| Library / Tipiṭaka / तिपिटक • Tipiṭaka / कथावत्थुपाळि • Kathāvatthupāḷi |
१३. तेरसमवग्गो
13. Terasamavaggo
(१२६) १. कप्पट्ठकथा
(126) 1. Kappaṭṭhakathā
६५४. कप्पट्ठो कप्पं तिट्ठेय्याति? आमन्ता। कप्पो च सण्ठाति बुद्धो च लोके उप्पज्जतीति? न हेवं वत्तब्बे…पे॰…। कप्पट्ठो कप्पं तिट्ठेय्याति? आमन्ता। कप्पो च सण्ठाति सङ्घो च भिज्जतीति? न हेवं वत्तब्बे…पे॰… कप्पट्ठो कप्पं तिट्ठेय्याति? आमन्ता। कप्पो च सण्ठाति कप्पट्ठो च कप्पट्ठियं कम्मं करोतीति? न हेवं वत्तब्बे…पे॰… कप्पट्ठो कप्पं तिट्ठेय्याति? आमन्ता। कप्पो च सण्ठाति कप्पट्ठो च पुग्गलो कालं करोतीति? न हेवं वत्तब्बे…पे॰…।
654. Kappaṭṭho kappaṃ tiṭṭheyyāti? Āmantā. Kappo ca saṇṭhāti buddho ca loke uppajjatīti? Na hevaṃ vattabbe…pe…. Kappaṭṭho kappaṃ tiṭṭheyyāti? Āmantā. Kappo ca saṇṭhāti saṅgho ca bhijjatīti? Na hevaṃ vattabbe…pe… kappaṭṭho kappaṃ tiṭṭheyyāti? Āmantā. Kappo ca saṇṭhāti kappaṭṭho ca kappaṭṭhiyaṃ kammaṃ karotīti? Na hevaṃ vattabbe…pe… kappaṭṭho kappaṃ tiṭṭheyyāti? Āmantā. Kappo ca saṇṭhāti kappaṭṭho ca puggalo kālaṃ karotīti? Na hevaṃ vattabbe…pe….
६५५. कप्पट्ठो कप्पं तिट्ठेय्याति? आमन्ता। अतीतं कप्पं तिट्ठेय्य, अनागतं कप्पं तिट्ठेय्याति? न हेवं वत्तब्बे…पे॰… कप्पट्ठो कप्पं तिट्ठेय्याति? आमन्ता। द्वे कप्पे तिट्ठेय्य… तयो कप्पे तिट्ठेय्य… चत्तारो कप्पे तिट्ठेय्याति? न हेवं वत्तब्बे…पे॰…।
655. Kappaṭṭho kappaṃ tiṭṭheyyāti? Āmantā. Atītaṃ kappaṃ tiṭṭheyya, anāgataṃ kappaṃ tiṭṭheyyāti? Na hevaṃ vattabbe…pe… kappaṭṭho kappaṃ tiṭṭheyyāti? Āmantā. Dve kappe tiṭṭheyya… tayo kappe tiṭṭheyya… cattāro kappe tiṭṭheyyāti? Na hevaṃ vattabbe…pe….
६५६. कप्पट्ठो कप्पं तिट्ठेय्याति? आमन्ता। कप्पट्ठो कप्पे डय्हन्ते कत्थ गच्छतीति? अञ्ञं लोकधातुं गच्छतीति। मतो गच्छति, वेहासं गच्छतीति? मतो गच्छतीति। कप्पट्ठियं कम्मं अपरापरियवेपक्कन्ति? न हेवं वत्तब्बे…पे॰… 1 वेहासं गच्छतीति? आमन्ता 2। कप्पट्ठो इद्धिमाति? न हेवं वत्तब्बे…पे॰… कप्पट्ठो इद्धिमाति? आमन्ता। कप्पट्ठेन छन्दिद्धिपादो भावितो वीरियिद्धिपादो भावितो चित्तिद्धिपादो भावितो वीमंसिद्धिपादो भावितोति? न हेवं वत्तब्बे…पे॰…।
656. Kappaṭṭho kappaṃ tiṭṭheyyāti? Āmantā. Kappaṭṭho kappe ḍayhante kattha gacchatīti? Aññaṃ lokadhātuṃ gacchatīti. Mato gacchati, vehāsaṃ gacchatīti? Mato gacchatīti. Kappaṭṭhiyaṃ kammaṃ aparāpariyavepakkanti? Na hevaṃ vattabbe…pe… 3 vehāsaṃ gacchatīti? Āmantā 4. Kappaṭṭho iddhimāti? Na hevaṃ vattabbe…pe… kappaṭṭho iddhimāti? Āmantā. Kappaṭṭhena chandiddhipādo bhāvito vīriyiddhipādo bhāvito cittiddhipādo bhāvito vīmaṃsiddhipādo bhāvitoti? Na hevaṃ vattabbe…pe….
६५७. न वत्तब्बं – ‘‘कप्पट्ठो कप्पं तिट्ठेय्या’’ति? आमन्ता। ननु वुत्तं भगवता –
657. Na vattabbaṃ – ‘‘kappaṭṭho kappaṃ tiṭṭheyyā’’ti? Āmantā. Nanu vuttaṃ bhagavatā –
‘‘आपायिको नेरयिको, कप्पट्ठो सङ्घभेदको।
‘‘Āpāyiko nerayiko, kappaṭṭho saṅghabhedako;
वग्गरतो अधम्मट्ठो, योगक्खेमा पधंसति।
Vaggarato adhammaṭṭho, yogakkhemā padhaṃsati;
अत्थेव सुत्तन्तोति? आमन्ता। तेन हि कप्पट्ठो कप्पं तिट्ठेय्याति।
Attheva suttantoti? Āmantā. Tena hi kappaṭṭho kappaṃ tiṭṭheyyāti.
कप्पट्ठकथा निट्ठिता।
Kappaṭṭhakathā niṭṭhitā.
Footnotes:
Related texts:
अट्ठकथा • Aṭṭhakathā / अभिधम्मपिटक (अट्ठकथा) • Abhidhammapiṭaka (aṭṭhakathā) / पञ्चपकरण-अट्ठकथा • Pañcapakaraṇa-aṭṭhakathā / १. कप्पट्ठकथावण्णना • 1. Kappaṭṭhakathāvaṇṇanā
टीका • Tīkā / अभिधम्मपिटक (टीका) • Abhidhammapiṭaka (ṭīkā) / पञ्चपकरण-मूलटीका • Pañcapakaraṇa-mūlaṭīkā / १. कप्पट्ठकथावण्णना • 1. Kappaṭṭhakathāvaṇṇanā
टीका • Tīkā / अभिधम्मपिटक (टीका) • Abhidhammapiṭaka (ṭīkā) / पञ्चपकरण-अनुटीका • Pañcapakaraṇa-anuṭīkā / १. कप्पट्ठकथावण्णना • 1. Kappaṭṭhakathāvaṇṇanā
