| Library / Tipiṭaka / තිපිටක • Tipiṭaka / අඞ්‌ගුත්‌තරනිකාය (අට්‌ඨකථා) • Aṅguttaranikāya (aṭṭhakathā) |
6. කප්‌පසුත්‌තවණ්‌ණනා
6. Kappasuttavaṇṇanā
156. ඡට්‌ඨෙ සංවට්‌ටතීති එත්‌ථ තයො සංවට්‌ටා ආපොසංවට්‌ටො, තෙජොසංවට්‌ටො, වායොසංවට්‌ටොති. තිස්‌සො සංවට්‌ටසීමා ආභස්‌සරා, සුභකිණ්‌හා, වෙහප්‌ඵලාති. යදා කප්‌පො තෙජෙන සංවට්‌ටති, ආභස්‌සරතො හෙට්‌ඨා අග්‌ගිනා ඩය්‌හති. යදා ආපෙන සංවට්‌ටති, සුභකිණ්‌හතො හෙට්‌ඨා උදකෙන විලීයති. යදා වාතෙන සංවට්‌ටති, වෙහප්‌ඵලතො හෙට්‌ඨා වාතෙන විද්‌ධංසති. විත්‌ථාරතො පන සදාපි එකං බුද්‌ධක්‌ඛෙත්‌තං විනස්‌සති. අයමෙත්‌ථ සඞ්‌ඛෙපො, විත්‌ථාරකථා පන විසුද්‌ධිමග්‌ගෙ (විසුද්‌ධි. 2.403-404 ආදයො) වුත්‌තනයෙනෙව වෙදිතබ්‌බා.
156. Chaṭṭhe saṃvaṭṭatīti ettha tayo saṃvaṭṭā āposaṃvaṭṭo, tejosaṃvaṭṭo, vāyosaṃvaṭṭoti. Tisso saṃvaṭṭasīmā ābhassarā, subhakiṇhā, vehapphalāti. Yadā kappo tejena saṃvaṭṭati, ābhassarato heṭṭhā agginā ḍayhati. Yadā āpena saṃvaṭṭati, subhakiṇhato heṭṭhā udakena vilīyati. Yadā vātena saṃvaṭṭati, vehapphalato heṭṭhā vātena viddhaṃsati. Vitthārato pana sadāpi ekaṃ buddhakkhettaṃ vinassati. Ayamettha saṅkhepo, vitthārakathā pana visuddhimagge (visuddhi. 2.403-404 ādayo) vuttanayeneva veditabbā.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / අඞ්‌ගුත්‌තරනිකාය • Aṅguttaranikāya / 6. කප්‌පසුත්‌තං • 6. Kappasuttaṃ
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / අඞ්‌ගුත්‌තරනිකාය (ටීකා) • Aṅguttaranikāya (ṭīkā) / 6-8. කප්‌පසුත්‌තාදිවණ්‌ණනා • 6-8. Kappasuttādivaṇṇanā
