| Library / Tipiṭaka / திபிடக • Tipiṭaka / ஸுத்தனிபாத-அட்ட²கதா² • Suttanipāta-aṭṭhakathā |
10. கப்பஸுத்தவண்ணனா
10. Kappasuttavaṇṇanā
1099. மஜ்ஜே² ஸரஸ்மிந்தி கப்பஸுத்தங். தத்த² மஜ்ஜே² ஸரஸ்மிந்தி புரிமபச்சி²மகோடிபஞ்ஞாணாபா⁴வதோ மஜ்ஜ²பூ⁴தே ஸங்ஸாரேதி வுத்தங் ஹோதி. திட்ட²தந்தி திட்ட²மானானங். யதா²யித³ங் நாபரங் ஸியாதி யதா² இத³ங் து³க்க²ங் புன ந ப⁴வெய்ய.
1099.Majjhesarasminti kappasuttaṃ. Tattha majjhe sarasminti purimapacchimakoṭipaññāṇābhāvato majjhabhūte saṃsāreti vuttaṃ hoti. Tiṭṭhatanti tiṭṭhamānānaṃ. Yathāyidaṃ nāparaṃ siyāti yathā idaṃ dukkhaṃ puna na bhaveyya.
1101-2. அத²ஸ்ஸ ப⁴க³வா தமத்த²ங் ப்³யாகரொந்தோ திஸ்ஸோ கா³தா²யோ அபா⁴ஸி. தத்த² அகிஞ்சனந்தி கிஞ்சனபடிபக்க²ங். அனாதா³னந்தி ஆதா³னபடிபக்க²ங், கிஞ்சனாதா³னவூபஸமந்தி வுத்தங் ஹோதி. அனாபரந்தி அபரபடிபா⁴க³தீ³பவிரஹிதங், ஸெட்ட²ந்தி வுத்தங் ஹோதி. ந தே மாரஸ்ஸ பத்³த⁴கூ³தி தே மாரஸ்ஸ பத்³த⁴சரா பரிசாரகா ஸிஸ்ஸா ந ஹொந்தி. ஸேஸங் ஸப்³ப³த்த² பாகடமேவ.
1101-2. Athassa bhagavā tamatthaṃ byākaronto tisso gāthāyo abhāsi. Tattha akiñcananti kiñcanapaṭipakkhaṃ. Anādānanti ādānapaṭipakkhaṃ, kiñcanādānavūpasamanti vuttaṃ hoti. Anāparanti aparapaṭibhāgadīpavirahitaṃ, seṭṭhanti vuttaṃ hoti. Na te mārassa paddhagūti te mārassa paddhacarā paricārakā sissā na honti. Sesaṃ sabbattha pākaṭameva.
ஏவங் ப⁴க³வா இமம்பி ஸுத்தங் அரஹத்தனிகூடேனேவ தே³ஸேஸி தே³ஸனாபரியோஸானே ச புப்³ப³ஸதி³ஸோ ஏவ த⁴ம்மாபி⁴ஸமயோ அஹோஸீதி.
Evaṃ bhagavā imampi suttaṃ arahattanikūṭeneva desesi desanāpariyosāne ca pubbasadiso eva dhammābhisamayo ahosīti.
பரமத்த²ஜோதிகாய கு²த்³த³க-அட்ட²கதா²ய
Paramatthajotikāya khuddaka-aṭṭhakathāya
ஸுத்தனிபாத-அட்ட²கதா²ய கப்பஸுத்தவண்ணனா நிட்டி²தா.
Suttanipāta-aṭṭhakathāya kappasuttavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / கு²த்³த³கனிகாய • Khuddakanikāya / ஸுத்தனிபாதபாளி • Suttanipātapāḷi / 10. கப்பமாணவபுச்சா² • 10. Kappamāṇavapucchā
