙཱཡཏི།
Kathaṃ saṃsārassa purimā koṭi na paññāyati? Ettakā jātiyo vaṭṭaṃ vatti, tato paraṃ na vattatīti hevaṃ natthi, evampi saṃsārassa purimā koṭi na paññāyati. Ettakāni jātisatāni vaṭṭaṃ vatti, tato paraṃ na vattatīti hevaṃ natthi, evampi saṃsārassa purimā koṭi na paññāyati. Ettakāni jātisahassāni vaṭṭaṃ vatti, tato paraṃ na vattatīti hevaṃ natthi, evampi saṃsārassa purimā koṭi na paññāyati. Ettakāni jātisatasahassāni vaṭṭaṃ vatti , tato paraṃ na vattatīti hevaṃ natthi, evampi saṃsārassa purimā koṭi na paññāyati. Ettakā jātikoṭiyo vaṭṭaṃ vatti, tato paraṃ na vattatīti hevaṃ natthi, evampi saṃsārassa purimā koṭi na paññāyati. Ettakāni jātikoṭisatāni vaṭṭaṃ vatti, tato paraṃ na vattatīti hevaṃ natthi, evampi saṃsārassa purimā koṭi na paññāyati. Ettakāni jātikoṭisahassāni vaṭṭaṃ vatti, tato paraṃ na vattatīti, hevaṃ natthi. Evampi saṃsārassa purimā koṭi na paññāyati. Ettakāni jātikoṭisatasahassāni vaṭṭaṃ vatti, tato paraṃ na vattatīti hevaṃ natthi, evampi saṃsārassa purimā koṭi na paññāyati.
ཨེཏྟཀཱནི ཝསྶཱནི ཝཊྚཾ ཝཏྟི, ཏཏོ པརཾ ན ཝཏྟཏཱིཏི ཧེཝཾ ནཏྠི, ཨེཝམྤི སཾསཱརསྶ པུརིམཱ ཀོཊི ན པཉྙཱཡཏི། ཨེཏྟཀཱནི ཝསྶསཏཱནི ཝཊྚཾ ཝཏྟི, ཏཏོ པརཾ ན ཝཏྟཏཱིཏི ཧེཝཾ ནཏྠི, ཨེཝམྤི སཾསཱརསྶ པུརིམཱ ཀོཊི ན པཉྙཱཡཏི། ཨེཏྟཀཱནི ཝསྶསཧསྶཱནི ཝཊྚཾ ཝཏྟི, ཏཏོ པརཾ ན ཝཏྟཏཱིཏི ཧེཝཾ ནཏྠི, ཨེཝམྤི སཾསཱརསྶ པུརིམཱ ཀོཊི ན པཉྙཱཡཏི། ཨེཏྟཀཱནི ཝསྶསཏསཧསྶཱནི ཝཊྚཾ ཝཏྟི, ཏཏོ པརཾ ན ཝཏྟཏཱིཏི ཧེཝཾ ནཏྠི, ཨེཝམྤི སཾསཱརསྶ པུརིམཱ ཀོཊི ན པཉྙཱཡཏི། ཨེཏྟཀཱ ཝསྶཀོཊིཡོ ཝཊྚཾ ཝཏྟི, ཏཏོ པརཾ ན ཝཏྟཏཱིཏི ཧེཝཾ ནཏྠི, ཨེཝམྤི སཾསཱརསྶ པུརིམཱ ཀོཊི ན པཉྙཱཡཏི། ཨེཏྟཀཱནི ཝསྶཀོཊིསཏཱནི ཝཊྚཾ ཝཏྟི, ཏཏོ པརཾ ན ཝཏྟཏཱིཏི ཧེཝཾ ནཏྠི, ཨེཝམྤི སཾསཱརསྶ པུརིམཱ ཀོཊི ན པཉྙཱཡཏི། ཨེཏྟཀཱནི ཝསྶཀོཊིསཧསྶཱནི ཝཊྚཾ ཝཏྟི, ཏཏོ པརཾ ན ཝཏྟཏཱིཏི ཧེཝཾ ནཏྠི, ཨེཝམྤི སཾསཱརསྶ པུརིམཱ ཀོཊི ན པཉྙཱཡཏི། ཨེཏྟཀཱནི ཝསྶཀོཊིསཏསཧསྶཱནི ཝཊྚཾ ཝཏྟི, ཏཏོ པརཾ ན ཝཏྟཏཱིཏི ཧེཝཾ ནཏྠི, ཨེཝམྤི སཾསཱརསྶ པུརིམཱ ཀོཊི ན པཉྙཱཡཏི།
Ettakāni vassāni vaṭṭaṃ vatti, tato paraṃ na vattatīti hevaṃ natthi, evampi saṃsārassa purimā koṭi na paññāyati. Ettakāni vassasatāni vaṭṭaṃ vatti, tato paraṃ na vattatīti hevaṃ natthi, evampi saṃsārassa purimā koṭi na paññāyati. Ettakāni vassasahassāni vaṭṭaṃ vatti, tato paraṃ na vattatīti hevaṃ natthi, evampi saṃsārassa purimā koṭi na paññāyati. Ettakāni vassasatasahassāni vaṭṭaṃ vatti, tato paraṃ na vattatīti hevaṃ natthi, evampi saṃsārassa purimā koṭi na paññāyati. Ettakā vassakoṭiyo vaṭṭaṃ vatti, tato paraṃ na vattatīti hevaṃ natthi, evampi saṃsārassa purimā koṭi na paññāyati. Ettakāni vassakoṭisatāni vaṭṭaṃ vatti, tato paraṃ na vattatīti hevaṃ natthi, evampi saṃsārassa purimā koṭi na paññāyati. Ettakāni vassakoṭisahassāni vaṭṭaṃ vatti, tato paraṃ na vattatīti hevaṃ natthi, evampi saṃsārassa purimā koṭi na paññāyati. Ettakāni vassakoṭisatasahassāni vaṭṭaṃ vatti, tato paraṃ na vattatīti hevaṃ natthi, evampi saṃsārassa purimā koṭi na paññāyati.
ཨེཏྟཀཱནི ཀཔྤཱནི ཝཊྚཾ ཝཏྟི, ཏཏོ པརཾ ན ཝཏྟཏཱིཏི ཧེཝཾ ནཏྠི, ཨེཝམྤི སཾསཱརསྶ པུརིམཱ ཀོཊི ན པཉྙཱཡཏི། ཨེཏྟཀཱནི ཀཔྤསཏཱནི ཝཊྚཾ ཝཏྟི, ཏཏོ པརཾ ན ཝཏྟཏཱིཏི ཧེཝཾ ནཏྠི, ཨེཝམྤི སཾསཱརསྶ པུརིམཱ ཀོཊི ན པཉྙཱཡཏི། ཨེཏྟཀཱནི ཀཔྤསཧསྶཱནི ཝཊྚཾ ཝཏྟི, ཏཏོ པརཾ ན ཝཏྟཏཱིཏི ཧེཝཾ ནཏྠི, ཨེཝམྤི སཾསཱརསྶ པུརིམཱ ཀོཊི ན པཉྙཱཡཏི། ཨེཏྟཀཱནི ཀཔྤསཏསཧསྶཱནི ཝཊྚཾ ཝཏྟི, ཏཏོ པརཾ ན ཝཏྟཏཱིཏི ཧེཝཾ ནཏྠི, ཨེཝམྤི སཾསཱརསྶ པུརིམཱ ཀོཊི ན པཉྙཱཡཏི། ཨེཏྟཀཱ ཀཔྤཀོཊིཡོ ཝཊྚཾ ཝཏྟི, ཏཏོ པརཾ ན ཝཏྟཏཱིཏི ཧེཝཾ ནཏྠི, ཨེཝམྤི སཾསཱརསྶ པུརིམཱ ཀོཊི ན པཉྙཱཡཏི། ཨེཏྟཀཱནི ཀཔྤཀོཊིསཏཱནི ཝཊྚཾ ཝཏྟི, ཏཏོ པརཾ ན ཝཏྟཏཱིཏི ཧེཝཾ ནཏྠི, ཨེཝམྤི སཾསཱརསྶ པུརིམཱ ཀོཊི ན པཉྙཱཡཏི། ཨེཏྟཀཱནི ཀཔྤཀོཊིསཧསྶཱནི ཝཊྚཾ ཝཏྟི, ཏཏོ པརཾ ན ཝཏྟཏཱིཏི ཧེཝཾ ནཏྠི, ཨེཝམྤི སཾསཱརསྶ པུརིམཱ ཀོཊི ན པཉྙཱཡཏི། ཨེཏྟཀཱནི ཀཔྤཀོཊིསཏསཧསྶཱནི ཝཊྚཾ ཝཏྟི, ཏཏོ པརཾ ན ཝཏྟཏཱིཏི ཧེཝཾ ནཏྠི, ཨེཝམྤི སཾསཱརསྶ པུརིམཱ ཀོཊི ན པཉྙཱཡཏི།
Ettakāni kappāni vaṭṭaṃ vatti, tato paraṃ na vattatīti hevaṃ natthi, evampi saṃsārassa purimā koṭi na paññāyati. Ettakāni kappasatāni vaṭṭaṃ vatti, tato paraṃ na vattatīti hevaṃ natthi, evampi saṃsārassa purimā koṭi na paññāyati. Ettakāni kappasahassāni vaṭṭaṃ vatti, tato paraṃ na vattatīti hevaṃ natthi, evampi saṃsārassa purimā koṭi na paññāyati. Ettakāni kappasatasahassāni vaṭṭaṃ vatti, tato paraṃ na vattatīti hevaṃ natthi, evampi saṃsārassa purimā koṭi na paññāyati. Ettakā kappakoṭiyo vaṭṭaṃ vatti, tato paraṃ na vattatīti hevaṃ natthi, evampi saṃsārassa purimā koṭi na paññāyati. Ettakāni kappakoṭisatāni vaṭṭaṃ vatti, tato paraṃ na vattatīti hevaṃ natthi, evampi saṃsārassa purimā koṭi na paññāyati. Ettakāni kappakoṭisahassāni vaṭṭaṃ vatti, tato paraṃ na vattatīti hevaṃ natthi, evampi saṃsārassa purimā koṭi na paññāyati. Ettakāni kappakoṭisatasahassāni vaṭṭaṃ vatti, tato paraṃ na vattatīti hevaṃ natthi, evampi saṃsārassa purimā koṭi na paññāyati.
ཝུཏྟཉྷེཏཾ བྷགཝཏཱ – ‘‘ཨནམཏགྒོཡཾ, བྷིཀྑཝེ, སཾསཱརོ, པུབྦཱ ཀོཊི ན པཉྙཱཡཏི ཨཝིཛྫཱནཱིཝརཎཱནཾ སཏྟཱནཾ ཏཎྷཱསཾཡོཛནཱནཾ སནྡྷཱཝཏཾ སཾསརཏཾ། ཨེཝཾ དཱིགྷརཏྟཾ ཁོ, བྷིཀྑཝེ, དུཀྑཾ པཙྩནུབྷཱུཏཾ ཏིབྦཾ པཙྩནུབྷཱུཏཾ བྱསནཾ པཙྩནུབྷཱུཏཾ, ཀཊསཱི ཝཌྜྷིཏཱ 1། ཡཱཝཉྩིདཾ, བྷིཀྑཝེ, ཨལམེཝ སབྦསངྑཱརེསུ ནིབྦིནྡིཏུཾ ཨལཾ ཝིརཛྫིཏུཾ ཨལཾ ཝིམུཙྩིཏུ’’ནྟི། ཨེཝམྤི སཾསཱརསྶ པུརིམཱ ཀོཊི ན པཉྙཱཡཏི།
Vuttañhetaṃ bhagavatā – ‘‘anamataggoyaṃ, bhikkhave, saṃsāro, pubbā koṭi na paññāyati avijjānīvaraṇānaṃ sattānaṃ taṇhāsaṃyojanānaṃ sandhāvataṃ saṃsarataṃ. Evaṃ dīgharattaṃ kho, bhikkhave, dukkhaṃ paccanubhūtaṃ tibbaṃ paccanubhūtaṃ byasanaṃ paccanubhūtaṃ, kaṭasī vaḍḍhitā 2. Yāvañcidaṃ, bhikkhave, alameva sabbasaṅkhāresu nibbindituṃ alaṃ virajjituṃ alaṃ vimuccitu’’nti. Evampi saṃsārassa purimā koṭi na paññāyati.
ཀཐཾ སཾསཱརསྶ པཙྪིམཱ ཀོཊི ན པཉྙཱཡཏི? ཨེཏྟཀཱ ཛཱཏིཡོ ཝཊྚཾ ཝཏྟིསྶཏི, ཏཏོ པརཾ ན ཝཏྟིསྶཏཱིཏི ཧེཝཾ ནཏྠི, ཨེཝམྤི སཾསཱརསྶ པཙྪིམཱ ཀོཊི ན པཉྙཱཡཏི། ཨེཏྟཀཱནི ཛཱཏིསཏཱནི, ཨེཏྟཀཱནི ཛཱཏིསཧསྶཱནི, ཨེཏྟཀཱནི ཛཱཏིསཏསཧསྶཱནི, ཨེཏྟཀཱ ཛཱཏིཀོཊིཡོ, ཨེཏྟཀཱནི ཛཱཏིཀོཊིསཏཱནི, ཨེཏྟཀཱནི ཛཱཏིཀོཊིསཧསྶཱནི, ཨེཏྟཀཱནི ཛཱཏིཀོཊིསཏསཧསྶཱནི, ཨེཏྟཀཱནི ཝསྶཱནི, ཨེཏྟཀཱནི ཝསྶསཏཱནི, ཨེཏྟཀཱནི ཝསྶསཧསྶཱནི, ཨེཏྟཀཱནི ཝསྶསཏསཧསྶཱནི, ཨེཏྟཀཱ ཝསྶཀོཊིཡོ, ཨེཏྟཀཱནི ཝསྶཀོཊིསཏཱནི, ཨེཏྟཀཱནི ཝསྶཀོཊིསཧསྶཱནི, ཨེཏྟཀཱནི ཝསྶཀོཊིསཏསཧསྶཱནི, ཨེཏྟཀཱནི ཀཔྤཱནི, ཨེཏྟཀཱནི ཀཔྤསཏཱནི, ཨེཏྟཀཱནི ཀཔྤསཧསྶཱནི, ཨེཏྟཀཱནི ཀཔྤསཏསཧསྶཱནི, ཨེཏྟཀཱ ཀཔྤཀོཊིཡོ, ཨེཏྟཀཱནི ཀཔྤཀོཊིསཏཱནི , ཨེཏྟཀཱནི ཀཔྤཀོཊིསཧསྶཱནི, ཨེཏྟཀཱནི ཀཔྤཀོཊིསཏསཧསྶཱནི ཝཊྚཾ ཝཏྟིསྶཏི, ཏཏོ པརཾ ན ཝཏྟིསྶཏཱིཏི ཧེཝཾ ནཏྠི, ཨེཝམྤི སཾསཱརསྶ པཙྪིམཱ ཀོཊི ན པཉྙཱཡཏི། ཨེཝམྤི སཾསཱརསྶ པུརིམཱཔི ཀོཊི ན པཉྙཱཡཏི, པཙྪིམཱཔི ཀོཊི ན པཉྙཱཡཏི, མཛ྄ཛྷེཝ སཾསཱརེ སཏྟཱ ཋིཏཱ པཏིཊྛིཏཱ ཨལླཱིནཱ ཨུཔགཏཱ ཨཛ྄ཛྷོསིཏཱ ཨདྷིམུཏྟཱཏི – མཛ྄ཛྷེ སརསྨིཾ ཏིཊྛཏཾ། ཨིཙྩཱཡསྨཱ ཀཔྤོཏི། ཨིཙྩཱཏི པདསནྡྷི…པེ॰…། ཨཱཡསྨཱཏི པིཡཝཙནཾ…པེ॰…། ཀཔྤོཏི ཏསྶ བྲཱཧྨཎསྶ ནཱམཾ…པེ॰… ཨབྷིལཱཔོཏི – ཨིཙྩཱཡསྨཱ ཀཔྤོ།
Kathaṃ saṃsārassa pacchimā koṭi na paññāyati? Ettakā jātiyo vaṭṭaṃ vattissati, tato paraṃ na vattissatīti hevaṃ natthi, evampi saṃsārassa pacchimā koṭi na paññāyati. Ettakāni jātisatāni, ettakāni jātisahassāni, ettakāni jātisatasahassāni, ettakā jātikoṭiyo, ettakāni jātikoṭisatāni, ettakāni jātikoṭisahassāni, ettakāni jātikoṭisatasahassāni, ettakāni vassāni, ettakāni vassasatāni, ettakāni vassasahassāni, ettakāni vassasatasahassāni, ettakā vassakoṭiyo, ettakāni vassakoṭisatāni, ettakāni vassakoṭisahassāni, ettakāni vassakoṭisatasahassāni, ettakāni kappāni, ettakāni kappasatāni, ettakāni kappasahassāni, ettakāni kappasatasahassāni, ettakā kappakoṭiyo, ettakāni kappakoṭisatāni , ettakāni kappakoṭisahassāni, ettakāni kappakoṭisatasahassāni vaṭṭaṃ vattissati, tato paraṃ na vattissatīti hevaṃ natthi, evampi saṃsārassa pacchimā koṭi na paññāyati. Evampi saṃsārassa purimāpi koṭi na paññāyati, pacchimāpi koṭi na paññāyati, majjheva saṃsāre sattā ṭhitā patiṭṭhitā allīnā upagatā ajjhositā adhimuttāti – majjhe sarasmiṃ tiṭṭhataṃ. Iccāyasmā kappoti. Iccāti padasandhi…pe…. Āyasmāti piyavacanaṃ…pe…. Kappoti tassa brāhmaṇassa nāmaṃ…pe… abhilāpoti – iccāyasmā kappo.
ཨོགྷེ ཛཱཏེ མཧབྦྷཡེཏི ཀཱམོགྷེ བྷཝོགྷེ དིཊྛོགྷེ ཨཝིཛྫོགྷེ ཛཱཏེ སཉྫཱཏེ ནིབྦཏྟེ ཨབྷིནིབྦཏྟེ པཱཏུབྷཱུཏེ། མཧབྦྷཡེཏི ཛཱཏིབྷཡེ ཛརཱབྷཡེ བྱཱདྷིབྷཡེ མརཎབྷཡེཏི – ཨོགྷེ ཛཱཏེ མཧབྦྷཡེ།
Oghe jāte mahabbhayeti kāmoghe bhavoghe diṭṭhoghe avijjoghe jāte sañjāte nibbatte abhinibbatte pātubhūte. Mahabbhayeti jātibhaye jarābhaye byādhibhaye maraṇabhayeti – oghe jāte mahabbhaye.
ཛརཱམཙྩུཔརེཏཱནནྟི ཛརཱཡ ཕུཊྛཱནཾ པརེཏཱནཾ སམོཧིཏཱནཾ སམནྣཱགཏཱནཾ། མཙྩུནཱ ཕུཊྛཱནཾ པརེཏཱནཾ སམོཧིཏཱནཾ སམནྣཱགཏཱནཾ, ཛཱཏིཡཱ ཨནུགཏཱནཾ ཛརཱཡ ཨནུསཊཱནཾ བྱཱདྷིནཱ ཨབྷིབྷཱུཏཱནཾ མརཎེན ཨབྦྷཱཧཏཱནཾ ཨཏཱཎཱནཾ ཨལེཎཱནཾ ཨསརཎཱནཾ ཨསརཎཱིབྷཱུཏཱནནྟི – ཛརཱམཙྩུཔརེཏཱནཾ།
Jarāmaccuparetānanti jarāya phuṭṭhānaṃ paretānaṃ samohitānaṃ samannāgatānaṃ. Maccunā phuṭṭhānaṃ paretānaṃ samohitānaṃ samannāgatānaṃ, jātiyā anugatānaṃ jarāya anusaṭānaṃ byādhinā abhibhūtānaṃ maraṇena abbhāhatānaṃ atāṇānaṃ aleṇānaṃ asaraṇānaṃ asaraṇībhūtānanti – jarāmaccuparetānaṃ.
དཱིཔཾ པབྲཱུཧི མཱརིསཱཏི དཱིཔཾ ཏཱཎཾ ལེཎཾ སརཎཾ གཏིཾ པརཱཡནཾ 3 བྲཱུཧི ཨཱཙིཀྑཱཧི དེསེཧི པཉྙཔེཧི པཊྛཔེཧི ཝིཝརཱཧི ཝིབྷཛཱཧི ཨུཏྟཱནཱིཀརོཧི པཀཱསེཧི། མཱརིསཱཏི པིཡཝཙནཾ གརུཝཙནཾ སགཱརཝསཔྤཏིསྶཱདྷིཝཙནམེཏཾ མཱརིསཱཏི – དཱིཔཾ པབྲཱུཧི མཱརིས།
Dīpaṃ pabrūhi mārisāti dīpaṃ tāṇaṃ leṇaṃ saraṇaṃ gatiṃ parāyanaṃ 4 brūhi ācikkhāhi desehi paññapehi paṭṭhapehi vivarāhi vibhajāhi uttānīkarohi pakāsehi. Mārisāti piyavacanaṃ garuvacanaṃ sagāravasappatissādhivacanametaṃ mārisāti – dīpaṃ pabrūhi mārisa.
ཏྭཉྩ མེ དཱིཔམཀྑཱཧཱིཏི། ཏྭནྟི བྷགཝནྟཾ བྷཎཏི། དཱིཔམཀྑཱཧཱིཏི དཱིཔཾ ཏཱཎཾ ལེཎཾ སརཎཾ གཏིཾ པརཱཡནཾ ཨཀྑཱཧི ཨཱཙིཀྑཱཧི དེསེཧི པཉྙཔེཧི པཊྛཔེཧི ཝིཝརཱཧི ཝིབྷཛཱཧི ཨུཏྟཱནཱིཀརོཧི པཀཱསེཧཱིཏི – ཏྭཉྩ མེ དཱིཔམཀྑཱཧི།
Tvañca me dīpamakkhāhīti. Tvanti bhagavantaṃ bhaṇati. Dīpamakkhāhīti dīpaṃ tāṇaṃ leṇaṃ saraṇaṃ gatiṃ parāyanaṃ akkhāhi ācikkhāhi desehi paññapehi paṭṭhapehi vivarāhi vibhajāhi uttānīkarohi pakāsehīti – tvañca me dīpamakkhāhi.
ཡཐཱཡིདཾ ནཱཔརཾ སིཡཱཏི ཡཐཡིདཾ དུཀྑཾ ཨིདྷེཝ ནིརུཛ྄ཛྷེཡྻ ཝཱུཔསམེཡྻ ཨཏྠཾ གཙྪེཡྻ པཊིཔྤསྶམྦྷེཡྻ པུནཔཊིསནྡྷིཀཾ དུཀྑཾ ན ནིབྦཏྟེཡྻ, ཀཱམདྷཱཏུཡཱ ཝཱ རཱུཔདྷཱཏུཡཱ ཝཱ ཨརཱུཔདྷཱཏུཡཱ ཝཱ ཀཱམབྷཝེ ཝཱ རཱུཔབྷཝེ ཝཱ ཨརཱུཔབྷཝེ ཝཱ སཉྙཱབྷཝེ ཝཱ ཨསཉྙཱབྷཝེ ཝཱ ནེཝསཉྙཱནཱསཉྙཱབྷཝེ ཝཱ ཨེཀཝོཀཱརབྷཝེ ཝཱ ཙཏུཝོཀཱརབྷཝེ ཝཱ པཉྩཝོཀཱརབྷཝེ ཝཱ པུནགཏིཡཱ ཝཱ ཨུཔཔཏྟིཡཱ ཝཱ པཊིསནྡྷིཡཱ ཝཱ བྷཝེ ཝཱ སཾསཱརེ ཝཱ ཝཊྚེ ཝཱ ན ཛནེཡྻ ན སཉྫནེཡྻ ན ནིབྦཏྟེཡྻ ནཱབྷིནིབྦཏྟེཡྻ། ཨིདྷེཝ ནིརུཛ྄ཛྷེཡྻ ཝཱུཔསམེཡྻ ཨཏྠཾ གཙྪེཡྻ པཊིཔྤསྶམྦྷེཡྻཱཏི – ཡཐཱཡིདཾ ནཱཔརཾ སིཡཱ། ཏེནཱཧ སོ བྲཱཧྨཎོ –
Yathāyidaṃnāparaṃ siyāti yathayidaṃ dukkhaṃ idheva nirujjheyya vūpasameyya atthaṃ gaccheyya paṭippassambheyya punapaṭisandhikaṃ dukkhaṃ na nibbatteyya, kāmadhātuyā vā rūpadhātuyā vā arūpadhātuyā vā kāmabhave vā rūpabhave vā arūpabhave vā saññābhave vā asaññābhave vā nevasaññānāsaññābhave vā ekavokārabhave vā catuvokārabhave vā pañcavokārabhave vā punagatiyā vā upapattiyā vā paṭisandhiyā vā bhave vā saṃsāre vā vaṭṭe vā na janeyya na sañjaneyya na nibbatteyya nābhinibbatteyya. Idheva nirujjheyya vūpasameyya atthaṃ gaccheyya paṭippassambheyyāti – yathāyidaṃ nāparaṃ siyā. Tenāha so brāhmaṇo –
‘‘མཛ྄ཛྷེ སརསྨིཾ ཏིཊྛཏཾ, [ཨིཙྩཱཡསྨཱ ཀཔྤོ]
‘‘Majjhe sarasmiṃ tiṭṭhataṃ, [iccāyasmā kappo]
ཨོགྷེ ཛཱཏེ མཧབྦྷཡེ།
Oghe jāte mahabbhaye;
ཛརཱམཙྩུཔརེཏཱནཾ, དཱིཔཾ པབྲཱུཧི མཱརིས།
Jarāmaccuparetānaṃ, dīpaṃ pabrūhi mārisa;
ཏྭཉྩ མེ དཱིཔམཀྑཱཧི, ཡཐཱཡིདཾ ནཱཔརཾ སིཡཱ’’ཏི༎
Tvañca me dīpamakkhāhi, yathāyidaṃ nāparaṃ siyā’’ti.
༦༢.
62.
མཛ྄ཛྷེ སརསྨིཾ ཏིཊྛཏཾ, [ཀཔྤཱཏི བྷགཝཱ]
Majjhe sarasmiṃ tiṭṭhataṃ, [kappāti bhagavā]
ཨོགྷེ ཛཱཏེ མཧབྦྷཡེ།
Oghe jāte mahabbhaye;
ཛརཱམཙྩུཔརེཏཱནཾ, དཱིཔཾ པབྲཱུམི ཀཔྤ ཏེ༎
Jarāmaccuparetānaṃ, dīpaṃ pabrūmi kappa te.
མཛ྄ཛྷེ སརསྨིཾ ཏིཊྛཏནྟི སརོ ཝུཙྩཏི སཾསཱརོ ཨཱགམནཾ གམནཾ གམནཱགམནཾ ཀཱལཾ གཏི བྷཝཱབྷཝོ, ཙུཏི ཙ ཨུཔཔཏྟི ཙ ནིབྦཏྟི ཙ བྷེདོ ཙ ཛཱཏི ཙ ཛརཱ ཙ མརཎཉྩ། སཾསཱརསྶ པུརིམཱཔི ཀོཊི ན པཉྙཱཡཏི, པཙྪིམཱཔི ཀོཊི ན པཉྙཱཡཏི། མཛ྄ཛྷེཝ སཾསཱརེ སཏྟཱ ཋིཏཱ པཏིཊྛིཏཱ ཨལླཱིནཱ ཨུཔགཏཱ ཨཛ྄ཛྷོསིཏཱ ཨདྷིམུཏྟཱ།
Majjhe sarasmiṃ tiṭṭhatanti saro vuccati saṃsāro āgamanaṃ gamanaṃ gamanāgamanaṃ kālaṃ gati bhavābhavo, cuti ca upapatti ca nibbatti ca bhedo ca jāti ca jarā ca maraṇañca. Saṃsārassa purimāpi koṭi na paññāyati, pacchimāpi koṭi na paññāyati. Majjheva saṃsāre sattā ṭhitā patiṭṭhitā allīnā upagatā ajjhositā adhimuttā.
ཀཐཾ སཾསཱརསྶ པུརིམཱ ཀོཊི ན པཉྙཱཡཏི…པེ॰… ཨེཝཾ སཾསཱརསྶ པུརིམཱ ཀོཊི ན པཉྙཱཡཏི། ཀཐཾ སཾསཱརསྶ པཙྪིམཱ ཀོཊི ན པཉྙཱཡཏི…པེ॰… ཨེཝཾ སཾསཱརསྶ པཙྪིམཱ ཀོཊི ན པཉྙཱཡཏི། ཨེཝཾ སཾསཱརསྶ པུརིམཱཔི ཀོཊི ན པཉྙཱཡཏི, པཙྪིམཱཔི ཀོཊི ན པཉྙཱཡཏི། མཛ྄ཛྷེཝ སཾསཱརེ སཏྟཱ ཋིཏཱ པཏིཊྛིཏཱ ཨལླཱིནཱ ཨུཔགཏཱ ཨཛ྄ཛྷོསིཏཱ ཨདྷིམུཏྟཱཏི – མཛ྄ཛྷེ སརསྨིཾ ཏིཊྛཏཾ། ཀཔྤཱཏི བྷགཝཱཏི། ཀཔྤཱཏི བྷགཝཱ ཏཾ བྲཱཧྨཎཾ ནཱམེན ཨཱལཔཏི། བྷགཝཱཏི གཱརཝཱདྷིཝཙནམེཏཾ…པེ॰… སཙྪིཀཱ པཉྙཏྟི, ཡདིདཾ བྷགཝཱཏི – ཀཔྤཱཏི བྷགཝཱ།
Kathaṃ saṃsārassa purimā koṭi na paññāyati…pe… evaṃ saṃsārassa purimā koṭi na paññāyati. Kathaṃ saṃsārassa pacchimā koṭi na paññāyati…pe… evaṃ saṃsārassa pacchimā koṭi na paññāyati. Evaṃ saṃsārassa purimāpi koṭi na paññāyati, pacchimāpi koṭi na paññāyati. Majjheva saṃsāre sattā ṭhitā patiṭṭhitā allīnā upagatā ajjhositā adhimuttāti – majjhe sarasmiṃ tiṭṭhataṃ. Kappāti bhagavāti. Kappāti bhagavā taṃ brāhmaṇaṃ nāmena ālapati. Bhagavāti gāravādhivacanametaṃ…pe… sacchikā paññatti, yadidaṃ bhagavāti – kappāti bhagavā.
ཨོགྷེ ཛཱཏེ མཧབྦྷཡེཏི ཀཱམོགྷེ བྷཝོགྷེ དིཊྛོགྷེ ཨཝིཛྫོགྷེ ཛཱཏེ སཉྫཱཏེ ནིབྦཏྟེ ཨབྷིནིབྦཏྟེ པཱཏུབྷཱུཏེ། མཧབྦྷཡེཏི ཛཱཏིབྷཡེ ཛརཱབྷཡེ བྱཱདྷིབྷཡེ མརཎབྷཡེཏི – ཨོགྷེ ཛཱཏེ མཧབྦྷཡེ།
Oghejāte mahabbhayeti kāmoghe bhavoghe diṭṭhoghe avijjoghe jāte sañjāte nibbatte abhinibbatte pātubhūte. Mahabbhayeti jātibhaye jarābhaye byādhibhaye maraṇabhayeti – oghe jāte mahabbhaye.
ཛརཱམཙྩུཔརེཏཱནནྟི ཛརཱཡ ཕུཊྛཱནཾ པརེཏཱནཾ སམོཧིཏཱནཾ སམནྣཱགཏཱནཾ, མཙྩུནཱ ཕུཊྛཱནཾ པརེཏཱནཾ སམོཧིཏཱནཾ སམནྣཱགཏཱནཾ ཛཱཏིཡཱ ཨནུགཏཱནཾ ཛརཱཡ ཨནུསཊཱནཾ བྱཱདྷིནཱ ཨབྷིབྷཱུཏཱནཾ མརཎེན ཨབྦྷཱཧཏཱནཾ ཨཏཱཎཱནཾ ཨལེཎཱནཾ ཨསརཎཱནཾ ཨསརཎཱིབྷཱུཏཱནནྟི – ཛརཱམཙྩུཔརེཏཱནཾ།
Jarāmaccuparetānanti jarāya phuṭṭhānaṃ paretānaṃ samohitānaṃ samannāgatānaṃ, maccunā phuṭṭhānaṃ paretānaṃ samohitānaṃ samannāgatānaṃ jātiyā anugatānaṃ jarāya anusaṭānaṃ byādhinā abhibhūtānaṃ maraṇena abbhāhatānaṃ atāṇānaṃ aleṇānaṃ asaraṇānaṃ asaraṇībhūtānanti – jarāmaccuparetānaṃ.
དཱིཔཾ པབྲཱུམི ཀཔྤ ཏེཏི དཱིཔཾ ཏཱཎཾ ལེཎཾ སརཎཾ གཏིཾ པརཱཡནཾ བྲཱུམི ཨཱཙིཀྑཱམི དེསེམི པཉྙཔེམི པཊྛཔེམི ཝིཝརཱམི ཝིབྷཛཱམི ཨུཏྟཱནཱིཀརོམི པཀཱསེམཱིཏི – དཱིཔཾ པབྲཱུམི ཀཔྤ ཏེ། ཏེནཱཧ བྷགཝཱ –
Dīpaṃ pabrūmi kappa teti dīpaṃ tāṇaṃ leṇaṃ saraṇaṃ gatiṃ parāyanaṃ brūmi ācikkhāmi desemi paññapemi paṭṭhapemi vivarāmi vibhajāmi uttānīkaromi pakāsemīti – dīpaṃ pabrūmi kappa te. Tenāha bhagavā –
‘‘མཛ྄ཛྷེ སརསྨིཾ ཏིཊྛཏཾ, [ཀཔྤཱཏི བྷགཝཱ]
‘‘Majjhe sarasmiṃ tiṭṭhataṃ, [kappāti bhagavā]
ཨོགྷེ ཛཱཏེ མཧབྦྷཡེ།
Oghe jāte mahabbhaye;
ཛརཱམཙྩུཔརེཏཱནཾ, དཱིཔཾ པབྲཱུམི ཀཔྤ ཏེ’’ཏི༎
Jarāmaccuparetānaṃ, dīpaṃ pabrūmi kappa te’’ti.
༦༣.
63.
ཨཀིཉྩནཾ ཨནཱདཱནཾ, ཨེཏཾ དཱིཔཾ ཨནཱཔརཾ།
Akiñcanaṃ anādānaṃ, etaṃ dīpaṃ anāparaṃ;
ནིབྦཱནཾ ཨིཏི ནཾ བྲཱུམི, ཛརཱམཙྩུཔརིཀྑཡཾ༎
Nibbānaṃ iti naṃ brūmi, jarāmaccuparikkhayaṃ.
ཨཀིཉྩནཾ ཨནཱདཱནནྟི། ཀིཉྩནནྟི – རཱགཀིཉྩནཾ དོསཀིཉྩནཾ མོཧཀིཉྩནཾ མཱནཀིཉྩནཾ དིཊྛིཀིཉྩནཾ ཀིལེསཀིཉྩནཾ དུཙྩརིཏཀིཉྩནཾ; ཀིཉྩནཔྤཧཱནཾ ཀིཉྩནཝཱུཔསམཾ 5 ཀིཉྩནཔཊིནིསྶགྒཾ 6 ཀིཉྩནཔཊིཔྤསྶདྡྷིཾ ཨམཏཾ ནིབྦཱནནྟི – ཨཀིཉྩནཾ། ཨནཱདཱནནྟི ཨཱདཱནཾ ཝུཙྩཏི ཏཎྷཱ། ཡོ རཱགོ སཱརཱགོ…པེ॰… ཨབྷིཛ྄ཛྷཱ ལོབྷོ ཨཀུསལམཱུལཾ། ཨཱདཱནཔྤཧཱནཾ ཨཱདཱནཝཱུཔསམཾ ཨཱདཱནཔཊིནིསྶགྒཾ ཨཱདཱནཔཊིཔྤསྶདྡྷིཾ ཨམཏཾ ནིབྦཱནནྟི – ཨཀིཉྩནཾ ཨནཱདཱནཾ།
Akiñcanaṃanādānanti. Kiñcananti – rāgakiñcanaṃ dosakiñcanaṃ mohakiñcanaṃ mānakiñcanaṃ diṭṭhikiñcanaṃ kilesakiñcanaṃ duccaritakiñcanaṃ; kiñcanappahānaṃ kiñcanavūpasamaṃ 7 kiñcanapaṭinissaggaṃ 8 kiñcanapaṭippassaddhiṃ amataṃ nibbānanti – akiñcanaṃ. Anādānanti ādānaṃ vuccati taṇhā. Yo rāgo sārāgo…pe… abhijjhā lobho akusalamūlaṃ. Ādānappahānaṃ ādānavūpasamaṃ ādānapaṭinissaggaṃ ādānapaṭippassaddhiṃ amataṃ nibbānanti – akiñcanaṃ anādānaṃ.
ཨེཏཾ དཱིཔཾ ཨནཱཔརནྟི ཨེཏཾ དཱིཔཾ ཏཱཎཾ ལེཎཾ སརཎཾ གཏི པརཱཡནཾ། ཨནཱཔརནྟི ཏམྷཱ པརོ ཨཉྙོ དཱིཔོ ནཏྠི། ཨཐ ཁོ སོ ཨེཝཾ དཱིཔོ ཨགྒོ ཙ སེཊྛོ ཙ ཝིསེཊྛོ ཙ པཱམོཀྑོ ཙ ཨུཏྟམོ ཙ པཝརོ ཙཱཏི – ཨེཏཾ དཱིཔཾ ཨནཱཔརཾ།
Etaṃ dīpaṃ anāparanti etaṃ dīpaṃ tāṇaṃ leṇaṃ saraṇaṃ gati parāyanaṃ. Anāparanti tamhā paro añño dīpo natthi. Atha kho so evaṃ dīpo aggo ca seṭṭho ca viseṭṭho ca pāmokkho ca uttamo ca pavaro cāti – etaṃ dīpaṃ anāparaṃ.
ནིབྦཱནཾ ཨིཏི ནཾ བྲཱུམཱིཏི ཝཱནཾ ཝུཙྩཏི ཏཎྷཱ། ཡོ རཱགོ སཱརཱགོ…པེ॰… ཨབྷིཛ྄ཛྷཱ ལོབྷོ ཨཀུསལམཱུལཾ། ཝཱནཔྤཧཱནཾ ཝཱནཝཱུཔསམཾ ཝཱནཔཊིནིསྶགྒཾ ཝཱནཔཊིཔྤསྶདྡྷིཾ ཨམཏཾ ནིབྦཱནཾ། ཨིཏཱིཏི པདསནྡྷི པདསཾསགྒོ པདཔཱརིཔཱུརཱི ཨཀྑརསམཝཱཡོ བྱཉྫནསིལིཊྛཏཱ པདཱནུཔུབྦཏཱཔེཏཾ – ཨིཏཱིཏི། བྲཱུམཱིཏི བྲཱུམི ཨཱཙིཀྑཱམི དེསེམི པཉྙཔེམི པཊྛཔེམི ཝིཝརཱམི ཝིབྷཛཱམི ཨུཏྟཱནཱིཀརོམི པཀཱསེམཱིཏི – ནིབྦཱནཾ ཨིཏི ནཾ བྲཱུམི།
Nibbānaṃiti naṃ brūmīti vānaṃ vuccati taṇhā. Yo rāgo sārāgo…pe… abhijjhā lobho akusalamūlaṃ. Vānappahānaṃ vānavūpasamaṃ vānapaṭinissaggaṃ vānapaṭippassaddhiṃ amataṃ nibbānaṃ. Itīti padasandhi padasaṃsaggo padapāripūrī akkharasamavāyo byañjanasiliṭṭhatā padānupubbatāpetaṃ – itīti. Brūmīti brūmi ācikkhāmi desemi paññapemi paṭṭhapemi vivarāmi vibhajāmi uttānīkaromi pakāsemīti – nibbānaṃ iti naṃ brūmi.
ཛརཱམཙྩུཔརིཀྑཡནྟི ཛརཱམརཎསྶ པཧཱནཾ ཝཱུཔསམཾ པཊིནིསྶགྒཾ པཊིཔྤསྶདྡྷིཾ ཨམཏཾ ནིབྦཱནནྟི – ཛརཱམཙྩུཔརིཀྑཡཾ། ཏེནཱཧ བྷགཝཱ –
Jarāmaccuparikkhayanti jarāmaraṇassa pahānaṃ vūpasamaṃ paṭinissaggaṃ paṭippassaddhiṃ amataṃ nibbānanti – jarāmaccuparikkhayaṃ. Tenāha bhagavā –
‘‘ཨཀིཉྩནཾ ཨནཱདཱནཾ, ཨེཏཾ དཱིཔཾ ཨནཱཔརཾ།
‘‘Akiñcanaṃ anādānaṃ, etaṃ dīpaṃ anāparaṃ;
ནིབྦཱནཾ ཨིཏི ནཾ བྲཱུམི, ཛརཱམཙྩུཔརིཀྑཡ’’ནྟི༎
Nibbānaṃ iti naṃ brūmi, jarāmaccuparikkhaya’’nti.
༦༤.
64.
ཨེཏདཉྙཱཡ ཡེ སཏཱ, དིཊྛདྷམྨཱབྷིནིབྦུཏཱ།
Etadaññāya ye satā, diṭṭhadhammābhinibbutā;
ཨེཏདཉྙཱཡ ཡེ སཏཱཏི། ཨེཏནྟི ཨམཏཾ ནིབྦཱནཾ། ཡོ སོ སབྦསངྑཱརསམཐོ སབྦཱུཔདྷིཔཊིནིསྶགྒོ ཏཎྷཀྑཡོ ཝིརཱགོ ནིརོདྷོ ནིབྦཱནཾ། ཨཉྙཱཡཱཏི ཨཉྙཱཡ ཛཱནིཏྭཱ ཏུལཡིཏྭཱ ཏཱིརཡིཏྭཱ ཝིབྷཱཝཡིཏྭཱ ཝིབྷཱུཏཾ ཀཏྭཱ, ‘‘སབྦེ སངྑཱརཱ ཨནིཙྩཱ’’ཏི…པེ॰… ‘‘ཡཾ ཀིཉྩི སམུདཡདྷམྨཾ, སབྦཾ ཏཾ ནིརོདྷདྷམྨ’’ནྟི ཨཉྙཱཡ ཛཱནིཏྭཱ ཏུལཡིཏྭཱ ཏཱིརཡིཏྭཱ ཝིབྷཱཝཡིཏྭཱ ཝིབྷཱུཏཾ ཀཏྭཱ། ཡེཏི ཨརཧནྟོ ཁཱིཎཱསཝཱ། སཏཱཏི ཙཏཱུཧི ཀཱརཎེཧི སཏཱ – ཀཱཡེ ཀཱཡཱནུཔསྶནཱསཏིཔཊྛཱནཾ བྷཱཝེནྟཱ 11 སཏཱ…པེ॰… ཏེ ཝུཙྩནྟི སཏཱཏི – ཨེཏདཉྙཱཡ ཡེ སཏཱ།
Etadaññāya ye satāti. Etanti amataṃ nibbānaṃ. Yo so sabbasaṅkhārasamatho sabbūpadhipaṭinissaggo taṇhakkhayo virāgo nirodho nibbānaṃ. Aññāyāti aññāya jānitvā tulayitvā tīrayitvā vibhāvayitvā vibhūtaṃ katvā, ‘‘sabbe saṅkhārā aniccā’’ti…pe… ‘‘yaṃ kiñci samudayadhammaṃ, sabbaṃ taṃ nirodhadhamma’’nti aññāya jānitvā tulayitvā tīrayitvā vibhāvayitvā vibhūtaṃ katvā. Yeti arahanto khīṇāsavā. Satāti catūhi kāraṇehi satā – kāye kāyānupassanāsatipaṭṭhānaṃ bhāventā 12 satā…pe… te vuccanti satāti – etadaññāya ye satā.
དིཊྛདྷམྨཱབྷིནིབྦུཏཱཏི། དིཊྛདྷམྨཱཏི དིཊྛདྷམྨཱ ཉཱཏདྷམྨཱ ཏུལིཏདྷམྨཱ ཏཱིརིཏདྷམྨཱ ཝིབྷཱུཏདྷམྨཱ ཝིབྷཱཝིཏདྷམྨཱ། ཨབྷིནིབྦུཏཱཏི རཱགསྶ ནིབྦཱཔིཏཏྟཱ ནིབྦུཏཱ, དོསསྶ…པེ॰… སབྦཱཀུསལཱབྷིསངྑཱརཱནཾ སནྟཏྟཱ སམིཏཏྟཱ ཝཱུཔསམིཏཏྟཱ ནིཛ྄ཛྷཱཏཏྟཱ ནིབྦུཏཏྟཱ པཊིཔྤསྶདྡྷཏྟཱ སནྟཱ ཨུཔསནྟཱ ཝཱུཔསནྟཱ ནིབྦུཏཱ པཊིཔྤསྶདྡྷཱཏི – དིཊྛདྷམྨཱབྷིནིབྦུཏཱ།
Diṭṭhadhammābhinibbutāti. Diṭṭhadhammāti diṭṭhadhammā ñātadhammā tulitadhammā tīritadhammā vibhūtadhammā vibhāvitadhammā. Abhinibbutāti rāgassa nibbāpitattā nibbutā, dosassa…pe… sabbākusalābhisaṅkhārānaṃ santattā samitattā vūpasamitattā nijjhātattā nibbutattā paṭippassaddhattā santā upasantā vūpasantā nibbutā paṭippassaddhāti – diṭṭhadhammābhinibbutā.
ན ཏེ མཱརཝསཱནུགཱཏི། མཱརོཏི ཡོ སོ མཱརོ ཀཎྷོ ཨདྷིཔཏི ཨནྟགཱུ ནམུཙི པམཏྟབནྡྷུ། ན ཏེ མཱརཝསཱནུགཱཏི ན ཏེ མཱརསྶ ཝསེ ཝཏྟནྟི, ནཱཔི མཱརོ ཏེསུ ཝསཾ ཝཏྟེཏི ། ཏེ མཱརཉྩ མཱརཔཀྑཉྩ མཱརཔཱསཉྩ མཱརབལི༹སཉྩ 13 མཱརཱམིསཉྩ མཱརཝིསཡཉྩ མཱརནིཝཱསཉྩ མཱརགོཙརཉྩ མཱརབནྡྷནཉྩ ཨབྷིབྷུཡྻ ཨབྷིབྷཝིཏྭཱ ཨཛ྄ཛྷོཏྠརིཏྭཱ པརིཡཱདིཡིཏྭཱ མདྡིཏྭཱ ཙརནྟི ཝིཧརནྟི ཨིརིཡནྟི ཝཏྟེནྟི པཱལེནྟི ཡཔེནྟི ཡཱཔེནྟཱིཏི – ན ཏེ མཱརཝསཱནུགཱ།
Nate māravasānugāti. Māroti yo so māro kaṇho adhipati antagū namuci pamattabandhu. Na te māravasānugāti na te mārassa vase vattanti, nāpi māro tesu vasaṃ vatteti . Te mārañca mārapakkhañca mārapāsañca mārabaḷisañca 14 mārāmisañca māravisayañca māranivāsañca māragocarañca mārabandhanañca abhibhuyya abhibhavitvā ajjhottharitvā pariyādiyitvā madditvā caranti viharanti iriyanti vattenti pālenti yapenti yāpentīti – na te māravasānugā.
ན ཏེ མཱརསྶ པདྡྷགཱུཏི ན ཏེ མཱརསྶ པདྡྷཱ པདྡྷཙརཱ 15 པརིཙཱརིཀཱ སིཡཱ; བུདྡྷསྶ ཏེ བྷགཝཏོ པདྡྷཱ པདྡྷཙརཱ པརིཙཱརིཀཱ སིཡཱཏི – ན ཏེ མཱརསྶ པདྡྷགཱུ། ཏེནཱཧ བྷགཝཱ –
Nate mārassa paddhagūti na te mārassa paddhā paddhacarā 16 paricārikā siyā; buddhassa te bhagavato paddhā paddhacarā paricārikā siyāti – na te mārassa paddhagū. Tenāha bhagavā –
‘‘ཨེཏདཉྙཱཡ ཡེ སཏཱ, དིཊྛདྷམྨཱབྷིནིབྦུཏཱ།
‘‘Etadaññāya ye satā, diṭṭhadhammābhinibbutā;
ན ཏེ མཱརཝསཱནུགཱ, ན ཏེ མཱརསྶ པདྡྷགཱུ’’ཏི༎
Na te māravasānugā, na te mārassa paddhagū’’ti.
སཧ གཱཐཱཔརིཡོསཱནཱ…པེ॰… སཏྠཱ མེ བྷནྟེ བྷགཝཱ, སཱཝཀོཧམསྨཱིཏི།
Saha gāthāpariyosānā…pe… satthā me bhante bhagavā, sāvakohamasmīti.
ཀཔྤམཱཎཝཔུཙྪཱནིདྡེསོ དསམོ།
Kappamāṇavapucchāniddeso dasamo.
Footnotes:
Related texts:
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / ཁུདྡཀནིཀཱཡ (ཨཊྛཀཐཱ) • Khuddakanikāya (aṭṭhakathā) / ཙཱུལ༹ནིདྡེས-ཨཊྛཀཐཱ • Cūḷaniddesa-aṭṭhakathā / ༡༠. ཀཔྤམཱཎཝསུཏྟནིདྡེསཝཎྞནཱ • 10. Kappamāṇavasuttaniddesavaṇṇanā
