| Library / Tipiṭaka / ਤਿਪਿਟਕ • Tipiṭaka / ਸੁਤ੍ਤਨਿਪਾਤ-ਅਟ੍ਠਕਥਾ • Suttanipāta-aṭṭhakathā |
੧੦. ਕਪ੍ਪਸੁਤ੍ਤવਣ੍ਣਨਾ
10. Kappasuttavaṇṇanā
੧੦੯੯. ਮਜ੍ਝੇ ਸਰਸ੍ਮਿਨ੍ਤਿ ਕਪ੍ਪਸੁਤ੍ਤਂ। ਤਤ੍ਥ ਮਜ੍ਝੇ ਸਰਸ੍ਮਿਨ੍ਤਿ ਪੁਰਿਮਪਚ੍ਛਿਮਕੋਟਿਪਞ੍ਞਾਣਾਭਾવਤੋ ਮਜ੍ਝਭੂਤੇ ਸਂਸਾਰੇਤਿ વੁਤ੍ਤਂ ਹੋਤਿ। ਤਿਟ੍ਠਤਨ੍ਤਿ ਤਿਟ੍ਠਮਾਨਾਨਂ। ਯਥਾਯਿਦਂ ਨਾਪਰਂ ਸਿਯਾਤਿ ਯਥਾ ਇਦਂ ਦੁਕ੍ਖਂ ਪੁਨ ਨ ਭવੇਯ੍ਯ।
1099.Majjhesarasminti kappasuttaṃ. Tattha majjhe sarasminti purimapacchimakoṭipaññāṇābhāvato majjhabhūte saṃsāreti vuttaṃ hoti. Tiṭṭhatanti tiṭṭhamānānaṃ. Yathāyidaṃ nāparaṃ siyāti yathā idaṃ dukkhaṃ puna na bhaveyya.
੧੧੦੧-੨. ਅਥਸ੍ਸ ਭਗવਾ ਤਮਤ੍ਥਂ ਬ੍ਯਾਕਰੋਨ੍ਤੋ ਤਿਸ੍ਸੋ ਗਾਥਾਯੋ ਅਭਾਸਿ। ਤਤ੍ਥ ਅਕਿਞ੍ਚਨਨ੍ਤਿ ਕਿਞ੍ਚਨਪਟਿਪਕ੍ਖਂ। ਅਨਾਦਾਨਨ੍ਤਿ ਆਦਾਨਪਟਿਪਕ੍ਖਂ, ਕਿਞ੍ਚਨਾਦਾਨવੂਪਸਮਨ੍ਤਿ વੁਤ੍ਤਂ ਹੋਤਿ। ਅਨਾਪਰਨ੍ਤਿ ਅਪਰਪਟਿਭਾਗਦੀਪવਿਰਹਿਤਂ, ਸੇਟ੍ਠਨ੍ਤਿ વੁਤ੍ਤਂ ਹੋਤਿ। ਨ ਤੇ ਮਾਰਸ੍ਸ ਪਦ੍ਧਗੂਤਿ ਤੇ ਮਾਰਸ੍ਸ ਪਦ੍ਧਚਰਾ ਪਰਿਚਾਰਕਾ ਸਿਸ੍ਸਾ ਨ ਹੋਨ੍ਤਿ। ਸੇਸਂ ਸਬ੍ਬਤ੍ਥ ਪਾਕਟਮੇવ।
1101-2. Athassa bhagavā tamatthaṃ byākaronto tisso gāthāyo abhāsi. Tattha akiñcananti kiñcanapaṭipakkhaṃ. Anādānanti ādānapaṭipakkhaṃ, kiñcanādānavūpasamanti vuttaṃ hoti. Anāparanti aparapaṭibhāgadīpavirahitaṃ, seṭṭhanti vuttaṃ hoti. Na te mārassa paddhagūti te mārassa paddhacarā paricārakā sissā na honti. Sesaṃ sabbattha pākaṭameva.
ਏવਂ ਭਗવਾ ਇਮਮ੍ਪਿ ਸੁਤ੍ਤਂ ਅਰਹਤ੍ਤਨਿਕੂਟੇਨੇવ ਦੇਸੇਸਿ ਦੇਸਨਾਪਰਿਯੋਸਾਨੇ ਚ ਪੁਬ੍ਬਸਦਿਸੋ ਏવ ਧਮ੍ਮਾਭਿਸਮਯੋ ਅਹੋਸੀਤਿ।
Evaṃ bhagavā imampi suttaṃ arahattanikūṭeneva desesi desanāpariyosāne ca pubbasadiso eva dhammābhisamayo ahosīti.
ਪਰਮਤ੍ਥਜੋਤਿਕਾਯ ਖੁਦ੍ਦਕ-ਅਟ੍ਠਕਥਾਯ
Paramatthajotikāya khuddaka-aṭṭhakathāya
ਸੁਤ੍ਤਨਿਪਾਤ-ਅਟ੍ਠਕਥਾਯ ਕਪ੍ਪਸੁਤ੍ਤવਣ੍ਣਨਾ ਨਿਟ੍ਠਿਤਾ।
Suttanipāta-aṭṭhakathāya kappasuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਖੁਦ੍ਦਕਨਿਕਾਯ • Khuddakanikāya / ਸੁਤ੍ਤਨਿਪਾਤਪਾਲ਼ਿ • Suttanipātapāḷi / ੧੦. ਕਪ੍ਪਮਾਣવਪੁਚ੍ਛਾ • 10. Kappamāṇavapucchā
