| Library / Tipiṭaka / තිපිටක • Tipiṭaka / ථෙරගාථාපාළි • Theragāthāpāḷi |
10. කප්‌පටකුරත්‌ථෙරගාථා
10. Kappaṭakurattheragāthā
199.
199.
‘‘අයමිති කප්‌පටො කප්‌පටකුරො, අච්‌ඡාය අතිභරිතාය 1;
‘‘Ayamiti kappaṭo kappaṭakuro, acchāya atibharitāya 2;
අමතඝටිකායං ධම්‌මකටමත්‌තො 3, කතපදං ඣානානි ඔචෙතුං.
Amataghaṭikāyaṃ dhammakaṭamatto 4, katapadaṃ jhānāni ocetuṃ.
200.
200.
‘‘මා ඛො ත්‌වං කප්‌පට පචාලෙසි, මා ත්‌වං උපකණ්‌ණම්‌හි තාළෙස්‌සං;
‘‘Mā kho tvaṃ kappaṭa pacālesi, mā tvaṃ upakaṇṇamhi tāḷessaṃ;
න හි 5 ත්‌වං කප්‌පට මත්‌තමඤ්‌ඤාසි, සඞ්‌ඝමජ්‌ඣම්‌හි පචලායමානොති.
Na hi 6 tvaṃ kappaṭa mattamaññāsi, saṅghamajjhamhi pacalāyamānoti.
… කප්‌පටකුරො ථෙරො….
… Kappaṭakuro thero….
වග්‌ගො චතුත්‌ථො නිට්‌ඨිතො.
Vaggo catuttho niṭṭhito.
තස්‌සුද්‌දානං –
Tassuddānaṃ –
මිගසිරො සිවකො ච, උපවානො ච පණ්‌ඩිතො;
Migasiro sivako ca, upavāno ca paṇḍito;
ඉසිදින්‌නො ච කච්‌චානො, නිතකො ච මහාවසී;
Isidinno ca kaccāno, nitako ca mahāvasī;
පොටිරියපුත්‌තො නිසභො, උසභො කප්‌පටකුරොති.
Poṭiriyaputto nisabho, usabho kappaṭakuroti.
Footnotes:
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / ඛුද්‌දකනිකාය (අට්‌ඨකථා) • Khuddakanikāya (aṭṭhakathā) / ථෙරගාථා-අට්‌ඨකථා • Theragāthā-aṭṭhakathā / 10. කප්‌පටකුරත්‌ථෙරගාථාවණ්‌ණනා • 10. Kappaṭakurattheragāthāvaṇṇanā
