| Library / Tipiṭaka / ਤਿਪਿਟਕ • Tipiṭaka / ਚੂਲ਼ਨਿਦ੍ਦੇਸ-ਅਟ੍ਠਕਥਾ • Cūḷaniddesa-aṭṭhakathā |
੧੦. ਕਪ੍ਪਮਾਣવਸੁਤ੍ਤਨਿਦ੍ਦੇਸવਣ੍ਣਨਾ
10. Kappamāṇavasuttaniddesavaṇṇanā
੬੧. ਦਸਮੇ ਕਪ੍ਪਸੁਤ੍ਤਨਿਦ੍ਦੇਸੇ – ਮਜ੍ਝੇ ਸਰਸ੍ਮਿਨ੍ਤਿ ਪੁਰਿਮਪਚ੍ਛਿਮਕੋਟਿਪਞ੍ਞਾਣਾਭਾવਤੋ ਮਜ੍ਝਭੂਤੇ ਸਂਸਾਰੇਤਿ વੁਤ੍ਤਂ ਹੋਤਿ। ਤਿਟ੍ਠਤਨ੍ਤਿ ਤਿਟ੍ਠਮਾਨਾਨਂ। ਯਥਾਯਿਦਂ ਨਾਪਰਂ ਸਿਯਾਤਿ ਯਥਾ ਇਦਂ ਦੁਕ੍ਖਂ ਪੁਨ ਨ ਭવੇਯ੍ਯ।
61. Dasame kappasuttaniddese – majjhe sarasminti purimapacchimakoṭipaññāṇābhāvato majjhabhūte saṃsāreti vuttaṃ hoti. Tiṭṭhatanti tiṭṭhamānānaṃ. Yathāyidaṃ nāparaṃ siyāti yathā idaṃ dukkhaṃ puna na bhaveyya.
ਆਗਮਨਨ੍ਤਿ ਪੁਬ੍ਬਨ੍ਤਤੋ ਇਧਾਗਮਨਂ। ਗਮਨਨ੍ਤਿ ਇਤੋ ਪਰਲੋਕਗਮਨਂ। ਗਮਨਾਗਮਨਨ੍ਤਿ ਤਦੁਭਯવਸੇਨ વੁਤ੍ਤਂ। ਕਾਲਨ੍ਤਿ ਮਰਣਕਾਲਂ। ਗਤੀਤਿ ਨਿਬ੍ਬਤ੍ਤਿ। ਭવਾਭવੋਤਿ ਭવਤੋ ਭવੋ। ਚੁਤਿ ਚਾਤਿ ਭવਤੋ ਚવਨਞ੍ਚ। ਉਪਪਤ੍ਤਿ ਚਾਤਿ ਚੁਤਸ੍ਸ ਉਪਪਤ੍ਤਿ ਚ। ਨਿਬ੍ਬਤ੍ਤਿ ਚਾਤਿ ਪਾਤੁਭਾવੋ ਚ। ਭੇਦੋ ਚਾਤਿ ਖਨ੍ਧਭੇਦੋ ਚ। ਜਾਤਿ ਚਾਤਿ ਜਨਨਞ੍ਚ। ਜਰਾ ਚਾਤਿ ਹਾਨਿ ਚ। ਮਰਣਞ੍ਚਾਤਿ ਜੀવਿਤਿਨ੍ਦ੍ਰਿਯਸ੍ਸ ਚਾਗੋ ਚ। ਪੁਰਿਮਾਪਿ ਕੋਟਿ ਨ ਪਞ੍ਞਾਯਤੀਤਿ ਪੁਬ੍ਬਾਪਿ ਕੋਟਿ ਨਤ੍ਥਿ ਨ ਸਂવਿਜ੍ਜਤਿ। ਤਥਾ ਪਚ੍ਛਿਮਾਪਿ ਕੋਟਿ।
Āgamananti pubbantato idhāgamanaṃ. Gamananti ito paralokagamanaṃ. Gamanāgamananti tadubhayavasena vuttaṃ. Kālanti maraṇakālaṃ. Gatīti nibbatti. Bhavābhavoti bhavato bhavo. Cuti cāti bhavato cavanañca. Upapatti cāti cutassa upapatti ca. Nibbatti cāti pātubhāvo ca. Bhedo cāti khandhabhedo ca. Jāti cāti jananañca. Jarā cāti hāni ca. Maraṇañcāti jīvitindriyassa cāgo ca. Purimāpi koṭi na paññāyatīti pubbāpi koṭi natthi na saṃvijjati. Tathā pacchimāpi koṭi.
ਏਤ੍ਤਕਾ ਜਾਤਿਯੋਤਿ ਏਤਪਰਮਾ ਜਾਤਿਯੋ। વਟ੍ਟਂ વਤ੍ਤੀਤਿ ਸਂਸਾਰਪવਤ੍ਤਿ। ਤਤੋ ਪਰਂ ਨ વਤ੍ਤਤੀਤਿ ਤਤੋ ਉਦ੍ਧਂ ਨਪ੍ਪવਤ੍ਤਤਿ। ਹੇવਂ ਨਤ੍ਥੀਤਿ ਏવਂ ਨਤ੍ਥਿ ਨ ਸਂવਿਜ੍ਜਤਿ। ਹਿ-ਇਤਿ ਨਿਪਾਤੋ। ਅਨਮਤਗ੍ਗੋਯਨ੍ਤਿ ਅਯਂ ਸਂਸਾਰੋ ਅવਿਦਿਤਗ੍ਗੋ।
Ettakā jātiyoti etaparamā jātiyo. Vaṭṭaṃ vattīti saṃsārapavatti. Tato paraṃ na vattatīti tato uddhaṃ nappavattati. Hevaṃ natthīti evaṃ natthi na saṃvijjati. Hi-iti nipāto. Anamataggoyanti ayaṃ saṃsāro aviditaggo.
ਅવਿਜ੍ਜਾਨੀવਰਣਾਨਨ੍ਤਿ ਅવਿਜ੍ਜਾਯ ਆવਰਿਤਾਨਂ। ਤਣ੍ਹਾਸਂਯੋਜਨਾਨਨ੍ਤਿ ਕਾਮਰਾਗਸਙ੍ਖਾਤਤਣ੍ਹਾਬਨ੍ਧਨਬਦ੍ਧਾਨਂ। ਸਨ੍ਧਾવਤਨ੍ਤਿ ਕਾਮਧਾਤੁਯਾ ਪੁਨਪ੍ਪੁਨਂ ਧਾવਨ੍ਤਾਨਂ। ਸਂਸਰਤਨ੍ਤਿ ਰੂਪਾਰੂਪਧਾਤੁਯਾ ਸਂਸਰਨ੍ਤਾਨਂ। ਦੁਕ੍ਖਂ ਪਚ੍ਚਨੁਭੂਤਨ੍ਤਿ ਕਾਯਿਕਚੇਤਸਿਕਦੁਕ੍ਖਂ ਅਨੁਭੂਤਂ વਿਨ੍ਦਿਤਂ। ਤਿਬ੍ਬਨ੍ਤਿ ਬਹਲਂ। ਬ੍ਯਸਨਨ੍ਤਿ ਅવਡ੍ਢਿ વਿਨਾਸੋ। ਕਟਸੀ વਡ੍ਢਿਤਾਤਿ ਸੁਸਾਨવਡ੍ਢਿਤਂ। ਅਲਮੇવਾਤਿ ਯੁਤ੍ਤਮੇવ । ਸਬ੍ਬਸਙ੍ਖਾਰੇਸੂਤਿ ਤੇਭੂਮਕਸਙ੍ਖਾਰੇਸੁ। ਨਿਬ੍ਬਿਨ੍ਦਿਤੁਨ੍ਤਿ ਉਕ੍ਕਣ੍ਠਿਤੁਂ। વਿਰਜ੍ਜਿਤੁਨ੍ਤਿ વਿਰਾਗਂ ਉਪ੍ਪਾਦੇਤੁਂ। વਿਮੁਚ੍ਚਿਤੁਨ੍ਤਿ ਮੋਚੇਤੁਂ। વਟ੍ਟਂ વਤ੍ਤਿਸ੍ਸਤੀਤਿ ਸਂਸਾਰਪવਤ੍ਤਂ ਤੇਭੂਮਕવਟ੍ਟਂ ਅਨਾਗਤੇ ਪવਤ੍ਤਿਸ੍ਸਤਿ। ਤਤੋ ਪਰਂ ਨ વਤ੍ਤਿਸ੍ਸਤੀਤਿ ਤਤੋ ਉਦ੍ਧਂ ਅਨਾਗਤੇ ਸਂਸਾਰਪવਤ੍ਤਂ ਨਪ੍ਪવਤ੍ਤਿਸ੍ਸਤਿ। ਜਾਤਿਭਯੇਤਿ ਜਾਤਿਂ ਪਟਿਚ੍ਚ ਉਪ੍ਪਜ੍ਜਨਕਭਯੇ। ਜਰਾਭਯਾਦੀਸੁਪਿ ਏਸੇવ ਨਯੋ।
Avijjānīvaraṇānanti avijjāya āvaritānaṃ. Taṇhāsaṃyojanānanti kāmarāgasaṅkhātataṇhābandhanabaddhānaṃ. Sandhāvatanti kāmadhātuyā punappunaṃ dhāvantānaṃ. Saṃsaratanti rūpārūpadhātuyā saṃsarantānaṃ. Dukkhaṃ paccanubhūtanti kāyikacetasikadukkhaṃ anubhūtaṃ vinditaṃ. Tibbanti bahalaṃ. Byasananti avaḍḍhi vināso. Kaṭasī vaḍḍhitāti susānavaḍḍhitaṃ. Alamevāti yuttameva . Sabbasaṅkhāresūti tebhūmakasaṅkhāresu. Nibbinditunti ukkaṇṭhituṃ. Virajjitunti virāgaṃ uppādetuṃ. Vimuccitunti mocetuṃ. Vaṭṭaṃ vattissatīti saṃsārapavattaṃ tebhūmakavaṭṭaṃ anāgate pavattissati. Tato paraṃ na vattissatīti tato uddhaṃ anāgate saṃsārapavattaṃ nappavattissati. Jātibhayeti jātiṃ paṭicca uppajjanakabhaye. Jarābhayādīsupi eseva nayo.
੬੨-੩. ਅਥਸ੍ਸ ਭਗવਾ ਤਮਤ੍ਥਂ ਬ੍ਯਾਕਰੋਨ੍ਤੋ ਉਪਰੂਪਰਿਗਾਥਾਯੋ ਅਭਾਸਿ। ਦੁਤਿਯਗਾਥਾ વੁਤ੍ਤਤ੍ਥਾਯੇવ। ਤਤਿਯਗਾਥਾਯ ਅਕਿਞ੍ਚਨਨ੍ਤਿ ਕਿਞ੍ਚਨਪਟਿਪਕ੍ਖਂ। ਅਨਾਦਾਨਨ੍ਤਿ ਆਦਾਨਪਟਿਪਕ੍ਖਂ, ਕਿਞ੍ਚਨਾਦਾਨવੂਪਸਮਨ੍ਤਿ વੁਤ੍ਤਂ ਹੋਤਿ। ਅਨਾਪਰਨ੍ਤਿ ਅਪਰਪਟਿਭਾਗਦੀਪવਿਰਹਿਤਂ, ਸੇਟ੍ਠਨ੍ਤਿ વੁਤ੍ਤਂ ਹੋਤਿ।
62-3. Athassa bhagavā tamatthaṃ byākaronto uparūparigāthāyo abhāsi. Dutiyagāthā vuttatthāyeva. Tatiyagāthāya akiñcananti kiñcanapaṭipakkhaṃ. Anādānanti ādānapaṭipakkhaṃ, kiñcanādānavūpasamanti vuttaṃ hoti. Anāparanti aparapaṭibhāgadīpavirahitaṃ, seṭṭhanti vuttaṃ hoti.
੬੪. ਚਤੁਤ੍ਥਗਾਥਾਯ ਨ ਤੇ ਮਾਰਸ੍ਸ ਪਦ੍ਧਗੂਤਿ ਤੇ ਮਾਰਸ੍ਸ ਪਦ੍ਧਚਰਾ ਪਰਿਚਾਰਿਕਾ ਸਿਸ੍ਸਾ ਨ ਹੋਨ੍ਤਿ।
64. Catutthagāthāya na te mārassa paddhagūti te mārassa paddhacarā paricārikā sissā na honti.
ਮਹਾਜਨਂ ਪਾਸੇ ਨਿਯੋਜੇਤ੍વਾ ਮਾਰੇਤੀਤਿ ਮਾਰੋ। ਅਕੁਸਲਕਮ੍ਮੇ ਨਿਯੁਤ੍ਤਤ੍ਤਾ ਕਣ੍ਹੋ। ਛਸੁ ਦੇવਲੋਕੇਸੁ ਅਧਿਪਤਿਤ੍ਤਾ ਅਧਿਪਤਿ। ਅਕੁਸਲਾਨਂ ਧਮ੍ਮਾਨਂ ਅਨ੍ਤਂ ਗਤਤ੍ਤਾ ਅਨ੍ਤਗੂ। ਪਾਪਜਨਂ ਨ ਮੁਞ੍ਚਤੀਤਿ ਨਮੁਚਿ। ਸਤਿવਿਪ੍ਪવਾਸਪ੍ਪਮਤ੍ਤਪੁਗ੍ਗਲਾਨਂ ਞਾਤਕੋਤਿ ਪਮਤ੍ਤਬਨ੍ਧੁ। ਸੇਸਂ ਸਬ੍ਬਤ੍ਥ ਪਾਕਟਮੇવ।
Mahājanaṃ pāse niyojetvā māretīti māro. Akusalakamme niyuttattā kaṇho. Chasu devalokesu adhipatittā adhipati. Akusalānaṃ dhammānaṃ antaṃ gatattā antagū. Pāpajanaṃ na muñcatīti namuci. Sativippavāsappamattapuggalānaṃ ñātakoti pamattabandhu. Sesaṃ sabbattha pākaṭameva.
ਏવਂ ਭਗવਾ ਇਦਮ੍ਪਿ ਸੁਤ੍ਤਂ ਅਰਹਤ੍ਤਨਿਕੂਟੇਨੇવ ਦੇਸੇਸਿ, ਦੇਸਨਾਪਰਿਯੋਸਾਨੇ ਚ ਪੁਬ੍ਬਸਦਿਸੋવ ਧਮ੍ਮਾਭਿਸਮਯੋ ਅਹੋਸੀਤਿ।
Evaṃ bhagavā idampi suttaṃ arahattanikūṭeneva desesi, desanāpariyosāne ca pubbasadisova dhammābhisamayo ahosīti.
ਸਦ੍ਧਮ੍ਮਪ੍ਪਜ੍ਜੋਤਿਕਾਯ ਚੂਲ਼ਨਿਦ੍ਦੇਸ-ਅਟ੍ਠਕਥਾਯ
Saddhammappajjotikāya cūḷaniddesa-aṭṭhakathāya
ਕਪ੍ਪਮਾਣવਸੁਤ੍ਤਨਿਦ੍ਦੇਸવਣ੍ਣਨਾ ਨਿਟ੍ਠਿਤਾ।
Kappamāṇavasuttaniddesavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਖੁਦ੍ਦਕਨਿਕਾਯ • Khuddakanikāya / ਚੂਲ਼ਨਿਦ੍ਦੇਸਪਾਲ਼ਿ • Cūḷaniddesapāḷi
੧੦. ਕਪ੍ਪਮਾਣવਪੁਚ੍ਛਾ • 10. Kappamāṇavapucchā
੧੦. ਕਪ੍ਪਮਾਣવਪੁਚ੍ਛਾਨਿਦ੍ਦੇਸੋ • 10. Kappamāṇavapucchāniddeso
