| Library / Tipiṭaka / д̇ибидага • Tipiṭaka / абад̣̇аана-адтагат̇аа • Apadāna-aṭṭhakathā |
10. габбаругкияад̇т̇зраабад̣̇аанаван̣н̣анаа
10. Kapparukkhiyattheraapadānavaṇṇanā
сид̣̇д̇хад̇т̇асса бхаг̇авад̇од̇иаад̣̇игам̣ ааяасмад̇о габбаругкияад̇т̇зрасса абад̣̇аанам̣ (т̇зраг̇аа. адта. 2.576). аяамби буримаб̣уд̣̇д̇хзсу гад̇аад̇хигааро д̇зсу д̇зсу бхавзсу ниб̣б̣аанаад̇хиг̇амуубааяабхууд̇аани бун̃н̃аани убажинанд̇о сид̣̇д̇хад̇т̇асса бхаг̇авад̇о гаалз вибхавасамбаннз згасмим̣ гулз ниб̣б̣ад̇д̇о махад̣̇д̇хано махаабхог̇о сад̇т̇ари басанно сад̇д̇ахи рад̇анзхи вижид̇д̇ам̣ суван̣н̣амаяам̣ габбаругкам̣ гаарзд̇ваа сид̣̇д̇хад̇т̇асса бхаг̇авад̇о жзд̇ияасса саммукз табзд̇ваа бууж̇зси. со зваруубам̣ бун̃н̃ам̣ гад̇ваа яаавад̇ааяугам̣ тад̇ваа д̇ад̇о жуд̇о суг̇ад̇ийсуязва сам̣саранд̇о гамзна имасмим̣ б̣уд̣̇д̇хуббаад̣̇з згасмим̣ гулаг̇зхз ниб̣б̣ад̇д̇о вин̃н̃уд̇ам̣ бад̇д̇о гхарааваасам̣ сан̣табзд̇ваа рад̇анад̇д̇аяз басанно д̇хаммам̣ суд̇ваа бадилад̣̇д̇хасад̣̇д̇хо сад̇т̇у аараад̇хзд̇ваа баб̣б̣аж̇ид̇о нажирассзва арахад̇д̇ам̣ бад̇ваа буб̣б̣з гад̇агусаланаамзна габбаругкияад̇т̇зрод̇и баагадо ахоси.
Siddhatthassa bhagavatotiādikaṃ āyasmato kapparukkhiyattherassa apadānaṃ (theragā. aṭṭha. 2.576). Ayampi purimabuddhesu katādhikāro tesu tesu bhavesu nibbānādhigamūpāyabhūtāni puññāni upacinanto siddhatthassa bhagavato kāle vibhavasampanne ekasmiṃ kule nibbatto mahaddhano mahābhogo satthari pasanno sattahi ratanehi vicittaṃ suvaṇṇamayaṃ kapparukkhaṃ kāretvā siddhatthassa bhagavato cetiyassa sammukhe ṭhapetvā pūjesi. So evarūpaṃ puññaṃ katvā yāvatāyukaṃ ṭhatvā tato cuto sugatīsuyeva saṃsaranto kamena imasmiṃ buddhuppāde ekasmiṃ kulagehe nibbatto viññutaṃ patto gharāvāsaṃ saṇṭhapetvā ratanattaye pasanno dhammaṃ sutvā paṭiladdhasaddho satthu ārādhetvā pabbajito nacirasseva arahattaṃ patvā pubbe katakusalanāmena kapparukkhiyattheroti pākaṭo ahosi.
108. со звам̣ бад̇д̇аарахад̇д̇апало ад̇д̇ано буб̣б̣агаммам̣ сарид̇ваа соманассавасзна буб̣б̣ажарид̇аабад̣̇аанам̣ багаасзнд̇о сид̣̇д̇хад̇т̇асса бхаг̇авад̇од̇иаад̣̇имааха. т̇уубасздтасса саммукаад̇и сздтасса уд̇д̇амасса д̇хаад̇унихид̇ат̇уубасса жзд̇ияасса саммукадтаанз вижид̇д̇ад̣̇уссз анзгаван̣н̣зхи висамзна висад̣̇исзна жид̇д̇зна манохарз жинабаддасомаарабаддаад̣̇игз д̣̇уссз . лаг̇зд̇ваа олаг̇г̇зд̇ваа габбаругкам̣ табзсим̣ ахам̣ бад̇идтабзсинд̇и ад̇т̇о. сзсам̣ уд̇д̇аанад̇т̇амзваад̇и.
108. So evaṃ pattaarahattaphalo attano pubbakammaṃ saritvā somanassavasena pubbacaritāpadānaṃ pakāsento siddhatthassa bhagavatotiādimāha. Thūpaseṭṭhassa sammukhāti seṭṭhassa uttamassa dhātunihitathūpassa cetiyassa sammukhaṭṭhāne vicittadusse anekavaṇṇehi visamena visadisena cittena manohare cinapaṭṭasomārapaṭṭādike dusse . Lagetvā olaggetvā kapparukkhaṃ ṭhapesiṃ ahaṃ patiṭṭhapesinti attho. Sesaṃ uttānatthamevāti.
габбаругкияад̇т̇зраабад̣̇аанаван̣н̣анаа самад̇д̇аа.
Kapparukkhiyattheraapadānavaṇṇanā samattā.
жад̇уд̇т̇аваг̇г̇аван̣н̣анаа самад̇д̇аа.
Catutthavaggavaṇṇanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / абад̣̇аанабаал̣и • Apadānapāḷi / 10. габбаругкияад̇т̇зраабад̣̇аанам̣ • 10. Kapparukkhiyattheraapadānaṃ
