| Library / Tipiṭaka / д̇ибидага • Tipiṭaka / жуул̣анид̣̇д̣̇зса-адтагат̇аа • Cūḷaniddesa-aṭṭhakathā |
10. габбамаан̣авасуд̇д̇анид̣̇д̣̇зсаван̣н̣анаа
10. Kappamāṇavasuttaniddesavaṇṇanā
61. д̣̇асамз габбасуд̇д̇анид̣̇д̣̇зсз – маж̇жхз сарасминд̇и буримабажчимагодибан̃н̃аан̣аабхаавад̇о маж̇жхабхууд̇з сам̣саарзд̇и вуд̇д̇ам̣ ход̇и. д̇идтад̇анд̇и д̇идтамаанаанам̣. яат̇ааяид̣̇ам̣ наабарам̣ сияаад̇и яат̇аа ид̣̇ам̣ д̣̇угкам̣ буна на бхавзяяа.
61. Dasame kappasuttaniddese – majjhe sarasminti purimapacchimakoṭipaññāṇābhāvato majjhabhūte saṃsāreti vuttaṃ hoti. Tiṭṭhatanti tiṭṭhamānānaṃ. Yathāyidaṃ nāparaṃ siyāti yathā idaṃ dukkhaṃ puna na bhaveyya.
ааг̇амананд̇и буб̣б̣анд̇ад̇о ид̇хааг̇аманам̣. г̇амананд̇и ид̇о баралогаг̇аманам̣. г̇аманааг̇амананд̇и д̇ад̣̇убхаяавасзна вуд̇д̇ам̣. гааланд̇и маран̣агаалам̣. г̇ад̇ийд̇и ниб̣б̣ад̇д̇и. бхаваабхавод̇и бхавад̇о бхаво. жуд̇и жаад̇и бхавад̇о жаванан̃жа. убабад̇д̇и жаад̇и жуд̇асса убабад̇д̇и жа. ниб̣б̣ад̇д̇и жаад̇и баад̇убхааво жа. бхзд̣̇о жаад̇и канд̇хабхзд̣̇о жа. ж̇аад̇и жаад̇и ж̇ананан̃жа. ж̇араа жаад̇и хаани жа. маран̣ан̃жаад̇и ж̇ийвид̇инд̣̇рияасса жааг̇о жа. буримааби годи на бан̃н̃ааяад̇ийд̇и буб̣б̣ааби годи над̇т̇и на сам̣виж̇ж̇ад̇и. д̇ат̇аа бажчимааби годи.
Āgamananti pubbantato idhāgamanaṃ. Gamananti ito paralokagamanaṃ. Gamanāgamananti tadubhayavasena vuttaṃ. Kālanti maraṇakālaṃ. Gatīti nibbatti. Bhavābhavoti bhavato bhavo. Cuti cāti bhavato cavanañca. Upapatti cāti cutassa upapatti ca. Nibbatti cāti pātubhāvo ca. Bhedo cāti khandhabhedo ca. Jāti cāti jananañca. Jarā cāti hāni ca. Maraṇañcāti jīvitindriyassa cāgo ca. Purimāpi koṭi na paññāyatīti pubbāpi koṭi natthi na saṃvijjati. Tathā pacchimāpi koṭi.
зд̇д̇агаа ж̇аад̇ияод̇и зд̇абарамаа ж̇аад̇ияо. ваддам̣ вад̇д̇ийд̇и сам̣саарабавад̇д̇и. д̇ад̇о барам̣ на вад̇д̇ад̇ийд̇и д̇ад̇о уд̣̇д̇хам̣ наббавад̇д̇ад̇и. хзвам̣ над̇т̇ийд̇и звам̣ над̇т̇и на сам̣виж̇ж̇ад̇и. хи-ид̇и нибаад̇о. анамад̇аг̇г̇ояанд̇и аяам̣ сам̣сааро авид̣̇ид̇аг̇г̇о.
Ettakā jātiyoti etaparamā jātiyo. Vaṭṭaṃ vattīti saṃsārapavatti. Tato paraṃ na vattatīti tato uddhaṃ nappavattati. Hevaṃ natthīti evaṃ natthi na saṃvijjati. Hi-iti nipāto. Anamataggoyanti ayaṃ saṃsāro aviditaggo.
авиж̇ж̇аанийваран̣аананд̇и авиж̇ж̇ааяа ааварид̇аанам̣. д̇ан̣хаасам̣яож̇анаананд̇и гаамарааг̇асан̇каад̇ад̇ан̣хааб̣анд̇ханаб̣ад̣̇д̇хаанам̣. санд̇хаавад̇анд̇и гаамад̇хаад̇уяаа бунаббунам̣ д̇хааванд̇аанам̣. сам̣сарад̇анд̇и руубааруубад̇хаад̇уяаа сам̣саранд̇аанам̣. д̣̇угкам̣ бажжанубхууд̇анд̇и гааяигажзд̇асигад̣̇угкам̣ анубхууд̇ам̣ винд̣̇ид̇ам̣. д̇иб̣б̣анд̇и б̣ахалам̣. б̣яасананд̇и авад̣дхи винаасо. гадасий вад̣дхид̇аад̇и сусаанавад̣дхид̇ам̣. аламзваад̇и яуд̇д̇амзва . саб̣б̣асан̇каарзсууд̇и д̇збхуумагасан̇каарзсу. ниб̣б̣инд̣̇ид̇унд̇и угган̣тид̇ум̣. вираж̇ж̇ид̇унд̇и вирааг̇ам̣ уббаад̣̇зд̇ум̣. вимужжид̇унд̇и можзд̇ум̣. ваддам̣ вад̇д̇иссад̇ийд̇и сам̣саарабавад̇д̇ам̣ д̇збхуумагаваддам̣ анааг̇ад̇з бавад̇д̇иссад̇и. д̇ад̇о барам̣ на вад̇д̇иссад̇ийд̇и д̇ад̇о уд̣̇д̇хам̣ анааг̇ад̇з сам̣саарабавад̇д̇ам̣ наббавад̇д̇иссад̇и. ж̇аад̇ибхаязд̇и ж̇аад̇им̣ бадижжа уббаж̇ж̇анагабхаяз. ж̇араабхаяаад̣̇ийсуби зсзва наяо.
Avijjānīvaraṇānanti avijjāya āvaritānaṃ. Taṇhāsaṃyojanānanti kāmarāgasaṅkhātataṇhābandhanabaddhānaṃ. Sandhāvatanti kāmadhātuyā punappunaṃ dhāvantānaṃ. Saṃsaratanti rūpārūpadhātuyā saṃsarantānaṃ. Dukkhaṃ paccanubhūtanti kāyikacetasikadukkhaṃ anubhūtaṃ vinditaṃ. Tibbanti bahalaṃ. Byasananti avaḍḍhi vināso. Kaṭasī vaḍḍhitāti susānavaḍḍhitaṃ. Alamevāti yuttameva . Sabbasaṅkhāresūti tebhūmakasaṅkhāresu. Nibbinditunti ukkaṇṭhituṃ. Virajjitunti virāgaṃ uppādetuṃ. Vimuccitunti mocetuṃ. Vaṭṭaṃ vattissatīti saṃsārapavattaṃ tebhūmakavaṭṭaṃ anāgate pavattissati. Tato paraṃ na vattissatīti tato uddhaṃ anāgate saṃsārapavattaṃ nappavattissati. Jātibhayeti jātiṃ paṭicca uppajjanakabhaye. Jarābhayādīsupi eseva nayo.
62-3. ат̇асса бхаг̇аваа д̇амад̇т̇ам̣ б̣яаагаронд̇о убаруубариг̇аат̇ааяо абхааси. д̣̇уд̇ияаг̇аат̇аа вуд̇д̇ад̇т̇ааязва. д̇ад̇ияаг̇аат̇ааяа агин̃жананд̇и гин̃жанабадибагкам̣. анаад̣̇аананд̇и аад̣̇аанабадибагкам̣, гин̃жанаад̣̇аанавуубасаманд̇и вуд̇д̇ам̣ ход̇и. анаабаранд̇и абарабадибхааг̇ад̣̇ийбавирахид̇ам̣, сздтанд̇и вуд̇д̇ам̣ ход̇и.
62-3. Athassa bhagavā tamatthaṃ byākaronto uparūparigāthāyo abhāsi. Dutiyagāthā vuttatthāyeva. Tatiyagāthāya akiñcananti kiñcanapaṭipakkhaṃ. Anādānanti ādānapaṭipakkhaṃ, kiñcanādānavūpasamanti vuttaṃ hoti. Anāparanti aparapaṭibhāgadīpavirahitaṃ, seṭṭhanti vuttaṃ hoti.
64. жад̇уд̇т̇аг̇аат̇ааяа на д̇з маарасса бад̣̇д̇хаг̇ууд̇и д̇з маарасса бад̣̇д̇хажараа барижааригаа сиссаа на хонд̇и.
64. Catutthagāthāya na te mārassa paddhagūti te mārassa paddhacarā paricārikā sissā na honti.
махааж̇анам̣ баасз нияож̇зд̇ваа маарзд̇ийд̇и мааро. агусалагаммз нияуд̇д̇ад̇д̇аа ган̣хо. часу д̣̇звалогзсу ад̇хибад̇ид̇д̇аа ад̇хибад̇и. агусалаанам̣ д̇хаммаанам̣ анд̇ам̣ г̇ад̇ад̇д̇аа анд̇аг̇уу. баабаж̇анам̣ на мун̃жад̇ийд̇и намужи. сад̇ивиббаваасаббамад̇д̇абуг̇г̇алаанам̣ н̃аад̇агод̇и бамад̇д̇аб̣анд̇ху. сзсам̣ саб̣б̣ад̇т̇а баагадамзва.
Mahājanaṃ pāse niyojetvā māretīti māro. Akusalakamme niyuttattā kaṇho. Chasu devalokesu adhipatittā adhipati. Akusalānaṃ dhammānaṃ antaṃ gatattā antagū. Pāpajanaṃ na muñcatīti namuci. Sativippavāsappamattapuggalānaṃ ñātakoti pamattabandhu. Sesaṃ sabbattha pākaṭameva.
звам̣ бхаг̇аваа ид̣̇амби суд̇д̇ам̣ арахад̇д̇анигуудзнзва д̣̇зсзси, д̣̇зсанаабарияосаанз жа буб̣б̣асад̣̇исова д̇хаммаабхисамаяо ахосийд̇и.
Evaṃ bhagavā idampi suttaṃ arahattanikūṭeneva desesi, desanāpariyosāne ca pubbasadisova dhammābhisamayo ahosīti.
сад̣̇д̇хаммаббаж̇ж̇од̇игааяа жуул̣анид̣̇д̣̇зса-адтагат̇ааяа
Saddhammappajjotikāya cūḷaniddesa-aṭṭhakathāya
габбамаан̣авасуд̇д̇анид̣̇д̣̇зсаван̣н̣анаа нидтид̇аа.
Kappamāṇavasuttaniddesavaṇṇanā niṭṭhitā.
Next: 11. ж̇ад̇уган̣н̣имаан̣авасуд̇д̇анид̣̇д̣̇зсаван̣н̣анаа • 11. Jatukaṇṇimāṇavasuttaniddesavaṇṇanā
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / жуул̣анид̣̇д̣̇зсабаал̣и • Cūḷaniddesapāḷi
10. габбамаан̣авабужчаа • 10. Kappamāṇavapucchā
10. габбамаан̣авабужчаанид̣̇д̣̇зсо • 10. Kappamāṇavapucchāniddeso
