| Library / Tipiṭaka / ਤਿਪਿਟਕ • Tipiṭaka / ਅਪਦਾਨ-ਅਟ੍ਠਕਥਾ • Apadāna-aṭṭhakathā |
੧੦. ਕਪ੍ਪਰੁਕ੍ਖਿਯਤ੍ਥੇਰਅਪਦਾਨવਣ੍ਣਨਾ
10. Kapparukkhiyattheraapadānavaṇṇanā
ਸਿਦ੍ਧਤ੍ਥਸ੍ਸ ਭਗવਤੋਤਿਆਦਿਕਂ ਆਯਸ੍ਮਤੋ ਕਪ੍ਪਰੁਕ੍ਖਿਯਤ੍ਥੇਰਸ੍ਸ ਅਪਦਾਨਂ (ਥੇਰਗਾ॰ ਅਟ੍ਠ॰ ੨.੫੭੬)। ਅਯਮ੍ਪਿ ਪੁਰਿਮਬੁਦ੍ਧੇਸੁ ਕਤਾਧਿਕਾਰੋ ਤੇਸੁ ਤੇਸੁ ਭવੇਸੁ ਨਿਬ੍ਬਾਨਾਧਿਗਮੂਪਾਯਭੂਤਾਨਿ ਪੁਞ੍ਞਾਨਿ ਉਪਚਿਨਨ੍ਤੋ ਸਿਦ੍ਧਤ੍ਥਸ੍ਸ ਭਗવਤੋ ਕਾਲੇ વਿਭવਸਮ੍ਪਨ੍ਨੇ ਏਕਸ੍ਮਿਂ ਕੁਲੇ ਨਿਬ੍ਬਤ੍ਤੋ ਮਹਦ੍ਧਨੋ ਮਹਾਭੋਗੋ ਸਤ੍ਥਰਿ ਪਸਨ੍ਨੋ ਸਤ੍ਤਹਿ ਰਤਨੇਹਿ વਿਚਿਤ੍ਤਂ ਸੁવਣ੍ਣਮਯਂ ਕਪ੍ਪਰੁਕ੍ਖਂ ਕਾਰੇਤ੍વਾ ਸਿਦ੍ਧਤ੍ਥਸ੍ਸ ਭਗવਤੋ ਚੇਤਿਯਸ੍ਸ ਸਮ੍ਮੁਖੇ ਠਪੇਤ੍વਾ ਪੂਜੇਸਿ। ਸੋ ਏવਰੂਪਂ ਪੁਞ੍ਞਂ ਕਤ੍વਾ ਯਾવਤਾਯੁਕਂ ਠਤ੍વਾ ਤਤੋ ਚੁਤੋ ਸੁਗਤੀਸੁਯੇવ ਸਂਸਰਨ੍ਤੋ ਕਮੇਨ ਇਮਸ੍ਮਿਂ ਬੁਦ੍ਧੁਪ੍ਪਾਦੇ ਏਕਸ੍ਮਿਂ ਕੁਲਗੇਹੇ ਨਿਬ੍ਬਤ੍ਤੋ વਿਞ੍ਞੁਤਂ ਪਤ੍ਤੋ ਘਰਾવਾਸਂ ਸਣ੍ਠਪੇਤ੍વਾ ਰਤਨਤ੍ਤਯੇ ਪਸਨ੍ਨੋ ਧਮ੍ਮਂ ਸੁਤ੍વਾ ਪਟਿਲਦ੍ਧਸਦ੍ਧੋ ਸਤ੍ਥੁ ਆਰਾਧੇਤ੍વਾ ਪਬ੍ਬਜਿਤੋ ਨਚਿਰਸ੍ਸੇવ ਅਰਹਤ੍ਤਂ ਪਤ੍વਾ ਪੁਬ੍ਬੇ ਕਤਕੁਸਲਨਾਮੇਨ ਕਪ੍ਪਰੁਕ੍ਖਿਯਤ੍ਥੇਰੋਤਿ ਪਾਕਟੋ ਅਹੋਸਿ।
Siddhatthassa bhagavatotiādikaṃ āyasmato kapparukkhiyattherassa apadānaṃ (theragā. aṭṭha. 2.576). Ayampi purimabuddhesu katādhikāro tesu tesu bhavesu nibbānādhigamūpāyabhūtāni puññāni upacinanto siddhatthassa bhagavato kāle vibhavasampanne ekasmiṃ kule nibbatto mahaddhano mahābhogo satthari pasanno sattahi ratanehi vicittaṃ suvaṇṇamayaṃ kapparukkhaṃ kāretvā siddhatthassa bhagavato cetiyassa sammukhe ṭhapetvā pūjesi. So evarūpaṃ puññaṃ katvā yāvatāyukaṃ ṭhatvā tato cuto sugatīsuyeva saṃsaranto kamena imasmiṃ buddhuppāde ekasmiṃ kulagehe nibbatto viññutaṃ patto gharāvāsaṃ saṇṭhapetvā ratanattaye pasanno dhammaṃ sutvā paṭiladdhasaddho satthu ārādhetvā pabbajito nacirasseva arahattaṃ patvā pubbe katakusalanāmena kapparukkhiyattheroti pākaṭo ahosi.
੧੦੮. ਸੋ ਏવਂ ਪਤ੍ਤਅਰਹਤ੍ਤਫਲੋ ਅਤ੍ਤਨੋ ਪੁਬ੍ਬਕਮ੍ਮਂ ਸਰਿਤ੍વਾ ਸੋਮਨਸ੍ਸવਸੇਨ ਪੁਬ੍ਬਚਰਿਤਾਪਦਾਨਂ ਪਕਾਸੇਨ੍ਤੋ ਸਿਦ੍ਧਤ੍ਥਸ੍ਸ ਭਗવਤੋਤਿਆਦਿਮਾਹ। ਥੂਪਸੇਟ੍ਠਸ੍ਸ ਸਮ੍ਮੁਖਾਤਿ ਸੇਟ੍ਠਸ੍ਸ ਉਤ੍ਤਮਸ੍ਸ ਧਾਤੁਨਿਹਿਤਥੂਪਸ੍ਸ ਚੇਤਿਯਸ੍ਸ ਸਮ੍ਮੁਖਟ੍ਠਾਨੇ વਿਚਿਤ੍ਤਦੁਸ੍ਸੇ ਅਨੇਕવਣ੍ਣੇਹਿ વਿਸਮੇਨ વਿਸਦਿਸੇਨ ਚਿਤ੍ਤੇਨ ਮਨੋਹਰੇ ਚਿਨਪਟ੍ਟਸੋਮਾਰਪਟ੍ਟਾਦਿਕੇ ਦੁਸ੍ਸੇ । ਲਗੇਤ੍વਾ ਓਲਗ੍ਗੇਤ੍વਾ ਕਪ੍ਪਰੁਕ੍ਖਂ ਠਪੇਸਿਂ ਅਹਂ ਪਤਿਟ੍ਠਪੇਸਿਨ੍ਤਿ ਅਤ੍ਥੋ। ਸੇਸਂ ਉਤ੍ਤਾਨਤ੍ਥਮੇવਾਤਿ।
108. So evaṃ pattaarahattaphalo attano pubbakammaṃ saritvā somanassavasena pubbacaritāpadānaṃ pakāsento siddhatthassa bhagavatotiādimāha. Thūpaseṭṭhassa sammukhāti seṭṭhassa uttamassa dhātunihitathūpassa cetiyassa sammukhaṭṭhāne vicittadusse anekavaṇṇehi visamena visadisena cittena manohare cinapaṭṭasomārapaṭṭādike dusse . Lagetvā olaggetvā kapparukkhaṃ ṭhapesiṃ ahaṃ patiṭṭhapesinti attho. Sesaṃ uttānatthamevāti.
ਕਪ੍ਪਰੁਕ੍ਖਿਯਤ੍ਥੇਰਅਪਦਾਨવਣ੍ਣਨਾ ਸਮਤ੍ਤਾ।
Kapparukkhiyattheraapadānavaṇṇanā samattā.
ਚਤੁਤ੍ਥવਗ੍ਗવਣ੍ਣਨਾ ਸਮਤ੍ਤਾ।
Catutthavaggavaṇṇanā samattā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਖੁਦ੍ਦਕਨਿਕਾਯ • Khuddakanikāya / ਅਪਦਾਨਪਾਲ਼ਿ • Apadānapāḷi / ੧੦. ਕਪ੍ਪਰੁਕ੍ਖਿਯਤ੍ਥੇਰਅਪਦਾਨਂ • 10. Kapparukkhiyattheraapadānaṃ
