| Library / Tipiṭaka / д̇ибидага • Tipiṭaka / т̇зраг̇аат̇аа-адтагат̇аа • Theragāthā-aṭṭhakathā |
10. габбадагурад̇т̇зраг̇аат̇ааван̣н̣анаа
10. Kappaṭakurattheragāthāvaṇṇanā
аяамид̇и габбадод̇и ааяасмад̇о габбадагурад̇т̇зрасса г̇аат̇аа. гаа уббад̇д̇и. аяамби буримаб̣уд̣̇д̇хзсу гад̇аад̇хигааро д̇ад̇т̇а д̇ад̇т̇а бхавз бун̃н̃аани убажинанд̇о вибассисса бхаг̇авад̇о гаалз гулаг̇зхз ниб̣б̣ад̇д̇ид̇ваа вин̃н̃уд̇ам̣ бад̇д̇о згад̣̇ивасам̣ бхаг̇аванд̇ам̣ винад̇ааяа наама над̣̇ияаа д̇ийрз ан̃н̃ад̇арасмим̣ ругкамуулз нисиннам̣ д̣̇исваа басаннамаанасо гзд̇агабубпзхи бууж̇ам̣ агааси. со д̇зна бун̃н̃агаммзна д̣̇звамануссзсу сам̣саранд̇о имасмим̣ б̣уд̣̇д̇хуббаад̣̇з саавад̇т̇ияам̣ д̣̇уг̇г̇ад̇агулз ниб̣б̣ад̇д̇ид̇ваа яаава ваяаббад̇д̇и, д̇аава ан̃н̃ам̣ убааяам̣ аж̇аананд̇о габбадакан̣д̣аниваасано сараавахад̇т̇о д̇ад̇т̇а д̇ад̇т̇а гурам̣ бариязсанд̇о вижари, д̇зна габбадагурод̇взва бан̃н̃ааяид̇т̇а. со ваяаббад̇д̇о д̇ин̣ам̣ виггин̣ид̇ваа ж̇ийвигам̣ габбзнд̇о згад̣̇ивасам̣ д̇ин̣алааванад̇т̇ам̣ аран̃н̃ам̣ г̇ад̇о д̇ад̇т̇а ан̃н̃ад̇арам̣ кийн̣аасавад̇т̇зрам̣ д̣̇исваа д̇ам̣ убасан̇гамид̇ваа ванд̣̇ид̇ваа нисийд̣̇и. д̇асса т̇зро д̇хаммам̣ гат̇зси. со д̇хаммам̣ суд̇ваа бадилад̣̇д̇хасад̣̇д̇хо ‘‘гим̣ мз имааяа гижчаж̇ийвигааяаа’’д̇и баб̣б̣аж̇ид̇ваа ад̇д̇ано нивад̇т̇агаббадажол̣ам̣ згасмим̣ таанз нигкиби. яад̣̇аа жасса анабхирад̇и уббаж̇ж̇ад̇и, д̇ад̣̇аа д̇ам̣ габбадам̣ ологзнд̇асса анабхирад̇и виг̇ажчад̇и, сам̣взг̇ам̣ бадилабхи. звам̣ гаронд̇о сад̇д̇агкад̇д̇ум̣ уббаб̣б̣аж̇и. д̇асса д̇ам̣ гааран̣ам̣ бхигкуу бхаг̇авад̇о аарожзсум̣. ат̇згад̣̇ивасам̣ габбадагуро бхигку д̇хаммасабхааяам̣ барисабарияанд̇з нисинно нид̣̇д̣̇ааяад̇и, д̇ам̣ бхаг̇аваа жод̣̇знд̇о –
Ayamitikappaṭoti āyasmato kappaṭakurattherassa gāthā. Kā uppatti. Ayampi purimabuddhesu katādhikāro tattha tattha bhave puññāni upacinanto vipassissa bhagavato kāle kulagehe nibbattitvā viññutaṃ patto ekadivasaṃ bhagavantaṃ vinatāya nāma nadiyā tīre aññatarasmiṃ rukkhamūle nisinnaṃ disvā pasannamānaso ketakapupphehi pūjaṃ akāsi. So tena puññakammena devamanussesu saṃsaranto imasmiṃ buddhuppāde sāvatthiyaṃ duggatakule nibbattitvā yāva vayappatti, tāva aññaṃ upāyaṃ ajānanto kappaṭakhaṇḍanivāsano sarāvahattho tattha tattha kuraṃ pariyesanto vicari, tena kappaṭakurotveva paññāyittha. So vayappatto tiṇaṃ vikkiṇitvā jīvikaṃ kappento ekadivasaṃ tiṇalāvanatthaṃ araññaṃ gato tattha aññataraṃ khīṇāsavattheraṃ disvā taṃ upasaṅkamitvā vanditvā nisīdi. Tassa thero dhammaṃ kathesi. So dhammaṃ sutvā paṭiladdhasaddho ‘‘kiṃ me imāya kicchajīvikāyā’’ti pabbajitvā attano nivatthakappaṭacoḷaṃ ekasmiṃ ṭhāne nikkhipi. Yadā cassa anabhirati uppajjati, tadā taṃ kappaṭaṃ olokentassa anabhirati vigacchati, saṃvegaṃ paṭilabhi. Evaṃ karonto sattakkhattuṃ uppabbaji. Tassa taṃ kāraṇaṃ bhikkhū bhagavato ārocesuṃ. Athekadivasaṃ kappaṭakuro bhikkhu dhammasabhāyaṃ parisapariyante nisinno niddāyati, taṃ bhagavā codento –
199.
199.
‘‘аяамид̇и габбадо габбадагуро, ажчааяа ад̇ибхарид̇ааяа;
‘‘Ayamiti kappaṭo kappaṭakuro, acchāya atibharitāya;
амад̇агхадигааяам̣ д̇хаммагадамад̇д̇о, гад̇абад̣̇ам̣ жхаанаани ожзд̇ум̣.
Amataghaṭikāyaṃ dhammakaṭamatto, katapadaṃ jhānāni ocetuṃ.
200.
200.
‘‘маа ко д̇вам̣ габбада бажаалзси, маа д̇вам̣ убаган̣н̣амхи д̇аал̣зссам̣;
‘‘Mā kho tvaṃ kappaṭa pacālesi, mā tvaṃ upakaṇṇamhi tāḷessaṃ;
на хи д̇вам̣ габбада мад̇д̇аман̃н̃ааси, сан̇гхамаж̇жхамхи бажалааяамаано’’д̇и. –
Na hi tvaṃ kappaṭa mattamaññāsi, saṅghamajjhamhi pacalāyamāno’’ti. –
г̇аат̇аад̣̇ваяам̣ абхааси.
Gāthādvayaṃ abhāsi.
д̇ад̇т̇а аяамид̇и габбадо габбадагурод̇и габбадагуро бхигку ‘‘аяам̣ мама габбадо, имам̣ барид̣̇ахид̇ваа яат̇аа д̇ат̇аа ж̇ийваамий’’д̇и звам̣ уббаннамижчаавид̇агго ажчааяа ад̇ибхарид̇ааяа амад̇агхадигааяам̣ мама амад̇агхадз д̇ахам̣ д̇ахам̣ вассанд̇з ‘‘амад̇амад̇хиг̇ад̇ам̣ ахаманусаасаами, ахам̣ д̇хаммам̣ д̣̇зсзми’’ (махаава. 12; ма. ни. 1.286; 2.342). ‘‘анд̇хийбхууд̇асмим̣ логасмим̣, аахан̃чам̣ амад̇ад̣̇унд̣̇убхи’’нд̇иаад̣̇инаа (махаава. 11; ма. ни. 1.285; 2.341) гхосзд̇ваа маяаа д̇хаммаамад̇з бавассияамаанз гад̇абад̣̇ам̣ жхаанаани ожзд̇ум̣ логияалогуд̇д̇араж̇жхаанаани убажзд̇ум̣ бхаавзд̇ум̣ гад̇абад̣̇ам̣ гадамаг̇г̇авихид̇абхааванаамаг̇г̇ам̣ ид̣̇ам̣ мама саасанам̣, д̇ат̇ааби д̇хаммагадамад̇д̇о мама саасанад̇хаммад̇о угган̣тажид̇д̇о абаг̇ад̇амаанасо габбадагурод̇и д̇ам̣ жод̣̇зд̇ваа бунабисса саход̣дхам̣ жорам̣ г̇ан̣ханд̇о вияа бамаад̣̇авихаарам̣ д̣̇ассзнд̇о ‘‘маа ко д̇вам̣, габбада, бажаалзсий’’д̇и г̇аат̇амааха.
Tattha ayamiti kappaṭo kappaṭakuroti kappaṭakuro bhikkhu ‘‘ayaṃ mama kappaṭo, imaṃ paridahitvā yathā tathā jīvāmī’’ti evaṃ uppannamicchāvitakko acchāya atibharitāya amataghaṭikāyaṃ mama amataghaṭe tahaṃ tahaṃ vassante ‘‘amatamadhigataṃ ahamanusāsāmi, ahaṃ dhammaṃ desemi’’ (mahāva. 12; ma. ni. 1.286; 2.342). ‘‘Andhībhūtasmiṃ lokasmiṃ, āhañchaṃ amatadundubhi’’ntiādinā (mahāva. 11; ma. ni. 1.285; 2.341) ghosetvā mayā dhammāmate pavassiyamāne katapadaṃ jhānāni ocetuṃ lokiyalokuttarajjhānāni upacetuṃ bhāvetuṃ katapadaṃ kaṭamaggavihitabhāvanāmaggaṃ idaṃ mama sāsanaṃ, tathāpi dhammakaṭamatto mama sāsanadhammato ukkaṇṭhacitto apagatamānaso kappaṭakuroti taṃ codetvā punapissa sahoḍḍhaṃ coraṃ gaṇhanto viya pamādavihāraṃ dassento ‘‘mā kho tvaṃ, kappaṭa, pacālesī’’ti gāthamāha.
д̇ад̇т̇а маа ко д̇вам̣, габбада, бажаалзсийд̇и д̇вам̣, габбадагура, ‘‘мама д̇хаммам̣ сун̣иссаамий’’д̇и нисийд̣̇ид̇ваа маа ко бажаалзси маа бажалаахи маа нид̣̇д̣̇ам̣ убаг̇ажчи. маа д̇вам̣ убаган̣н̣амхи д̇аал̣зссанд̇и д̇ам̣ нид̣̇д̣̇ааяамаанам̣ убаган̣н̣амхи ган̣н̣асамийбз д̣̇зсанаахад̇т̇зна ахам̣ маа бад̇аал̣зссам̣. яат̇аа ид̇о барам̣ гилзсаббахаанааяа ахам̣ д̇ам̣ на овад̣̇зяяам̣, д̇ат̇аа бадибаж̇ж̇аахийд̇и ад̇т̇о. на хи д̇вам̣, габбада, мад̇д̇аман̃н̃аасийд̇и д̇вам̣, габбада, сан̇гхамаж̇жхамхи бажалааяамаано мад̇д̇ам̣ бамаан̣ам̣ на ваа ман̃н̃аси, ‘‘аяамад̇ид̣̇уллабхо кан̣о бадилад̣̇д̇хо, со маа убаж̇жхаг̇аа’’д̇и зд̇д̇агамби на ж̇аанааси, басса яаава жа д̇з абарад̣̇д̇ханд̇и жод̣̇зси.
Tattha mā kho tvaṃ, kappaṭa, pacālesīti tvaṃ, kappaṭakura, ‘‘mama dhammaṃ suṇissāmī’’ti nisīditvā mā kho pacālesi mā pacalāhi mā niddaṃ upagacchi. Mā tvaṃ upakaṇṇamhi tāḷessanti taṃ niddāyamānaṃ upakaṇṇamhi kaṇṇasamīpe desanāhatthena ahaṃ mā patāḷessaṃ. Yathā ito paraṃ kilesappahānāya ahaṃ taṃ na ovadeyyaṃ, tathā paṭipajjāhīti attho. Na hi tvaṃ, kappaṭa, mattamaññāsīti tvaṃ, kappaṭa, saṅghamajjhamhi pacalāyamāno mattaṃ pamāṇaṃ na vā maññasi, ‘‘ayamatidullabho khaṇo paṭiladdho, so mā upajjhagā’’ti ettakampi na jānāsi, passa yāva ca te aparaddhanti codesi.
звам̣ бхаг̇авад̇аа д̣̇вийхи г̇аат̇аахи г̇аал̣хам̣ д̇ам̣ ниг̇г̇аяха жод̣̇анааяа гад̇ааяа адтивзд̇хавид̣̇д̇хо вияа жан̣д̣аг̇аж̇о маг̇г̇ам̣ од̇аранд̇о вияа жа сан̃ж̇аад̇асам̣взг̇о вибассанам̣ бадтабзд̇ваа нажирассзва арахад̇д̇ам̣ баабун̣и. д̇зна вуд̇д̇ам̣ абад̣̇аанз (аба. т̇зра 2.52.17-22) –
Evaṃ bhagavatā dvīhi gāthāhi gāḷhaṃ taṃ niggayha codanāya katāya aṭṭhivedhaviddho viya caṇḍagajo maggaṃ otaranto viya ca sañjātasaṃvego vipassanaṃ paṭṭhapetvā nacirasseva arahattaṃ pāpuṇi. Tena vuttaṃ apadāne (apa. thera 2.52.17-22) –
‘‘винад̇аанад̣̇ияаа д̇ийрз, вихааси бурисуд̇д̇амо;
‘‘Vinatānadiyā tīre, vihāsi purisuttamo;
ад̣̇д̣̇асам̣ вираж̇ам̣ б̣уд̣̇д̇хам̣, згаг̇г̇ам̣ сусамаахид̇ам̣.
Addasaṃ virajaṃ buddhaṃ, ekaggaṃ susamāhitaṃ.
‘‘мад̇хуг̇анд̇хасса бубпзна, гзд̇агасса ахам̣ д̇ад̣̇аа;
‘‘Madhugandhassa pupphena, ketakassa ahaṃ tadā;
басаннажид̇д̇о сумано, б̣уд̣̇д̇хасздтамабууж̇аяим̣.
Pasannacitto sumano, buddhaseṭṭhamapūjayiṃ.
‘‘зганавуд̇ид̇о габбз, яам̣ бубпамабхибууж̇аяим̣;
‘‘Ekanavutito kappe, yaṃ pupphamabhipūjayiṃ;
д̣̇уг̇г̇ад̇им̣ наабхиж̇аанаами, б̣уд̣̇д̇хабууж̇ааяид̣̇ам̣ палам̣.
Duggatiṃ nābhijānāmi, buddhapūjāyidaṃ phalaṃ.
‘‘гилзсаа жхаабид̇аа маяхам̣…бз… гад̇ам̣ б̣уд̣̇д̇хасса саасана’’нд̇и.
‘‘Kilesā jhāpitā mayhaṃ…pe… kataṃ buddhassa sāsana’’nti.
арахад̇д̇ам̣ бана бад̇ваа сад̇т̇аараа вуд̇д̇аг̇аат̇аад̣̇ваяамзва ад̇д̇ано арахад̇д̇аад̇хиг̇аманасса ан̇гусабхууд̇анд̇и бажжуд̣̇аахааси. д̇знасса д̇ад̣̇зва ан̃н̃ааб̣яаагаран̣ам̣ ахосийд̇и.
Arahattaṃ pana patvā satthārā vuttagāthādvayameva attano arahattādhigamanassa aṅkusabhūtanti paccudāhāsi. Tenassa tadeva aññābyākaraṇaṃ ahosīti.
габбадагурад̇т̇зраг̇аат̇ааван̣н̣анаа нидтид̇аа.
Kappaṭakurattheragāthāvaṇṇanā niṭṭhitā.
жад̇уд̇т̇аваг̇г̇аван̣н̣анаа нидтид̇аа.
Catutthavaggavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зраг̇аат̇аабаал̣и • Theragāthāpāḷi / 10. габбадагурад̇т̇зраг̇аат̇аа • 10. Kappaṭakurattheragāthā
